田中日本料理

营业中

休息中

入元朗食壽司必見到田中門口好多人聚集, 唸著柴娃娃去試下有幾好味, 係壽司大件d,但味道不是真的咁好味, 而員工服務真的十分之麻麻, 本人認為食壽司環境好重要, 故此,本人認為好多地方都好味過田中,不認得千里迢迢去咁遠, 而且不是太抵食, 元朗一番都好味過佢

朋友介紹,話呢間係元朗區內人氣餐廳,抵食又好味,值得一試,所以可以話係慕名而來。嘩!估唔到真係咁受歡迎,有咁多人等位!但係山長水遠,唔通走咩?等成個鐘都要食啦!見咁既形勢,心諗以為一定好好味,點知唔知係咪期望太大,食完令我有點失望囉!無錯,刺身係抵食,所以同朋友係咁點我地至愛既三文魚刺身,全部係厚切,入口好有口感,啖啖魚生味,唔會薄令人覺得EE,食左好似無食咁,好在佢又唔腥,我諗都算新鮮,總之食入口好有滿足感果隻,話雖如此,其實佢又唔係有咩過人之處或者特別好味既,只係出去食,可能咁既份量同味道,唔會係呢個價錢咁解囉!壽司方面,真係好一般,用大件夾抵食黎形容就得,話好正就唔算,因為同出面壽司店分別唔大,或者係因為我地只係叫鰻魚,吞拿魚,三文魚,蝦果的普通款式卦…反而我最愛帶子壽司,感覺新鮮!好味!朋友食燒牛舌,我覺得好恐怖,唔食,但係聞到又真係幾香,佢話好味喎!呢餐只可以話OK,唔係差,但係其實D人唔使讚得咁犀利囉!

我本身都有食開田中，由舊址食到新址，佢地定左食45分鐘o既規矩我可以接受，因為幾抵食，但當佢地搬在新舖之後，等o既時間仲耐，而食物素質我本人覺得差左，早兩個月前想再去食，睇下有冇改善到，一去到嚇死我，應該有70-80人係門口，起碼要等兩個幾鐘，本身都想等，但又好肚餓，我見佢地隔離開左間日本o野(之前未有)又有位，就諗住入去試下，就算唔好都係一次o者，入到去覺得裝修幾好一定坐得舒服過田中，食物價錢ok，唔會好貴，味道亦幾好，剌身都好新鮮，整體比我最後一次食田中好得多，所以我而家已經轉在去呢間食啦!唔使等又唔限時幾好。

係元朗都有好幾年歷史..晚晚都排晒長龍..但我就無正式幫襯過(有次只係食左件手卷)..上禮拜三晚見唔算太多人..就同女朋友去試下啦..等左唔駛10min就入得..間野限時45min內食完要走..所以叫野食..都要係等位時叫埋..雖然的確係慳到時間..但要d客人企起街到自己拎住張紙寫菜..仲要無野比你氈住黎寫..其實係好辛苦囉..2個人叫左好多野食..但就好壞參半..先講好既野食..釀雞翼..真係做得唔錯..用上日式燒汁..味道岩岩好..水準之作..日式吉列炸蠔..都係水準之上..香脆得黎但唔油膩..起碼食唔到用萬年油炸出黎既感覺..麻麻地既野食..就有串燒牛舌..簡簡單單用鹽同胡椒粉帶出左牛舌既鮮味..可惜燒既時間唔夠..做唔到香口既感覺..壽司..太令人失望..飯團居然係熱既..而且醋味不足..其實舊飯就唔駛咁大..太大舊反而做唔到一口一件既感覺..帶子壽司係幾大件..而且有3件咁多..但就唔鮮..咬落去好散..失望..鰻魚壽司同係超級市場買既鰻魚無咩分別..三文魚還可以..起碼比係一番..無咁多根先..燒羊扒..蠢左..唔應該係度叫燒物..一d味都無..燒既時間唔夠..煎都或者好食

Food size were huge but the service was very very bad.

一去到已經見有好多人等位, 心諗咁多人等以為d食物好得....之後等左大半個鐘入坐, 叫左d食物, 係好快上枱. d食物又真係幾大件, 尤其係d三文魚刺身. 不過壽司d飯就真係非常唔得, 唔知係唔新鮮一或d米唔靚, 以前係其他地方(包括埋超市壽司)食果d都無咁差...服服方面.....唉~

^^ 19/1, 今晚,同o左朋友去田中食\\\"生日飯\\\"田中搬o左新鋪位後,我都未去幫襯過~我們order了1)壽司併盆(大/共19件)$1XX ~有甜虾x2,帶子x2,北寄貝x2,三文魚x6,鰻魚x4,(好似係)櫻花魷魚x3(2)蟹子沙律(大)$37 ~好多蟹子&青瓜絲&少量蟹柳絲(3)海膽一板$78 ~附:一舊壽司飯&四方形紫菜數片(4)美國生蠔$48/4只~(d蠔唔夠肥)(5)海鮮什菜煲$48 ~ 每款海鮮都有少量,但個人認為海鮮都係\\\"生\\\"食好味d.(6)燒鯖魚$3X ~朋友點的餸,個人覺得此魚有D魚\\\"Sam\\\",燒三文魚可能會好味d.(7)軟殼蟹天婦羅$48/2只~好味,隻蟹唔係好細隻..仲有少少膏.後記:今次一行4人,其中兩個朋友係第一次入元朗食日本o野o既,佢\\\o地都覺得幾抵食&好味&幾新鮮(以某幾間日式連鎖壽司店來對比)^^ 其實食緊野時,見到隔離位d三文魚刺身&刺身併盆&三文魚手卷都好正,可惜~眼闊肚窄.3女1男食o左以上7款食物後,已經再無能力order其他o野食啦!另外:可能因為我們早去到(7pm)所以等o左半hr就入得,而員工係會

今日同阿媽終於黎左lei道試!叫左【帶子刺身半客】,【鰻魚壽司】,【三文魚手卷x2】【帶子刺身】最先上台,有8片,賣42蚊味道真係好正.....好甜,好大好有光澤!真係比出面食既好!但係已經無左帶子拚甜蝦啦佢話可以每樣一半..但係加埋都成7十幾蚊...【鰻魚壽司】-19蚊兩舊..比想像中短,但係都好香【三文魚手卷】-38蚊兩個三文魚的確有4塊,但係唔係咁肥美,其實係咪等如38蚊8片刺身?只不過多左d 飯想到lei道...我唔係咁肯定佢係咪咁抵食兩個人唔飽,99蚊賣單下次食既會係壽司小拚盤,好似比我咁樣食更抵

見到好多人話好抵食好多係好多年前我都曾經同一個朋友試下去排除睇下係咪真係咁好食入到去就放張子係我前面45分鐘見到之後諗都唔諗即刻走我真係好想知道依家d人食野係為左平定係為左乜野呢,食得趕頭趕命為咩?食野除左睇食物之外環境各樣都好重要事隔咁多年仍然見到d人癲哂咁去排隊每次既結果我都係笑呢班人無知食餐飯排幾個鐘頭,坐就幾十分鐘可能我呢一生人都食開貴野,對呢d低級又不正宗既食物完全冇興趣以上係個人意見

小弟去過兩次, 第一次係朋友帶我去當時係閒日, 大約係晚上7點見到門口有一班人...入面都ok爆但係我地兩個一攞飛就入左去lu, 唔使等叫野食...真係好大碟, 好誇張但價錢又唔係貴, 叫左好多平時比較貴ge食物最後埋單都係90蚊, 抵食但係有樣唔好, 就係限時45mins...不過好彩, 之前我食左d野先入去, 所以都叫少左但係...可能我食得太趕, 我同朋友都食唔哂就算我見隔離pair情人都情唔哂不過我誇d, 真係食到想嘔!?=====================================第2次係我帶朋友去食, 日子係星期六見上次咁抵食就都叫好多野喇但係呢唔知係咪星期六的關係d野食今次黎到係細件左!?可能我今次都係食左野先去所以都叫唔多, 不過叫親都又係算貴野果d不過拉均又唔係好貴, 都係97蚊結論係我覺得抵食, 不過weekday去仲好~~係差在要限時...

九點二返到元朗, 去到田中, 基本上唔使排隊拎張紙寫左要食乜, 之後就已經入得上菜既速度一樣都係甘快坐低3分鐘已經有野食, 所以45分鐘其實夠食的腐皮手卷, 一客有四五塊係入面, 味道偏甜鰻魚手卷, 一塊大的鰻魚, 份量縮左水燒三文魚腩壽司, 好食, 但魚腩上既鹽多左少少帶子壽司, 一客有三件, 好新鮮吉列蠔, 一客六件, 夠juicy之後再加多兩客三文魚手卷三文魚既份量明顯縮左水, 而且新鮮程度一般, 唔好食希望下次再來個時會有改善

網友大讚呢間野好味又抵食..1. 壽司飯有一陣"up" 味及酸味(可能醋落得太多) 還有就係味精, 食完勁頸"hot" 2. 唔覺得大件又抵食, 可能之前去過一番食過一次, 之後先黎呢間田中食, 所以都幾失望3. 炸物及熟食味道: 平均黎講唔覺得好味, 當晚叫左個跌板燒牛肉加xx茹, wah! 個跌板d 油多到可以炸野呀!! 仲要牛肉超"un" d 茹吸晒d 油, 叫人點食呀!! 同枱另一pair 人都有叫呢個跌板, 同樣地大家都唔知點面對d 油, 最後我地都冇食到, 只有食左1舊就放棄!! 個pair 人就用食拉麵既湯洗過先食! 黑豚肉串燒: d 肉的確幾林身, 但28蚊2串呢個價錢一d 都唔抵食!!仲有叫其他野食, 但食物真係非常一般, 所以我地係唔會再去呢間田中食, 又唔係好食, 又限時, 得個45分鐘食得咁辛苦, 真係唔值得再去!

昨晚大約六點到田中，等了不久便安排入座。如果晚一點到便可能要等很長時間，就算每次光顧上限是45分鐘，不過外面等的人實在太多了。評語可分為兩個層面。如果是朋友聚會，對食物要求一般的，那真是不錯的地方。壽司的尺碼是非常大，刺身也不錯。食物的份量相對價錢來說是十分抵食的。不過假如你要求的是正宗日本手握壽司，你可能會有點失望。田中壽司的最弱的地方是壽司飯，一大塊的有人會說很抵食，但飯比較冷而且很硬黏性很低，味道很一般，吃了上面的刺身便不想吃那一塊飯了，這個很有問題。還有一點是一般香港人喜歡吃的三文魚，四十多元八片是十分抵食的，視覺上很滿足，不過當你吃過真正優質好味的三文魚後，你會發現他們的三文魚沒什麼魚味，這點對要求一般的人可能沒所謂呢。

今個星期11.29-12.2是葛福臨佈道會，講真真的有點緊張呀!這幾天謝絕約會，希望爭取好點的睡眠，卻又想食飯減壓，前晚同媽咪選擇在元朗近近地開餐。　今次是田中搬舖後第一次光顧，環境比之前大了，不過座位間仍然頗逼，而且，仍然要夾檯...兩個人食了：　壽司拼盤($123)-重溫了壽司拼盤，份量仍然十分巨大，還好我們只叫了細裝(14件壽司)。每件壽司的都伴以加大裝的飯，這是我不喜歡的，不過同時魚生新鮮(turnover rate高!)，切得厚且多，很公平的要讚一讚。三文魚壽司的有4件，由於田中的貨色實在是新鮮又好味，吃得很滿足；甜蝦也十分新鮮，魷魚與帆立貝亦然，鰻魚滋味也不壞。除了北寄貝非我所好，以及飯實在太多，這份拼盤質素都算令人滿意，而且才賣$123實在抵食!　其實一份不細的細壽司拼盤，足夠填飽兩個人有餘，不過總心思思想試幾款食物，又點了：　燒牛舌($29)-第一口感覺很香，質感又滑溜彈牙，正想讚，兩秒後口裡卻全是咸味，趕緊吞兩口壽司白飯!是椒鹽下得太多了，減一半份量吧，一定滋味好多!　燒三文魚鰭($29)-壽司差不多吃畢才上，縱然肥美三文魚鰭燒得又香又嫩，也無心欣賞了。　田中的份量真

甜蝦刺身好正三文魚刺身好厚~ 正!帶子壽司仲正,又抵,帶子壽司, 一碟3件好似$29不過我好唔鐘意要企係出面ORDER, 又限你45 MIN 走. 食完野即刻收晒你d 野, 下次可以既都係叫外賣算!燒物麻麻, 整到好油!LUNCH 位位$70