甜品工房 (已結業)

之前未食過分子雪糕, 所以早前見網上有$10一杯分子雪糕團購, 即刻買下試試.昨日放工得閒(22/3/2014), 就走去換領我的分子雪糕了. 當時大約10:00p.m, 店內坐滿了人, 店外亦都有好多人排隊等位.分子雪糕都有好多人買, 大部份同我一樣, 都是換領團購的.分子雪糕總共有8款味道 (黑芝麻豆腐、焦糖布甸、白桃、濃法國朱古力、沖繩黑糖、紫心番薯、枝茄乳酪、岩鹽栗米).今次有4款味道選擇 (黑芝麻豆腐、焦糖布甸、紫心番薯、枝茄乳酪), 不過可能我太夜到的關係, 雪糕只剩下焦糖布甸 & 枝茄乳酪 2款味道選擇.我今次選擇了焦糖布甸味試下. 雪糕質感同普通雪糕差不多, 都幾滑的.不過味道唔係咁特別, 唔係好食到布甸味, 但焦糖脆脆地, 配上軟軟的雪糕, 口感唔錯.我覺得如果雪糕上多點焦糖都好了.團購價$10都幾抵食, 但以原價$35買的話, 我可能不會買了.反而店內的甜品, 我應該會來試一試的.

一月時見到呢間舖做分子雪糕團購，見未食過又幾抵食就買左幾張試吓，點知就係惡夢既開始！令我忍唔住要開返呢個荒廢已久既帳戶寫食評。第一次去係2/3星期日。券上明明寫住3pm開售，我地三點去到，居然貼左張紙話分子雪糕售罄！！職員話材料要遲少少先送到，七點後先有得賣。問職員係咪平時都係咁，職員答：「唔係，平時三點幾就有架喇，係今日咁啱賣晒。」ok fine，咁我下次再黎食囉。第二次去係8/3星期六。今次四點幾去到，又係售罄！！連職員都話唔知幾點返貨！喂大佬，團購券上面寫3pm開售，如果次次都成七點先賣既，唔該唔好寫三點啦！仲有，雖然券上有寫售完即止，但無理由一開舖就售完啫！貨唔係應該開舖前入架咩？三日後11/3星期二，再接再勵，放工特登去。學精左，臨放工前打去問吓有無貨先，話有。去到的確係有。兩個人叫左三杯。岩鹽栗米味幾鹹吓，不過特別既。沖繩黑糖味無想像中咁甜，但亦無乜特色。白桃味陣味好假，上面塊餅難食到呢～癡牙架，又甜到甩肺！總括黎講，呢間分子雪糕質地唔夠同區另一間出名既軟滑，但又無咁漏。但如果要我正價($35)買，我就會去返另外果間買喇，反正行過去都係三分鐘路程。第四次20/3星期四，會係

年多前已經得知大坑有所份子料理雪糕專門店啟業，好奇地想知道效果，一直想光顧品嚐，奈何總是找不着機會！二月初見團購網站有份子雪糕優惠，而且一杯兩球只賣$10，再也找不着籍口，決定轉移陣地，先嚐嚐甜品工房之出品。四時多到達，已見有人在等待，即點即製，只要是好貨色，等待亦無妨。是日有四款口味，並無最想試的芝麻豆腐，便隨意選了三款：枝茄乳酪，黑朱古力及白桃。等待時隨處看看，見接待廚櫃上放了幾部製造份子雪糕的機器，外表與大坑LabMade無異，可能是市場上的選擇不多，大家用同一品牌亦不足為奇。見到製造過程並不複雜，店員把雪糕漿及材料注入機內，加上液化氮便成，考功夫之處估計在如何製造雪糕漿及材料，所以亦不明白為何要等這麼長時間，也許是人手問題。枝茄乳酪先談外觀，雪糕球是粉紅色的，用有店子名字的紙杯盛放，球頂灑了少許疑似番茄乾的紅色粉末，旁邊伴以方形炸麵包粒，相信以作裝飾及增加口感。枝茄乳酪雪糕在手已嗅到番茄微香，入口番茄味果然濃郁，甜度適中帶極微酸，口感十分軟滑但頗漿，比一般雪糕空氣及水份少，因此材料較多亦較飽肚，估計店子在份量方面亦有微調，兩個雪糕球其實十分細小。黑朱古力喜見雪糕球上加了十多粒黑

團購: $10換一杯份子雪糕, 十分抵, 上週六 (1/3/2014, 3:30pm) 前往換購, 但店員說當天雪糕未到, 讓我7pm後再到 (但團購券上註明的時間明明是3pm開始), 又說平日雪糕在3:30pm便有供應了。以為當天自己運氣不好。今天 (8/3/2014) 再光顧, 但本次學精了, 先致電餐廳查詢雪糕供應情況, 對方說今天雪糕是7pm開始供應, 因工場7pm才把材料運到, 平時也是7pm才開始供應。這簡直是前言不對後語, 團購券上為什麼不註明7pm後才可換購?今天7:15pm到達, 看到店外有一條長長的人龍, 都是在等雪糕的。相反坐在店內叫餐牌上食物的顧客只有三兩個。核對了團購券後, 店員說還要再等15分鐘才有得吃, 難怪門外堆了那麼多人。今天供應的口味有四款: 白桃、粟米、焦糖、黑巧克力。因買了6張換購時間與事實不符的團購券, 不想多來幾次, 越早用光團購券越好, 兩人叫了三杯雪糕, 三款口味是粟米、焦糖、黑巧克力。雪糕不算滑, 有少少像沙冰的粗粒, 溶化後的雪糕漿十分thick, 吃後口乾;黑巧克力: 賣相好, 有濃厚巧克力的苦味;粟米: 有粟米香, 但味淡, 餅乾

等了又等，終於來到《甜品工房》喇！當每次行經都見到門前一大堆人等位，就算想食，但睇見咁嘅情形都係走把啦，我就最憎等位架喇，要我比錢仲要等，真係寧願唔食，不過生日就去啦。我地 2210來到等，也要等１５分鐘先入座，好彩早一步添，因為之後更多人等。其實甜品款式唔算太多，分幾種，每種約有３~４款，不過我就當然唔使揀啦，一定係食「宇治金時」，而佢都要諗咗陣先決定要「紫醉之迷」，貪佢有提子冧酒雪糕喔。佢的「紫醉之迷 The Joy of Party」$47材料：提子冧酒雪糕／粟米片／椰果／巨峰脆珠／軟雪糕先來的係「紫醉之迷」，自家製的冧酒提子雪糕軟滑，紫色的巨峰脆珠微甜少少酸咬落口感好得意他好味，粟米片都係咁上下，賣相係幾靚仔，但睇落價值$47嘅分量唔算好大，材料他不太多，都幾貴。我的「宇治金時 Ujikintoki traditional japanese style dessert」$50材料：宇治抹茶汁／自家製紅豆雪樽／日本紅豆／小丸子最頂層有２塊自家製紅豆雪樽，充滿奶味但紅豆味冇乜；另半邊面層鋪滿豆豆紅豆夠煙韌少甜，淋上花奶就過甜了；小丸子都係煙韌冇味的喇，最可惜係抹茶味偏淡，真係太淡，

I've never believed in group buying or even attempted to register an account to buy these things because it does not really work in Hong Kong.Hong Kong, out of most countries is profit orientated while it's mother country is corrupted.You can just tell how money hungry they are with cosmetic shops selling samples which are meant to be given to customers.Same with retailers who try and get you to spend over a certain amount to give you a mere worthless discounts or samples that were meant to be f

這裡經常見好多人排隊，但其實甜品款式不多，多數都是凍嘅雪花冰、乳酪等，熱嘅就比較小。和風物語（$48）因鍾意綠茶，而且賣相幾靚，所以就點了這個。上面是乳酪，跟著有幾粒綠茶軟茲，再下面是紅豆蓉跟小丸子。其實食完上面個乳酪都已經飽飽地，而且無咩特別，跟著嘅紅豆容最好夾著小丸子一齊食，不然的話，食到最後剩下小丸子就好齋喇！這是友人叫的甜品，就是豆腐花加上紅豆及小丸子，豆腐花是百福，無特別！這店的服務方面真係有待改善。話說友人問豆腐花是用黃糖/糖水時，職員只回答「唔清楚喎」咁就算，完全無打算問清楚！而叫佢攞隻匙時，就好大力咁掉低⋯不過可能係個別員工問題，希望有改善啦！

飯後甜品時間的甜品工房門外總時站滿等位的人，沒想到這家生意不俗的甜品店居然都推出了團購。今次團購的主角是新出品的分子雪糕，原價$35 杯(一杯有兩球的份量), 團購只需$10。是日分子雪糕有4個選擇-紫薯，枝茄乳酪，芝麻豆腐，焦糖布丁。我們一行4人共選了其中三款，紫薯，枝茄乳酪及芝麻豆腐。分子雪糕由店員即席新鮮製作，首先把所需材料一併放入攪拌機混合材料，之後再加入液化氮把已混和的材料極速冷凍製成雪糕。分子雪糕很幼滑，味道不錯，賣相都有花上心思。紫薯- 雪糕上配有蕃薯乾味的超硬餅乾，硬得吃後黏牙的…另有紫薯味的cream 在雪糕上。雪糕的味道甜甜的，紫薯味不濃的，但整體味道不俗。枝茄乳酪-枝茄即係蕃茄。雪糕蕃茄味很濃，加上乳酪味，味道出奇地夾。雪糕上有蕃茄味的鹽，感覺特別。吃第一口時覺得味道怪怪的，再吃時覺得味道清新，不會太差。芝麻豆腐-個人認為是三款中最好的。芝麻味不會太濃，比一般的芝麻味雪糕淡點，芝麻加上豆腐味，效果很好！雪糕配有的芝麻味薄脆很好吃，值得一讚！

到尖沙咀吃完晚飯，總想到「口福街」一飽甜品的口福。今晚在The ONE看完Oscar提名電影《騙海豪情》，晚飯後便再到此街一遊。因為每次經過甜品工房都大排長龍，平常多會光顧鄰近另一家甜品店。今天可能因時間尚早，只有四五枱客人。甜品工房 是較新式的甜品店，裝修時尚而光猛，坐位空間舒適 。只是有點日久失修。打開menu，選擇看上去挺多，可是主要都是雪糕及乳酪，而且都是類似材料稍作不同組合而成。例如抺茶與紅豆就有宇治金時，新地及乳酪等。雖然都冠以不同華麗名稱，但實質變化不多。兩人分別點了 黑＋白 及 抺茶之舞。黑＋白 同類的系列是以可選低脂雪糕或乳酪作賣點。或許是年三十晚的關係，雖然人不多及時間尚早，但居然已沒低脂雪糕 ... 只好要了乳酪。甜品賣相不錯。最項是乳酪，杯邊圍上黑芝麻，再在乳酪插上一塊圓形棕色餅乾。乳酪之下有一層餅碎，最底是黑芝麻汁。整體只有單調的乳酪味。芝麻粒純絮裝飾，沒為味道加分。遲來的黑芝麻汁不能帶來層次感。只當吃乳酪還可以，但對甜品迷是失敗之作。抺茶之舞 是以抺茶和紅豆為主，味道像宇治金時。最項一層是抺茶味雪糕球，配以甜美起沙的紅豆及有嚼勁的小丸子。中間是軟滑的牛奶布

尖吵咀厚福街，這名字改得很好，又或正是因為這個名字，所以這裡食店林立，讓人大飽口福，我也是經常到這街開餐呢！每次來厚福街，好幾家甜品店的門前都大排長龍，當中尤以甜品工房人患最為嚴重。每次飯後過來都超多人，除非你不介意等，否則不用妄想在這裡吃甜品。今晚跟朋友在同一條街的H8吃團年飯，見有1小時空檔，故一改飯後甜品這習慣，先在甜品工房開餐去！到達厚福街時7:30不到，甜品店內只得4﹑5位客人，座位任揀，心中暗爽。甫坐下職員把餐牌送上，首頁就是該店得奬甜品什麼紫葡之戀，於刨冰上加上紅提﹑小丸子﹑芋頭雪米糍，以及自家製葡萄水晶珠。索價$54，那麼大堆頭又不算貴。除了這個，還有宇治金時及藍莓之戀。另有布丁類﹑低脂乳酪或低脂雪糕新地，又有窩夫，琳琅滿目，讓有選擇困難症的我拿不定主意。由於之後有超級大餐等我，老公就替我拿主意點了宇治金時。宇治金時是抹茶跟紅豆的組合，在刨冰上淋上抹茶汁，上面加了一大堆紅豆蓉﹑少許小丸子，頂頭有兩小件自家製紅豆牛奶雪糕，賣相跟招牌甜品同樣漂亮。先吃雪糕，內裡有冰塊，未算好Rich好奶，但吃得到紅豆粒，味道尚可。開初吃抹茶汁刨冰感覺有點澀，又或是甘味，但越吃越甜，似Mac

其實不嬲有間唔時食下呢間既 雖然價錢有啲貴但勝在賣相好令 好吸引人 但上次同朋友去完發覺佢啲質素真系差左 我地就叫左佢地既招牌紫葡之戀,咖啡奶涷同芒果益力多冰首先講左個紫葡之戀先,第一次食覺得好似好多料好。但其實系啲正料系曬面頭下面全部都系冰 越尼越覺得唔抵食 同埋啲冰系勁甜 好似揾糖水浸住錦至於咖啡奶涷就唔算太差 普普通通啦！但值得讚既系佢面頭既cream 我覺得好好味唔似系平時嗰啲蛋糕cream~同埋芒果益力多冰系幾推介大家去飲 佢入面有啲星星椰果 做出尼好令同埋好味

路過此店俾門口poster 吸引, 想食法式吐司, 坐落order，店員check 才知道冇喎. 冇就咪放張Poster出去啦！既然坐落唯有試試其他野。 Cookies & cream ice cream waffle presentation not bad but 可惜只有外表， 雪糕一般唔creamy冇驚喜，但己經係唯一可以接受，因為個waffle 唔熱又硬又厚, 我個人口味覚得底下strawberry jam 太多.  唔想浪費但最終食唔哂.Mocha coffee 有gimmick 一塊chocolate 另上不過都係得個様, 等攪拌到chocolate 溶化後咖啡都凍哂. 唔會去第二次

周五晚上八點就食甜品！選擇了「甜品工房」！餐牌設計精美，圖文並茂！讚！可可之吻：賣相可以，但雪糕太硬，白色液體好甜，可可米和雪糕配合佳！和風物語（綠茶）：乳酪可以，但加了綠茶汁亦完全冇綠茶味道！紅豆太甜，但小丸子正！總結：正價比不足。。

近年甜品店越開越多, 有西式的, 日式的; 有自家新派創作的, 亦有著名海外品牌進駐的. 不過人人口味皆不同, 能接受的甜度, 款式, 配搭亦不一. 所以有時看似製作簡易的一個甜品, 要做出能令大眾都能接受的味道其實一點都不容易. 而尖沙咀的厚福街甜品店一向比較集中, 早於去年宅女經過時巳留意到這裡開了一家名叫''甜品工房''的甜品店, 門面裝潢感覺很新派似的. 不過一直沒機會嘗試. 直到這天跟大爺又來到附近, 想趁吃晚飯前先來點甜甜的, 看到這家店反正還沒試過, 便決定入內試試.這家甜品工房位於厚福街, 大大個門面掛著個簡單的黑底白字店招牌, 整家店亦以全落地玻璃示人, 外表看起來相當有格調亦富摩登感覺. 店子地方其實不算很大, 一邊就是外賣部份, 蛋糕櫃擺放了幾款件裝蛋糕跟馬卡龍, 旁邊亦有不少水樽水杯和相框作裝飾. 中間就是個半開放式廚房, 只見架上掛滿了不少水杯和玻璃酒杯, 而看到內裡的廚房都算幾企理整潔. 另一邊就是用餐區, 間格四四方方內擺放了不少桌子和無背椅子. 靠牆的一排就是半梳化座位, 而中央就放置了3張合併的長桌子, 人多時搭枱就免不了.我們這天周日下午3時多來到,

對於女生來說，沒甜品到胃的感覺總是不盡完滿，二人於是走到厚福街去。人氣店《甜品工房》，早就很想試，之前當看到門外堆滿等候的人潮時，總會卻步改投別家店（尤其是跟男友一起覓食時，他只要看到有四、五人等候便會放棄），難得這晚我和友人的甜品癮甚濃，「等就等啦！！！」，大概等了廿多分鐘左右，終可入座了。 甜品店的位子頗擠，是背貼背的那種，坐在我倆隔鄰的更剛好是堆大情大性的女生食客，聲浪大得令我倆完…全…聽…不…到…對…方…的…說…話，聊天就似「嗌交」般，好辛苦喔。患有選擇困難症的我們，好不容易才從芸芸甜品中挑了兩款。先來的是我的宇治金時（$50），分別為宇治金時汁刨冰、紅豆雪磚、日本紅豆及小丸子。滿滿的紅豆！！！宇治金時刨冰的綠茶味稍淡（我是以《Sweet House Chx Chx》作量度單位），倒是店子自家製、充滿牛奶香的紅豆雪磚讓我驚喜，小丸子亦煙煙韌韌的，算是挽回了點分數。友人那客等候良久、在催單之下才告出場的紫葡之戀（$54），巨峰提子汁刨冰、巨峰提子琉璃珠、小丸子、美國紅提及香芋雪米糍，乃店子的得意之作喔！我偷吃了少許（剛才友人也有偷吃我的宇治金時啊），雖然巨峰提子汁刨冰的味道略假，