甜品工房 (已結業)

今晚與女朋友去到甜品工房食糖水~坦白講，我係冇睇過openrice，又剛剛經過而食既...店舖門外都唔錯，雖然見唔到任何特別生招牌的甜品放響店前...但甜品工房四個字已經令我同女朋友留下來嘗試了~我結果叫左雜果拉麵，因為感覺上好似係全芒果既陣容~^^~我女朋友就因為唔舒服，只係叫左香滑豆腐花only~先說說雜果拉麵，個拉麵都唔錯，反而我最欣賞係個外觀，用芒果片做底再加生果同拉麵上去~ok~不過就覺得d 拉麵稍為唔太夠芒果味，可能浸耐d會好d既~但真係唔錯既~ 講真~不過豆腐花就真係有d野要寫了...豆腐花據聞係凍既... 但係到既時候.. 係唔凍唔熱，對於我個肚唔太ok既人.. 會怕~而豆腐花唔知點解係比較爛既，同平時食開豆腐花係一片片既外觀有d唔同~而且... 我同我女朋友都食到豆腐花係有"沙"既，呢d"沙"，應該係磨黃豆既時候磨得唔夠滑而成...下次.. 真係要避開了..~最後，我都欣賞呢度有唔少特別設計，下次會試下宇治刨冰同和果子呢~衛生，真的要改善呢~因為張table上面，未抹既時候係比較黏既..就算抹完後都清晰見到兩粒粉紅色西米留於上面..

其實我覺得味道一般，但芒果河粉好得意，巨峰提子真的很巨，哈哈！店舖超窄，但客人也不少，有機會先再去吧！

飯後鉋冰, 領隊帶領來食甜品. 5人點三個鉋冰, 美妙的名字已經記不起. 由好食排名1. 一個有巨峰提子味的鉋冰, 巨峰提子, 加上芋頭雪米糍. 有奶滑感覺又有水果味.2. 是桃味的, 純水果加西米, 小丸子. 有少少似楊枝甘露3. 綠茶紅豆, 可能不夠甜, 祉是因為已經連食兩超甜甜品, 感覺比以上差少少. 有紅豆, 有小丸子, 把冰山劈開時, 一邊落碗, 另一邊的紅豆像泥石流般落檯.甜品屋, 什麼榴槤XX已經變得俗氣, 有新意, 才是生存之道.

已經經常幫襯甜品工房, 一星期一次罷 ! 次次都買紫莆之戀外賣~我明白外賣盒比堂食的小, 份量也一定相對地小, 不過也不可能這近一個月的外賣也是盒的一半的份量罷! 堂食的像一座山的高, 我外賣的價錢一樣仲要比盒錢, 只係堂食份量的三份一!!! 係三份一!!! 有冇搞錯 !!!可能新人做野是是但但啦 ~ 我以後都唔會幫襯你囉 ~ 你廿幾蚊一盒, 食到成餐飯啦, 而家經濟唔好...火

前幾日去左買外買,買一個椰汁雜果西米露,一個椰汁雜果涼粉...把外賣拿回家, 我食椰汁雜果西米露,覺得很難食, 因為只是奶水加生果, 完全沒有椰汁的味道.

一星期前晚上同朋友行開呢頭，朋友介紹哩間甜品好食，所以就走左入去試試 (張敬軒都幫襯過)，我地見到隔離台叫既甜品賣相好吸引，所以跟人地order一樣的甜品。:宇治金時：D紅豆好多，豆腐味雪糕係自製的，綠茶味好濃，仲有小丸子...櫻の初夏，藍莓之吻：基本上兩者賣相十分相似，只係味道唔同，前者為荔枝配車厘子，後者為藍莓ps：同朋友食要留意的是不要只顧住講野，因為鉋冰熔得快 .....

晚上同女友行開呢頭，女友話要入去試下D甜品， 遂入內。間店唔大，居然要等位？！ 等佐十零分鐘先有位。 成間店都整曬D明星O既簽名.. 怪唔之得生意O甘好啦！O甘多名人來食過嘢...宇治金時 O系D綠茶泡冰+紅豆+小丸子+雪糕 總體O既味道都OK 好有綠茶味 好濃 唔會太甜。 但對於我來講，D紅豆就太甜啦..女友個紫葡之戀 話都幾好食 賣相幾靚 上面D紅色粒粒好似魚子O甘 滑口仲有好多款式睇落都唔錯 以後多D同女友來食

早排同男朋友到大埔的甜品工房．．第１次例行清潔關左門．第２次紅日人太多．所以今次特意由元朗到紅磡食完飯．所以便去試下甜品工房有幾好食．我地２個叫左個紫葡之戀．．食落比想像差得遠．．睇食評話ｄ提子好新鮮．咁我真係好不幸食到酸的提子．食過就夠了．．下次一定不會再黎食．因為我們元朗的綿綿冰比呢間好食多．

之前系OPENRICE度睇人地既食評，就一直想食甜品工房既宇治金時，但可惜，次次來親都系日頭，人地仲未開鋪....難得俾我撞到一次，啱開鋪無耐，急急腳落去整番碗宇治金時。其實之所以想食呢個甜品系因為我好茶，屋企個紫砂茶壺每日都有整D綠茶養住，所以我對親D綠茶味O既蛋糕啊、飲品啊、甜品啊，特別有好感！宇治金時，果然無令我失望，D綠茶刨冰既綠茶味好濃，啱我呢挺好綠茶之人士啦！不過D顏色就太綠啦！睇落似加佐嘢。一般綠茶即使系新茶衝出來既茶，都系得個淡淡O既綠綠色，唔會O甘綠。 講番個甜品，D紅豆蓉都幾甜，應該煮佐幾耐下，睇個樣真系有落心機去煮。我發現一種好食法：等D雪糕融到差唔多，撈埋D紅豆一起食 好香紅豆幾同時仲好滑 唔會鞋

第一次來呢間糖水鋪食嘢 之前幾次來都O系食 “閉門羹”...難得今次終於撞正O系晚上來食 勁開心...三個人 點佐個宇治金時 紅豆豆腐花 鮮果拉麵宇治金時 D小丸子都幾煙韌, 綠茶泡冰個味道好濃郁 我好茶 SO 驚喜ING....朋友個紅豆豆腐花 都有D小丸子，佢都話好煙韌 食落有口感。但就話D豆腐花一般般 唔夠滑另外個鮮果拉麵 個友話唔好食（佢皇帝俐O嘴叼） 話D冰淡淡無味... D面太少...坦白講句，呢度D嘢食賣相都好靚 下次可以來再食過其他款

留意左佢好耐架啦 同親愛的又係係紅磡返工, 所以成日都去到d出名既鋪頭食野...上一次行過佢仲未開門, 今次食完左米線就行過黎了, 個時係7點多d...入到去都無人理我地, 叫左個姐姐拎餐牌先知我地既存在本身打算叫一個就算, 但係我地岩岩食左好少野...所以可以食多少少嘿嘿 , 叫左個宇治金時& 什果拉面宇治金時好好味, d紅豆好大粒...我好喜歡呢而且佢d抹茶味好濃, 不錯不錯...但係d小丸子既物體就淋左少少 呢碗野真係好多冰冰, 我一邊食一邊起雞皮...到最後留返好多冰係底..什果拉面都幾大杯架!!好彩無點食飯咋個日, d生果好好味..我叫左佢走奶, 因我怕會太甜, 依家走左奶岩岩好值得一讚既係佢既外型好令同價錢都唔貴, 不過衛生有待改善.....下次要試下紫葡之戀

前段時間經常在何文田逗留至晚上，獨自一人回去時總經過這裡，記得上次打算來光顧這裡的特色日式甜品，但誤中副車，所以是趟有備而來了！閑日晚上九時多，兩三台人客光顧的小店顯得冷冷清清，在紫葡之戀及宇治金時兩者之中爭責著，像兩個都是自已最愛的女朋友，難以取舍，最後還是紫葡之戀，不是宇治金時不好，只是想紫色似乎是適合孤單一個人的顏色！紫色的無核葡萄，配上芋頭味道的雪糕糯米磁，紫色葡萄味的脆珠，大量鉋冰，然後澆上利賓納及練奶，一份如山般高的紫葡之戀就呈現眼前，但當獨自一人來幫襯這個顏色及外形配絕的甜點，只是聽到自已的一把驚歎之聲，好像差一點！葡萄味的脆珠口感很好，在口中如魚子般爆開，加上和著鉋冰及帶酸帶甜的賓納及練奶，新鮮感滿分，葡萄偏酸，像自已的心情般，不過好在有雪糕糯米磁平衡一下！這紫葡之戀味道以葡萄為主，喜歡那種帶酸帶甜的會喜歡死；另外這裡的鉋冰不夠鬆化，吃到一半之後鉋冰結在一起痴纏難分，就是這樣，不跟她糾纏了，放棄了。其實這份紫葡之戀，都是適合一對情侶來享用，以一個孤孤單單的過來，還是點回椰汁西米露好了！

住開呢頭，甜品工房都去過好多次。甜品工房D嘢食最大O既特色就O系賣相靚 好似份份甜品都O系D師傅俾佐好多心機整O甘。我最中意點 宇治金時食 綠茶泡冰超有綠茶味，啱曬我口味，我好綠茶 . D 紅豆都好食， 唔會煮得太過 無曬D味。上面O既兩片雪糕 MATCH得好好啊！但呢幾日個牙痛痛嚸，無得食冰嘢....

呢排忙於讀書，實在冇時間寫食評但試食完甜品工房後覺得個感受同大眾唔相符，故想評一評~紅豆豆腐花：味道真係偏淡，D豆腐花好似豆腐渣咁碎，仲有D酸同唔凍，why?宇治金時：味道又係偏淡，D綠茶味ok，但唔算好好食~另外，外賣左個中式椰皇糖水to mama，佢話好食，so加番D分總括，失望原因.............期望過高~

之前一直被食家的相片吸引著...一直都在等待機會...前陣子友人想試時新..於是順水推舟去甜品工房...男朋友點了櫻之初夏..荔枝味的水晶珠不錯..我點的是紫葡之戀..因為我自己本身不太喜歡食車厘子..紫葡之戀有香芋糯米糍..大量提子..整個match得很好友人的宇治金時令我蠻失望..可能是我不好綠茶刨冰的綠故..一碗食到一半會開始溶化....而且也變得沒什麼味道..我們去時只有一位顧客..後來陸續多人了..師父很有心機整..所以比我們遲入來的大約要多等一陣子呢