田中日本料理

营业中

休息中

素聞元朗有一間薄有名氣, 客似雲來的日本壽司店, 是日和友人和太太三人到元朗一遊, 當然要一嚐在出發前, 先往開飯搜尋, 第一個結果己經是田中了, 有百多個食評, 不用說應該是這一間了到達田中, 就在大馬路口, 遠看己經見到人潮, 門外還張貼了每桌限食45分鐘的字句拿了籌, 問名的服務員先將菜單給我們, 細看菜單, 感覺一點不便宜, 三文魚壽司一客兩件要17元, 怎麼這間田中名氣極盛? 點好了菜, 再等服務員叫號碼, 服務員叫好號碼後, 又要再等, 如是者等了大概一小時, 終於可以入內了由於服務員己預先將我們的食物落單, 所以坐不沒多久食物就開始送上先說店面, 很擠, 密密麻麻放滿桌椅, 很難想像這細小的店能容納一批又一批如狼似虎的食客因為我們有三人, 所以點了相當多的食物, 惜在食物送上的時候, 看見食物大小不合比例地大時也不禁大吃一驚, 以它供應食物的份量和價格相比, 也就很容易理解為何這間田中著名如斯和其門如市了三文魚壽司, 一客17元兩件, 味道其實一般, 但可以說他一件大概相等於元氣的四至六件等, 拖地的三文魚塊, 每件大概比牛舌還要長火炙三文魚壽司, 我們也點了兩客四件,

7月23日, 晚上八點半, 坐車經過田中, 見唔係好多人排隊就是就走左來幫襯拎左紙仔揀野食, 然後等左大約10分鐘, 就有得入座了但食完之後覺得好失望三文魚壽司, 完全無魚味, D飯仲係暖的帶子壽司, 一點都唔鮮甜, 好差好差 (我仲叫左兩客添, 好艱難先食晒)鰻魚壽司 : OK, 但鰻魚縮左水細八爪魚 : 味道只係一般火山卷 : 呢個還可以, 但面上的甜蝦都只係一般新鮮招呼 : 今次ok喎, 人手夠之餘, 仲多謝前多謝後價格 : 埋單$151, 但水準唔掂, 所以唔覺得係抵食另外, 係門口排隊等位揀野食個時, 見到門口有牌寫左三文魚壽司加 $1但點北寄貝壽司時, 落單個時先講要加 $5, 問佢點解無寫出來, 又唔答點甜蝦壽司, 又話無得散叫, 又係無解釋, 唔掂囉以田中係元朗既名氣, 今次甘既水準, 真係要俾個 喊 先得, 希望佢會改善否則, 點會再去排一個鐘

田中...食左四年，都係個句好食又大件。你唔好EXPECT佢有好多花款，好似酒泉甘...不過係三文魚刺身就真係無得頂...又甜又新鮮!!!星期日，因為想睇獎門人。所以決定外賣返家。兩個人點左壽司，有三文魚，鰻魚，帶子，同埋炸蠔卷。正!!!!!之後，再點一個必食既蟹子沙律。見海膽甘抵，一板58...叫左一板。當然，水準非常麻麻啦。見汁燒羊扒甘抵，叫左2件啦。都係28大蚊!!估唔到佢甘淋，又香，抵讚!!!!今次食左250大元...唯一希望可以改善既，係門口D小姐既態度，有點先呼喝囉....同埋如果可以EXTEND食野時間就真係好啦...

2008-06-15 (星期日 - 父親節)其實都唔係第一次去田中食架喇, 撞o岩父親節又唔想太傳統咁食中菜, 所以我建議屋企人一齊食田中. 當然最重要o既主角父親大人都喜歡食日本料理 一向都知田中出左名等位係要等得耐同埋食野要限時(只有45min), 唔想等太耐同食得咁趕所以一早決定去買賣外返屋企食. 7:00pm去到叫外賣, 7:30pm已經cut左唔接外賣單, 好彩~ 哩一日, 我地叫左2客雜錦魚生飯, 1客細雜錦壽司, 1板海膽, 1客特級火山卷.雜錦魚生飯 - 差唔多次次去田中都會叫的主菜 因為佢d魚生真係大件夾底食, 如果堂食的話, 我會揀雜錦魚生拉麵多d, 因為哩度o既拉麵湯底都ok的. 至於d魚生呢, 味道尚可. 但相比市面其他日本料理店的魚生, 哩度叫好食架喇.細雜錦壽司 - 每件都大大件, 刺身份量十足, 但d飯略為大舊. 飯o既size細返d會好好多.海膽 - 一分錢一分貨, $58黎講叫做ok. 不過老實講, 係吉之島超市賣o既比佢更好味(有得自己睇o岩先揀添), 最好食當然係去築地食果d啦~~ 特級火山卷 - 一個字..."差", 哩件野同最早期(好耐好耐

咁岩入元朗搵朋友, 佢地就提議去田中, 因為搬左之後都未試過,7 點零去到, 門口已經好多人, 要等位,門口個女侍應好似唔想做咁, 你問佢10 句佢先答你1 句,我仲見佢鬧其一個買外賣既女仔tim,入到去又只可以食45 分鐘, so crazy !!至於食品質素方面, 就地區及價錢而言, 都差唔多架啦,跟本唔會有咩 expectation, 不過我唔會再去lor...

My Aunt always suggested to go here to have Jap lunch whenever she thinks of having Jap food. However, everytime we came here, there were always long queues outside.In my view, the quality of the food is just so so even though the price is cheap. But, as a person who would like to have a decent meal, I would not suggest here as the ambience is too crowded and too rush. The sashimi is not too fresh, tempura too oily and seaweed not crispy. That said, if you are only concerned for the price, t

因為搬左入天水圍o既關係，田中可以話成為左一個月最少光顧一次o既食店。見到有部份食評批評要等好耐、坐得唔舒服同服務唔好，其實全部都好同意。但講到食物質素方面，我唔敢話樣樣都好食，但睇埋大家叫o既食物，立即有種「識得食可以好好食」o既感覺。田中出名o既主要原因係用料新鮮，所以黎呢喥其實最好都係食生o野。曾經叫過炸物、飯、麵等熟食，都只係收飽肚之效，除左個炸軟殼蟹係好食之外其他熟食一律可以慳返。反之呢喥o既生蠔、三文魚（請唔好叫火炙或者煙o既）、甜蝦等刺身，都係非常新鮮抵食o既！（以前o既帶子刺身真係好正！又甜又大粒！而家開始越黎越唔好食～）另外每次都會叫o既係蟹籽沙律，一來冇咩菜食，二來真係整得幾好，唔會水汪汪，蟹柳絲亦都唔少。可能我自己住得近，的士來的士往，心態上會當呢喥係普通開飯canteen咁，唔會好介意服務環境同等位。我都好明白有d朋友可能山長水遠黎到等咁耐，點知唔可以舒舒服服食一餐就俾人趕係一d都唔好受，但講到食物方面，個人認為又真係唔會差到喊o既！只要唔好食熟食，淨係食生o野，相信大家唔會咁失望o卦～

以前仲係舊址果陣,見到咁多人,心諗應該幾好食掛..食得45分鐘,ok la..等呀等等呀等..終於有得食la..入到去..坐低..周圍都係非常壓抑既氣氛..見到d人個個都係度埋頭苦幹叫左壽司同飯..詳細係咩唔記得la..d壽司..紫菜唔脆飯又要散..咁大舊想食死人咩d飯又係大大碟,又要1pat pat既我又唔覺得平wo,除左大件.45分鐘都係岩岩好食完.我唔會再去呢間野食架la,食壞我個肚呀!

前兩日去咗食田中, 好彩早去攞位, 兩個人只係等咗20分鐘就有分了。接待員無咩耐性去等客人落ｏｒｄｅｒ，　所以你地去到最好有個心理準備知自己想食咩。兩個人叫咗一個大的壽司雜錦，總數有１９件，我覺得可能貴咗，所以件三文魚好似無以前咁大咁厚。而味道就一般啦，唔算好好味。海膽飯就ｏｋ唔錯，以價錢計算係好。而個三文魚頭就過咗少少火。我地兩個人食咗個大沙律，　但係唔多得，因為青瓜絲帶有苦味，唔多得。

今年的清明節是個happy friday,對於我這種打工仔來說絕對是好事。還有兩天假期的我食得分外高興!是日我們一家四口於掃墓後來到元朗。一下車，已經見到田中成個墟咁。只不過六時半左右，都幾不多有50多人在等了!想起來都有點誇張!我地好不容易先可以係9:00中入座，其實真係餓到無咩mood食了!!我們點了:1. 當然一定要食既三文魚刺身啦! $48/半磅有8片厚切。的而且確係好肥美既~ .2 我們貪心的點了三文魚手卷。有4片刺身放在飯內。實在係好抵好抵既...不過飯係熱既....紫菜林晒，不如唔好食好過!3. 帶子拼牡丹蝦‧呢個可以係我既首選，我們點了8隻蝦，實在太正了。又鮮又甜，真係唔夠侯，個帶子雖是乾了點~但仍然很掂，很有口感呀~4.炸軟殼蟹也是一流的，原因是夠大隻，又有膏。一口咬下去，膏竟然可以噴出來的‧熱辣辣時，真係頂瓜瓜!5.鰻魚炒飯同樣是意外驚喜，炒得真係香，一d都唔腥，夠乾身!足料~6.鹽燒三文魚頭其實都唔錯，不過太飽了，所以有點油膩。7.有其他的壽司沒有記下了‧總之就係記得個飽字啦!太多了，食剩左。食完呢餐後，我地了解左:去田中，最好唔好叫壽司，食刺身同其他小食夠晒可癮

好多人都話田中好食,結婚一週年紀念同老公去試下,點知十分失望的回家.限制用膳時間十分令人反感,本來很好吃的東西,都會變得不好吃,因為十分有壓力,吃飯本是享受的,但郤變得毫無樂趣,而且根本吃不到食物的味道,因為太急,如果食店可因應顧客叫食物的數量給多時間,會好些,叫三樣是45分鐘,叫十樣都係45分鐘,真係不合理.另外,食物質素其實不是十分理想,由於我老公好大食,而我又八個月,所以我們都會叫多些食物,我們order了煙三文魚壽司(普通),三文魚子併海膽壽司(可以la),帶子壽司(帶子無鮮味),雜錦天婦羅(粉漿太淋,太大件,其實炸物無需咁大件),盬燒青魚(太咸),三文魚手卷(紫菜好淋),我見老公食到要用力扯開片紫菜,雞軟骨串(一般),炸軟殼蚧(全晚最好吃的,蚧都有膏的),芝士煙肉焗蠔(一般),食物真係不太合格的.而最令我反感的是衛生問題,洗手間不在話下好差,同一度門可以入男女廁,入了門之後,可以見到男士用的尿斗,而且好臭,等了一陣都唔想,其二,我隔離枱的媽媽取了外賣盒打包,點知個侍應不小心弄掉在地上,他竟然不變給人,從地面拾回給她,奇怪那個媽媽也不出聲,個地面其實係好污糟的,剛剛是門口位,而

我住元朗的,但田中只去過兩次. 一次係佢幾年前0岩0岩開,對上一次係上個月.基本上兩次都係失望,如果話計大件壽司, 元朗間間日本料理都係大大件的.而且佢0的魚生唔算特別新鮮其他料理的味道其實好'港式日本料理',唔似真係在日本取過經回來,個人認為唔算好味. 服務方面,可能佢真係太忙,基本上同冇服務差不多....

田中新莊修都未去過,琴晚終於去左喇~裹面之前大左好多呀~所以好快就排到,(其實是bb排隊^^)我地叫左三文魚,都仲是甘肥煙鴨腔拉面,普通尤魚壽司都正仲有就是我唔食開既慢魚.....好好味呀~真是想媽媽可以日日同bb食呀

成日聽人話好好味今晚終於有機會試等左成粒鐘先有位幸好等位期間落定單一坐低就有得食d壽司真係好似傳說中大大件但就唔算話好特別都係普通款式居多只有以咁o既價錢食到叫抵食咁解o者......兩個人點了︰三文魚壽司(2件)海膽火山卷(2件)三色壽司-甜蝦、三文魚子、海膽(3件)軟殼蟹火龍卷(4件)芝士煙肉焗生蠔(2件)鰻魚壽司(2件)埋單$177結論︰如果唔係住元朗，建議真係入開去先找機會試下唔需要特登走入去食全晚我最欣賞佢\\\\\\\\\\\\\\\\\\\\\\\\\\\\\\\個鰻魚壽司鰻魚香得黎肉質夠嫩，燒得好香但就一d都唔乾而且完全唔鯹！配合埋個醬汁真係好好味~~

黎食野仲要受氣！田中都可算係稱王稱霸！食物真係唔太大問題！keep到水準！但係個老闆娘既態度就越黎越差！想當年係教育路果時，我見過佢地係壽司櫃大打出手，將D壽司飛黎飛去！又大講粗口！我係未見過！個老闆俾老闆娘鬧…好激…我仲記得全場靜哂睇表演！哈哈！琴日星期六，下午三點黎到門口…佢地話截左單！唔做生意！無野話！又話開到三點半！咁我就好似求神咁求佢俾我入啦！我得兩個人入…又未夠鐘！我當然入去搵老闆娘講！佢就當然好串！唔俾我入！佢仲話：入面D人停哂唔做野架喇！我都唔想！我話我一心入黎食！俾我食埋先啦！我係好有禮貌咁講既！唉！當然又係拒絕左我！唉！我係老闆娘，見到個客咁有誠意，都俾佢入！就算唔俾，都多謝下人咁支持間舖！！！並唔係叫人下次再早D黎！所以，食物唔算一流，但係服務態度就九流！我唔希望田中俾依個老闆娘做到臭哂！