甜品工房 (已結業)

之前有睇過、聽過1d食評，話甜品工房得個樣，唔好味的。一直都心思思想試，就算佢有咁多負面食評，我都要去冒險一試（笑）。當晚我地食完飯，過去排隊啦，好彩唔算等左好耐，等位時巳諗好食咩架啦，朋仔叫左和風物語，綠茶口味配小丸子、紅豆，上面係乳酪。呢款應該係全晚最好味既一款，最正常的，不過我唔太中意綠茶既甜品 ($48)另一款芒夏之戀，普普通通既芒果雪糕，配d柚子同新鮮芒果，仲有少少楊枝甘露，朋友話好jam口，佢話全部野夾埋都好一般喎 ($42)我叫既就係呢個紫葡之戀，個賣相係好靚呀，不過我食左好少，真心覺得「好難食」。頂層紫色粒粒咬落似膠粒，冇味既，我食左兩啖挖走曬d膠粒，d冰有提子糖漿吧，好大陣藥水味，好鬼甜，小丸子1d都唔煙un彈牙，林patpat的，只有旁邊幾粒提子正常。（$48)朋友仔唔舒服要食熱野，叫左原盅椰皇湯圓（$58)，omg....what's that ~~~~~~~好難食呀！有D似冇味既米糊，得好少椰味，仲有dd咸味添，真心說一聲「食到打冷震」。雖然我唔信邪，明知唔好味都走去試，但總算係親身食過，冇人云亦云嘛，但係以佢而家既質素，仲可以吸引到幾多客人食完再返去幫襯呢？

星期日，工作完畢後過來吃甜品。很久以前跟朋友吃過一次，當時的感覺都不錯。今次再來，點了葡萄之戀，其實就只是普通的提子刨冰，上面有MOCHI，一點新鮮葡萄，還有爆爆珠，下面就刨冰。其實不特別，都只一般的刨冰，只是賣相漂亮一點。價錢有點偏貴，但也明白這是店舖位置的代價。

每次經過都見到好多人好多人排隊, 結果都係嚟試咗一次! 睇openrice 時已知道評語好壞參半, 所以兩個人share 一個甜品試一試先, 結果就叫咗佢所謂金獎作品首先一上枱, 賣相係好討好的.......!!!頂頭好爽口ge 西米粒, 撈埋"巨峰"提子打成ge 刨冰, 如果鐘意巨峰提子味的話, 應該會覺得ok! 而且口感都幾特別... 當中煙煙unun 的糯米滋, 其實對整體感覺影響不大, 可有可無...而另外配上ge 香芋雪米滋, 本人覺得可以係話一個敗筆, 因為成個味同提子味根本唔夾.............好似有d 無謂!可惜的是, 當你食o西面台ge 料之後，淨返係底就只係一大碗冰同埋水.......口感唔好, 味道亦開始變得單調! 所以兩個人食左半碗就無再食了!總括嚟講, 要等咁耐時間, 仲要賣呢個價錢, 雖然味道唔太差, 但係我諗我唔會主動再嚟下一次了!

本來食完飯, 行一陣再就返屋企, 但一路食,朋友個囡就不停打嚟追佢返屋企,  所以唯有改叫外賣了~~~~~~門口好多人等位啊,  好彩叫外賣啫, 但都要等20分鐘呢~~~~~~@@

叫做佢獲獎ge葡萄之戀, 同另一個比較普通ge甜品, 蜜瓜西米露.葡萄之戀一上桌, 好青見, 見到都流口水. 一個甜品, 有提子刨冰, 牛奶刨冰, 小丸子, 提子, 雪米池. 一次過滿足你幾個願望. 味道其實都晤錯~ 雪米池係香芋味, 小丸子好軟滑, 應該係用暖水扠粉. 不過… 食到底, 你就會知道有咩問題… 就係… 從化學角度睇, 奶同酸溝埋係會變成一舊舊的 (除非係溝埋之後再加工就無事…)… 所以呢兜野, 食到尾, 係會好噁心的…蜜瓜西米露都係好青見, 不過味道其實好普通… 佢落得太多冰… 所以攪到個西米露好淡, 好似飲水咁…Overall: 其實又晤貴, 環境除左太吵之外都ok… service正常.

和朋友食完pizza , 時間還早，就到了厚褔街搵個地方食下甜品，印象中有三至四間甜品店，見到此店人頭湧湧，最初是放棄等候，但發現其他店家都要等，好奇見到這家甜品賣相十分吸引，決定一等，一等就等了半個小時，還好沒有下雨，第一次來到此店，甜品好美觀，好難選擇，最後我們選了店面標明的金獎作品，有提子，爆爆珠，香芋味的糯米糍，主要是像巨峰提子汁做的冰作底，味道不錯，好特別，另外一個買相令人開心的，上面選了乳酪，只是什麼味道都沒有，面上加綠茶粉，下面是紅豆加小丸子，兩者都不錯，夠稔身，但下是不會再點此，味道只是普通，不突出，最後是點了一個芒果冰,有一半是桃扮芒果，底是冰，朋友說差了一點，相信有其他甜品更不錯，如果人不太多，可以試試其他，坐位有點不太舒服，坐旁邊可能較好

之前與朋友於星期六晚因太多人等候而未能食到，今次於閒日再試！等候時間不算太久，但連番向侍應表示兩位，他們也未向門外顧客派飛及安排坐位，有點無奈。入坐後，裝潢時尚，餐牌內甜品多選擇，相片亦吸引，相對街外其他店已不錯！可惜，我想點的低脂雪糕暫停供應，最後點了★宇治西米露★。我個人覺得抹茶太濃以致變苦，內裏加了碎冰，紅豆又很碎爛，所以我會給予此甜品負評！另點了★椰皇湯圓★，哈哈。。。我本以為是凍品，原來是熱食！這個就不過不失，原個椰皇上，很有椰香。

去過兩次試過三個甜品1. 雪糕外形kawaii，味道ＯＫ，無特別印象 (唔記得影相)2. 拼盤味道一半一半，d小丸子好食，够煙韌; 不過綠色個堆味道太特別…竟然有苦味，食一啖就唔想食第二啖3 藍莓之吻最失望，係，個樣靚藍莓夠新鮮，但係d珠好膠好假 (彈到一枱都係);　刨冰過多又實又硬 人氣依然，可惜唔啱我地食

我同我朋友吃完飯去呢間甜品屋食甜品，我點咗個綿綿冰，我朋友點了乳酪雪糕，大約五分鐘後，綿綿冰到了，好味，再等了五分鐘，雪糕未到，我哋追單，好，我哋等。跟住後面周圍遲過我哋嘅都開始食，個雪糕仍未到，再追，又等。追了好幾次，周圍嘅人開始走，等了半個鐘仍未到，我火都嚟，再追單，估唔到個答案係：個雪糕壞咗，就算要等都起碼半個鐘，不如我幫你取消張單！頂！部機壞你唔早出聲？要我等咗半個鐘追咗咁多次先話我知⋯我以後都唔會去

紫葡之戀: 這是一個很美的刨冰甜點，也是一道曾得獎的甜點，淋了葡萄味道甜汁的刨冰上有葡萄味道的小珍珠，是西米大小的，咬下去是爽口的。刨冰的一旁放了小丸子和三 2顆芋頭糯米磁，糯米磁的外皮既薄又軟檽，要注意的是雪糕是融得挺快的，就是要盡快吃。刨冰的分量也很多，甜汁的味道不造假，也好吃，難怪經常大排長龍了。消費: $48

原本抱住期待的心情食呢間賣相好靚既甜品，怎知點了杯超、超、超難食的雪糕，店員問要雪糕定乳酪，我想左二秒跟住佢話可以Mix,甘我就以為上面係乳酪，最底係雪糕，點知來到一食就好奇怪，無味又一啲甜都無，又唔似乳酪雪糕，跟住問呢啲係乜？店員話：你話要mix架嘛。我即刻灰晒~~話：吓~呢杯野好難食。佢又無反應甘走左，我又問可否加朱告力醬，佢又話唔得。不過另外既朱告力布朗理都ok ,係皮多左啲。

約了外地朋友在尖沙咀見面，因剛吃完午餐，所以找一間甜品店坐，便在厚福街找到「甜品工房」，從外面看內，感覺不一樣，格調柔和但高尚，門口的甜品圖片很吸引，便很快地坐下來落單了，order了拿獎的產品「紫葡之戀」，很特別，很好味，感覺再想吃，然後order「寒天雨」、嘩！很清香，很清爽，停不了的又order了雪糕、乳酪，真的了不起！原來是自制的，很滑溜，又不會很甜，給5個舔脷，最後買埋盒裝餅送禮，都係$68一罐，平、靚、正；真抵食平均約四十多元一種甜品，用這些價錢吃到酒店式的甜品；原來仲可做會員有八折優惠，有積分，積分又可換取禮品，「甜品工房」很多元化，值得一試。

經過了整天忙碌工作，終於可以下班。從九龍灣走到尖沙嘴，做好了手頭上的工作，可以停下來抖一抖。身在尖沙嘴，當然不希望再舟車勞頓，只想在尖沙嘴找間食店坐下休息下。只不過在下在九龍灣連戰兩場，連沒有完全消化，只好找一間甜品店，安撫一下甜品胃好了。來到厚福街，當然有三幾間甜品店任君選擇，早前在下已經到過甜蜜蜜，糖仁街和奧格屙，唯一未去過的，只有甜品工房。一直以來在下只有和甜品工房擦身而過，並沒有真正入內，如今就給他一個機會好了。從門外的餐牌得知有芭菲吃，就選定好了，不過進入後卻被在下發現，原來還有小圓餅macaron 馬卡龍和蛋糕，可是在下並沒有點算，只好乖乖坐定定看看四周環境。老實說店子很光猛，而且是甜品店的格局，再看餐牌有甚麼味道的芭菲，在下還是點了一客和風物語。和風物語包括了日式抹茶汁小丸子，日本紅豆，白玉和低脂雪糕。在芭菲最上方的雪糕是較甜，但沒甚抹茶味道，較為薄弱，而且紅豆也屬佷普通，味道猶如中式紅豆，沒有太大分別，而白玉則較為煙韌有彈性。整體味道也沒有甚麼驚喜。而整杯芭菲的份量較宏的芭菲少三份一，但味道卻又差距甚遠，至少宏的芭菲味較濃。至於性價比在下認為不值得，因為味道實在較為一般

是日同男友行完街食完飯，當然要食埋個靚甜品啦！大約10點幾，外面排左好多人，為左一嘗金牌傑作紫葡之戀，我又唔介意等陣既。等左大約15分鐘，終於到我地！店內要求食客“打對”咁坐，其實位置好逼，不過算啦！可能店內人比較多，店員又傻乎乎呆呆地慢慢做，要改善下或者請多幾個侍應！我同男友點左紫葡之戀同一個紫米露。紫米露水準唔錯，但冇話特別好食。食完紫米露冇耐，紫葡就到啦外貌就唔洗講啦！靚！真係好有心機慢慢排靚佢！（由於格式問題，無法上載相片）最上層既巨峰提子味水晶珠好爽口，唔會太甜，配合提子味既刨冰，好正旁邊既雪米滋都好好味，不過相信係某經典牌子既雪米滋 哈！另外小丸子“IN IN UN UN” 都好好味！總之成個甜品既配合好好。唯一不足既係，D冰太多，根本就冇可能食哂。不過大家都知啦！冰平呀嘛，溝水就得但總括黎講，呢個甜品係好食既大家不妨試試！不過就可能要接受一下D較差既服務態度啦

氣憤！等45分鐘我覺得正常既不過當我叫甜品叫第一樣新地佢話呢個系列今日冇第二次，再叫綠茶芭菲，我等左三個字吹單，結果話芭菲暫停但冇同我講，但之後我眼見人地其他台都有芭菲食？奇怪第三次，之後叫水密桃沙冰，當時客好小，冇可能等三個字！我最後cut單！！！職員態度超差，今次第二次去，好似轉左d年輕職員後就差左好多，冇下次啦