甜藝家 (已結業)

甜藝家-精緻法式餅乾餅店門面以閃亮的金色為主，配以發光的霓虹燈光招牌，淺木色的地板，白雲石的展示櫃，不同種類的禮盒餅乾整齊的列出。迷你蝴蝶酥以玻璃球的造型加上印上Tony Wong 的暗金色絲帶，整個感覺非常夢幻，玻璃球內放著滿滿的迷你蝴蝶酥，小小的一塊，可以一口一件，非常貼心，蝴蝶酥變迷你後不減其鬆化香脆，而且帶有香濃的牛油香。心花怒放以紅色的花形圖案盒子盛著的餅乾，內裏有玫瑰酥和朱古力蝴蝶酥兩款，每款也是獨立包裝的，玫瑰酥薄薄的一片，香脆可口，甜度拿捏剛剛好；朱古力蝴蝶酥是以原味的蝴蝶酥沾上黑朱古力和白朱古力，一次就能嘗到三種蝴蝶酥的味道，令人更驚喜的是黑朱古力和白古力上有著爆炸糖，令口感豐富和更有層次，非常特別。

最近去咗K11嘅Tony Wong 買曲奇🍪食，上次食咗佢哋嘅雜錦曲奇，特別對佢嘅紅苺🍓曲奇感興趣，所以今次就直接買咗單味嘅紅莓乾曲奇，紅苺嘅味道十分突出，但係亦都唔會覆蓋咗牛油🧈嘅香味，一啖食一塊，開埋杯香濃嘅熱茶☕️，係好好嘅輕食下午茶之選😋.另外我每次嚟到都會忍唔住買埋佢哋嘅蝴蝶酥🦋，佢哋最近轉左包裝啊，變咗做一個好靚嘅水晶球🔮咁，蝴蝶酥就擺喺水晶球入面，又好睇又好食，最鍾意佢哋蝴蝶酥嘅口感夠鬆化，另外牛油味都好香濃🤤，所以每次都會買返盒蝴蝶酥返屋企呀🤗

剛剛行過想買啲甜品食下🍰🎂🍪🍩俾自己又好俾同事又好啦行行下就行到黎呢度啦!講真Tony Wong大名有邊個唔識一定有保證啦🍬🍬🍬正當我眼花撩亂唔知買咩既時候見到職員好細心咁介紹緊慶年禮盒俾客人係呀唔想年年都食年糕蘿蔔糕食下曲奇朱古力都一樣得架!我都係外貌協會黎見到呢兩樣野個樣最靚就買佢地先!睇到個樣都開心一個蝴蝶酥有好多種顏色齋睇都心花怒放🌺🌺🌺食落當然仲開心豬白朱古力果邊配左爆炸糖架!好香甜好sweet之後又refresh下個味蕾想冷靜返?食埋蝴蝶酥另一邊啦係黑朱古力黎Feel到好純🍫食到朱古力香但又唔苦一次過滿足幾個願望呀!之後到雜錦曲奇禮盒不得了🍾🍾🍾呢個價錢食到咁多款曲奇真係送禮自用都抵!(藍色罐頭餅都要過百啦)一打開個盒靚到呢!!🥰🥰🥰即刻要拍片同影相同朋友share下仲要隻隻味都各有各好食有幾款想特別推介下首當其衝一定係熱情果占曲奇樣靚唔在講中間啲gem非常新鮮酸酸甜甜好開胃之後朱古力蛋白曲奇都好好食鬆脆但唔會一咬即刻散曬亦無蛋白餅過甜既通病完完全全就係體驗朱古力味既另種享受另外士多啤梨曲奇都好正你睇下，個面有金箔架幾矜貴!!!個士多啤梨味真係好natural 完全唔人做加

其實之前朋友已經送過一盒曲奇比我食，老公以排話好想食返甜藝家曲奇，唯有今日一有時間飛奔去買。甜藝家位於K11，一入門口已經比周圍既曲奇吸引住，每款曲奇都好精緻，包裝都好高貴大方，送禮自用都一流。花多眼亂，款款都好想買，除左曲奇，餅乾，仲有朱古力賣，朱古力櫃，顏色擺得好靚，好吸睛，但臨走唔記得買幾條黎食😭，唯有下次再黎買過今次我買了雜錦曲奇，多款口味選擇，入面有成9款，每一格都有4-5塊，一打開，色彩繽紛，而且曲奇上面鋪了一張印有曲奇口味既紙，唔駛係到估估下佢係咩味，仲有一支木棍仔，比你挑起曲奇用，非常細心。每一件設計都好精緻，曲奇好鬆化，而且甜而不膩，因為採用了海藻糖等材料製作，食得多都唔會有罪惡感每款曲奇都各有特色，我覺得最特別朱古力蛋白曲奇，依款會比較小見，外面脆，入口即化，朱古力味非常濃郁，另外第二至愛就係抹茶朱古力脆珠曲奇，抹茶味道有回甘，抹茶味道突出，而且加了脆珠增加口感。另外我買了朱古力爆炸雪茄，亦都係人氣甜點，外型似雪茄，設計好創新，蛋卷鬆而不散，每一啖都有爆炸口感，朱古力亦相當濃厚。

在剛剛過去的聖誕節，相信不少朋友為買甚麼禮物而煩惱，但對我來講買嘢食就最實際☺之前公司同事買過甜藝家嘅蝴蝶酥，食過就番唔到轉頭🤤 今次難得黎到尖沙咀分店，就試下其他產品~~——————————🔹雜錦朱古力脆米波 $108本身好少食脆米波，但見到外形好吸引，入面有不少粒，就買一盒食🤪 這個脆米波有三種味道，分別是牛奶朱古力紅桑梅、白朱古力柚子皮和黑朱古力橙皮，一打開就聞到好香朱古力和果皮味😍食過三種味道後，最喜歡是牛奶朱古力紅桑梅，因為紅桑梅酸酸甜甜，不會搶走牛奶朱古力味～ 媽媽就喜歡白朱古力柚子皮，清新健康，又不會太甜！最重要的是這個脆米波一點也不會太甜太肥，食幾粒都不會罪惡感🤪🔸朱古力爆炸雪茄 $168見到網上好多人推介這個朱古力爆炸雪茄，買一盒返去試吓。原來一盒都有15條左右，裏面除了有朱古力，還有些爆炸糖和少少脆米，個人覺得甜過脆米波，一放入口會有些爆炸的感覺，非常過癮！外皮鬆脆，夾雜濃郁朱古力，配茶就啱晒！

香港最著名的手信不外乎那幾家，如果要數蝴蝶酥的話，必定是尖沙咀某大酒店排第一。本來是的，但嚐過了甜藝家的蝴蝶酥後，絕對不輸著名酒店呢！位於K11的地庫，門面挺漂亮的，一盒迷你蝴蝶酥要價$118出色在於，除了包裝盒設計獨特外，口感非常鬆脆而且沒有滯膩感，味道不過甜，每個細節都非常出色咖啡杏仁脆片$88爽脆中帶點杏仁的煙韌，咖啡的澀平衡了甜味，口感不甜漏也不會太飽肚店員非常有禮貌，即使即將到下班時間還是細心介紹產品特色，完全沒有不耐煩，讚啦

尖沙咀有幾間出名的曲奇餅店，而在K11的甜藝家則是名氣餅師Tony Wong新開的一條專賣曲奇的幅線，有Tony Wong的加持，不難想像有一定吸引力。今日行開K11，見幾多人幫趁，好奇心驅使下就入去望下。甜藝家有多款包裝曲奇和曲奇禮餅，門口位玻璃飾櫃內有多款口味的朱古力，上面亦應節地放上多賣賀年禮盒。禮盒全部都打開了睇倒內裡係點。部份圔奇有得免費試食，試過好食先買。付賣除左接受現金同信用卡，同時可以用微信支付同支付寶。最後我都買左兩款試下。心花怒放($198)包裝好得睇。心花怒放包括左蝴蝶酥和玫瑰酥兩款，每一件都係獨立包裝。心形的蝴蝶酥一邊是朱古力配爆炸糖，另一邊是白朱古力配紅桑莓乾果脆粒，賣相靚之餘亦夠特別。玫瑰酥就真係成朵玫瑰花咁，兩款酥餅都好鬆脆好食。朱古力爆炸雪茄($168)朱古力爆炸雪茄其實係朱古力蛋卷中間加了爆炸糖，每一條同樣係獨立包裝。蛋卷有三層，比一反蛋卷厚牙，朱古力味幾濃，加左爆炸糖令口感更豐富。總結，曲奇款式幾特別，味道亦有保証，送禮自用兩相宜，獨立包裝用殷當散水餅或婚禮回禮小禮物都啱。

話都無咁快又到聖誕節啦，成個月都有一堆飯局要同親朋好友食，成個月既行程滿到不得了，真令人興奮呀!適逢聖誕節，基乎每個聚會都要交換禮物，真係有好多好多東西要預備，好多好多東西要買呀! 不過由於聚會有男有女，根本不知誰會抽中我的禮物，所以買吃的東西就最好啦，男女抽到都適合。Tony係香港有名的甜品師，在他店購買的產品，有質素又有體面，而且款式多羅羅，有卷蛋丶曲奇丶蝴蝶酥丶蛋糕等等，每一種都好精美。所以一次過入手了兩件禮物，一份是朱古力蛋白霜曲奇，一份是蛋卷。曲奇酥脆可口，而且又唔太甜，不錯呀。

Santa Claus🎅🏻is coming to town～ 就到聖誕節啦🎄！ 又到左買聖誕禮物嘅時候啦！ 嘩，有好多聖誕造型嘅禮盒，送禮啱晒！ 正當諗緊買個薑餅人曲奇送比小妹， 就想買多盒餅返屋企食一家人食。😏 媽咪最鐘意食蝴蝶酥， 上次買過大嘅，今次就買個細嘅迷你蝴蝶酥（$118）， 份量都幾多， 蝴蝶酥金黃鬆脆， 每一塊都呈現對稱嘅心形，大細平均， 酥皮層次分明，鬆脆可口，散發濃郁嘅牛油香， 恰到好處、唔會太甜嘅焦糖外層， 食極都唔會厭。☺️ 心花怒放（$198） 一盒有12片玫瑰酥和9片朱古力蝴蝶酥， 最重要係全部都係獨立包裝， 咁就唔洗擔心開左就要即刻食晒佢啦！ 可口酥皮配以玫瑰花🌹造型嘅「玫瑰酥」，口感鬆脆， 每一口都有淡淡嘅玫瑰花香味。 蝴蝶酥一邊沾上法國黑朱古力配上紅桑莓乾果脆粒， 另一邊沾上白朱古力和沾上爆炸糖，幾新穎嘅配搭。 如果想要聖誕包裝， 加多$10就會有啦！😏

今晚行經k11，被門面深深吸引了，放置了好多唔同既餅食，全部都包裝得好靚。入面仲放左好多聖誕節既餅食，全部都好靚好可愛，睇到就好想買返屋企啦。望左好耐，又有得試食下，最後決定買兩款餅食返家試下先。買左一盒柚子朱古力爆炸雪茄同一包蝴蝶酥。店員很有禮貌，就算我一直在試食，都會為我介紹每款小食的口味同獨特之處。而且當我買食物，仲很細心地把我所買的放到袋中。買完野就開心去shopping。返到屋企當然要拿拿臨拎出黎食了。呢款柚子朱古力爆炸雪茄令我充滿驚喜。首先，盒子已十分精美，當吃完後，仲可以留返個盒以盛放小物。每條雪茄都是獨立包裝的。當一打開後，會見到雪茄的頭尾部門都充塞了滿滿的朱古力粒粒，當我一咬下去時，感到超脆的蛋卷，之後到滿滿的朱古力爆炸脆脆，於口中就有滿滿的朱古力跟爆炸糖，爆炸糖於口中融化，卜卜聲的，口感好得意。去到蛋卷中間部分，中間是柚子朱古力口味，口味十分清新好味，好正。所以呢款蛋卷好特別，又有朱古力，又有爆炸糖，又有清新的柚子香，超好味同特別。另一款我所買的蝴蝶酥，香脆酥化，好正。一打開係會令人忍唔住要通通掃光。太滋味了。又香又脆，而且甜度適中。正呢間店仲有好多唔同款式的曲奇、

途經尖沙咀K11，眼見聖誕將至，去了甜藝家。繞場一周，最後買了一盒曲奇，與同事開心齊分享﹗ 在琳琅滿目的甜品曲奇中，小妹對心花怒放禮盒最感興趣﹗它有普通版包裝，以及聖誕節特別包裝。再三思量下，小妹揀了前者。 千挑萬選，小妹選了這一盒紅色喜氣洋羊且有心心包裝的心花怒放$198。 心花怒放內有十二件獨立包裝的玫瑰酥，以及九件獨立包裝的朱古力蝴蝶酥。在透明的包裝袋內，玫瑰酥與朱古力蝴蝶酥驕美的姿態，盡現眼前，好不美麗﹗ 金黃鬆脆的蝴蝶酥，半邊沾上法國黑朱古力和朱古力爆炸糖，半邊沾上白朱古力和酸香富咬口的紅桑莓乾果脆粒，配搭有趣，口感豐富多變，甜蜜滿瀉。 立體造形的玫瑰花形玫瑰酥，薄薄的一片，咬下超級酥脆，且滲出淡淡玫瑰花香。 過了幾天，收到友人餽贈的聖誕甜蜜禮物 - 迷你蝴蝶酥和柔風脆餅。 迷你蝴蝶酥以水晶球狀的塑膠器皿盛載，一啖一口的金黃鬆脆迷你蝴蝶酥，教人一吃上癮﹗。 柔風脆餅，以蛋白和糖霜製成，是送給我家愛甜點的小魔怪。脆餅吃起來酥脆輕盈且入口即化，以多款果味入饌，如紅桑莓Raspberry、熱情果Passion Fr

今個星期到友人家開X’mas Party、昨晚經過K11 就去Tony Wong 旗下的甜藝家買點曲奇餅乾。聖誕節新推的曲奇禮盒有熊仔曲奇、蛋卷、蝴蝶酥、款式較多幾吸引！原來Tony Wong除了蛋糕甜點外、店裡還有很多不同選擇～雜錦曲奇、蝴蝶酥、柔風脆餅等等。。不過今次試了店員推介的朱古力爆炸雪茄、好像雪茄的朱古力蛋卷非常香脆、裡面的爆炸糖卜卜的口感非常有趣！不過更愛這個迷你蝴蝶酥、酥脆可口又不會太甜😋

聖誕節快到，需要準備禮物給朋友，就打算去K11 甜藝家買甜點先試味，哈哈。Sweet Boutique 是 Tony Wong 開的，地點方便，門面裝潢相當高貴。內裡陳列著不少產品，以低糖和健康食材製造出如蝴蝶酥、曲奇、蛋捲等食品。嘩嘩嘩，禮盒好靚好精美，而且迎合快到的聖誕節，送禮自用都可以！我就買到迷你蝴蝶酥及雜錦朱古力脆米波迷你蝴蝶酥 $118似水晶球的包裝幾夢幻，每塊都整齊擺放好，放了不少心思。心型的外表，未食已覺得很甜。咬一口好鬆脆，有濃而不膩的牛油香，還有剛好的焦糖外層，微甜的味道，令人回味，忍不住一塊接一塊地品嚐。雜錦朱古力脆米波 $108透明水晶球外型，簡單優雅，確實適合送禮。打開就嗅到濃濃朱古力，單以為白朱古力、朱古力、黑朱古力，原來...細味品嚐是白朱古力柚子皮、牛奶朱古力紅桑莓及黑朱古力橙皮，每口好香脆，中間夾雜著各款鮮果味道，更突出朱古力的濃香，好有驚喜！

一直都係Tony Wong 嘅fans，無論生日定係買Pastries 都會幫襯Tony Wong。今日經過嘅時候，見到佢好靚嘅曲奇餅吸引住。又做緊特價，買一盒返去同小朋友分享。打開個餅盒嘅時候，大家都「嘩」一聲，好靚又好味。真係唔捨得食，食咗一部份，先至發覺未影相。無論送禮定自用，都令到收到嘅人會好開心。值得推介。

一向愛吃Tony Wong的蛋糕，想不到最近和姊妹吃飯，竟然提早收到聖誕禮物－－來自甜藝家Sweet Boutique de Tony Wong的甜點，實在太驚喜太感謝了！雜錦曲奇禮盒色彩繽紛，賣相吸引，一盒有71塊，份量十足，內裡有9種不同的口味，包括: 朱古力蛋白丶雲尼拿脆米丶黑金芝麻丶抹茶朱古力丶士多啤梨朱古力丶海鹽朱古力丶棋盤曲奇丶紅莓乾曲奇和熱情果果占曲奇，最適合我這個樣樣都想試的人。每款都試了試，手工曲奇口感鬆化，不會太硬實。用料方面亦很講究，採用法國牛油丶法國果茸及有機麵粉，而且強調低糖製作，吃起來不會牛油味太重，感覺太邪惡，比較健康。朱古力蛋白脆餅則口感特別，入口化開，朱古力味香甜濃郁。如果像我一樣是抹茶愛好者，這兒的抹茶朱古力曲奇同樣不會令你失望，宇治抹茶的味道濃郁幽香帶少少回甘，有驚喜。有幾款曲奇上還有食用花和金箔去裝飾點綴，造型精緻，差點美到不捨得吃掉呢！姊妹還另外送了我一盒雜錦朱古力脆米球，用水晶球裝著，包裝簡約得體，充滿夢幻氣息，很喜歡！一盒有3種口味的脆米球，包括：黑朱古力伊予柑，白朱古力柚子皮和牛奶朱古力紅桑莓，三款都味道突出，未看到名稱都已經估到香橙味，