田中日本料理

营业中

休息中

一向沒來過田中, 無他, 就是不想等, 等完又要趕頭趕命吃!那次跟朋友晚膳, 飯後還有工事在身!我們本想到田中旁某日本餐廳食飯, 唯有朋友想試田中, 當時宋夠六點,我們說好, 若不用等位-吃, 若要等, 有緣再吃。到了田中門口, 仍未見等位潮出現, 當即試試!內裡相當擠擁, 我們被安排倠在路口, 茶早就放在卓上, 餐牌也未看, 侍應已問想吃什麼, 我們說先看看吧!朋友叫了一碗叉燒拉麵, 一碟三色帶子壽司(沒記錯應該有甜蝦, 海膽及三文魚子放在帶子上的壽司)。我和朋友則各叫了一客三文魚刺身!不一會, 食物來了, 三文魚刺身算交足功課, 八塊, 厚切, 新鮮, 肥美, 入口吃出新鮮, 帶很香的魚油香, 上佳。朋友的壽司及拉麵看上去較為一般, 沒什麼突出, 朋友也說質素普通。我們的三文魚刺身一客四十五, 朋友的拉麵及壽司加起來七十多, 坦白說, 自己一向不在這類港式日本餐廳吃拉麵, 加之索價三十多四十元, 出去一些詗質拉麵店也貴不了多少, 朋友事後也說貴呢!若以刺身論, 則質素上佳, 價錢合理, 索價亦算合理, 唯我們只吃過三文魚, 仍很難一概以論!不過餐廳的作風則不太合我們幾個性格, 坐位

成日聽細妹講田中牛油金姑正~前幾日終於肯的起心肝去試人比我想像中少...排左半粒鐘到就有位...我同女朋友叫左３文魚刺身,８爪魚刺身,火焰３文魚南日式牛肉鍋,海鮮炒飯,牛油金姑３文魚刺身...新鮮!!唔會食到想反胃..８爪魚刺身...唔會勁多水~直頭有ｄ乾..唔知放左幾耐火焰３文魚南...都可接受日式牛肉鍋...幾有水準海鮮炒飯...太濕~~無乜味...牛油金姑...可能真係唔岩個人口味..一般埋單２百幾蚊.....價錢合理...會繼續幫o親服務就出面條友好亂下...無計~佢做生意就緊左

自從起元朗蒲之後就聽聞田日本料理呢個名,試過好多次想去食外邊都有一大群人在要等位,所以次次都幫趁左佢隔離果間酒泉,尋日終於好早去到一去到就有位,一於試吓睇吓係咪傳聞中咁抵食夾大件入到去感覺好窄,要左閃右避至入到去,座低之後見到個牌寫住只限用膳四十五分鍾,枱上邊張order單又寫上入座時間,好似好唔安樂咁,心裏涼左一截睇左個menu二分鍾左右就有人來催落order,搞左一輪落左個海膽sushi,三文魚手卷,帶子sushi,燒牛舌,無乜特別,帶子仲有少少腥,可能唔係好新鮮.三文魚又唔係好肥,係海膽比較有睇頭,找數居然要百五,D野大件又真係幾大件,但係唔可以話抵食,而且招呼真係十般,係加茶叫做加得幾密若果要做比較,同一個價錢,我覺得佢隔離間酒泉叫既品種會多D,食味會好D,選擇會多D,雖然都係好細,但起碼唔洗左閃右避同未落單就好似會比人趕走咁,而且招呼又好D,又有特價食品,又有九折咭送,而且就算等位都唔會叫你唸定食乜,一有位就拿拿臨要落單咁,直情好似工廠食堂流水作業咁

今晚10點半同女友特然心血來潮，想食日本野第一時間當然田中拉～滿懷可以享受到食物真正味道之念頭點知，。。。。。。唉半客三文魚，不過不失拉，但略嫌鮮味不足，可能係時間關係拉，因為間野CLOSE 11點鰻魚壽司，以前給我難忘印象，鰻魚燒得皮脆肉滑而口感一流，點知今晚想回味的希望就此破滅，皮軟，肉感糊，......餃子窩，餃子還KEE住味道，但湯底似乎有欠誠意窩！！雖然收工前半小時，但唔係食物差的藉口黎GA炸軟殼蟹卷，簡直離譜，想知道番炸第幾次？或者係幾時做成到送至我台？蟹肉感簡直糊而且落凍..我又唔係第一次食，呃唔到就系呃唔到，肉與肉之間缺乏肉汁，再者真係名符其實的軟，一D都唔脆！！！最後，蟹子沙律，呢味野係我致命傷，成分好簡單，有青瓜絲，紅蘿蔔絲加上沙律醬配上蟹子，最簡單最易反映廚藝！青瓜絲，紅蘿蔔絲雖然夠翠，但沙律醬好似怪怪地＆比例似乎差JO D，加上蟹子為何有種食之不爽口咬之不夠彈之感？一切不是因為趕收工而為客人提供如此食物巴？期待有改善！！！！

想吃新鮮壽司, 專程由荃灣駕車入元朗田中. 到達時, 已過3點. 由於田中3:30pm便休息, 伙計已截止登記. 我們走了一會, 最後決定走回去叫外賣. 伙計見我們如此有誠意, 破例給我們座位. 難得. (難得是因為田中的服務和她的食物質素成反比, 伙計燶口燶面, 晦氣, 傲慢. 食客拿本雜誌出來看, 馬上有人來問候, 擔心食客會坐得久).點了壽司併盆(小). 大大塊的壽司, 三文魚大得拖地, 蝦壽司有兩大條, 連帶子壽司和赤貝壽司也是各由兩粒壽司組成的. 肥美有口感, 這才是真正的享受壽司. 這裡的wasabi和豉油也調製很好. 食物方面當真"冇得彈". 吃慣了田中, 就不會再到元氣, 壽司亭等同級壽司店.

第2次光顧, 已經2:15 一樣咁多人, 在門口登記後即要劃紙揀定野食, 因為座位有限, 入座後要立即order, 10分鐘內一定所有食品到齊, 三文魚壽司非常肥美, 是元朗區比較優質的, 是經常現人龍的原因吧! 自從一年前肥少女外賣給我試過後便愛上了, 鰻魚壽司味道一般, 點了豬扒蛋飯套餐, 面豉湯ok, 豬扒蛋飯很大碗, 豬扒有油益味很難食, 蛋濕濕的沒有蛋味及香味也不好吃, bf 從來唔浪費但吃了兩口也吃不下, 蟹籽沙侓很大碗青瓜絲為主, 蟹籽不多, 較普通勝在份量大, 但坐位真的很窄, 枱面也很細, 這次見到有食客投訴等位耐及安排近門口的坐位太窄, 當然你有你投訴, 冇乜人理你, 你唔幫襯大把人幫襯??? waitress 經常加茶, 但氣氛緊張忙碌令人不安, 想悠閒地談天慢慢享受? no way!決定以後只外賣此店三文魚壽司! 其他? no way!

去田中食過很多次,沒有一次令人失望,今天點了兩個午市套餐,海鮮拉麵和天婦羅拉麵,配料很豐富,味道亦很好,跟餐的剌身也很新鮮,招呼都唔係咁差,不停地幫你refill茶,雖然得四十五分鐘係食得趕d,但我都係會繼續幫趁

對田中的服務、環境已沒有任何的期望，但當想食大大件的刺身時總會想到她。平安日，要到元朗辦點事，加上和妹妹要準備是晚的打邊爐聚會就一齊到元朗買餸。辦完公事、買餸之前就到田中食個刺身快餐。十二點多人不算太多，但入座前已take order，我們要了一個岩手蠔煱和一客帶子並甜蝦刺身。入座後三分鐘已送上刺身，之後就到跟煱的刺身，味道就是預期中的，大大件、算新鮮。蠔煱有六隻蠔，加上不同的蔬菜，再跟白飯，份量相當大。很滿足﹗30分鐘不到完成午餐﹗

之前成日見元朗間田中日本料理咁多人食, 咪以為好好食囉, 因見佢每一晚都好多人排隊等位. 咁有一次星期日下午約2點多去就唔洗等位喇, 因為佢哋差唔多要落場休息, 我哋叫咗毎個炸豬扒飯, 三文魚頭等, 但佢d豬扒好勁既油"益"味, 食多兩啖都搞到無胃口食囉, 同埋唔知係咪因為近佢哋休息既時間, 所以d侍應熊度非常之差, 好似趕客走咁.其實之前夜晚都想嚟試, 但真的太多人了, 同佢要入席前己要客係門口要決定食乜及落單, 所以我諗我以後都唔會再去的了

按要求11月15日來lunch,但原來好多限制(已經開12.00noon),牆上寫住每檯客只有45分鐘,人未齊唔比位,但依然多人食!食了:1)薑汁雞肉set lunch:據說不夠薑汁,賣相好夠份量,飯超多2)鱈魚扒set lunch:賣相幾好,同事說味道ok,碗飯好大,真可以2個女仔食1個飯3)鐵板三文魚扒set lunch:同事說味道ok4)汁燒羊扒set lunch:個汁惹味，不過份量頗少(得５小件),相對其他同事,十分遜色,骨肉比例相約,所以可食無幾!但d肉好嫩,可能肉連膏,羊味持久,到放工還feel到d羊肉味。製作時間相對耐d,落單時,侍應已alert我。上菜的時候,其他同事已差不多食完,加上45分鐘的時間限制,所以食得有d壓力每個set lunch除了以上主菜外,還跟1杯橙汁(mr juicy),麵鼓湯,前菜小食,甜蝦,北寄貝,三文魚刺身各1。當日北寄貝刺身好鮮甜,有色澤,大件。-另散叫吉列炸oyster,應是來貨弄熱,否則沒可能落完單後2分鐘內到。不過味道不錯!-順帶一提,見到刺身下的蘿蔔絲是純人手拿出來,全程沒有戴手套,欠d食物安全意識

前一排可能受到孔雀石綠影響，而人數少左o既田中，慢慢，人龍都開始多返喇……上個禮拜同我男朋友去食個雜錦手卷，份份都好大件，三文魚顏色分明，好鮮！88蚊六件巨型手卷，所以元氣元綠果d真係唔能夠o係元朗區立足之後仲見一番以前都係話食得一個鐘，而家都放寬左啦……田中呢件事之後都係堅持每抬客食四十五分鐘當堂高下立見

尋日同個friend入元朗食田中，今次叫左雜錦壽司(十四件- 小) ($123)，同埋三文魚炒飯($35)~D刺身細件左，同埋好似無咁新鮮~三文魚炒飯就淡左D~上次好味好多~但一樣咁大碟~今次係第三次去田中食，但無上兩次咁好，不過值得一讚就係佢既服務~我同個friend本來想叫雜錦壽司加手卷孖寶，個侍應就話我地可能食唔晒，recommend唔好要個手卷~係我個friend想食三文魚炒飯先後加~仲有雖然我地係晏晝最後一桌，但佢無趕我地走，仲同我地斟茶~

媽咪與細妹對田中幾沉迷，除了私底下常去，上個星期日把我也拉了一起去吃。　有網友問過我是不是中午較少人，答案是對的，尤其在十二點前，約等10分鐘就可以有位了。　知道田中的食物大份，三個人只點三樣食物，結果都食得很飽了：三文魚手卷x2-如前所說，每件含四件三文魚，一口食下去感覺太暴發戶了!改成3刺身+1手卷食，還好田中的三文魚味道是ok的，吃完就飽了四成!燒三文魚頭-媽咪的選擇，亦是份量夠大，味道就普通，熟的沒有魚生好吃咖哩牛肉飯-細妹的心水，$35大大份還連miso，真是平得有點誇張。牛肉用了肥牛幾好，但咖哩較水，應該是肥牛煮好後未乾水所致。　店員主動介紹食物之餘偈茶又密，服務絕沒有問題，我甚至覺得幾好；始終這是一間平民食肆! 而味道，起碼它好過元氣、元綠、目黑，還有同樣大件的一番、千之壽。元朗食日本菜，田中仍然是個不錯的選擇!

人人都話元朗食日本野必去田中, 星期日就去睇下佢有咩咁巴閉星期日一點幾鐘去到, 哇...排晒長龍...不過好在都唔係等左好耐, 係門口已經比張紙你order, 係就係快d, 不過食得日本野就唔想要d咁既service囉3個人order左:肥牛拉麵, 一般啦冇咩特別油甘魚刺身, 都幾新鮮三文魚刺身, 新鮮雜錦手卷, 呢個超抵食, 6件大大件的手卷只係$88, 每件裡面都有4件刺身不過講真, 除左份量大之外真係唔覺有咩咁特別...最特別在於佢係限食45分鐘囉,你一入去佢已經寫住幾點要走, 你邊食佢會不斷check住睇下你食成點又睇下錶, 好大壓力囉, 如果係咁的話, 我寧願去屯門的青森, 一樣份量大, 一樣咁新鮮, 不過冇咁多人, service又好好多囉!田中, 試過一次就夠啦!

上星期二試完衫打算去許願樹食飯, 點知經過田中見到竟然無人等位, 仲見到裏面有吉位添喎?! 於是流沙包就提議去田中食飯, 我見反正田中咁難得無人等位, 於是我就犠牲我既心太軟改去食日本料理啦~ 入到去流沙包話因為早前田中被人驗到D鰻魚有孔雀石綠, 唔通係呢個原因, 所以平時大排長龍既田中今日竟然唔駛等位? 我地叫佐個帶子拼甜蝦刺身, 螺肉, 炸蠔卷, 餃子雞翼, 薑汁雞肉炒飯, 海鮮拉面. 味道就普普通通啦, 一向以黎我都唔覺得田中有咩咁特別好食(當然我既思意唔係話佢難食, 只係唔明點解硬係咁多人等位), 但我覺得佢好在咩都即叫即整, 出黎果陣都係熱辣辣.