田記魚蛋牛腩專門店 (塘尾道)

营业中

休息中

6:30pm落堂，成八個鐘冇食嘢，好肚餓😵 所以快快趣搵間餐廳醫肚。係街見到呢間嘅招牌好sharp，就入咗去😂🐂 崩沙牛腩河粉（多蔥）$43自從我試過崩沙腩之後，每次見到餐廳有得嗌都一定試～ 呢間大大碗，而且崩沙腩嘅份量唔少！崩沙腩肥瘦啱啱好，牛味真係夠濃郁💯 肉質軟腍，完全唔黐牙，筋膜部分就口感煙韌爽口😋 另外仲有白蘿蔔，清甜無渣，蔥好香口，值得一提嘅係個湯唔會太濃味，唔會搞到好口渴👍🏻🥬 通菜 $8配埋鹹香嘅腐乳，通菜都幾嫩口，唔會有渣，$8性價比高👍🏻🥛 熱杏霜 $6見到層奶皮好開心☺️ 飲落果然味道香濃，口感creamy順滑，正🤤一直都有很多人黎堂食/外賣，原來呢度仲可以買丸仔或者肉類👍🏻 老闆娘幾好態度，環境夠曬光猛，同埋仲播住啲幾in嘅歌。估唔到比我撞彩搵到咁正嘅餐廳😆

作為牛腩關注組成員之一，知道「田記」的牛腩頗為出名，我就必須要親身嚐一下，看看其炮製牛腩的功力如何。我在OpenRice 查詢，看到塘尾道店的有最多好評，就去這間。看到田記門面，寫着這裡的魚蛋是自家製造，所以都想順道試試。除牛腩之外，自家製的魚蛋都可以反映一間粉面店的實力。中午時份，田記店內已經座無虛席，看得出大部分都是街坊食開的，證明田記有它的魅力可以吸引回頭客。• 1. 崩沙牛腩河粉今日來的目的就是要一試田記的牛腩。既然田記有崩沙牛腩，寫明是煙韌爽口，牛味濃郁，那就當然要驗明正身。不要以為田記是在「吹水」，崩沙牛腩的肥瘦層次分別，咬一口實在無需過多咀嚼，牛味超濃。餐牌寫着崩沙牛腩是數量有限賣完即止，可以的話一定要叫崩沙牛腩，絕對推薦。• 2. 牛三寶米線食過崩沙牛腩，都想嚐嚐牛的其他部位。食開粉面的都知道，牛腩、牛肚和牛筋都是在港式粉面中最受歡迎的，難得田記有一碗「牛三寶」可以滿足到三個要求，實在太方便。牛三款的牛腩就比剛才崩沙牛腩的有些分別，相對之下會較瘦。不過牛筋和牛肚處理得不錯，牛筋非常大條，其骨膠原十足；牛肚就不韌口，頗為彈牙。• 3. 淨魚三寶剛才提到，田記的魚蛋是自家製

崩沙腩和細佬晚餐，特意食牛腩！店內燈光明亮，乾淨企理，台台都有紙巾。雷生堂對面，好易搵。店員推介崩沙腩，一試難忘，高質素！.崩沙牛腩河粉 $43 😋😋😋😋😋細佬加$6叫了凍豆漿。$43食到崩沙腩，絕對性價比高，份量多，牛尾重，油份夠，軟稔適中，餐牌上寫煙靭爽口牛味濃郁，果然無錯！推介，鍾意食牛唔可以錯過。.牛三寶河粉 $43 😋😋😋😋有牛腩、牛筋、金錢肚，岩晒鍾意咩都有啲嘅我，叫埋杯凍檸茶少甜少冰，絕配！每樣份量都好足，牛筋滿滿骨膠原，金錢肚爽口！牛腩唔使講，好食。.淨魚三寶 $31 😋😋😋😋有魚蛋、魚片頭、魚皮餃，魚蛋好好食，好彈牙！魚片頭都幾多人叫外賣，食左大半個鐘都有3個叫魚片頭。.蠔油菜心、生菜跟麵疫情價各加$8，兩個菜都係$16，好抵食！.

今日嚟咗呢度食午飯，專程係食佢嘅崩沙腩，由於河粉比較肥膩，所以一般我都會叫米粉， $43有崩沙腩米粉食，算幾唔錯。特別欣賞佢嘅崩沙腩，分開咗三層，最頂果層係肥膏，中間嗰層係牛腩，底下嗰層係牛筋，三層鮮明，入口即溶，係非常唔錯。以前食開有啲牛腩，中間非常硬，但今次就完全冇呢個經驗。👍米粉亦都幾爽，食落去嘅時候唔會特別淋，幾好。然之後我叫咗呢度嘅腐乳通菜，午餐食嘅時候，只需要加$8就可以；最後我叫咗杯凍華田，都係加$8，略甜，可以再濃少少。

今日喺太子做完嘢打算慢慢行去下一站深水埗途中經過塘尾道發現呢一條街有好多小店個時間過咗下午茶但係又唔想食好Heavy嘅晚餐見呢間門口大大個餐牌明碼實價入面又幾光猛咁所以就入去坐低啦坐低無耐姐姐就過嚟問我食乜仲會好貼心咁問多句你碗麵使唔使加葱嘅？食物價錢都真係幾親民加菜加嘢飲仲平過喺旺角食嘅套餐價錢🤫由於今日唔係好想食肉所以叫咗個魚三寶米粉加色為健康着想再加多碟芥蘭😂同埋叫咗支白豆漿豆漿仲有黑豆漿可以揀等食期間留意吓枱面嘅醬料估唔到連魚露都有😂仲要中英對照好鬼貼心(長知識系列:魚露英文係fiah sauce呀😂)好快就有得食☺️首先嚟嘅係碟芥蘭加$8嚟講份量真係算幾多平時嗰啲數埋應該唔過五條菜菜仲要啲蠔油勁大方我呢個醬怪都食唔晒啲蠔油🤣之後就到碗麵上枱米粉都幾多食完好飽三款餸之中最令我印象深刻係個魚片頭！真係非常之彈牙再加埋啲辣椒油都好香成件事生色不少咁嘅價錢有嘢飲有菜有大大碗麵欣賞店家👏🏾

魚魚旦粉是多代人的回憶，現在百物騰貴，時代變了，味道變質，鮮魚的價錢也貴了。這個流傳在街頭巷尾有名小吃，變到貴了。想不到今天朋友的推介，吃回了小時候感覺。 淨魚旦魚旦之Q彈記憶猶新。一試愛上。手打魚蛋柔軟爽彈. 手打魚蛋買少見少，現今多個店的熟食檔魚旦幾乎全部機打，這店卻堅持用百分百冰鮮黃尾魚打漿起 ... 崩沙腩飯店內之好吃牛腩和崩沙腩亦是人氣之選，朋友分析，才知道崩沙腩及牛腩的分別呢，崩沙腩是牛之橫膈膜，筋膜連肉，也是牛比較矜貴之位置，抵吃！這店崩沙腩走掉了頂部根的爽彈口感，但腩肉比起坑腩更淋，肥瘦剛剛好。入口即溶，完全一點肥膩的感覺亦沒。 紫菜湯河河粉份量不少，滑。今日專程跟朋友去一試!太子分店距離地鐵站只有一段路程，大約行幾分鐘左右，也到了，所以不要錯過呢。 

拎份文件去太子比個客，同事們叫我幫佢哋去田記買粉麵外賣返公司，個個都話好好食。秘製豬手粗麵，豬手炆得夠味又夠林，豬皮爽彈滑，麵咬落好爽口。湯底夠濃味，香甜可口。崩沙牛腩麵，崩沙腩是牛的橫膈膜，筋膜連着少少的肉，肥瘦剛剛好。豐富膠質，爽軟不硬，口感豐富。除了肉，也是因為腩汁吸收了牛腩的精華，混在清湯裏，牛香味特別濃郁。金牌牛腩麵，牛腩是帶有筋、肉、油花的肉塊。腩身燜至夠軟稔，香滑入味。爽口牛丸麵，牛丸非常爽口, 而且有濃郁牛肉味, 咬起來有肉汁。淨鳳城水餃餡料豐富， 食材包括木耳、竹筍和鮮蝦等，水餃蝦鮮筍爽，口感豐富。

今日真係好忙，做完嘢已經晚上8點多，限食到10點，趕唔切叫老公出來食，唯有買外賣返屋企食，記得女兒喜歡食田記魚蛋牛腩專門店嘅崩沙牛腩，咁啱經過太子分店，買些回家做晚餐！崩沙牛腩配魚皮餃麵：崩沙牛腩炆得好入味。因為帶少許脂肪口感林滑，湯底因為加咗腩汁所以特別惹味，麵底爽口，掛上湯汁特別好味！魚皮餃皮薄餡靚，且有魚味及口感。金錢牛肚麵：金錢肚炆得入味，林度剛剛好，有口感唔會韌。招牌魚蛋河粉：自家製特別彈牙，百分百魚肉每日新鮮製造，魚蛋魚片都鮮甜味十足，配滑溜的河粉一流！鮮蝦雲吞麵：雲吞皮薄餡鮮，每粒都有爽口的鮮蝦，幼麵爽口彈牙。

位於太子的一家街坊魚蛋粉麵店，價錢經濟。主打崩沙腩及牛腩汁湯底的粉麵。粉麵：崩沙牛腩金錢牛肚雙拼河粉這裡的價錢不算貴。由於崩沙腩為較少吃的牛部位，一來不是每間麵店都有供應，二來價錢不便宜，份量不多。崩沙腩上面的一層薄膜，爽口煙韌，口感彈牙，而牛腩部分軟腍，充滿肉汁，牛味香口。湯底方面，額外添加腩汁，味道稍為濃香。粉麵：金錢牛肚鳳城水餃雙拼河粉每條牛肚的紋路清晰，整塊都呈蜂巢形，而且切得闊條，爽彈入味。一咬下去湯汁溢出。雖然鳳城水餃不算大隻，但是皮非常薄，餡料足料，蝦肉彈牙。河粉則是較幼細的那款，滑口。油菜：蠔油菜芯菜芯新鮮，色澤綠油油，灼菜較健康。

今日又嚟到田記食米粉，附近愈開愈多咖啡店，價錢都愈嚟愈貴，田記算係比較抵食嘅一間。崩沙腩米粉上次嚟食唔到崩沙腩，今次一定要叫返。牛腩嚟講基本分為坑腩、爽腩同埋崩沙腩，當中以崩沙腩最受歡迎，價錢亦都稍為貴少少。崩沙腩係橫膈膜附近、牛肚兩邊嘅腩位，膠質豐富，爽軟而不硬，口感豐富。配上米粉感覺就清爽啲。牛三寶米粉除左崩沙腩，牛三寶都同樣好味。牛三寶包括牛腩、牛筋同埋牛肚，啱哂貪心乜都想試嘅朋友。而且牛三寶每款都有好幾件，份量十足。牛筋、牛肚都炆得軟淋入味。另外我地仲叫左碗淨雲吞。雲吞蝦肉爽口，豬肉比肥瘦比例得宜，惟略嫌胡椒粉味稍重。午市油菜有半價，幾抵食。

之前喺油麻地試過田記，覺得性價比好高又好食，今日喺太子都順道再嚟食多次。呢間粉面店嘅價錢都幾相宜，鮮蝦雲吞麵都只係$28，不過最吸引到我嘅都係上次試過好難忘嘅崩沙腩。崩沙腩牛丸湯河 ($49)崩沙腩份量都幾多，牛丸就有兩粒，仲有蘿蔔。雖然蘿蔔係配角，但係蘿蔔都非常之林同入味。重點係崩沙腩超級鬆化，食落完全唔會有渣，加上好重牛味！牛丸都好高質素，咬落係有少少汁。崩沙腩牛肚湯河 ($63)崩沙腩湯河係$43，雙拼牛肚就要加$20。一上枱，可以見到崩沙腩同牛肚嘅份量都幾多，尤其是牛肚非常之入味同非常之林。腐乳通菜 (+$8)呢個價錢真係好抵食，自己一個嚟食嘅話加碟菜都唔錯。炸魚皮 ($18)呢度嘅魚皮係比較硬身啲，啱晒鍾意食脆卜卜魚皮嘅人，我自己就鍾意擺落去牛腩湯度浸一兩下再食，覺得更加滋味。黑芝麻豆漿 (+$6)加$6有一支，價錢相當之合理。總括黎講，我覺得呢間舖頭嘅粉面都幾高水準，份量又多，價錢都相當之抵，性價比好高。

今日做完facial，又見餓餓地，嗱嗱聲搵地方食完嘢就番屋企吧！自己一個孤獨食，不如就簡簡單單食個河粉啦。好，坐低睇下有咩好食先。崩沙牛腩河粉，平時牛筋牛食得多，第一次食崩沙牛腩，口感難以形容，一層脂肪，一層筋再加腩肉，食落軟腍得黎又煙韌爽口，牛味濃郁，正！太肚餓，所以雙拼加雲吞，大大粒雲吞，裡面仲一至兩隻蝦仔。河粉望落通透，食落爽彈，粉量都唔少。有肉都要有菜先平衡，碟菜都好多下，飲品叫咗凍好立克。

晚上回娘家吃飯，主題為粉麵嘢🤣🤤，於是我到田記魚蛋牛腩專門店買點外賣，上次吃過牛三寶，啖啖肉，超大盒，今日一於來encore。淨牛三寶牛三寶有牛腩、牛肚、牛筋❤️牛腩牛味濃，又軟林林同入味，份量也不少👍🏼最喜歡吃腩位，滿滿的牛脂香，配飯和麵也一樣滋味。店家還提供了辣椒🌶️油，點牛腩等等的部位吃，非常惹味，媽媽都吃到舔舔脷🤤🤤牛筋是滿滿的骨膠原，一大條牛筋，吃下來非常有滿足感！最重要是牛筋炆煮得軟綿綿，但又不失彈性🥳淨魚三寶過過口癮，點魚三寶吃吃，有魚蛋、魚片頭、魚皮餃👍🏼魚蛋都幾彈牙，幸好不是那些軟林林沒有口感的魚蛋🤫🤭魚片頭一樣是啖啖肉，取回家後，這些魚片頭一樣好吃😆❤️

今日同老公嚟大角咀探個朋友，探訪完畢，本來打算喺附近隨便搵間茶餐廳，食埋晚飯先返屋企。點知有人好眼利，見到塘尾道有間魚蛋牛腩專門店，兩口子一向都很喜愛吃麵食，所以即時轉軚。店舖面積不大，以圓檯櫈為主，不過椅桌擺放得幾整齊，一點也不逼狹，感覺乾淨企理。餐廳主打粉麵，另外亦有幾款飯類、淨食和飲品等供應。我哋點左崩沙牛腩河拼魚皮餃、兩款淨食同炸魚皮。崩沙牛腩河粉拼魚皮餃 ($48)  每件崩沙腩的表面和底層都有一片薄薄的筋膜，食落口感好爽滑，軟而不爛，保持嚼勁之餘又有肉香。魚皮餃亦有水準，外皮煙韌，入面的豬肉又夠新鮮，既有魚味又有口感。連墊底嘅河粉也不馬虎，入口幼細又滑溜。淨食揀左招牌魚蛋 ($28) 同 鮮蝦雲吞 ($28)，魚蛋同魚片每日新鮮打製，依足傳統做法，魚肉帶幽幽的鮮香，入口爽滑彈牙。雲吞亦值得推介，大大粒，皮薄實淨，蝦肉同豬肉比例剛剛好，咬落有嚼勁！鍾意食香口嘢，一定要試埋佢哋嘅炸魚皮 ($18)，送上時會跟埋一碗魚湯，將魚皮浸過魚湯先至食，口感零舍唔同，脆得嚟又有魚味，真係令人齒頰留香。+$8 就可以配碟油菜，當然唔可以錯過，有生菜、菜心、芥蘭同通菜可供選擇。我哋揀左菜心，條

假期計劃到市區古績雷生春打卡，再到對面馬路田記食牛腩。已經到田記好幾次，依間街坊麵店光猛坐得舒服，佢出名崩沙腩，但我就鍾意食一般牛腩。牛三寶幼麵有軟淋牛筋，入味牛肚同啖啖肉牛腩，加小小佢哋自家製辣醬，味道一流。朋友仔肚餓點咗牛腩牛肚河粉，牛腩份量明顯比我多，河粉份量足，大食男仔都話夠抗疫期間加$8就有腐乳通菜或者其他菜可以揀，都幾大碟㗎。佢嘅魚蛋都好出名，所以點左個淨魚三寶，白魚蛋，有魚片頭同魚皮餃，仲有好多生菜添。