甜入心 (已結業)

個日同朋友行深水埗,行到攰諗住求其搵間甜品店吹水hea下就比我google到呢間,入到去成間店好pink張登係粉紅色鑽石咁既樣(但唔太好坐XD)不過都幾得意既同埋因為下午茶時間冇咩人食緊所以唔洗等好快有得食之後我地就簡左桃寶燕窩椰皇燉奶黎食望落好吸引椰味好重果燉奶都好食不過就略嫌桃寶燕窩唔太夠得上面既少少不過我都推薦鐘意食椰皇燉奶既朋友可以試下佢既熱椰皇系列相信總有一款岩你既

自從上年年尾，我在牛頭角「淘大商場」的甜品店「甜入心」食過朱古力榛子窩夫，之後我一直沒有再刻意再上門幫襯。我再沒有上門幫襯「甜入心」，其中一個很重要的原因，就是牛頭角「甜入心」沒有最近我最喜愛的韓國雪奶冰甜品。再加上我跟「甜入心」另一款著名甜品「西瓜豆腐花」沒有緣份，多次上門都不幸在暑假後才幫襯，錯失食「西瓜豆腐花」的黃金機會，自從我對牛頭角「甜入心」興趣漸減，為了食韓國雪奶冰，而轉投向韓國餐廳「Gooxxe Chixxen」的懷抱。事隔一年之後，我知道了「甜入心」在深水埗的分店，原來有提供韓國雪奶冰。於是某一晚上打定主意，趕過去深水埗，看看深水埗「甜入心」是否有韓國雪奶冰提供，但結果還是讓我一再失望而回。我一進入深水埗「甜入心」，就立刻看見場內大部分食客，很多都在食椰皇以及窩夫，偏偏不見西瓜豆腐花和雪奶冰的蹤影，我立刻大感不妙。結果我一找侍應前來，詢問過方告如夢初醒，韓國雪奶冰又無法提供，西瓜豆腐花已經過了供應時期，全部又要停售，侍應的答覆，令我徹底陷入失望的深淵。這次是繼之前我在旺角韓國甜品餐廳「Nxn Dessert」，遇上餐廳侍應說雪奶冰，因為雪奶機機件故障而無法提供之後，我再

同朋友食完晚飯，緊係到搵點品食既時候啦。今次朋友介紹左一間甜品店，令我非常之滿意，環境唔錯，不過比我再去都唔記得點去，一定要熟路先得。服務態度都很好我們6個人，點選了榴槤飄香椰皇子，桃寶燕窩椰皇子，芒果出浴，蜜瓜飄雪冰和重口味榴槤飄香椰皇子，加上榴槤椰皇汁味道很好食，沒有蓋過椰汁的味道，各自發輝出兩種鮮味我的最愛，桃寶即桃膠，配上椰皇簡直絕配，而且大太甜，超濃郁椰汁味，女士食這一定養顏，所以一到店見到menu 諗都唔洗諗，即點這個蜜瓜飄雪冰，超級可愛的造型，就算唔食，睇都夠（講笑），味道也不唔差，啲撈冰汁也不會太甜，份量十足，煲內還有乾冰，送嚟煙霧瀰漫，都幾特別芒果出浴和重口味都很好食，今次甜品很滿意，非常滿足，重點椰皇味重，不會太甜，多款特別甜品選擇，正

同女朋友喺深水埗買元寶在下列個街之後又未到食夜晚時間就有啲口痕所以就食咗個甜品估唔到原來都唔錯一入到去見佢有少少暗不過店員已經好熱情咁招呼。係一個叫咗芒果小丸椰皇子，面頭嘅芒果肉份量正常而且都幾鮮甜多汁，而下面係椰汁加魚膠粉凝聚而成嘅椰汁水，飲落去就好似飲緊椰汁咁好清新，加埋小丸子有得咬下更加好。食完之後仲可以食埋椰子肉，一雞兩味。唔錯。另一個就叫咗黑松露吐司粒粒山，上面係一個黑松露嘅雪糕球感覺好得意同都幾大個，因為未食過黑松露味嘅雪糕食過每一啖都有好濃嘅黑松露味而且仲會見到一粒粒係入面配埋烤完的面包都幾夾，而且免頭臨上少少蜜糖同煉奶甜甜地更加好食整體上呢個配搭唔錯兩個人share啱啱好食完唔會太膩。由於係餐的關係，食完仲有一個薄荷咁橘特飲，幾清新唔算好甜，同夠曬抵。最後覺得呢間甜品質素唔錯，可以有下次。

星期六要到深水埗買點東西 ，逛完 玩具街後 ，不經不覺走到這裏 。看到它的粉紅色大招牌 ，即心動動， 想來吃些甜品。其實聽他的名字已經聽了很多次， 但是因為它地點的關係 ，不太就腳 。一直都沒有機會來幫襯 ，今次路過，正是好机會去ㄧ嚐它的甜品。。。 像是了結一個 心願。試了熱的 木瓜雪耳杏仁糖水， 和凍的燉鮮奶。It tastes so good yummy!!!果然名不虛傳, 真的很有水準。看到很多人在點一個椰皇甜品。 但我今次沒有試， 因為午飯食太多了 ，吃不下。 我想， 我下次一定會再回來 ，再試食它這個王牌甜品。。。一於甜入心。

在閒日三四點進店時,店內客人很少,所以當時進店吃甜品十分舒適。在店內點了朱古力窩夫和芒果吐司粒粒山。朱古力窩夫上得很快,剛下單不久就到了,上來時是熱乎乎的,窩夫很鬆脆,配上了朱古力雪糕和榛子醬,非常好食。芒果吐司粒粒山上得有點慢,但上來時都是熱乎乎的,脆脆又塗上蜜糖的吐司,配上了芒果蓉,芒果粒和芒果雪糕,每一口都是甜蜜而不膩,十分推薦!兩個餐點的性價比很高!大大份窩夫才38HKD,而吐司粒粒山就46HKD,兩份還附了一杯很清新的飲料。價錢是比外面的甜品店便宜呢

晚餐後附近搵下甜品食。。再次encore甜入心。。餐牌內有多款甜品。。但我都係至愛椰皇系列朋友就點了一份窩夫超愛椰皇系列。。因為除了夠味外，仲十分足料。。。有大量的西米，椰汁，燉蛋白在內。。仲有3粒芝麻湯丸十分滋味。。食完椰殼內的甜。。仲可以慢慢用匙羹刮椰子肉來食。。有咬口及好味燉蛋白又滑又香。。而且食起來夠杰身。。不會太水太稀。。。溫度暖暖的。。十分滋補。。。窩夫很大份芝士醬淋在窩夫上。。。一層一層的。。每一啖的窩夫都有濃濃又暖的芝士醬。。食落口很香脆。。。窩夫咬起來很實在。。外脆內煙韌。。。仲有藍莓。。所以不用怕芝士太膩。。

最近係深水埗返工返到好夜，做到咁辛苦想食下D甜品獎勵下自己，咁就可以食返椰皇系列喇。((好似自己呃自己咁,想食咪想食啦))夜晚去到甜入心都原來算多人等位，之後等左一陣，今次都係叫返個棷子皇先，睇下有咩選擇先,選左個【榴槤飄香椰皇子】......榴槤蓉都算多，呢個榴槤味仲好重都好香 如果係榴槤+椰皇愛好者必要試，椰皇系列值得一讚..

自己一支弓，係深水埗睇下玩具睇下GAME，行行下見到有間甜入心既甜品舖,心諗橫惦倦倦地入去坐低試下佢D甜品啦，橫惦出面咁熱，當休息下。當我睇餐牌既時候,個姐姐推介我食椰皇子系列......算是此店的招牌。椰皇子可以選凍或暖暖地。這個暖暖地的選擇很貼心，但係出面熱到咁，我想食凍多D喎。之後我選擇了凍 焦糖布甸椰皇子 椰汁味濃，上面的焦糖布甸，幾滑，有蛋香，甜度適中。底層是椰青水做的果凍，十分清甜，平衡香濃的椰汁。爽爽的，跟大菜糕差不多，但沒有大菜糕般爽。

經朋友介紹試食了甜入心，朋友果然沒介紹錯，真心好食，糖水美觀之餘又不會太甜，甜度啱啱好，是清甜果種，自些之後，每當我外出吃飯完，我一定會諗起甜入心做我飯後甜品的。雞蛋布丁賣相吸引，蛋味又香濃又幼滑。八星龍珠，味道清甜。芒果出浴椰子皇，芒果薇甜。焦糖布丁出浴椰皇子，清甜椰皇味，焦糖布丁口感幼滑，每次來我必食啲甜品。👍

今日下午休息，諗住叫個糖水，行到甜入心，諗住佢好評多，試下啦。坐低叫左個木瓜雪耳糖水，點知黎到一見個樣已深感不妙，啲料少到不得了，木瓜得1舊半，雪耳都得好少，南北杏見唔到，成碗野好似水咁，味道同視覺一樣，似水咁，深水埗食過咁多間糖水，最差就係呢度，貼錢比我都唔黎

炎炎夏日，點樣才可以解渴？就係食凍椰皇啦。今日和友人經過深水埗，晏晝超熱，就想起附近有間甜入心甜品鋪的椰皇。甜入心甜品鋪以粉紅色為主調，有粉紅色的椅子，好pink。Menu好多選擇，中式，西式甜品都有。我叫了凍芒果小丸椰皇子＄43椰皇最底一層係椰青水造成的椰青糕，似啫喱。椰青糕上面的一層係芒果沙冰，沙冰上面就有十幾粒小丸子，和有五塊芒果。當一吃到沙冰和椰青糕時，十分透心涼。夏天吃是最適合的。友人點了凍榴槤飄香梛皇子＄49一陣陣榴槤飄香超級正，椰皇底層都是椰青糕，再加上榴槤沙冰，頂層是榴槤。友人都說好清涼，好爽。

夜晚黎左食糖水，貪佢好夜都仲開門。不過，試過一次後，我就覺得之後都唔會黎食喇。樹記薏米腐竹糖水 $24味道係唔錯，配料完全唔得，食左一半已經唔想再食落去喇。首先，我中意食既腐竹糖水係Ｄ腐竹煮到溶左好似牛奶一樣咁幼滑既口感，然而佢呢個腐竹係非常硬，唔係入口即溶之餘，仲非常既韌....其次，佢D小丸子應該未煮好，口感硬實中間未熟透，仲有d粉末~~龍顏大怒 $28係龍眼+西米+Q珠+雲呢拿雪糕，好香椰汁既味道！Q珠ｑ彈，正當我覺得呢個甜品唔錯既時候，發現雪糕旁有小昆蟲.....希望佢地既衛生情況可以改善一下吧！

剛剛在深水埗考完試，便到附近餐廳食下午茶，恰巧經過甜入心，見到美味的椰皇甜品，欲欲想試。餐廳供應午後套餐，一個價錢，包甜品及飲品，非常超值。黑松露吐司粒粒山頂部是黑松露雪糕，雪糕是自家製的，有黑松露的菇香，底部是一粒粒吐司，質感鬆脆，點上煉奶一起進食倍感滋味。玫瑰荔枝有荔枝的酸及玫瑰的清香，兩者結合的味道很夾。椰皇燉鮮奶湯丸侍應端上來仍是熱辣辣，鮮奶質感嫩滑，帶香濃的椰子味，味道不太甜，湯丸是芝麻餡，芝麻味突出。

呢排成日打風，搞到空氣污染指數極高又焗，成日抖唔到氣，出街行一陣已經好辛苦。咁啱今日去開深水埗電腦中心買野，行行下突然想食啲透心涼嘅甜品清涼一下，於是諗起我最愛嘅椰皇子，即刻同老公去清涼消暑一下。遠遠已經見到粉紅色的招牌正向我招手一樣，色彩繽紛。而且餐廳牆壁圖案色彩奪目，令人有種好開心嘅感覺。而且餐廳仲有提供免費嘅淡果茶供食客消消暑。淡果茶味道雖然偏淡，但透心涼又消暑解渴。坐低不久就見到我最愛嘅椰皇甜品剛剛做起，我當然二話不說立即叫返一個清涼一下。出浴椰皇子名字趣怪，原來係原個椰皇子取肉整成，新鮮椰皇水加椰子肉製成啫喱質地的果凍，面頭放上焦糖布丁，椰皇子味道清涼透心，椰味濃郁，焦糖布丁又滑又甜美。龍顏大怒有龍眼，西米，Q珠，椰皇啫喱，雲尼拿雪糕+椰汁，味道好豐富，西米又有咬口，椰皇啫喱又清甜加上冰凍椰汁，超吸消暑。