田中日本料理

营业中

休息中

去玩元朗濕地公園專登搭車過黎一試呢度出名既田中, 結果是比預期中更好!巨大壽司,我們叫左一客三文魚,一客鰻魚壽司,一客三文魚手卷,中間是包住四塊厚厚的三文魚,一個大的蚧子沙律,但太流,,一個銀雪魚飯,銀雪魚是放進口中即溶,正呀,金姑炒銀芽,仲有什菜天婦羅,幾好,樣樣都大大份,好似去左小人國,配埋冰凍可樂一齊食勁正.但等位就耐了一點,同埋只可食四十互五分鍾唯一問題既係企門口個姐姐仔, 態度麻麻....真係好似唔優做o咁款.......

到濕地公園後入元朗搵野食朋友介紹去田中因其出名份量大大件四個人叫了一個壽司拼盆有三文魚、帶子、甜蝦、北寄貝樣樣都超大件有拳頭咁大三文魚同帶子都OK 不過舊飯仲係暖!正常舊飯唔係應該凍架咩...甜蝦夠晒大隻都算新鮮的另外再叫三文魚雜菜鍋加多幾件壽司同淨甜蝦熟食三文魚冇特別不過最差係限時45分鐘交檯平日都好多人等位唔怪得D侍應個個都唔憂做咁款!

十幾年田中搬左幾次,無論係邊個位都係咁鬼多人.晚晚人多到塞住行人路,唯一原因係抵食兼新鮮,三文魚夠厚夾鮮,我食左咁多年都只係試過一次唔滿意,仲有飯團係好軟孰,試過咁多元朗唧日本店,都係覺得佢d飯係最正．．不過如果堂食就真係受苦　　

終於第一次可以試到田中平時一路只是看到網友在評今次我們試了雜錦壽司(13件) - $118雜錦手卷(6件) - $80三文魚頭- $29特價什錦天婦羅- $55特價蚧子沙律(大) - $35先講雜錦壽司包括有三文魚,帶子,甜蝦,魷魚蚧子,鰻魚及北寄貝.三文魚好厚分分鐘仲厚過其他日本料理的三文魚刺身.帶子很鮮甜一定要試.因為本人一向對北寄貝沒有好感但一試之下原來北寄貝都可以咁鮮味同咁好吃...甜蝦亦很大隻手卷的料仲多過飯雖然紫菜淋左但確實足料到震..三文魚頭不干十分juicy...什錦天婦羅不太吸引外面不是脆的蚧子沙律很多都ok.雖然每台限食45分鐘真的十分趕但侍應不停的加水下次會再食過因為壽司同手卷都好好食

今日去咗聞名嘅田中日本料理. 佢出哂名大件夾抵食. 果然名不虛傳.我地未去過,都冇諗過啲份量咁誇張,叫多咗好多,攪到食唔哂啲嘢. 我諗我地嘅份量可以三個人食. 去到成二點都重要攞飛,重一定要落埋單先然後一邊等,一入去坐低就有得食,都唔算等得耐,但平時就唔知喇,我見有人寫食評都要等成個鐘. 重係定咗只可食45分鐘. 好在佢上嘢快,我地又食得快,其實都唔使45分鐘,不過人多食就好似會趕啲. 佢嘅蟹子魷魚壽司,係多到個山咁高,我影咗兩個角度可以睇清楚多得幾誇張. 帶子壽司一客三年,半邊都大過個五蚊銀!! 魷魚壽司大到成個碗咁大塊,我都放對筷子做比例,睇到大件得幾誇張. 海謄好甜,一版加飯團,紫菜只係$68. 甜蝦剌生8件$38,好似中指咁長,咁大隻,重真係好甜,係一定要食. 碎三文魚蔥手卷只係見三文魚,都唔見有飯,出邊只會飯多過餸啫,真係奇景!! 三文魚魚頭又係大到食唔哂,不過一份$32,半份$29,我諗住差咁少就當然叫一份啦,點知真係食唔哂. 我見其他人好多都叫蟹子沙律,係多到一個大湯碗,重要又係山咁高,$35,同出邊細細碟,就住食真係差天共地. 天婦羅又係鬼咁多,

上星期日中午同朋友到田中, 一行五人, 由1:00等到1:50才入到餐廳,外面等位o既人仲多過o係餐廳裡面食o野o既人.又要限住時間只可食45分鐘,真係唔成比例....係門口已經要先order左d食物才可入內, 我o地叫了:- 甜蝦刺身(8大件) - 什錦壽司(18大件) -約$185- 蟹子沙律(大) - 約$35- 塩燒三文魚頭- 雞軟骨(有3串)- 炸蝦什菜天婦羅(有四隻蝦+金菇+冬菇+番薯+青椒+矮瓜) - 約$58- 加洲圈- 約$25- 三文魚手卷x 2 - @$20d壽司真係大到"哇"一聲,見到咁大件.未食早餐o既我o地緊係興奮啦. 但食到最尾, 簡直飽死!!每件壽司飯大約有1/4碗飯, 加埋厚厚的魚生片,尢其拖尾的文魚片.真係,.....唔飽先奇. 不過我最欣賞的佢o既"甜蝦"及"帶子"簡直鮮甜無比. 可能係生意好, 貨去得快, 全部魚生都好新鮮.而三文魚頭(我不嬲都唔太喜好魚頭, 所以無乜食到)但我朋友就話好好味, 好滑, 不停同條魚咀咀, 不知幾滋味.以上共銀$441, 每人$90都唔使, 個個都食到攬住個肚, 去邊度搵??p.s. : 田中逢星期一休息, 而3月中

我覺得呢間野都幾抵~雖然服務態度一般~而且人太多~上星期5我同兩個同學去食~果時下就12點幾~可能早~唔洗等~食學生餐~30蚊都唔洗~而且好大件~好飽~第2日又同bf去食~可能星期6~所以要等~今次食左1/2客三文魚刺身,一客三文魚炒蛋同一個三文魚頭~刺身真係好正~好厚~其他都幾好味~都係$101~幾好呀我覺得

嘩! 入到去真係好大件事, 第一, 佢地比既唔係綠荼, 我飲到似係淡到如清水, 第二, 我叫了金姑牛肉卷, 食食下發覺點解有條金姑咬唔開, 原來這是橡皮筋, 我們立即叫佢d話得事過來, 那個小姐已第一時間話唔好意思, 這碟不收錢, 我心想, 緊係唔係第一次有人投訴, 如果唔係點會咁快就話唔收錢塞住我地把口.

15/1/06 dinner同朋友揸車入黎食,食到第一輪等左都係15mins到.叫左d刺身,壽司拼盆加多個沙律已經好夠.質素ok啦,咁既價錢已經唔錯喇.

元旦日,7 點左右黎度,門口已經有好多人等緊,我同bf拎左位後,即刻睇下食咩,不過等過既朋友都知,冇45-60分鐘都唔駛指意有得入去食,所以等左兩個字後,決定外賣走人,點知比錢果時,原先簡既(甜腐皮同魷魚筒冇)咁再簡個北寄貝壽司,staff話我簡既北寄貝壽司冇貨,但係就叫我食北寄貝刺身或北寄貝手卷!!!我真係想知點解有手卷會冇壽司?大家唔係都係飯咩?!有北寄貝刺身但係做唔到壽司?!唯一解釋係手卷同刺身價錢係比壽司貴囉!不過佢既三文魚肉眼扒烏冬都ok,d三文魚扒好大塊,有三塊,仲要有金菇,冬菇同椰菜做底,不過d烏冬就同超市買一包包自煮果d冇咩分別.蟹子沙律好大碗(多蟹子),秋刀魚加左d檸檬汁都幾好味!!叫左:三文魚壽司,鰻魚壽司,三文魚肉眼扒烏冬,蟹子沙律,雞軟骨(有三串)同秋刀魚共$165其實價錢同元氣差唔多,我情願簡元氣,起碼唔駛等完一個鐘之後,食唔夠45分鐘又趕人走!!

星期日...同我個妹阿B一齊行元朗,,,我要幫佢買衫..等佢下星期去飲..佢因為年紀仲細...阿媽成日又唔會帶佢到處去...所以,做家姐的我一定要帶佢試下好野,,,佢話想食壽司,,我地咪去左田中食午餐,,,我地叫左一個咖喱雞扒飯同埋一碟玉子壽司....一向田中的壽司都係大件的,,,是我意料中事...但估唔到個咖喱雞扒飯都係超級大碟...,兩個女仔食都足夠！首先...講下個玉子壽司先啦！我無食,,兩件都係阿B食左...佢話好好味...正過元氣壽司好多...至於個咖喱雞扒飯..D咖喱汁好好味...雞扒都好好味..連D薯仔同埋紅蘿蔔,,都好好味...整體來說都好推介呀！我們兩個食左如上的野...都已經好飽！埋單只係HKD50.-,平時去普通餐廳都係差唔多$25一個餐..而家...都係每人$25.-就可以食到好野...真係好鬼開心！p.s.:每一次去元朗都係晚上先至去...所以,,成日都見唔到永年士多...今次中午去...終於見到...個間野真係好多人排隊...下次有機會中午去..一定都要試下先。

this shop is really wasting lot of food!all the dishes are in BIG portion, and that's not the worst point, more unacceptable is that all the food taste bad!!the sashimi are not fresh, and the ratio of fish and rice of the sushi is just extremely terrible!

無錯, 樣樣野都好鬼大份, 但係除左E樣, 我真係唔知仲有D乜野可以講.....三文魚無魚味甜蝦無蝦味炸豬扒, 天婦羅通通都無味我去食元祿都無咁谷氣....我同女友食到一半, 已經無哂胃口, D野食質素, 簡直係我食過咁多次日本野以來, 最差既一間....如果你對食物質素有要求, 千祈千祈唔好專登走入去食, 你只會一肚火, 同埋, 食剩好多野!!!

我自問係一個為食又愛食日本野既人，多年前已愛上田中既日本野大件又平。但最近再去已經不可接受，刺身大件到冇咩口感，壽司學埋果d大而無味既飯加一片刺身，三文魚手卷重好笑-有四片三文魚刺身，炸蝦天婦羅-多炸粉加冇味假蝦肉。燒牛利落多左鹽-不過已是全晚最好食既一碟。不過都好過"一番"既....唔明元朗既日本人飲食文化幾時開始變成咁，只係大件，一d都唔好食。我可能都要出市區食日本野先得。各位請再諗諗，佢地呢個價，唔係好抵食乍。重有，九點後不用等位。之後好多野都冇食即走人，去第道食過，行過其他既日本店時見其他人都show"實物原大"既壽司sample俾人睇。我就冇眼睇喇....

上星期五晚與朋友一起試試此店，起行前已知要等候頗長時間，所以大家分批抵達，朋友先行於6時半到達等位，我抵達時都差唔多七時半，店外己人頭湧湧在排隊等入座，結果差唔多8點先有位，進食時間只有45分鐘，入座時，待應已在單上寫上夠鐘時間以作記錄。朋友較喜歡魚生，他們都對魚生讚口不絶，又大件又美味，仲好抵食呀。我個人不好食生食物，幸好還有很多選擇。鐵板帶子都好好味，蟹子沙律好大碟，海鮮餕子湯少少辣，好正呀!金菇牛柳卷都okay，盬燒雞翼都唔錯，當晚仲有特價北寄貝手卷，內有五片北寄貝，手卷份量都好大，真係大件夾抵食。離開時，門外亦有長長的人龍在等位。如果你能夠忍受較長的輪候時間，絶對值得推介呀!