田記魚蛋牛腩專門店 (塘尾道)

营业中

休息中

今日收工途經呢間「田記」就突然好想食，本身仲頭痛緊應該食啲咩好，因為都吾想食啲咁heavy 既野，想清清地，呢間正好啦。之後便買咗幾個外賣返屋企同屋企人食。我叫左淨金牌牛腩（價錢$90）、淨鳳城水餃（價錢：$28）及淨招牌魚蛋（價錢：$28）。牛腩方面，肉質腍身，非常嫩滑，牛腩底亦放左幾舊蘿蔔，入晒啲牛腩汁非常入味。另外，鳳城水餃好足料好大粒，非常好食。最後，魚蛋亦非常彈牙，好有魚鮮味，底亦放左生菜，入哂魚湯味！總結呢間「田記」性價比非常高，全餐人均都只係大約$50，值得推介。

去開太子做嘢經過呢間魚蛋粉店，覺得店內新淨，同其他魚蛋粉店比衛生啲，所以就想試吓一睇到個餐牌就決定食佢個牛三寶，仲有得任選麵底，不過我都係揀翻河粉❤️牛腩入味，唔會痴牙，鐘意佢個牛筋幾冧，份量好足，呢個價黎講幾滿意～追加左碟通菜，要食下菜補充纖維～結果好大碟，一個人食唔晒，做左大曬鬼添🥲嘢飲方面叫咗熱杏霜，唔太甜我鐘意，味道濃郁，冇溝淡！ 間店幾好坐😆不過我趕住下個appointment 就快快食完走luuu～

是日同HONEY去開太子，去食好耐無去食的田記魚蛋牛腩專門店，因為真的好掛住佢地出名的崩沙牛腩，入面照舊光猛乾淨，坐得舒服~~同HONEY做牛魔王，點左崩沙牛腩河粉，牛三寶河粉另外點左兩份淨食，淨湯鮮蝦雲吞， 淨湯牛丸另外都點左兩支支裝汽水可樂同忌廉早兩日知來緊唔會再有玻璃樽可樂，哩度難得有，真的叫返支飲先~~崩沙牛腩河粉崩沙牛腩河粉真的我同HONEY最愛，食落油份夠，同埋肉質好入味，蘿蔔好正~~~~牛三寶河粉牛三寶河粉可以滿足到愛牛之人，都系KEEP住咁好食，牛筋金錢肚都唔錯，淨湯鮮蝦雲吞七粒雲吞，粒粒大的SIZE，另外都好多餡好鮮甜 仲有生菜在碗底，好正~ 淨湯牛丸淨湯牛丸真的JUICY，都可以食到少少牛肉味，仲有生菜在碗底，真的唔駛叫菜都OK

暫時係我no.1既牛腩係呢到，你地呢？🥢淨金牌牛腩🥢 $90呢到既牛腩真係無得頂，一定要叫返個淨食食返夠喉先！雖然底係有鋪到白蘿蔔，仲牛腩密密實實咁鋪左兩層，好抵食！瘦肉兩側帶少少脂肪，食落爽口軟腍，牛味香濃。🥢魚三寶河粉🥢 $31魚蛋、魚片頭同埋魚皮餃，買左佢d白魚蛋返去，真係好正，魚味超濃，肉彈香鮮！🥢鮮蝦雲吞河🥢 $28特吃轉左河粉，呢到d河粉相當有質素，幼身滑溜。雲吞就唔係特別出眾。

今日食既係位於太子既田記，呢間係呢一區都幾出名，價錢唔算貴而且大件夾抵食，一個lunch/dinner三十幾蚊就搞得掂，不過最重要都係食物既質素！今次食既係牛三寶飯，牛三寶係包括左有牛肚，牛腩同牛根，包咁多野價錢都只係52，正呢度好貼心的會將牛三寶同飯分開擺，咁就唔會變左湯飯咁食！！三樣入面其實每一樣都好食，但講到最好食一定係牛根，佢已經煮到超入味同好淋滑通菜呢度點菜食唔算貴，而且係有d質素，腐乳味+超淋通菜=100分炸魚皮脆卜卜的口感，同湯麵一齊食超好味

一早出太子做完嘢 行到塘尾道有啲靜英英唯獨見田記幾有人氣我拍檔話 尼間食崩沙腩好出名㗎佢一咁講我就餓啦 咁就入去食咗先講啦崩沙牛腩河 $42餐牌上寫到明 「煙靭爽口 牛味濃郁」果然名不虛傳👍🏻我甚至覺得點解牛腩可以咁鬆化?! 唔會有渣同有筋 湯頭清甜 仲有兩片白蘿蔔一早上食一碗湯河 腸胃覺得好舒服呀金牌牛腩河 $32有好多塊呀 我都食埋一份牛腩一樣好好味 完全唔靭 牛味同口感都好正淨鳳城水餃 $28隻隻都飽滿 足料紮實豬肉、鮮蝦味分明 木耳絲更係亮點 皮薄又爽口嘅水餃 不容錯過👍🏻炸魚皮 $18就咁咬有少少過硬 浸湯食就剛剛好喇+ $8 菜心+ $6 凍檸茶價錢平！份量足料！真係超級抵食又好食！

搭親巴士經過都會見到「田記魚蛋牛腩專門店」好多人幫襯，之前有次專登早一個站落車試試佢。估唔到又真係幾好食喎😳！自始，中午時份如果想食魚蛋粉加天氣許可，我都會同同事行遠少少嚟食晏。以粉麵舖嚟講，田記算係光光猛猛，乾淨企理。每枱除咗有調味醬油辣椒醬外，仲有提供紙巾，實在難得👍。我哋叫咗兩碗粉同一碗淨餸加一碟油菜，埋單都係一百蚊多啲，今時今日都唔算貴㗎喇😝。鮮蝦雲呑拼爽口牛丸麵($37)，雙拼會以貴嗰碗做底價再加$6，雙拼係貴咗😖，但幸好呢度扣嘅份量唔會太誇張，拼完後雲呑同牛丸分別仲有四粒同三粒。牛丸好出色，牛味濃，口感又夠爽口；雲吞就正正常常，唔算特別大粒🥟。麵底我要咗幼麵，麵條無鹼水味，軟硬度適中，條條分明。金牌牛腩拼墨魚丸麵($38)，🐮牛腩好入味，夠鹹，而且炆得夠淋。雖然冇鋪得好靚仔，但其實有好多件呢。反而墨丸就得兩粒🦑，有啲少，性價比低，但佢好搞笑，係似墨丸口感嘅魚蛋。麵底方面，同事要咗米線，估唔到用佢嚟代替河粉生麵都幾夾喎，我下次都試試先。淨魚三寶($31)，三寶包括四粒魚蛋、三粒魚片頭同兩隻魚皮餃，店員話淨餸比起麵食多兩粒👀。魚蛋同魚片頭不愧為招牌，真係好好食，特別係魚蛋，嗰種

粥粉麵飯 港人四寶 是日走進太子找朋友經過田記魚蛋牛腩專門店眼見高朋滿座感覺味道應該不錯就放心試試崩沙牛腩河粉 $42 崩沙牛腩煮得非常入味 肉質嫩口 牛味濃郁 感覺必試之選淨魚片頭 $28有7件魚片頭 非常抵食而且有生菜🥬伴底 好飽肚炸醬麵 $28麵質軟彈煙韌 豬肉醬汁亦煮得夠味而店舖亦窩心地另外放蔥花客人可跟據自己喜好調校份量如果惠顧了粉麵飯更可以以$8享用通菜/生菜/芥蘭/通菜或湯蘿蔔非常抵食平民價 大大碗 真係慳家之選👏🏻

-田記魚蛋牛腩專門店 🍽-小編平時都比較少去太子深水埗除非要去個度買野🤣行過呢間食魚蛋河突然想食下好耐冇食過😂-崩沙牛腩麵 $42呢度除左魚蛋其實崩沙牛腩都好出名😉牛腩炆到好軟身又唔會爛哂咁👍一碗麵都有成6/7舊都幾抵食😋-魚蛋河 $28呢度食碗麵真心抵$30有找仲要份量都唔少🤭手打魚蛋真係好彈牙而且魚味香濃😋-淨食墨魚丸 $31聽講呢度既丸都係手打所以叫個小編至愛墨丸的確個質感係唔同而且咬到好多墨魚碎🦑😋-腐乳通菜 跟餐加$8無論食車仔麵定魚蛋河都覺得要叫碟腐乳通菜😂雖然聞落似臭腳味但食落好正嫁會停唔到口😋-炸魚皮 $18呢度個魚皮唔係四洲個款因為佢個魚皮係較硬身同連骨炸係比較傳統人身炸既魚皮！所以非常有咬口同惹味😋沾下湯食一流👍-凍檸賓/凍檸啡 跟餐加$8檸賓就正常啦太耐冇用過就試下🤣檸啡小編第一次見就試下原來係類似齋啡咁不過就有糖既😂-🌟評分:🏅🏅🏅🏅📍地址: 太子塘尾道201號華安樓地舖

行經太子，想食番啲清清地嘅粉見到呢間仲有崩沙腩食就揀咗2個人叫咗兩碗粉同一個小食崩沙牛腩河 $40份量都唔少架，有6大舊一層肥一層瘦再一層肥，好分明咬入口可以用化開黎形容啲肥膏超香，啲肉又淋，正呀側邊啲蘿蔔都好甜又無渣河粉都好多，呢個價錢真係超值加上河粉唔會煮到太糊一patpat淨魚三寶 $31(魚蛋，魚片頭，魚皮餃)見到大大隻字寫住百份百魚肉同埋日日新鮮製造，所以叫咗果然，每一樣都好重魚味尤其係魚皮餃個皮，真係啖啖魚味但又唔腥嗰下勁魚蛋係白魚蛋，雖然唔算大粒不過勁彈牙！應該可以用嚟打乒乓波魚片頭又係好彈，有丁丁太油都可以接受的除咗每款三粒，仲有生菜底個人覺得兩個人share都幾抵食仲叫咗個牛三寶河粉呢個都好味架總結係呢個價錢真係好抵食呢間舖頭仲有飯食㗎油麻地又有分店行經想食碗粉都值得試吓

唔知有冇人同我一樣真係好鍾意食牛面！？特別係牛腩麵、崩沙腩同牛三寶😂以前食開嗰間xx園食都有發泡膠之後，轉左嚟食呢間田記，發現其實試吓新野都唔錯！牛三寶河$42，價錢實實惠飽肚，金錢肚最腍滑入味。牛腩份量唔少，都一樣入味。牛筋有一大塊，比較爽。牛腩河$32，牛湯簡單地香，配埋滑河粉，令人滿足。牛腩似新鮮，唔韌唔鞋。腩汁芥蘭，芥蘭唔苦有甘香，唔韌身夠淋，好岩食😋Addressss:太子塘尾道201號華安樓地舖

Happy Friday收工後又專登出左太子買我好中意食既無添加健康麵包🙊順便解決埋晚餐先返屋企～隨便搵左間粉麵店，估唔到抵食夾大件！😮我叫左個牛腩牛肚飯(少飯)同一碟芥蘭～叫飯餐有紫菜湯送，足料又大碗👏呢個雙併牛飯52蚊真係超抵食！！！成碗滿滿完美比例既牛腩，牛肚同蘿蔔，碟飯仲要另外上😯牛腩炆得好淋，食落係一絲絲既口感，完全唔會痴牙，肥瘦適中😋牛肚都幾爽口，份量同樣都係超多😁蘿蔔好淋無渣，舖係底索晒啲腩汁好入味👍啲腩汁要黎送白飯超正🤤芥蘭只係加$8就有，煮得剛好口感爽脆，抵食👏我坐係收銀隔離keep住聽到有客人外賣淨牛腩同淨魚蛋，睇黎都幾受街坊歡迎，難怪店舖名會係“魚蛋牛腩專門店”😂

今日同家姐兩個人喺太子揾啲嘢食，入咗呢間田記食牛腩河好出名嘅餐廳🤍 入面光猛乾淨，坐得都舒服！🐮 崩沙牛腩河粉 （$42）我叫咗出名嘅崩沙牛腩河，份量好大，上枱熱辣辣好正🤍 牛腩好軟腍好正，每舊都有少少脂肪位，唔會太多，口感啱啱好🤤 除咗牛腩仲有白蘿蔔，白蘿蔔都夠腍，讚！🐮 牛三寶河粉 （$42）家姐叫牛三寶河粉，有牛腩、牛筯、牛肚。牛腩比我嗰碗冇咁腍，會瘦啲😽 牛筯好煙韌，有少少黐，正！牛肚就普普通通☺️🥟 淨湯鮮蝦雲吞 （$28）有七粒雲吞，每一粒都好飽滿好鮮甜🥰 仲有生菜添！（早知唔洗另外叫😆）🥬 蠔油生菜 （抗疫時期$8）

趁媽媽唔返黎食飯，買爸爸最喜歡既崩沙腩返黎比佢食。🥢崩沙牛腩河粉🥢 $43崩沙腩鬆化滑溜，入口牛脂香味十足，滿滿牛味。可惜湯同粉無分外，拎到返去湯得返好少，好彩既係d河粉又唔會腍到碎哂。🥢牛三寶飯🥢$54牛腩、牛肚、牛筋牛腩牛味香濃且軟腍，牛肚入口不韌，牛筋豐富膠質，仲送紫菜湯。🥢淨鳳城水餃🥢 $29呢個深得爸爸喜愛，皮薄多汁，加埋竹筍勁爽脆。🥢淨汕頭魚皮餃$ $29大大粒魚皮餃，肉扎彈牙。

自從嘗過一試難忘的崩沙腩後😋而家會專登去揾d出名崩沙腩的粉麵店🍜但唔係間間都有賣崩沙腩🥓上網見到介紹太子塘尾道的田記牛腩專登門店好多人推介崩沙腩飯😎所以又來試下崩沙腩拼雲吞幼麵🍜腩汁油菜🥬同炸魚皮🐟孖寶係食粉麵🍜必備同最佳的配搭😋最值得一提的呢度仲有支裝的可樂🥤🧊而家好少地方仲有支裝賣👍🏻當然唔少得的就係要試埋每間店自製的辣油啦🌶️係成碗野的靈魂^下次可以試埋手打魚蛋~