甜品工房 (已結業)

夜已深，本來想在白木屋吃過晚飯就回去了，想不到Em小姐興之所至，說換個地方吃甜品，她還說帶我去云云。我順著Em小姐行的方向，就約略猜到要去的地方，果然是厚福街，果然是帶我到甜品工房。時近十二點的關係，等位的人朝已沒有一吃甜品的黃金時間般瘋狂，很快我們就有位了。Em小姐點了一客凍冰冰的宇治金時，而我則點了一碗熱的冰糖糙米杏仁糊。冰糖糙米杏仁糊賣相看起來與一般杏仁糊 / 杏仁茶沒分別，舀起來除了感覺較稠以外也看不出有任何糙米的端倪。吃起來，杏仁味道還可以，不過甜度有點過頭，令杏仁獨特帶甘澀的味道不很突出，質感偏濃稠；不過仍舊完全嚐不到加入糙米後獨特之處，整體味道還算不錯。宇治金時Em小姐的宇治金時賣相就相當不俗了，不過在Em小姐細細品嚐下，未吃到最後，下面的冰已呈水狀，Em小姐也沒再吃了。Em小姐覺得味道滿不錯的，但水似乎太快化水的問題則有點令人尷尬。甜品工房的裝潢與我上次來的時候沒任何分別，都是坐得滿劑迫的。侍應服務上，其實甜品店能提供的服務也很有限，因此也沒特別之處，不過能提供清水予客人這點我則高度讚賞。甜品方面，食味不俗，冰凍的甜品更是選擇甚豐，不過似乎非主力的傳統熱食甜品往往出現沒

---甜品小惡魔今次嚟到呢排身邊好幾人提及嘅甜品工房星期一晚十點幾十一點 多人到想哭 預咗要等超耐---先攞飛 1人位侍應服務態度今我留下負面印象 問句可唔可以借廁所(已經攞咗飛之後), 竟然被黑面回一句“廁咗壞咗喎”(黑面是重點)不過唔緊要 我心情好 過馬路方便+補妝後再回來(慢吞吞用咗幾個字)當然先問問排到幾多號飛啦~ 結果換來不耐煩一句 梗係未有咁快啦結果再等咗大概3個字左右 終於有位個別員工態度真係令成間舖頭大打折扣 而其他侍應都係叫十次應兩次 # 態度唔得   多人唔係服務態度差嘅藉口! # 環境一般 夠明亮但坐得唔舒服 # 價錢偏高 而性價比偏低 ---廢話講完 入正題~~~叫咗個寒天雨 汁要咗巨峰~等咗好耐好耐 終於嚟到小妹第一次食呢種甜品 感覺特別我嘅食法係 將透明條條浸落提子汁度 生果亦然但要自己掌握時間 因為寒天雨同個汁其實個味係撈唔埋㗎= = -->浸一下會唔夠 會明顯食到2隻分開嘅味; 而擺得太耐會偏甜生果球反而夾少少---感覺唔係最佳mix and match但口感同味道尚可 算得係好食但唔係真係好好食係可以一試, 未必會再試嘅甜品---甜度

之前曾經試過佢地嘅咖啡奶凍，令我念念不忘，今次再試下其他款式。成日行過都好多人排隊，所以今日早d去碰碰運氣！因為係8pm關係，果然唔洗排！Order咗士多啤梨奶凍，賣相不錯，但係食落就麻麻地，士多啤梨夠多，但個醬就太甜啦，甜到蓋過咗奶凍嘅味道，完全食唔出奶凍嘅奶味，好可惜！如果可以減少甜度，可能會好d！其實佢嘅奶凍真係不俗，只係配料要稍為改良下會好d!我會再去試下其他甜品！

每次都見甜品工房門口排滿人，難得這次不用等位就可以入座，當然要試試試看。朋友說上次來已經試過這裡的招牌-提子，感覺一般，所以我們就要了另一款香港甜品店不常見的寒天雨。寒天雨可以自選醬汁，我和朋友分別選了巨峰提子 ($47)和抹茶牛奶寒天雨 ($47)。端來的分別是晶瑩剔透、猶如一條條玻璃的寒天雨，水果球和抹茶牛奶。我自己的食法是把一小撮寒天雨放進醬汁裡，儘量沾多一點抹茶牛奶才吃。抹茶牛奶抹茶味較牛奶濃，牛奶味欠奉，冰碎影響口感。生果的選擇-火龍果西瓜哈密瓜等等，都跟醬汁不配。寒天雨煙韌彈牙，可惜掛不上多少醬汁，結果唯有一口寒天一羹抹茶的吃。這家甜品店理念不錯，不過味道配搭方面則有待改善。

去尖沙咀行街，行過依間野，朋友話依間野平時好多人排隊，勁爆，難得依家無人，死都要入去試下，五佪人叫左兩個甜品試下（好才剛剛食完飯，先無叫一人一個），叫左兩個出名的甜品，可惜味道一般，唔係真係話好好食，一來唔多夠味，二來除左面個層，下面竟然全部係碎冰，仲要成四十幾元一個，個個朋友，都係食左少少，見佢下面原來係冰，試左一兩口就停手了，真係十分之失望，甘的甜品叫左之後，仲要我地等勁耐先整到出黎，唉，依間真係試下好，唔會再食

食完晚飯本來打算去lab made 食雪糕! 但系當日d味好普通...得milk chocolate/yogurt 等等! 所以朋友提議去甜品工房！ 當日禮拜三夜晚大約9點幾，一行四人大概等左10 min 就有位啦! 比起禮拜六日算等得唔耐! 我今次叫左紫葡之戀，但足足等左成30分鐘先上 其間都催過，d 員工好似好唔耐煩，目口目面無笑容! 問d 員工羅杯水，竟然同我講水機壞左，但隔離枱又有水？ 不過算啦，同朋友傾下計時間好快過! 講番個甜品，個combination其實都幾特別，亦擺得好靚! 上面個層口感好似提子味既魚子，下面個層提子冰我覺得最好食，提子味好濃，再加埋d真既提子，好好味！果然系名物! 但旁邊的丸子同埋香芋雪米糍就好一般，價錢都唔平，都要＄5x！總括來說！甜品工房d 甜品埋相好好，價錢同時亦比其他糖水店貴，但系服務真的很一般!  如果唔駛等甘耐都可能再來。

因為落雨既關係, 門口竟然唔使排隊,平時見到十幾人係度都唔已經唔想等,今次難得有機會, 終於可以試下啦~~~我係朱古力精, 所以order左一杯黑色情迷(朱古力)$48,其實係一杯乳酪, 中間有可可米, 但因為杯底空間比較窄,所以一定要食左上面d乳酪先可能混合到可可米一齊食,酸味味既乳酪同朱古力好似有d唔夾, 下次都係會配返雪糕 朋友就order左和風物語(綠茶)$48,  因為紅豆有少少熱既關係, 所以杯乳酪溶得比較快, 紅豆對我個人黎講有點甜, 適合配杯底既小湯丸一齊食

吃完熱辣辣重慶食品, 其實肚子已經很脹, 但雙腿又不自覺的走到到甜品店逛逛。厚福街的甜品店有三數間, 全部都出現長長人龍。既然每一間都要排隊了, 我們就選了一間從沒試過的吧!! 雖然如此, 不過排了沒多久就有位了, 真好!!我點了芒夏之戀, 有點似楊枝金露的實體版。最上層是芒果雪糕, 感覺似是維記三色雪糕的味道。中層是芒果肉配上西柚及西米, 生果來貨新鮮, 吃下還好, 錯不了人。最下層是乳酪雪糕, 不甜不酸但有點實。不過我最奇怪雪糕上的兩粒朱古力脆在幹甚麼? 是不小心掉下去的?? 是造型設計??? 還是......(不敢想像中)!!其實在甜點裡放的每樣材料和裝飾中我認為一定要有其意義, 目的旨為互相襯, 從而帶動彼此口感和提升美味。無謂的裝飾，不要也罷!!

無論係星期一至日，其實只要係夜晚時間，仲有一大班人係尖沙咀厚福道果到等，等咩？食甜品囉～一條街有數間大大小小既甜品店，有幾間都我試過，所以當日食完飯同朋友就試下依間，反正到到都要等，冇所謂啦，點知，惡夢就黎喇。當日真係好多人，排我前面既都係一堆二堆每堆至小５個人，果日我同朋友4個，等位時間大概係半個鐘左右，其實等位時已經見到店內好多人，而且位同位之間都幾迫下，不過見到甜品賣相都幾靚所以都一試啦！坐低之後時不而遲，我地都即刻睇Menu叫甜品，我地點左以下宇治金時，紫葡之戀，黑色情迷，浪漫季節，後者兩個都選擇左低脂乳酪，先講後者兩個低脂乳酪，莫講話係乳酪味，除左微微食到佢有小小酸之外，我都唔認為佢係frozen yogurt，而且佢溶既速度相當驚人，我同朋友移平左佢上高果一堆之後基本上佢個底已經係浸滿左Yogurt，因為奇味既Yogur浸住，我同朋友都食剩左大半杯，隔左一陣佢仲變埋水，oh!!!!=___=同另外既紫葡之戀同宇治金時，前者既提子味既冰的確好香，不過同粒香芋味既mochi完全冇關係=___=爆爆珠加埋冰食的確有口感，但係都係果句，未食完個頂，下低已經水浸，溶左變提子水，相當嘔

與M小姐在富士山吃過飯後（詳情請參閱食評---《上富士山吃飯》），時間尚早，因此M小姐提議找地方吃甜品。我即時想起上次MC小姐提過的甜品工房！對於甜品執著的M小姐，當然不會介意走遠一點！到了甜品工房門外，仍未夠八點半，正值吃飯的高峰時間，甜品店比較冷清的時段，甜品工房也不例外，店內只有一兩枱客人，侍應還坐在一起談天說地。餐牌製作的很有水準，甜品種類十分眾多，不過因為咳嗽的關係，我只能立定心思吃熱的甜品，而選擇是比想像的還要少，最後我點了椰汁紫米露，M小姐幾經爭扎，終於選了新地款色的紫醉之迷。椰汁紫米露我的椰汁紫米露很快就送來了，淺紫色的紫米露，上面還倒上些椰汁；舀起來比較稀薄，紫米不多，吃起來椰香有了但紫米獨有的幽香並不太明顯，證明兩者份量拿捏得不太平衡，又或者是用料不足，整體食味十分平淡。紫醉之迷M小姐的紫醉之迷賣相討好，自家製作的冧酒提子雪糕，旁邊伴以一些紫色的西米（M小姐戲稱為香珠）下面就是乳酪與粟米片相間的狀態。只見M小姐對於自家製的雪糕十分欣賞，又覺得香珠腍腍甜甜的，很有嚼勁。乳酪香濃細滑，加上香脆的粟米片，令新地更添層次又可以中和乳酪濃膩感覺，十分不俗！甜品工房裝修以灰色為

We've been exploring Korean restaurants on Kimberly St. and stumbled on this place as we were meandering the streets in TST looking for dessert. As the decor looked bright and modern, we decided to give it a try since it looked pretty popular. I ordered the Love Story with Grapes which came with mochi ice cream, grapes, grape bubbles, and shave ice. I like the creativeness of the dish as you get to try many flavors and textures. The mochi ice cream was really taro (but happens to be purple so it

同朋友食完dinner，佢話想食哩間糖水，就陪佢試吓啦！佢話哩間糖水鋪晚晚排哂長龍，咁我諗應該好食到飛起啦，不過……「紫葡之戀」：得獎食品，差唔多每檯都有人點，咁我地都唔輸蝕啦！都OK既，佢話墊底D冰係用巨峰提子汁打出黎，都幾清甜，同埋唔怕食到最後D冰溶左會好淡；面頭有D西米、提子、雪米滋咁，都唔差既，但未去到「嘩」一聲囉！「綠茶紅豆乳酪」：哩個超唔得，話就話「綠茶」，但其實只係面頭「沈」左少少綠茶粉，同埋有兩三粒沾左綠茶粉既糯米滋，完全無味既；D乳酪得個酸字，完全無奶香；杯底D就甜到死，係好死實既甜，似係紅頭頹溝糖水咁！環境就好迫，真係背貼背坐，想坐多陣傾吓計真係唔洗諗！

星期五晚十點幾，成條街的甜品鋪已經超多人排朋友食過呢間幾次，同埋間野幾靚，所以揀左呢間呢個榴槤甜品真係心機之作都幾貴吓($75)外面係啫喱做的容器，加上蘆薈粒圍住我個好鐘意食榴槤的朋友話呢個甜品好味個甜品好靚，上面d珠珠口感幾特別提子好甜香芋雪米糍就梗係好味啦但食到最底d就剩係得糖水...呢個真係好睇唔好食芒果下係刨冰+芒果味糖水普普通通個Chocolate雪糕幾好食中間個咖啡凍都好食的個軟雪糕就好普通總括來說，呢間野的甜品外表真係心機之作，不過唔係咁好食

下午茶時段來到厚福街，少不免吃個甜品。本想食返心頭好甜蜜蜜，點知路上看到另一間裝修精緻的甜品工房，而且食客不少，機乎滿座，所以決定入來一試。打開Menu,甜品款式不少，新派的刨冰芭菲，傳統的糖水，日式的綠茶紅豆，西式的窩夫都應有盡有，而且圖文並茂，令人食慾大增！兔兔好快揀左款新地，而熊大就想食椰子綿綿冰...誰知間野可以話係百無..新地芭菲都無曬，綿綿冰又得返三隻味。即刻有d失望！最後叫左芒果綿綿冰$42和朱古力雪糕窩夫$48~等左十分鐘左右終於有得食綿綿冰！賣相不錯的~份量亦都幾足。配料有小丸子，芒果肉及椰果絲。味道方面甜度適中，芒果肉亦新鮮夠甜，不過整體不算驚喜。兩人慢慢食完個綿綿冰，仲等多左十幾分鐘，個窩夫先姍姍來遲出現。如果一班人食，上菜時間咁樣真係唔得掂。窩夫賣相都好吸引呀！點知一食落口..個窩夫竟然係室溫架..以為佢搞咁耐係為左烘熱個窩夫，可惜同我幾日前超級市場即買即食的味道同熱度都一樣，用半個鐘只係為左擺得靚靚？唔熱的窩夫好似無左靈魂咁...個雪糕球呢，朱古力味夠香濃，但係雪凍到有冰粒，影響到雪糕的質感。令人失望呀！呢個價錢，尖沙咀有不少更好的甜品選擇。

吃過晚飯，又是甜點時間來到厚福街的甜品工房門口大排長龍，拿了號碼籌等了約廿分鐘終於入座在等待之時，已和友人商討吃什麼哈哈哈，愛吃的我只看菜牌已垂涎三尺身為綠茶發燒友的我又豈能錯過綠茶冰賣相十分吸引！只看著它已令我激動得很！刨冰淋上綠茶，以甜紅豆，紅豆雪芭和小丸子作伴，再加上煉奶作調味太幸福了雪芭入口即融，只不過因為放置在頂，很容易便會弄掉在碟子上（其實不用加煉奶，雪芭味道已經足夠，加煉奶反而有點畫蛇添足）綠茶冰即充滿綠茶味（廢話？），甘苦的太好了，鍾意找到一間真正綠茶味甜點坊間很多甜品店的綠茶甜品都因加了甜味或奶味而蓋過綠茶的本味而甜品工房則可以把綠茶味原原正正的程現於成品上！因為綠茶冰本身沒有任何甜味，加上紅豆一起配吃，完美到極！小妹乃是大胃之人，但獨自對付這綠魔，都感到很力與友人同分實不二人選友人的草莓冰小妹自小對草莓副製品沒什好感但這草莓冰味道不錯，淡淡的，不會有草莓過濃的藥水味生果亦算新鮮小妹會再回來的！到時再品嘗其他綠茶甜品吧！