甜藝家 (已結業)

Butterfly Flower 蝶之花 HK$218原味蛋卷 HK$68.-以前拍拖時, 生日會買TONY WONG 玫瑰花蛋糕, 原來已經搬左出來, 在尖沙咀K11 B1 開了門市. 今日約左前輩見面, 得體D, 上去買一盒禮物先.一入眼簾就見到好靚好靚的花花蝴蝶酥, 即刻少女心大發. 盒內大大小小的蝴蝶酥, 加上糖霜做成的花花, 蝴蝶加花花, 構思真的一絕. 我想像打開蓋時, 彷彿蝴蝶會飛出來的情景, 入手一盒, 再買了很喜歡的蛋卷 , 蛋卷 是用上了法國忌廉做的, 厚實的口感, 鬆化的一層層, 所以入手一包自私吃~對方收到後立即打開, 所以有機會吃左幾塊, 好香牛油味, 甜度適中, 好鬆脆新鮮, 正正, 果然冇買錯 

呢排都要 home office , 難得出黎尖沙咀，就緊係買啲decent 啲既甜品同零食用黎做平時既下午茶啦。甜藝家係 Tony wong 甜品出品既，所以佢出品既曲奇，蛋卷，蛋白餅都非常有質素。之前就成日買蛋白餅，玻璃樽超靚儲左幾個，所以呢度既包裝用黎做禮物送俾人都幾好，咁岩見到 for 情人節既曲奇，大家 hea hea 地都可以考慮下。今次買俾自己食就睇自己口味啦，抹茶朱古力脆珠曲奇，抹茶味濃，中意配清淡既白茶或者綠茶食。另外蛋卷揀左朱古力爆炸雪茄，呢個真係好滿意，有少少爆炸糖既口感但好濃郁既朱古力味，邊食邊飲American 就最正啦。

前排行開K11見到有間餅店好出名的甜藝家，店舖內有好多不同款式的蛋春、蝴蝶酥、朱古力等等。而且仲有得試下睇下邊款岩你口味添！不用擔心包裝內的份量，因為店舖好貼心把包裝和內裏的分開，方便顧客選看。經店員介紹就選了兩款餅，分別是海鹽朱古力曲奇，和朱古力爆炸雪卡。海鹽朱古力曲奇：這曲奇為以朱古力為主，朱古力比較濃郁，曲奇令整個口感鬆脆。曲奇加入了海鹽，不需要擔心味道過咸，海鹽味只是帶淡淡味道。朱古力爆炸雪卡：首先賣相好特別，以朱古力為主令整條蛋卷模仿雪卡般一樣，相信小朋友一定喜歡。當中加入了爆炸糖，食起黎舌中有點爆的口感，令整個口感更加豐富，不會因是蛋卷而覺得單調！朱古力味香口又甜甜的，口感鬆化，帶少少脆口。一盒份量也不少，所以相對價錢合理。

喜愛食蛋糕甜品的我，以前常到帝苑酒店買玫瑰花蛋糕同朋友慶祝生日，所以對Tony Wong 都好棒場，知道Tony Wong 在K11開了這新店-甜藝家，這店有別於以往的靚蛋糕，而這間店賣的大多數是禮餅，見到主打曲奇同蝴蝶酥，啱曬作賀年、聖誕節及伴手禮。門面好高貴，保留酒店級數的裝修，門口有一長玻璃飾櫃，放了色彩繽紛的朱古力，好似一磚磚顏色筆咁。另外見到一個好大的蝴蝶酥，好吸引，尤其有朵花既包裝好靚，可作小禮物。我今次買了原味蝴蝶酥，一大盒$178，包裝以淡粉紅的顏色配合壓花logo，蝴蝶酥入口鬆化脆口，帶牛油香味及濃濃焦糖香味。每件大細均一，忍唔住攞來砌下蝴蝶形狀及花的圖案。另外再選購了雲呢拿脆米曲奇，小禮盒包裝，牛油香味濃，雲呢拿甜味夠突出，驚喜還有脆米點綴，口感份外豐富。紙袋都好似去左boutique買衫咁，有品味的設計。店內亦擺放了大形hamper作送禮佳品，還有這款金菠蘿酥，外形像個金球，好吸晴呀！

今天經過K11便想起很想吃蝴蝶酥便去了甜藝家看看，餅店的店面設計時尚而簡潔，我喜歡這家餅店以輕盈而健康，以低糖和健康食材，用心製作每一款的食品，服務員也很有禮貌為我介紹產品，結果自己忍唔住手買了兩款回家下午茶時段享用吧！心花怒放，一盒裡面可以嚐到蝴蝶酥和玫瑰酥。鬆脆蝴蝶酥左右沾上黑白朱古力，牛油香芬香撲鼻，白朱古力上伴有紅桑莓乾果脆粒，甜度適中又有口感;而另一邊是法國黑朱古力伴以朱古力爆炸糖，黑朱古力的味道再加上爆炸糖口感，真是傳統中帶出創意製作，個人很喜歡這種雙重的口味。玫瑰酥拆開的時候已經聞到微微的玫瑰香味，咬落很脆口。朱古力爆炸雪茄這時招牌餅乾朱古力爆炸雪茄，第一啖咬下首先感受濃郁的朱古力味道，再咬第二啖驚喜出了熱烈朱古力爆炸糖在口腔裡爆發，口感新奇有趣，越吃越上癮。

陪女朋友買野拜年，簡左好耐都未簡到，經過呢間tony wong入去睇下，一下就簡岩心水了！朱古力咖啡爆炸雪茄蛋卷蛋卷外層係咖啡味，一食有爆炸糖，入面係黑朱古力，三重口味，好特別！蛋卷獨立包裝，所以條條都咁脆！食到唔停得口！包裝又靚，好適合送禮！雜錦朱古力酥條4個味：白朱古力、黑朱古力、奇亞籽、芝麻杏仁酥條好重牛油味，好鬆化，出面層朱古力有啲爆炸糖，甜甜地，入面就係酥皮小小咸，好豐富！我最鐘意係白朱古力味，唔太甜！

今天來到K11商場閒逛，經過甜藝家，想起之前收過朋友送的蝴蝶酥很好吃，於是入內參觀。店舖裝修簡潔清新，店舖各式各樣酥餅款式眾多，店員殷勤介紹產品。今次我選購了兩款食品包括了吃過返尋味的蝴蝶酥以及未曾嚐過的朱古力咖啡爆炸雪茄。蝴蝶酥包裝得像一個透明水晶球入面裝滿蝴蝶酥，外貌精緻吸引。細看蝴蝶酥，原來眾多蝴蝶酥裏邊有少許蝴蝶酥是有糖粒做裝飾的。蝴蝶酥咬下去鬆脆，層層分明，甘香酥脆，牛油很香但沒有油膩感，而且味道不會太過甜，多吃幾塊也不會覺得滯。朱古力咖啡爆炸雪茄所謂的雪茄其實是小蛋卷，這款小蛋是咖啡口味的，口感鬆脆而且帶濃厚的咖啡香，蛋卷的頭部及尾部有些少爆炸糖，咬下去，爆炸糖在口腔內爆發，感覺有趣。而蛋卷的中間部份則塞滿了黑朱古力，黑朱古力甜而不膩，這款蛋卷口感非常豐富。總括而言，這兩款酥餅亦十分好吃，下次有機會再來光顧定必試試其他口味。

Tony Wong呢個大名真係人人都識，而我更加係佢signature蝴蝶酥嘅忠實fans，所以今年有同事送呢盒禮比我我真的超級興奮！中意嘅程度係我第2日就即刻自己再去左買比人😍😍😍水晶球設計令我完全心心眼左，入面仲要裝住我最愛嘅蝴蝶酥，咬落口感鬆化，層次豐富，超正！另一重點係佢嘅蝴蝶酥甜度適宜，唔會食完有過分油膩、飽滯嘅感覺👍🏻佢地嘅原咪蛋卷同樣做得鬆脆，而且蛋味香濃，做早餐或tea time snacks都好正🥳

新年同屋企人拜年, 就更係要買D正野同大家分享啦! 以手造西餅出名既TONY WONG, 係尖沙咀開左間禮品小食店。每款貨品均附精美包裝, 價錢亦清楚標明,更提供試食, 試岩邊款買邊款!廚櫃內更有不同味道chocolate, 最後我還是揀了其中兩款!【雜錦朱古力酥條】HK$128集多款味道既朱古力酥條, 一盒就能滿足多種口味。每款酥條口感酥脆可口, 而呢款朱古力更帶有爆炸糖, 口感有趣. 而黑白芝麻酥條, 香口味十足!! 款款有驚喜!!【迷你蝴蝶酥】HK$118一口一個, 蝴蝶酥牛油味很出, 同樣鬆化酥脆, 面層微甜, 一開好食到忍唔到口, 勁正!!TONY WONG信譽有保証, 除左西餅了得, 想不到連零食小點都很出色! 送禮絕對有體面、好選擇!

前有親戚拜年時，送上Tony Wong的曲奇給我們，味道非常好，牛味香濃，入口鬆化，姪囝吃得津津有味。這陣子他悶在家裏，什麼地方也不能去，作為姑姐的我，決定到Tony Wong 分店買點美味的給他。這間sweet boutique de Tony Wong位於K11購物藝術館，由地鐵站內的通道步往就可直達，非常方便就腳。大家可能對Tony Wong認識不深，其實他是譽滿香港的甜品大師 Tony Wong，曾是五星級酒店級主廚，擁有超過40年製作甜品及烘焙經驗。店內有大量精緻美味的甜品選擇，如朱古力、曲奇餅，蝴蝶酥及脆餅等等。深知姪囝愛吃朱古力及香脆的東東，所以我就帶朱古力爆炸雪茄及咖啡杏仁脆片給他吃。朱古力爆炸雪茄入口非常香脆，鬆而不散，既有牛油香味，亦有忌廉香，朱古力味亦夠突出，聽店員說是用上有機麵粉，及法國牛油及優質忌廉製造，配合意大利朱古力醬，所有朱古力味份外濃醇，而最特別的地方是內裏放了朱古力爆炸糖，甜甜的，又帶點爆炸感，感覺就像吃著雪茄，感覺新鮮有趣。咖啡杏仁脆片 姪囝非常喜歡這款脆片，口感脆卜卜，美國杏仁片超香口，混入咖啡後，入口香脆之餘，又帶有濃厚咖啡香，推介~

今日去姑姐屋企拜年𢭃利是🧧，同細妹先去左K11 間甜藝家挑選姑姐最鍾意食既甜品。甜藝家出自甜品大師Tony Wong ,其產品用料上乘，有一定水準及質素保證。-店舖地段方便，店舖貨品整齊地擺放，令人一目了然。 但款式真的很多，心大心細好難決定。 職員亦很友善，會作介紹及給我們試食一些產品。最後我們選擇了曲奇及蛋卷。-姑姐最愛朱古力，這款「朱古力爆炸雪茄蛋卷」確實岩哂佢。 令人有點驚喜的是盒子內寫出窩心的句子：Something sweet, making life happy ! 甜品確實是苦悶生活中的調劑品。 這份蛋卷口感確實是多層次。 細味品嘗，先是爆炸糖在味蕾「的的嗒嗒」跳躍著，然後黑朱古力甘苦濃郁味道緩緩溢出，就像生活裡「苦中一點甜」的體會。配上鬆脆的外層，及姑姐親手調製的咖啡，確實是享受。 而且用上海藻糖、有機小麥粉等材料，不會偏甜，食得安心健康。-另一款是我私心想試的「雲呢拿脆米曲奇」。 雲呢拿曲奇味道相對朱古力蛋卷較為清香，口感酥脆，一口接一口吃不停。

前一排聖誕節，一直都諗緊送啲咩禮物俾朋友，咁岩諗起朋友好鍾意食甜嘅小點心，就決定再買呢間甜藝家比佢食啦🙈🙈🙈今次買咗兩款甜點俾佢一齊食，兩款果然都有驚喜🥰🥰迷你蝴蝶酥❤️❤️❤️呢款蝴蝶酥係我每次嘅必買，鬆化得來好香牛油味，而且唔會過甜，完全係必食之選，每次食完都令我回味無窮朱古力爆炸雪茄呢款雪茄造型嘅朱古力蛋捲超得意，而且味道仲超濃郁，濃郁嘅朱古力加上爆炸糖，口感超特別，令人食極唔停口

之前在尖沙咀K11行街的時候，曾經買了一間餅店的蝴蝶酥和曲奇，非常酥脆和美味，令我留下難忘的回憶😌適逢新年的來臨，就到此買了幾盒新年禮盒，準備在新年給家人和親友們送上🤗這間餅店以低糖的材料製作食物，並且在包裝上亦設計得很有心思。除了送給人很大方得體之外，亦能顧及他們的健康，一舉兩得👍🏻在禮盒中，很多種食物都很好食，但要數比較特別一定是爆炸雪茄系列，因為在朱古力條中有爆炸糖，那爆炸的口感令人一試難忘😋1. 賀年禮盒 $428- 朱古力蛋白曲奇- 開心果泡芙- 士多啤梨曲奇- 柚子朱古力脆米波- 红桑莓朱古力脆米波- 迷你蝴蝶酥- 「福」鼠牛油曲奇- 金菠蘿酥- 咖啡朱古力爆炸雪茄- 朱古力爆炸雪茄- 柚子朱古力爆炸雪茄- 原味蛋卷

在尖沙咀的商場中，有一家都幾出色的香港人開的餅店，甜藝家。主打除了有朱古力，還有各式各樣的曲奇。由於新年屋企都要買禮盒，想搵有香港特色，另外包裝亦都要夠體面嘅。呢一度的確比到大家好多唔同選擇。呢個曲奇禮盒包含咗呢間公司最出名嘅曲奇，運用左法國嘅麵粉和牛油炮製 。 黃色嘅包裝相當有好意頭。而呢一個用咗迷你玻璃樽裝住嘅迷你蝴蝶酥，都相當有特色。味道鬆脆可口，而且又可以一口一件，比小朋友做點心一流，配返杯英式茶就係一個好好味嘅下午茶了。

去棉登徑食晚飯前，响K11逛咗一陣街，經過呢間餅店，見門面幾吸引，入去睇睇有無啱過年送禮用。店內擺放琳瑯滿目的曲奇，仲有非常吸睛嘅蝴蝶酥，仲有賀年禮盒可供選擇，有部份產品可以試食，食過啱口味先至買，一定唔會買錯啦。先買迷你蝴蝶酥和紅莓乾曲奇回去，迷你蝴蝶酥$118蝴蝶酥球狀包裝好可愛，底部就是一個蓋，打開蓋，把球體放在蓋上，這樣拿蝴蝶酥出來就好方便。迷你蝴蝶酥有好多塊，顏色金黃，口感酥脆，細細件，一邊做嘢一邊食，忍唔住一件接件咁食。紅莓乾曲奇$78內裡小方塊曲奇數量頗多，大約有35件。曲奇鬆脆可口又唔會過甜，紅莓乾香軟微酸夾在曲奇內，清新又好味。據說店家主要產品係用有機麵粉、法國AOC牛油、海藻糖等製造，又無防腐劑，比較健康，稍後可以再來買過年禮盒。