甜品工房 (已結業)

睇咗食評話好正,五個人咪走去試下,點知,.....原味木糠布甸同朱古力木糠布甸,好cream,好難食雜果拉麵,一般啦!紫葡之戀~呢個最好食,好香提子味賣相好靚5 個人要我地坐張2人枱,又話會幫我地轉枱食飽都未轉,其間已經d人走左幾轉,有得兩張拍埋都唔整!唉......

雖然見幾個o靚仔o靚女打躉, 有小小懷疑, 但還是俘虜了我同老公一個星期起碼食一次.我自己偏愛大菜糕, 咩花奶都唔要, 佢地既甜度同糕既濃杰度岩岩令我想起小時侯既阿伯大菜糕蛋蛋. 不過7蚊偏貴.其次, purple in love 真係不得了, 好好食, 真係食唔停, 個人認為好過, 綠茶拉麵同埋紅豆豆花 !又等下星期喇.

吃過漢堡後... 二人也開始飽飽了...不過, 少來紅磡的我們又不想就這樣吃個漢堡就走...坐在附近的麥記避雨, 找找下一站的甜品, 原來只是一條街之隔, 哈~我們是店鋪的第二枱客人... 點了兩個甜品~ 宇治金時正如其他人所講, 刨冰的綠茶味重, 當冰溶後, 簡直就如飲綠茶一樣!!! 紅豆又淋又甜, 好吃~~ 還有上面的紅豆雪糕, 其實口感不像雪糕, 像是固體cream一樣.. 頗特別.. 而且二人只吃這個, 已經飽了一大半了~結論一樣: 值得一試 木槺布丁一般啦... 朱古力粉鋪滿成個布丁面, 但布丁本身卻沒有朱古力味... 而且布丁好似太creamy.. 跟當年在澳門吃的, 還有一點距離~

終於往甜品工房一試, 小小的一間甜品店, 由 4 個年青人打理, 我們 2 人點了大家相當好評的 - 宇治金時 及 鮮果拉麵, 看了牆上的介紹才知 日文: 宇治金時 = 綠茶紅豆 老實說試後感是 2 個甜品的賣相比食味好宇治金時 - 來到眼前時的感覺是很漂亮很日本 feel, 但亦因要營做這美麗的外觀, 所以選用的容器很細, 吃的時侯就比較狠狽了, 因那團綠茶味刨冰真的很實, 當要吃刨冰時就要出出力, 但一大力就會把紅豆, 珍珠丸子, 雪榚弄得危危乎 ( 差點一枱都係 ) , 要混和一起吃是有一定難度的, 所以要先幹掉雪糕. 大部份紅豆等才可吃刨冰, 但那團冰的味道太淡, 沒什麼綠茶味, 真係一舊冰的感覺, 如果能做到像台灣綿花冰的效果; 我想會好得多. 鮮果拉麵 - 芒果做的水晶拉麵味道很淡, 無咩特別, 而當天圍杯的芒果和菠蘿很酸呀 !!!整体來說是普普通通, 店內也缺乏了一些傳統的甜品, 和同區的另一甜品店-芝麻綠豆 還有一段大距離, 但年青人有的是幹勁嘛, 還可以有很多進步空間的... 小店也可用八達通付費 - 要讚

終於黎到我地油尖旺的約會既美食終點站。由於買左八點鐘既戲飛，所以六點半已經黎食甜品。可能太早既關係，入去只得我呢一檯客，感覺太冷清。要左兩個賣相好靚既人客甜點 : 宇治金時，紫葡之戀宇治金時 : 綠茶刨冰之上放左紅豆、小丸子同自製紅豆雪磚。整個甜品紅紅綠綠又帶點白，呢3種顏色混埋一齊好有和風味道。份量不少，將夾雜紅豆既刨冰放入口，甜度適中。只是略嫌自製的紅豆雪磚無咩味，要靠雪磚上既煉奶才食到些少甜味；而小丸子又太過煙韌更了點；仲有綠茶苦左DD。紫葡之戀: 包括提子味刨冰、小丸子、雪米磁、海澡珠同十數粒提子。本來我對提子無咩特別喜愛，所以黎呢度都係為左個宇治金時，點知食落先覺得呢個Purple in love仲好味。雖然第一啖食落口時只感覺到滿口都係提子味汽水，但食食下幾乎係欲罷不能不停咁食。加上又有原粒提子…既配料，簡直係岩曬我呢d貪心鬼呀!!值得一提既係，如果唔加海澡珠，個人覺得呢個甜品失色唔少，雖然係無味，但大大增加左口感，無得彈呀!

昨天和媽咪來到甜品工房食甜品,我本身都幾驚無位架,可能因為天雨的影響,唔算多人客!一坐低,望左兩望個餐牌就揀定要鮮果拉面同宇治金時了!格尼的客人就食緊果隻提子的刨冰,我覺得都好吸引啊!等左陣拉面到左,我媽咪係超級愛芒果架所以佢見到成杯都係芒果色就好興奮!但係食左條拉面之后佢就話:哎呀,乜原來唔係芒果肉泥架!!佢真係好得意啊,點可能禁幼的拉面可以成條淨係用芒果泥做架佢了解左係d芒果蒟蒻之后明顯有d失落,不過都食得津津有味我諗如果佢真係淨係中意芒果,我下次就同佢去許XX食啦,話晒果間出名芒果嘛!而宇治金時呢,我就好中意喇,我本身已經好中意抹茶味的食物架喇!呢杯d紅豆好甜好滑,抹茶又夠香,小丸子好煙韌,雪糕都夠滑,但我嫌太小少喇,hehe唯獨是個杯真係太滿,開頭果一兩啖我好驚會跌,真係無從入手....我已經諗定下次食咩喇,過一排一定要再食過!!

4:45pm開車去時找不到方向, 打了2次电話問路. 店員說:「其實...我哋開6點...不過妳嚟啦, 我做比妳食吖!」好好人呀!找到了, 見大閘還未開, 厚面皮拍門, 無人應, 即彎低身"莊"吓入面, 見到個髮型激似半碌蔗黃又南嘅師傅仔行出嚟, 滿臉疑惑, 我話: 「就係我打嚟問路啦!」心想: 開門比我啦! 最多叫外賣唔坐低食咗住你囉!佢笑一笑, 歡迎我哋入去. 跟手開張枱拿menu比我哋. 好好service呀!看着牆上各種甜品的介紹, 我决定不了宇治金時 or 藍莓之吻. 知他鎮店之寶是前者, 就選它吧. 最上是自家制紅豆雪糕, 特別是它跟Haggen Dazs or Gelato不同, 有點像80's雪糕三文治內的云呢拿雪糕. 綠茶刨冰上鋪滿大粒兼淋淋的甜紅豆, 傍着小丸子, 淋上練奶. 好凍但好味道! 碗底都有練奶gar!這個師傅真好好人, 我哋食至中途見有2個妹妹仔站在半下的大閘外, 頭望望了好一會兒, 友人問師傅: 「仲做唔做多單生意?」想了想, 孿毛師傅笑笑口說: 「好吖!」哈哈! 孿毛師傅咁好人, 讚

紅磡之行我的目標不是別的，而是這間賣靚靚刨冰的甜品工房。一坐下就很頭痛：到底要美艷動人的紫葡之戀，還是大受好評的宇時金治?最後由龍拍板揀了前者。　紫葡之戀有個同樣美麗的英文名Purple in love，賣相更加漂亮得不得了，更讚是味道同樣好：頂層晶瑩剔透的是提子味脆珠，爽口彈牙，口感極之過癮；巨峰口味刨冰周邊，分別圍滿了爽脆的黑葡萄、小丸子及香芋味雪糕糯米磁，豐富了刨冰的層次與口感；加上香甜的煉奶，就成為香甜冰涼的一道美味。刨冰口味幾甜，甜魔會覺得滿足，而喜歡吃提子的，更加不可錯過了!　由於刨冰份量不小，又好凍，宇時金治要留待下一次了。沒關係，一定有下一次的!

0係一本食完飯過黎食甜品,不過之前食得太飽,所以只可以食D細細份既甜品第一次黎,本來想試下呢度既宇治金時,不過太大碗,一定食唔晒所以只係叫左原味木糠布丁,雪得硬左少少,不過味道唔錯另外叫左一個新出既藍莓之吻,好大碗,裡面有一座山咁高既刨冰,再加上染左色既西米,新鮮藍莓,芋頭雪米糍,黑加倫子jelly刨冰加左黑加倫子汁好甜,所以唔可以食晒成碗下次可以試下第二D,不過佢唔係成日都開最後要多一個原味木糠布丁外賣埋單$49

今天和中同釣墨魚回來口乾得不得了！不禁渴望吃些冰涼涼的甜品～就和同住宿舍的朋友來這裡消消暑～滿足慾望～！！一人要了個藍莓之吻～把刨冰放入口的那一剎從舌尖到腳跟都忍不住打個顫：喔～真的太爽了～！凍冰冰的，咬下去ｓｉ索聲響多熱的人都會一下子暑氣全消啦！！打底的有一大堆刨冰拌上：１．樣子像西米露般，但脆卜卜的東西２．ｊｅｌｌｙ３．芋頭味雪米糍４．藍莓份量還挺大的，好滿足！總是覺得有點太甜下次走走練奶看會不會好點？？

今日同男朋友食完飯飯, 食到好鬼飽, 諗住行上火車站搭火車當做運動, 經過見到有間甜品屋成門口都係人等位, 八卦睇吓門口d報導, 又好似幾吸引咁, 就等位試吓啦～等咗大約成三十分鐘先有位, 店舖都幾細吓, 但有種o係日本小食店迫吓迫吓幾好玩o既感覺, 哈哈, 叫咗個綠茶凍粉同一個鮮果拉麵, 侍應小姐話佢地有新產品叫魔豆送比我地試吓喎～甜品好快到, 第一眼見到係:嘩～好靚呀～！！！個拉麵好似朵花咁, 而個凍粉就好日式, 亦都好好好好味道, 而o個d魔豆就係一d好似大西米咁, 但一咬就爆d汁出尼o既, 好特別, 有三種味, 不過唔記得咗係咩味lu～都好好食, 呢一餐o既評語係:好食,好靚, 新奇又好玩!!!哈哈!!!下次一定要同朋友仔尼玩過呀>3<

本地，想吃很甜很甜的傳統日式甜品，難。飽飯後仍不滿足，找甜去，結果摸到這裡，久聞這裡的甜品不俗，一試無仿。三位後生仔女打理，人客不多亦無掛住打牙交，感覺幾認真；望望貼滿靚甜品相的牆璧，說不出的地道，點了招牌的紅豆抹茶粉，繼續坐著聽歌。紅、黃、綠三色創作甜品放在眼前，有趣，先吃吃寒天加抹茶粉做的粉條，下了不少抹茶粉做，甘苦抹茶配上寒天獨得的口感，出色，此品要配上糖水煮過的紅豆同吃才夠風味，紅豆煮得軟腍甜美，有心思而不錯的紅綠配。至於黃色的芒果汁浸紅豆及鮮芒果肉，帶「完熟」的果甜，紅豆抹茶配鮮果製作認真，活潑有朝氣。然而，吃畢仍覺得不夠甜，回想起東京虎屋獨個兒坐吧檯，吃那甜得連味覺也麻木的紅豆湯年糕，至今仍回味。

個宇治金時之前未食過但我覺得整出黎種感覺,真係幾日本, 幾好睇呀~而味道亦唔錯,本身我自己唔中意食"泡"冰的但d綠茶味加埋紅豆加埋d甜既汁黎食,就無平時覺得咁難入口咁淡..其他甜品都好抵呀~~外賣左2碗芝麻湯丸$13@1碗凍豆花$8@ 1碗紫米露$13@全部都至少OK呀(屋企人試完講的)有質素保證既甜品屋價錢又唔貴值得再去呢我覺得~~~~而老闆娘? 都幾好雖然笑容已經無乜啦, 因為真係好忙而店又細人手又唔多夠佢都無乜火~ 仲好冷靜,多人都無趕人走..真係算係咁啦~~~~!

是晚同媽媽做完FACIAL後因為仲未食飯但又唔想食咁飽於是來食D甜品當晚餐^^其實我地之前來過好多次想食架啦但係佢成日都冇開門(我地係下晝來架,有時成4點幾TIM)今次總於食到啦我媽同上次一樣,食鮮果拉面佢好似好欣賞依款甜品不過今次佢覺得涼粉多左D,仲多過D生果我本身係叫日式紅豆豆腐花但來到時試過D豆腐花覺得有陣異味(可能天氣熱,容易壤)於是叫人幫我換個侍應哥哥都幾好人,幾好禮貌後尾換左宇治金時D紅豆好好味,又有小丸子但可惜唔係紅豆雪糕..只係普通雪米糍周埋食到最後有一大舊冰冇融到,勁硬,整唔開不過都好既,碗野唔會淡哂,哈食完同媽媽都不約而同話好飽!

食得多港式甜品,換換口味試下日式在紅磡區, 多是一些舊式餐\廳. 這間算是比較創新的.主要是做日式甜品鮮果拉麵未食之前,一直想鮮果+ 拉麵會不會很怪, 原來是鮮雜果配上切條的芒果水晶蒟篛, 評語是感覺與生果都好'新鮮'.宇治金時抹茶刨冰+ 甜紅豆+ 小丸子+ 紅豆雪糕+ 煉奶. 味道很夾!甜度適中,來這兒一定要試. 紫葡之戀巨峰提子+ 小丸子+ 雪米滋+ 提子刨冰+ 煉奶. 味道就是很提子, 幾甜.三者中,以宇治金時平衡做得最好.有折呀!自己上y字網search啦!