田中日本料理

营业中

休息中

外賣返屋企食係門口都等左一陣三文魚: 好厚好大片, 都幾新鮮!手卷6件: 有帶子,鰻魚,三文魚2件,三文魚腩碎,尢魚都好多料不過d飯係無咩醋味!!

上次去個陣應該係下晝點幾, 不過真係要等okay耐先有位, 而且其實間野都幾逼下, 我唔知係咪淨係依家啦, 佢規定左每枱淨係可以食45分鐘不過睇在佢d野食份上都算係咁啦, d帶子壽司好好食, 都幾大隻, $29有三件, 三文魚壽司大到嚇死你都係$16, 真係好厚, 都算新鮮不過落完單見到隔離order左個刺生定食, 好多~.~...睇到呆左, 都係$59, 下次會去試同媽媽兩個人叫左個迷你海膽三文魚碎飯, 兩個三文魚壽司, 一個帶子壽司, 一客炸餃子, 仲有兩樣野, 唔記得左, 埋單$114如果唔怕等同食得快真係唔錯既選擇

個個諗住朝聖咁去田中，一係就約一大班人...(over六個)去食一來食o既時間又少，專程黎o既，一定會唔likely二來等好耐，附近冇乜野行，又一定會有d人唔likely三來，人地舖仔細細(around坐到四五十人o既舖仔)，要group一張over六人o既抬出黎，一定係比兩三人細抬等得耐好多囉我成日眼見一大班人去等，一定有d 人有怨氣，咁咪盞攪到食得唔開心....唉講真，真係要話比d人知，呢度係要等好耐o家喇....如果諗住唔使等，任坐成晚有平靚正好野食o既田中唔o岩呢d人囉

好多人都讚呢間田中，入開元朗，更要入去會一會佢啦！點知......叫左三文魚刺身($46/8PC)、珍寶北寄貝刺身($40/5PC)同珍寶帶子刺身($84/8只)概括來說，全部都OK新鮮，但係全部都食唔到海鮮的甜味。失望！鍋物叫左日式海鮮鍋($48)，味道完全唔得，唔夠味！甜蝦壽司($23/2件)、蟹柳壽司($15/2件)、魷魚蟹子($19/2件)、蟹子沙津壽司($18/2件)，飯太大舊、無醋味......炸蝦天婦羅($58)同、蟹子沙律小($29)及炸鷄軟骨($22/3條)三樣野就最正常，無話特別好同差。不過最值得一讚的是佢個鰻魚壽司($19/2件)，佢係即叫即燒，食的時候暖暖地，幾好味！概括來說排左大半個鐘頭食D咁既野，就真係要考慮清楚。仲有，佢D待應真係無話好說。佢一路拾枱，就碌到我一身都係紙巾同蝦殼，粗魯到死。

成日落田中開吃，因為熱愛三文魚酷愛這裡的三文魚刺身和鰻魚壽司；其他食物較少涉獵，但水準也不錯，勝在夠新鮮，即叫即整，而且十分大份。缺點就是，魚類不夠多，連拖羅也欠奉。總體而言，抵食，但因每次都吃三文魚及鰻魚已飽了一大半。

欣賞它的不止是食物,更喜歡它的效率,明知多人有排等,但它會安排客人在等的時候先點菜,等客人一坐下, 壽司魚生等食物就送上,好似台灣的鼏泰豐一樣,雖然在店外要等很久, 不過一進去就可放心吃,不再苦惱要點什麼菜~

成日見佢咁多人排，以為好掂，點知失望因為太多人食，限時45分鐘，其實係夠時間，但心理上覺得好趕，食咩都好似無味，食到30分鐘左右，已經唔比再落ORDER，所以真係要一早睇+叫定要乜D野食算平，份量又多，但味道唔特出下次叫外賣可以會好D，或者去返隔離酒泉，

第一次來吃午飯，要了２個餐足夠３人分。第一個是壽司餐：－三文魚壽司（３件）－甜蝦三文魚壽司（１件）－蟹籽魷魚壽司（１件）－北寄貝壽司（２件）－蟹籽蟹柳卷（２件）鮮度一般。第二個是鐵板三文魚飯餐：－有三塊三文魚，當然沒有一般三文魚扒的大和厚，也不太香。－不過什菜不少，而且有牛油味，好！－連一個好大碗的白飯！每個餐都奉送前菜和飲料，我們共有一份刺身（２隻甜蝦、２塊北寄貝、２件三文魚）、一塊燒三文魚、煎隻煎餃子、兩杯橙汁、一個麵鼓湯，水準一般，沒有期望就不會失望，只覺好抵。特別要一提的是甜蝦意外地大和鮮，好味！

小店子環境一般，我們只order了一個牛肉鍋+一個三文魚手卷。(沒胃口嘛)先來了三文魚手卷，不過不失，但三文魚不算很新鮮。牛肉鍋要了地獄湯底，有一個飯+餐飲，我平時都不食得辣的，好在有飯中和一下。牛肉份量也算足夠，但配料只有一條金菇和十多條大白菜，略嫌寡了些。

前排食完酒泉, 今次再特登排左一個鐘去食田中其實, 拎完籌之後可以四圍行下先, 過左一個鐘返來就差不多架啦今次叫左兩件三文魚手卷, 兩件北寄貝手卷, 鰻魚壽司, 帶子壽司三文魚好新鮮, 同隔離台order既刺身一樣甘有油光北寄貝手卷, 入面有五片北寄貝, $20好抵食鰻魚就好似縮左少少水帶子壽司一客有三件$29, 好鮮味來田中, 其實一早預左排隊壽司既飯團亦確實大左少少, 但可以唔食的, 雖然浪費單食壽司/手卷的魚生, 其實已經值回票價雖然話只得45分鐘進食時間但入場之前, 大家基本上已經揀好野食而一坐入面5-10分鐘, 亦都會上齊食物其實時間都係夠用囉但環境逼就確實令人食得唔舒服

住係元朗咁耐，都未去過田中．．於是乎前兩日同ｄ　ｆｄｓｓ去左試試，都要等成三十分鐘倒入到去，　我地四個人叫左一個雜錦壽司（＄１２８）加一個三文魚沙律（～＄４０），　初時打算食完再叫，點知．．首先來嘗嘗個ｓａｌａｄ，ｄ三文魚份量不多，撈"暈"後已經消聲匿跡, 最多的是青瓜絲!! 於是我地將所有寄望放在sushi上。一大盤sushi都來了, 眼見大大舊的飯糰.... 心知不妙! 果然, 各人吃了三四件後開始停手, 原因是飯太多了.... 最後剩餘的, 我們都只是吃了sushi上的刺身罷了!!! 之後都沒有再叫其他~ 吃夠一小時多, 就埋單了!總括, 吃完這一餐後, 並沒有太大的意慾再試, 事關沒有甚麼特別呢~ 不過有一樣野值得欣賞的是他們的三文魚壽司的確頗大件的!!!

二人晚餐: 點左a)三文魚手卷$38 兩件b)餃子拉麵$33c)什錦天婦羅$55d)洋風燒茄子$38a)三文魚手卷: 都算新鮮, 但鮮得黎少左d 甜味b)餃子拉麵: 一般質素c)什錦天婦羅: 很香脆大件, 最抵食呢個d)洋風燒茄子: 芝士, 肉鬆, 木魚絲加上茄子, 感覺特別, 但又唔係咁好食由星期六18:30留名, 等30 個位, 19:15 黎到都係未有位, 到19:50 先有位實在誇張! 元朗一帶有好多壽司, 其實真係唔駛食田中, 其他幾間仲多好多特別菜式供選擇

睇過人地講,元朗,一定金田或者田中,上次去過金田就真係麻麻,田中好好多(d 野食)d 手卷真係幾大舊超低食呀!黎過田中唔會再去第2間食嚕~~雖然d服務麻麻地,不過呢間d 野食真係幾好~其實我地做食客既,最重要都係d 野食姐,服務不過不失咪得囉,我就覺得田中好過金田好多!

尋晚又同女朋友响元朗搵野，一向有留意開呢度人人都話响元朗食日本野黎唔開佢或者金田。今日先試下田中有幾得先。去到對面馬路已經見到一大堆人响門口等位，果然係聞名不如見面，卒之等咗一個鐘頭左右先有位入坐，希望啲野食真係如傳聞一樣咁得啦，唔係呢一個鐘咪好唔抵。言歸正傳，我地今次叫咗以下既食物﹕細刺身拼盤–三文魚8片﹕好新鮮好大塊，唔錯。海膽半板﹕都幾新鮮，但如果多啲就好喇。墨魚5片﹕好彈牙，good take。帶子5片﹕呢個比較普通，但都ok既。北寄貝6片﹕又係好彈牙，唔錯。蝦5隻﹕其中一隻瘀黑色，另外4隻都ok。海膽三文魚籽壽司–兩樣都係我既至愛，呢個crossover實在係完美既組合，就好似佐敦同柏賨既配合一樣。三文魚手卷–件手卷成杯老麥新地咁大，件手卷有成4條三文魚响裡面，條三文魚仲要長到有卷頂到卷底，超級好味&抵食。三文魚海膽飯–又係絶佳既配合，掂。鹽燒帶子–我個人覺得尚可，但女友話超好味。總括食物真係幾得，但等位時間太耐同限食45分鐘就唔係太掂，加上咁熱既天氣大街大行等一粒鐘就真係會死。

母親節由文華buffet降格至潮館，唯有再送多餐給媽咪。在元朗眾食肆中，她揀田中，而且指定外賣。反正田中環境、服務皆麻麻，又設45分鐘用餐限制，外賣實在是個幾聰明的做法。　三文魚刺身-媽咪的最愛，成為她的主菜。可惜今次的三文魚新鮮度一般，味道很普通；其實平日田中的三文魚是幾靚的!　玉子壽司-看雜誌講過，簡單的玉子壽司是測試廚房功力的試金石，如果店方肯花心機，做好一層又一層的蛋漿，其出品必定不會差。今次品嚐時我有特別留神，注意到玉子的確有做到層次，不過味道又吃不出有特別之處，始終田中並不是精緻的日本菜店吧!　鰻魚壽司-大大條的鰻魚，除了我喜歡，也是細妹唯一會吃的壽司(是晚她只有另外外賣博多拉麵!)，味道也可以。　海膽蟹籽壽司-主觀覺得海膽與蟹籽皆很腥，從來不太喜歡；不過媽咪就幾欣賞，見她食得過癮就夠啦!　不是特別好又不是不好，價錢就肯定平；這頓外賣，才不過$120，給個笑臉啦!