田記魚蛋牛腩專門店 (塘尾道)

营业中

休息中

🧃崩沙腩撈麵 $49崩沙腩喺呢度嘅招牌菜，英文係牛腩嘅first cut，顧名思義即係牛腩最靚嘅部位。崩沙腩同一般牛腩最大嘅唔同，就係佢嘅肥瘦度比較均勻，分布亦都比較平均，從而做到入口即溶嘅感覺，而呢度嘅崩沙腩呢，就做到呢個效果啦。再講一講呢度嘅腩汁，對比起出邊做得比較清淡，突出返食材本身嘅味道，但係呢點，已經睇得出呢間舖頭嘅真功夫。/🧃牛腩魚蛋河$39我朋友叫咗牛腩魚蛋河，亦都係呢度嘅招牌菜，本身都有啲擔心唔叫崩沙腩嘅話，會比一啲比較劣質嘅牛腩我哋，嚟到法國，呢度完全係童叟無欺，雖然牛腩冇崩沙腩咁靚，但係質素已經被出邊好一大截。而魚蛋小弟雖然食唔出係唔係自家製，我但係魚蛋嘅質素真係無話可說，有魚味，彈牙，亦都唔會有過分嘅胡椒粉味，入口亦都唔腥，好好食

到了吃飯的時候總是人流不斷絡繹不絕；不單單是座位幾乎全滿，也有很多人選擇外賣。.20幾蚊的魚蛋粉在香港買少見少，最平$28一碗，我最喜歡吃牛腩麵，牛肉炆得很入味，是香港傳統的那一種味道，食極不厭，肉質很腍，而且還可選擇交肥教授的牛腩部位。喜歡食牛的我當然不會錯過牛筋牛丸，牛筋粗厚，糯彈，可以補充骨膠原。牛丸十分彈牙，咬的時候爆出肉汁好正。.加$8就有一碟油菜，份量都不少，所以都聽到好多人加配。.飲品方面加$6就有一支豆漿，平過自己去便利店買。

參觀完一級歷史建築雷生春堂，走去對面一間魚蛋粉醫肚。廣東人四大名物，粥粉麵飯，真係各有特色，各有所好。食厭西餐時，我就會來一碗魚蛋粉雲吞麵牛腩河，真正平靚正。田記都幾光猛，疫情期間衛生措施做得不錯。一入門口抬頭就見到超巨型電視。最神奇係傳統粉麵店居然會join 外賣app！與時並進. 點了牛三寶河粉，加$8蚊生菜全走，以及嘴饞眼闊肚窄地點多一碟自家製炸魚皮。先講碗粉，好大碗，河粉有米香不會溶溶爛爛，貨源水準不錯。崩沙腩正，腩肉連着薄膜，爽軟不硬，口感豐富。牛筋諗又入味，蘊含豐富膠質。金錢肚都爽口。九龍區食飯真係化算，牛三寶河粉只需要$43， 港島普通一碗魚蛋粉都接近$40，牛腩粉則動員50，60蚊。炸魚皮較厚身，香酥脆，亦不會過鹹。因為食唔晒，打包咗返屋企。呢隻魚皮用來打邊爐真係一流！門口見到有售火鍋料，下次想試下魚片頭同雲吞。

今日朋友話帶我去食崩沙腩，話抵又好食😋見地點是太子，就跟佢去啦😂 原來是近塘尾道🤪田記魚蛋牛腩專門店 ，裝修是一般的茶餐廳，煮麵在廚房內，不似一般粉店煮麵位置近門口或有大窗可以看見師傅煮麵等...店鋪不大但枱與枱之間的距離很足👍🏻崩沙腩米$43，崩沙腩份量不少，每件也筋膜連肉，肥瘦適中，口感香滑不會痴牙，軟硬適中🤤🤤米粉粗幼適中且爽口！牛三寶撈麵，有牛筋，牛腩和牛肚，牛筋夠淋，牛腩煙韌入味，牛肚爽滑👍🏻都只係$49 （轉撈麵加$6）真係幾抵！炸魚皮，超大超厚夠香脆，而且很惹味！$18抵！

食牛腩好多時候都第一時間諗到去天后，但最近發現咗一間喺太子嘅牛腩魚蛋粉，價錢出奇地抵，味道亦都有返咁上下質素！💚 崩沙腩麵 $43（伊麵再+$6）超高質嘅崩沙腩，數一數有成8舊咁多，每一舊肥瘦好均勻，而且個腩邊位油香好重，仲一啲都唔痴牙添！通常食牛腩我都會揀河粉，但見佢有伊麵就梗係要試下啦！伊麵都幾爽彈嘅，不過不失。💚 雲吞魚片頭麵 $34雲吞味道正常，係啲蝦有少少細隻。但魚片頭就好正，好似魚腐嘅感覺，亦有魚味，唔似得出面有啲會好強油益味。呢度嘅魚蛋好似係香港自家工場製，唔怪得水準都好好。💚 炸魚皮 $18呢度食到嘅魚皮有啲似出面果種貴價黃門鱔魚皮（唔記得向店員求證），因為佢係連骨同埋超級厚身嘅，唔建議就咁乾啃因為真係會有啲硬，但係浸湯食就perfect，超有味亦都唔油其他生菜同嘢飲就正正常常無咩特別，都係加$6-8左右。整體嚟講幾欣賞佢哋無咩味精，湯底食材都偏淡味，同出面魚蛋粉果種死鹹有好大分別。味道: 🌕🌕🌕🌕🌑服務: 🌕🌕🌕🌕🌑價錢: 🌕🌕🌕🌕🌕環境: 🌕🌕🌕🌗🌑－－－－－－－－－－－－📍 田記魚蛋牛腩專門店太子塘尾道201號華安樓地舖－－－－－－－－－－－－#tiufufood

餐廳裝修整潔光猛，有一部大電視睇。Menu上邊有唔同款式嘅粉，麵，飯都有。就要咗一碗崩沙牛腩河粉，一碗魚三寶粗麵，同埋一碟菜心。崩沙牛腩唔係間間麵舖都有得賣，難得呢間有有一於是吓佢。果然崩沙牛腩係唔同，佢嘅爽脆再加上牛腩充滿牛肉味嘅脂肪，好好食。另外佢仲配上幾塊嘅蘿蔔，值得一讚。魚三寶粗麵既三寶有魚蛋，魚片頭，魚皮餃。佢嘅白魚蛋係好彈呀，另外個人鍾意嘅就係魚皮餃，首先佢嘅魚皮餃都幾大粒，食落都幾有魚味。以佢嘅麵麵質好，煮嘅時間就啱啱好。熱檸蜜同埋支裝豆漿佢呢度嘅豆漿係一支裝嘅，夠晒乾淨衛生。另外仲有黑豆漿可以簡。菜心正正常常，佢比蠔油都幾慷慨。👏🏼

呢一間餐廳係我回家既必經之路黎，田記魚蛋牛腩專門店，聽個名都知呢度專食牛腩同魚蛋嫁啦。今日就入去睇下有咩把炮先！首先想話環境衛生好好，又光猛！食得安心崩沙腩河本人係對牛腩係好高要求嘅，個人認為崩沙更加係牛腩最好食嘅位，望到個賣相就知道掂，見到肉有塊薄薄既軟膠質，咬薄爽軟不痴牙！魚三寶粗麵 魚蛋，魚片，魚皮鮫魚蛋彈牙，鮮甜 魚片厚薄適中 魚皮鮫皮同料適中份量，性價比高湯底建議加腩汁，咁個味就更濃厚紫菜湯本身以為好細碗，點知同個麵一樣大非常足料魚皮炸到好脆，金黃色 正！生菜🥬 最後，收錢方面都唔洗擔心，通常食麵店都只係收現金，呢度信用卡呀乜卡都收 都咪話唔貼心！

與家人去太子買東西，行完街肚餓又熱，在回程的巴士站附近，見到有這家田記魚蛋牛腩專門店，價錢便宜，有很多附近街坊都在這裏吃午餐，就在這裏吃午餐休息一下吧！崩沙牛腩河粉$43, 媽媽大讚牛腩炆得好吃，有牛腩香而味道清，炆得又淋，配有兩片蘿蔔，蘿蔔很清甜無渣，很新鮮，好吃呢！魚三寶河粉$31, 有魚皮餃、魚片頭、魚蛋， 覺得魚三寶河粉真的抵食，有三個餸，吃車仔麵也不止這個價錢，魚蛋和魚片頭味道本身有微鹹，爽口軟滑；魚皮餃煙韌味道香，喜歡辣椒油的話可加一點，這裡的辣椒油超香而不太辣。淨雲吞$28, 有7隻雲吞，還有生菜墊底。雲吞有大大隻蝦肉，非常爽口，好香麻油味。價錢便宜，真的是街坊福利呢！惠顧粉麵可加$6配凍飲，我們點了一杯凍檸茶和凍菜蜜。要讚菜蜜味道夠香濃，不會有色無味，喜歡菜蜜香甜而不膩，好喝又消暑。真的覺得這裏是街坊福利，可以有抵食大份的粉麵店，有機會再來。

的確係世界上最好食既崩沙腩叫左一個崩沙牛腩 雙併雲吞河粉 49蚊 加紫菜 5蚊超級大碗，而且個湯都好好飲好濃郁，加上主角出場，係大大舊既崩沙牛腩，仲要有差唔多6 7舊，食到非常滿足！加左紫菜之後 湯底簡直多左一份鮮味，令我而家回想返都不停流口水。極度回味。另一碗叫左 崩沙牛腩 雙併水餃粗麵 49蚊味同另一個差唔多，都係回味無窮。我個人比較鐘意水餃多過雲吞。叫左一碟魚皮 18蚊如果就咁食有少少硬，不過放落湯咁食就彷彿好似伐毛換髓一樣，好食好多。

今日經過太子搵野食，心諗都好耐無食粉麵就係我面前出現呢間牛腩魚蛋專門店咁有緣，緊係要入去試下！主打牛腩同魚蛋更設有崩沙腩呢個部位，好吸引崩沙牛腩飯崩沙腩好肥美上下两層脂肪包住一層肉睇到都流口水食落肉質好軟淋牛味好重強烈推薦要試！淨雙丸有魚蛋同牛丸雙重享受魚蛋係比較淋身但都保持到彈牙口感有別於平時一般食到比較實淨果種感覺我諗因為係人手造好特別而牛丸都好出色牛味重，彈牙咬開會有肉汁好juicy雲吞河雖然雲吞唔係主打但都完全唔馬虎堅持自家人手包制餡料滿瀉，啖啖肉

今日同同事去咗太子道做嘢 食午飯時間經過呢間田記魚蛋牛腩專門店於是就入去食個飯啦午飯時間餐廳都勁多街坊幫襯 證明質素有保證啦崩沙牛腩飯 牛腩同飯係分開上 超級細心 崩沙腩畀普通牛腩較為肥一啲 牛味同樣濃郁 重點係做到入口即溶 超級冧又入味 牛腩汁做到龍淡適中而且香料味十分突出同崩沙腩配合得天衣無縫 下面仲有超索味嘅白蘿蔔 非常清甜送嘅紫菜湯 紫菜幾多 夏天飲好消暑夏日炎炎點少得杯冰凍嘅凍檸茶呀 酸甜味適中 茶底清香墨魚丸淨食 大大粒咬落爽口彈牙 墨魚肉仲好多添

今日去咗太子花墟買花 買咗幾棵好靚嘅蘭花之後就去咗呢間田記餐廳嗰度食飯 朋友推介呢間餐廳嘅牛腩飯好好食 我身為一個牛肉控又點可以錯過呢首先就有一個紫菜湯 用料好豐富 紫菜亦都非常之有海水味 只係略嫌個湯鹹咗啲 味精味比較重跟住就到今日嘅主角 金牌牛腩飯 牛腩都唔算話好肥 但係牛肉味十分之重 油脂都好甘香 入口即溶 令到我好滿足由於而家係夏天 日日都30幾度 所以我就叫咗一個清涼解暑解渴嘅凍檸茶 茶底都幾濃但又唔係苦 加上酸酸嘅檸檬 令到呢一餐又消暑又解渴

今日帶丫爸丫媽試下位於塘尾道田記魚蛋牛腩專門店，無論係服務態度、環境舒適度至食物質素都有水準。環境光猛，冷氣舒適，座位與座位之間有距離，吾會撞到隔離位，老人家坐得舒服，環境好。服務態度，店員有禮貌，細心落單覆單，值得讚嘅！餐牌好多款式，我地梗係試下佢嘅牛腩同魚蛋啦😂，叫左崩沙腩河、牛三寶河同魚蛋河，加多碟介蘭。崩沙腩河，河粉粗同滑，吾易碎，非常爽口，崩沙腩肥瘦平均，滷水入哂腩位，大大碗。牛三寶河，牛肚、牛筋、牛腩三種款式集於一碗，入晒味，牛筋炆得啱啱好，抵食。最有驚喜係魚蛋河，魚蛋不同之處有魚味，口感唔會死實，軟綿綿，同出邊其他鋪嘅魚蛋有吾同之處，值得推介。整體價錢非常貼地大眾化，環境舒適食物，質素好同大碗，值得推介同再次黎。👍👍

經過呢頭唔知食乜好，好耐無食過牛腩，加上又唔係好肚餓，就清清地食個魚蛋粉。呢度環境唔算大但感覺乾淨企理，叫粉麵加$6 可以配冷熱飲品。✨淨魚三寶$31: 有魚蛋，魚片同魚餃，白魚蛋同魚片頭都夠彈牙，魚片頭就多左份炸過既香味。魚餃都好食，呢個清清地既選擇唔錯。✨崩沙牛腩河$43: 呢個崩沙牛腩真係好好食， 食落好軟腍，而且帶d 肥油位，食落好香。河粉都好幼滑，配埋湯底好味。✨炸魚皮：一碟都幾多， 魚皮好脆好好食，好味到食唔停口。

有日途經呢間餐廳，見餐廳個招牌寫住牛腩專門店咁有自信，鍾意周圍食嘢嘅我又點會錯過呢，試吓係咪咁好食。😌崩沙牛腩河粉 ($43) : 蘿蔔夠淋夠入味，河粉份量亦幾多，而且崩沙牛腩估唔到咁出色，肥瘦適中之餘腩中帶筋，牛味超級濃郁，真係好味到一個點，呢個價錢食到啲咁嘅質素，特登揸車嚟食都係值得嘅。👍🏻油菜有四款選擇，依家只要 $8 蚊就有得追加，芥蘭鮮嫩翠綠，味道清甜，而且勁大碟值得追加。👍🏻淨鮮蝦雲吞 ($28) : 有七粒雲吞同娃娃菜，湯底好清甜，而且每粒雲吞餡料豐富，味道鮮美。😋另外舖頭重有炸魚片同各式丸類餃子出售，第時打邊爐都可以買啲嚟試一試。