甜藝家 (已結業)

聖誕節快到，需要準備禮物給朋友，就打算去K11 甜藝家買甜點先試味，哈哈。Sweet Boutique 是 Tony Wong 開的，地點方便，門面裝潢相當高貴。內裡陳列著不少產品，以低糖和健康食材製造出如蝴蝶酥、曲奇、蛋捲等食品。嘩嘩嘩，禮盒好靚好精美，而且迎合快到的聖誕節，送禮自用都可以！我就買到迷你蝴蝶酥及雜錦朱古力脆米波迷你蝴蝶酥 $118似水晶球的包裝幾夢幻，每塊都整齊擺放好，放了不少心思。心型的外表，未食已覺得很甜。咬一口好鬆脆，有濃而不膩的牛油香，還有剛好的焦糖外層，微甜的味道，令人回味，忍不住一塊接一塊地品嚐。雜錦朱古力脆米波 $108透明水晶球外型，簡單優雅，確實適合送禮。打開就嗅到濃濃朱古力，單以為白朱古力、朱古力、黑朱古力，原來...細味品嚐是白朱古力柚子皮、牛奶朱古力紅桑莓及黑朱古力橙皮，每口好香脆，中間夾雜著各款鮮果味道，更突出朱古力的濃香，好有驚喜！