甜藝家 (已結業)

說起Tony Wong， 相信大多的人也和我一樣，會想起他最著名的，芒果拿破崙蛋糕。由朋友的口中得知，他居然將餅店拓展 至禮盒裝，這次當然跟朋友前往朝聖一番。店舖位於尖沙咀大型商場之內， 鄰近地鐵站，路程只需三分鐘左右，地理上十分方便快捷。 裝橫方面， 光線充足， 內裏充滿著牛油的味道，牛油的香味衝進我的鼻子裏，彷彿走進了一個牛油的世界。我購買的就是朱古力爆炸雪茄， 朱古力味十足，在香濃的朱古力味下，配搭牛油的點點鹹香，加上香脆可口，脆卜卜的朱古力脆米，又有了多重口感。

December is the month of thank-giving period, thus I decided to buy cookie to share with my colleagues. Knowing that Tony Wong has opened cookie line, I decided to give it a try. Sweet Boutique de Tony Wong was located at K11, just beside Tsim Sha Tsui MTR.Like any typical cookie store, it served take away. It displayed several varieties of cookies and rolls etc, allowing customers to try too. Cranberry cookies - It was square in shape and was crispy and flavourful, with strong cranberry taste. 

隔離部門收到個大禮盒，全都是甜品。得知品牌名稱後，就去該店鋪一看究竟。難怪如此眼熟，原來之前曾在團購出現～聖誕新年禮盒推廣。在眾多甜點之中，選擇蛋卷和脆餅，然後拿著美麗的紙袋回家去！　柔風脆餅 Angle Merlingue　 曾經在澳門小飛象遇過這種甜品，印象中叫馬鈴餅／馬林餅，外形有如花塔餅！選了彩色系列，可以嚐試不同的味道。　包裝列明七款味道：紅桑莓，草莓，菠蘿，熱情果，黑加倫子，榛子，黑醋。　視覺：玻璃樽內只有六款顏色，各有深淺，要估！　聽覺：外表脆身的柔風脆餅放入口中之後，會出現＜咋咋＞的聲音。是輕柔版的爆炸糖呢！    　　口感＆味道：柔風脆餅太硬了，不能直接咀嚼。其實柔風脆餅放在口中就會慢慢溶化，然後配料的原味道就會慢慢滲出來！　　紫色花塔餅形：黑加倫子　　　粉紅色花塔餅形：士多啤梨＆紅桑莓？　　淺啡色圓形：黑醋？　　黃圓形：熱情果酸味大於甜味　　　奶白色花塔餅形：菠蘿的酸味大於甜味　　　啡色圓形配粒粒：香味是來自榛子粒粒　一次過品嚐６種不同味道的柔風脆餅，完全没有油膩感。　柔風脆餅是以蛋白加糖和不同味道發泡而成，期間没有加入任何油脂，目的是把空氣打進去，形成杰達達的質感

近年有好多自家製或者健康的餅店相繼面世，我比較鍾情「TONY WONG 」的品牌，無論一開始的蛋糕什至現在甜藝家以蝴蝶酥及曲奇等見稱，的確是送禮信心至選。踏入12月又係聖誕的季節對於我來說是花錢的月份，每一次見，打開到甜藝家的蝴蝶酥及曲奇都忍不住又想帶佢返屋企。今日又途徑K11買了兩款分別迷你蝴蝶酥及金菠蘿酥給家人分享。金菠蘿酥每次食都令我一試傾心。包裝以金色的設計極具名貴盒有15粒裝，一口一啖金菠蘿酥是台灣鳳梨的味道。利用新鮮的菠蘿微酸但甜度不高，外層的牛油酥皮香口，夠特別又夠體面。屋企人至愛蝴蝶酥，少食多滋味迷你版岩曬我。一小盒一啖一口的金黃鬆脆迷你蝴蝶酥，安在家中配上熱茶就最好不過。

甜品平時就食得多啦，但五星級酒店水準，相信就唔係每一個人都品嚐過。「Sweet Boutique de Tony Wong」於2014年創辦，創辦人Tony Wong約有四十年甜品製作及各式烘焙經驗，亦富有多年豐富嘅五星級酒店級主廚經驗，店鋪係尖沙咀K11同埋旺角Moko都設有分店，用料要求非常高，例如有機麵粉、法國 AOC、北海道牛奶等。店鋪都主力 sell 健康少甜，早前買過佢地用稀少糖製造嘅奶皇月餅俾家人，都覺得非常好味。店內大部分出品都選用了來自日本嘅海藻糖，甜度只是一般砂糖嘅45 ％，絕對係有糖尿病同怕甜人仕嘅首選。店內有各式各樣嘅甜食，有曲奇、朱古力、金菠蘿酥、脆米波、朱古力酥條、蝴蝶酥和蛋捲等等。是日朋友介紹我試「柔風脆餅」同埋「心花怒放」。柔風脆餅 -Angel Meringue -＄138:用玻璃樽裝住色彩繽紛嘅脆餅，賣相非常精美，呢個脆餅有6種顏色，分別係6款唔同水果嘅味道，有黑加倫子、意大利陳醋、紅桑莓、菠蘿、熱情果同榛子，咬落香脆鬆化，入口好快就溶，最重要嘅係以海藻糖製作，從而降低甜度，適合需要減糖嘅人仕。心花怒放- Flower Blossoms - $198

朋友是肥仔一名，人生最大的喜好就是食，尤其是甜食類更是他至愛，所以適逢他生日，就去了K11的甜藝家買盒餅當禮物，自己亦都買些甜點比老婆嚐嚐。這裏多款甜點都有得試食，試過合自己口味才買。柔風脆餅包裝精美，以透明樽盛載著傳統的蛋白脆餅，而且用了海藻糖代替，減輕甜度，比傳統的更健康，每款不同顏色代表不同味道，有紅莓、熱情果及菠蘿等。另一款是柚子朱古力爆炸雪茄，每條都以獨立包裝，乾淨衛生，有柚子香味同時又食到朱古力，十分鬆脆。

Tony Wong 既品牌一早聽過又食過蛋糕反而未試佢既蝴蝶酥、杏仁酥店內就已有聖誕節的禮盒啦充滿節日氣氛造型很吸引呢仲有一個角落可試下各款甜點最後揀左兩款，蝴蝶酥同咖啡杏仁片蝴蝶酥一小口，好方便食呀牛油香味不會過濃，而且好鬆化咖啡杏仁片，造型彎彎的濃濃既咖啡味，而且好多既杏仁片食完一片又一片呢

阿女考試週諗住買啲嘢為佢打氣作鼓勵，路經K11見到有Tony Wong既鋪，咁耐都無食過，於是入去睇下有咩好野啦！呢間甜藝家有多款曲奇、酥餅和朱古力等，仲有好多禮盒，連聖誕package都出咗。我自己最鍾意食蝴蝶酥，所以揀左呢個圓波波的迷你蝴蝶酥（$118），份量都唔少呀！焗得啱啱好，夠晒脆，甜度亦剛好，不會太甜。另外一款雜錦朱古力酥條（ $128 ），裏面有幾款唔同款式，有啲淨係芝麻面，有啲有朱古力脆皮，最特別係有朱古力嗰啲好似有爆炸糖喺裏面，食咗落去個口「咇喱卜落」好得意，酥條都好鬆化，唔錯。

YummY手工Cookie，脆餅尖沙咀K11呢間甜藝家，平時食飯都經過，遠睇都見每個野食都好靚，精緻吸引。前排口痕，LUNCH經過買左2盒食下。間鋪頭好靚，野食包裝放得整齊企理，好高檔的感覺，COUNTER前仲有得個CORNER位俾客人試下味，SO FAR野食都吾算好貴。我買左雜錦曲奇禮盒同柔風脆餅。雜錦曲奇禮盒色彩好繽紛，曲奇全部手工製造，一盒有齊9種不同口味，勁多選擇！朱古力蛋白丶雲尼拿脆米丶黑金芝麻丶抹茶朱古力脆珠丶士多啤梨朱古力丶海鹽朱古力丶棋盤曲奇丶紅莓乾曲奇和熱情果果沾曲奇。我最喜歡紅莓乾曲奇、有咬口既莓乾，加上曲奇好鬆化，口感好，小小酸，小小甜，好味道。柔風脆餅呢個脆餅係店員推介，係低甜選擇。味道有成6款，黑加倫子、紅桑莓、意大利陳醋、菠蘿、榛子及熱情果，一食就停吾到口，入口咬一下勁脆，好快就溶係口中，好鬼正。我喜歡意大利陳醋同榛子味，榛子味脆盒仲鋪有榛子粒粒！食完個玻璃樽仲可以用黎裝野。

話說最近我減肥，但又口痕，朋友就介紹我去「甜藝家」，因為佢出名以低糖同健康食材製作甜點禮品🥨🧁🍬食多多都唔怕肥！.分店一共有兩間，分別係尖沙咀同旺角，而我幫襯嘅就係尖沙咀店。店面非常光猛，裝潢簡潔優雅，品味盡現😍.特別想推薦以下兩款甜點：.🦄柔風脆餅Angel Meringue ($138)比傳統蛋白脆餅更為輕盈、鬆化，更以海藻糖製作，降低甜度。口味眾多，包括紅桑莓🍒、熱情果🥭、草莓意大利陳醋🍓、黑加侖子🍇、榛子🌰、菠蘿🍍等🥰.🦋迷你蝴蝶酥 ($118)充滿濃郁牛油香🧈非常鬆脆，焦糖外層微甜🍯一啖一件，係幸福的滋味☺️.甜藝家嘅出品內外兼備，好睇又好食，已經決定咗下次朋友生日要來甜藝家揀🎁☺️

今日經過k11見到呢間曲奇店 睇下個名原來係著名糕點大師tony wong開的手工曲奇店😚於是就入去行下 店員推薦我地試佢地的招牌蝴蝶酥 於是就買個小蝴蝶酥試下味☺️ 入口果然香脆 牛油味重 但拎上手又唔會油 食多幾塊都唔覺得油膩😍😍😍睇到網上好多人都話朱古力雪茄好食 一打開包裝就有香濃的咖啡味 朱古力醬唔會好甜 重點有朱古力味的爆炸糖🤪 口感好特別 舖頭仲有好多唔同的曲奇 推薦大家用嚟送禮 大方得體 價錢亦都唔算貴😋

屋企人對於糕點嘅慾望真係非常之高，三翻四次叫我買鳳梨酥，但香港要買得好味鳳梨蘇真係唔易！咁啱朋友介紹咗一間有Tony Wong 主理嘅精品餅店 位置都非常方便喺K11放工就去睇一睇啦甜藝家除左出名蝴蝶酥之外，其實仲有好多唔同類型嘅西式糕餅！咁啱就出咗已聖誕節為主題嘅西餅禮盒嚟緊可以買俾姪仔佢應該會好鍾意❤️揀咗合金菠蘿酥俾媽咪一盒有15粒粒粒都金黃色送禮自用都唔錯夠得體啊平時食嘅菠蘿蘇德係方形嘅今次係圓形夠晒特別食落口好鬆脆好香牛油味 菠蘿餡唔會太甜酸酸甜甜好開胃 男女老幼都啱食❤️另外再買多盒朱古力海鹽曲奇食落口好香脆 香濃朱古力味 少許海鹽味 食落真係停唔到口

之前新年就訂過Sweet Boutique de Tony Wong 嘅禮盒送俾人，仲試過佢地嘅🌹玫瑰酥，味道都唔錯!😌😌😌今日行街行過Tony Wong，已經見到佢地嘅聖誕special set 勁吸引!!!🎄🎄🎄大大塊嘅薑餅人曲奇，做聖誕禮物🎁都唔錯!👍🏻聖誕禮物盒有8種唔同款，勁吸引!!! 😍😍依家early bird仲平到一罐$288，等我早d訂定一盒拎返公司share!🥳🥳🥳我就另外再買左一罐蝴蝶酥，媽媽話想食金菠蘿酥，唯有再買多罐☺️🍀蝶の花 ($218)蝴蝶酥🦋沾上白朱古力，再加上手工糖花🌸同糖珠，一打開就覺得勁靚勁吸引!!😍蝴蝶酥咬落非常鬆脆，好濃郁嘅牛油香加上焦糖外層，而且唔會太甜😋🍀金菠蘿酥 ($188)半球型嘅金菠蘿酥🍍用漆金紙包住，用嚟送禮都非常得體!😌佢地嘅酥皮係用有機麵粉同法國牛油炮製，而內餡就用新鮮菠蘿配以海藻糖製作👍🏻，一口大細嘅菠蘿酥食落幾似鳳梨酥，甜度唔太高，🍍菠蘿嘅纖維好有口感🤤🤤🤤

weekend既晚上係尖沙嘴k11商場食晚飯，回程時見到呢間甜藝家，細看之下發現係香港著名甜品師傅tony wong主理，店舖主要售賣曲奇，朱古力，蝴蝶酥及其他禮盒裝餅乾等。從店舖既櫥窗櫃可以見到每件曲奇或餅乾都十分精緻，還會定期推出限定口味。由於我蠻喜歡吃蝴蝶酥，見到店舖都有推出限定玫瑰芝士蝴蝶酥口味，所以就忍唔住嚐嚐，最後都選購左兩盒禮盒回家慢慢品嚐。迷你蝴蝶酥 $118從店舖一直盯著呢盒超精緻，外型以水晶球形狀既迷你版蝴蝶酥，蝴蝶酥十分酥脆，而且充滿層次感，雖然佢係迷你裝，但其實每件都疊得很滿，所以個人覺得買迷你裝都很足夠。柚子朱古力爆炸雪茄$168除了蝴蝶酥外，我仲選購左呢盒口味相當特別既柚子朱古力爆炸長蛋捲，十分欣賞佢加入了爆炸糖在內，令到整個口感豐富。此外，還加入了柚子朱古力味，中和了甜度，外層既蛋捲亦很鬆化，如果需要買散水餅的話，可以考慮這個禮盒裝，大方得體。下次想尋找餅乾禮盒裝可以先來這裡逛逛尋寶。

今天是好友的生日，想來想去，都不知道買甚麼送給她，在網絡上看到「甜藝家」Sweet Boutique de Tony Wong 以低糖和健康食材，以用心製作為宗旨，革新與創作一系列送禮自奉兩皆宜的各式甜點禮品，所以下午便來到採購。店內有曲奇、巧克力、金菠蘿酥、脆米波、巧克力酥條、蝴蝶酥和蛋捲。雜錦曲奇$188，包裝精緻，適合送禮，有16款不同的味道，共有71件，香脆而甜度適中，是近期吃過最好味道的曲奇。好友將這盒曲奇和同事分享，每人吃完都會問可否吃多幾件，可想而知，味道是如何美味。咖啡杏仁脆$88，咖啡味香而不濃，整塊杏仁脆片，真的很脆，每一口鄀會聽到咯咯的聲音，甜度不高，瞬間已被消滅。