甜入心 (已結業)

見到甘多讚，所以支持一下小店！點知係失望！好少來呢區幫襯，食完晚飯，就塭一間多人讚既來試下！點知，原來係伏！我地左兩樣，一個係芒果冰，一個係榴連椰皇！我食芒果冰，主要係見到賣相好，諗住影相都好！點知。。。雪糕吾得，差過牛奶公司三色雪糕！冰方面，真係冰，d糖醬味道得過甜字，味道欠奉！仲有配料，得d粟米片，同埋一d碎啫喱條！收得人48蚊一個，就應該認真少少！都係公平個句，朋友食榴連椰皇，無特別彈！總結：可一不可再！

今日食飽飯後同朋友出深水埗買電腦野，行完一輪又想食野但又唔想食咁多，剛好經過一間甜品鋪，就入左去試下啦。我地坐低後，店員姐姐好熱情咁走過黎問我地想食咩，然後放低左個餐牌比我地慢慢揀。睇完之後，我地一人揀左一樣甜品食，一凍一熱。首先係椰皇燉鮮奶湯圓 $43 椰皇裡面有旦白，西米仲有幾粒黑芝麻湯圓，西米略嫌唔夠淋，黑芝麻湯圓不錯，燉蛋白甜度適中，有西米陪襯增加咬感，我個人推介熱食。朋友就叫左芒果飄雪冰 $48一上枱，我地嘩出聲！份量巨型，適合二人分享。面頭有芒果雪糕，芒果醬同芒果肉；內裡有栗米片，咬落脆卜卜提升整體質感。合照！

一入到去直到落單已經覺得唔多掂開頭同佢講兩位店員指示有點模糊話入面有位坐跟住又叫我地坐番雙人好喇坐底左張枱係濕嘅跟住又冇人比餐牌我地架喎我地要自己同佢講嘅叫左個唔記得風咩雪定咩風雪雖然話係甜品而且間野都叫甜入心但係對我黎講就過於甜喇口感同份量就ok嘅跟住因為我坐嘅位係最近廚房我都知入面做野環境可能唔太好會做得辛苦但我一路食就一直聽到職員係到嗌好熱好熱仲有有部機係正我後面唔知整乜野不停發出噪音搞到我都有點炆食得唔太舒服個人又放鬆唔到咁

甜入心，甜入心，我真的很想甜入心， 不知道這裏的甜品能否讓我甜入心?近來天氣十分炎熱， 經過太子很想找間甜品解暑。 我們點了三樣甜品share,凍香草黑糖綠豆沙 $19價錢不貴，而且當中有很多綠豆蓉和海草， 十分足料入味。 並不會像水開一樣的稀。 綠豆味很重， 每一口也能夠吃到綠豆蓉，超讚!而且溫度十分夠凍， 能馬上解暑解熱解渴。金色西米露 $32當中配料有芒果、方果、Q珠、芒果汁、西米， 可見十分豐富。因為配料有很多,加上方果和Q珠都是很有咬感，所以每吃一口也會有chok chok的聲音，咀嚼感一流。而芒果汁好像配上了奶茶的味道，特色十分。芒果飄雪冰 $48這個甜品十分特別，它是用茶壺作裝飾。而味道亦很不錯， 芒果十分鮮甜， 果肉沒有起渣，很易入口。而飄雪冰吸收了芒果汁，甜中帶點果酸。 而冰的質感軟軟綿綿， 好像在吃凍的棉花糖一樣。 冰磨得非常碎， 當中不會有冰粒。 當中還有玉米片增加咬感，冰冰凍凍的綿綿冰，加上脆卜卜的玉米片，配搭一流!整體而言這間小店價錢不貴，而味道質素還可以， 在夏天炎炎夏日，不妨去這裏品嚐它的甜品。

誰説一定是飯後甜品，今天是酷熱天氣，站在街道上30秒已感覺溶化。本來約了寶寶吃午飯，但在途中經過甜入心，感受到裡面的冷氣很大，我們竟然走了進去！12時吃甜品？未免太任性了。。。我叫了消暑必備的西瓜中豆花 ($45)，西瓜鮮甜多汁，裡面的本以為是鮮西瓜，但竟然像啫哩。而上面有球雲呢拿雪糕，確實消暑。我最欣賞是寶寶點的黑松露雪糕椰皇子 ($45)，可惜剛開店未有原隻椰子殼所以用了杯裝。雪糕有濃郁的黑松露味，而底下有椰肉和椰子啫哩。我們還點了黑松露吐司 ($42)，新鮮焗起的吐司熱辣辣。黑松露味反而不覺，卻有很重的菇味。上面還鋪上了木魚，真不錯。

行遠少少，遠離地鐵站少少，原來都有間好食既甜品鋪，佢就係甜入心啦❤️門面企理，非常容易睇到搵到🤗其實係其他區都有呢個brand既分店既，例如沙田同九龍灣👍🏿不過原來深水埗既呢間鋪先係總店黎😀店內寬敞，坐得舒適👍🏿十幾個人黎食都無所謂！如果d甜品未黎到，又或者入到黎係口渴既話，呢度就有免費仼飲既英式果茶比大家自助享用😀👍🏿清清淡淡禁，幾好架😀呢度個Menu全部都有圖片輔助，都唔錯架👍🏿有d款，真係睇到相都想食🤤呢個係小編選擇，$40既凍鮮果風呂椰皇子😀佢並唔係以一個椰皇禁去呈現既，不過成個甜品就真係好有椰味啦🤣賣相好靚既佢，左邊係一大球自家製既超椰雪糕😍食落真係超級重既椰子味😋右邊既係大量果仁，椰子啫哩，可可脆片同大量既生果粒，都好足料架😍生果包括面頭既奇異果，下面重有香蕉同西瓜添👍🏿👍🏿呢個係呢間糖水鋪既賣點同特色之一👍🏿 佢係 $49 既榴槤飄香椰皇子😍😍😍真係原隻椰皇比你架！原個椰皇既外殻，面頭最先有大量既榴槤肉打頭陣，再鋪滿大量有口禁既水晶爽脆西米，最下面既就係椰子果凍👍🏿成個感覺好滿足，榴槤非常香甜，配埋椰皇既味道，直頭絕配！呢個價錢真係超值👍🏿

很久之前分享過對沙田分店感覺不太好的體驗，然後不只一位朋友在我Facebook 留言告知深水埗分店水準穩定一點，叫我有機會可以去試試。那天接男人收工後去散步時經過見到，難得尚有一張桌子，便入去試試。這裡感覺和我印象中的沙田分店有點不一樣，除了有朱古力噴泉，更有免費果茶給客人享用。芒果飄雪冰 $48這份芒果飄雪冰認真大堆頭，超重芒果味的芒果雪糕，香甜鮮芒果肉和芒果糖漿，有咬感的芒果點子，口感像三文魚籽的照濃芒果味爆珠，輕巧軟綿的綿花冰，還有七彩朱古力條。味道甜蜜，口感冰爽。棉棉冰底下還有芒果肉果醬及粟米片，甜甜的又脆脆的，好味道。榴槤飄香椰皇子(凍）$49椰皇子體積不算小，而且一上桌已經陣陣榴槤飄香。椰汁内藏著不少榴槤肉，榴槤肉有些口感爽甜有些口感creamy 且味濃，加上卜卜脆珠，以凵及清甜的椰皇凍，多種味覺與口感充斥口腔。Oreo 薄荷奶昔 $28根本就是溶掉了的薄荷雪糕加Oreo 碎🤣，入口啖啖都是涼意。雖然選的甜品不同，但這次的體驗真的好很多，2款甜品都真的很不錯呢，希望下次點其他甜品時質素也能保持。

如個你問香港邊一間甜品可以媲美韓國既冰雪，我會推薦甜入心。其實甜入心我已經去過好多間，深水埗店係我最欣賞既分店。除左甜品質素有保證之外，鋪頭請番黎既妹妹仔都特別精神有禮。鋪頭裝橫雖然簡單，卻份外有種溫馨家庭的感覺既味道，亦正正配合到食完甜品果種甜絲絲既感覺。餐牌款式林羅滿目，款款都好有特式。次次黎都揀好耐，三心兩意都唔知點揀。好彩妹妹仔夠熱心，介紹左幾款俾我地。首先黎到既係原個西瓜中豆花。呢個真係堅有特式，唔知以為佢只係雪糕加左豆腐花係西瓜入面，其實佢入面係整左啲紅色既西瓜味豆腐花，味道清新。面頭再加上左雲呢拿雪糕，雪糕味道甜入心，入面除左豆花仲有煙韌椰果，加埋新鮮西瓜肉，口感非常豐富。又係水果甜品時間，呢個係原個木瓜燕窩蛋白。熱蛋白味較淡而滑，配搭燕窩味道唔錯，份量都夠多，值回票價。e個自家製雪糕椰皇子係我地至愛。點解呢～因為佢呢度啲椰子雪糕真係好有椰子味道，入面啲椰子布甸又係入味到暈，一試難忘。 另一樣要讚既係，椰皇啲椰子肉好林好易就刮到出黎食。唔好以為我地就咁就食完~最後當然唔少得榴槤甜品喇。呢度啲榴槤試過幾次都一樣咁得，榴槤熟度剛好，唔會太熟透但好甜好香，加埋夠晒冰凍既榴槤冰，

明明無幾耐之前先喺沙田食過甜入心，估唔到今日又有機會食，不過就係喺深水埗呢間分店。咁既然又再一次嚟到甜入心，當然要試下上次無食過嘅甜品啦。其實好多甜品都好想試，可能店員見到我地個心大心細樣😓，揀左好耐都未決定到食咩，於是主動行埋嚟向我地介紹😵最終我地都決定聽從店員嘅介紹，點左個自家雪糕椰皇子(黑松露味) **(其實當時我心諗，黑松露咸架喎，係咪真係可以甜入心架.......)**好喇，甜品一上枱，已經成功吸引到我，椰皇子上面d玫瑰花葉碎配上米色雪糕，拍埋落張粉紅色餐枱上，好好睇椰皇子上嘅黑松露雪糕比我預期中嘅好味，食入口唔係完全得個鹹字，原來黑松露嘅味道係可以同雪糕融合到，咁大個女第一次食呢個口味嘅雪糕，有驚喜。店家能夠將黑松露呢類比人印象係屬於貴價嘅食材，融入喺雪糕裡面，有創意之餘，可以比大眾用平民價錢一嚐黑松露嘅味道，真係唔錯雪糕底下仲有椰青水製作出嚟嘅啫喱（我自己估係椰青水，因為食到係椰青味，唔知有無估錯😛）啫喱嘅質感介乎喺啫喱同大菜糕之間，無大菜糕咁爽口實在，比較容易散。而椰皇子裡面嘅椰肉亦非常容易取出，一口椰肉，一口椰青水啫喱，一物二食，贊~

喺深水埗見到，兩個女仔想食甜野，見到好多甜品嘅選擇就入咗去啦！可能因為我哋下午入去食嘅，所以餐廳一個人都冇，得我哋兩個喺度包場我叫左榴槤椰子王，估唔到榴槤同椰子係咁夾嘅，佢個榴槤好好食，不過有啲少，得兩舊仔。中間係椰子冰，下面係椰子啫喱，全部都好有椰子味，係幾好味嘅！中間仲有啲一粒粒，嗰啲一粒粒好有口感，令到成件事立體晒食到最後我哋仲可以食埋側邊啲椰子肉，唔知佢係咪特登幫我地方刮咗一刀，啲椰子肉好容易就食到不過我覺得喺深水埗＄49有少少貴，感覺好似仲貴過滿記同聰少。

黎呢度嘅原因係因為特別想食燉蛋白，點知一個木瓜燉蛋白係好大個，於是轉食海底椰燉奶。 我一直都唔知燉奶同燉蛋白嘅分別😂好想知！海底椰好似啫喱，應該浸過糖水，有少少甜味。燉奶好滑好creamy，係我想食嘅口感，感覺比義順好味同更抵，同埋冇義順咁甜，可惜對我而言都係過甜，可能因為我太渴，食糖水係覺得特別甜，我朋友就試左我呢個話覺得唔甜，個人感覺唔同掛，我覺得重奶味朋友覺得重蛋味，其實我都唔知😂反正都算滿意嘅。.朋友嘅芝麻糊我覺得一般，唔夠香。唔似現磨，似超級市場個d粉沖有點失望

今天專程同老公去深水埗食晚餐，試試懷舊餐廳的食品，之後經過福榮街，見到一間甜品店，名叫甜入心，門口擺放廣告餐牌，甜品好吸引，食完飯食返d甜品，真的好享受，所以就和老公入座了！焦糖布甸椰皇子（凍）：這個是店裏Top 1的甜品，當然第一時間order,這款有凍和常溫選擇，天氣熱老公喜歡食凍，所以叫左個凍的試試，完個椰皇上枱，又滑又甜的焦糖布甸加在有2層味道的椰皇裏，而椰皇裏的下層是凝固了的透明椰子水，上層是凝固了的白色椰奶，甜度適中,值得一試！桃寶燕窩椰皇燉奶（熱）：完個椰皇燉奶，之後加入桃寶和燕窩伴勻，因為太滿，所以要用碗另上，燕窩和桃寶都是養顏之寶，但是沒有味道，加入燉奶剛好配合到，甜滑的燉奶、有口感的桃寶燕窩,十分美味可口！燕窩蛋白燉大瓜：燕窩養顏，作為女士的我，當然忍不住食多些，加上蛋白又是䕶膚食品，蛋白甜燕窩爽，木瓜林，很好味！

今晚四大兩小專程去到堔水埗試食出名甜品，椰皇系列甜品味道確實不錯，椰皇燉奶好滑唔會太甜，喜歡椰子味嘅朋友可以一試！出品好可惜人晤好無用，事緣係我地一邊食一邊感到非常大壓力，好似食緊限時賽一樣！我們六人每人点了一份，每當一人食完剛放下餐具就迅速地有位員工收走不留一碗一碟，小朋友嗰碗都未食完叫佢晤好收走，嗰位員工十非不屑作出反白眼行為！當時店入邊唔係旺仲有吉枱，我地前後食咗30分鐘左右正常用餐時間，點解會遭受呢種態度？

自從食過一次沙田嘅-甜入心, 回味無窮。 今日剛巧行開深水埗行街，記得深水埗有甜入心嘅分店，於是決定再試試。大大嘅招牌，距離好遠都望見櫥窗擺放嘅甜品唔多， 但我就畀佢嘅焦糖布甸椰王子吸引住， 所以今晚我就決定揀佢 呢間舖同沙田舖有啲唔同， 特別之處係除左有果茶任飲，仲有埋朱古力噴泉， 初初以為只係裝飾物， 原來真係食得入面都算人山人海， 好彩唔使等位甜品選擇多令人花多眼亂最期待嘅焦糖布甸椰皇子嚟啦， 椰皇暖笠笠送上， 奶白色嘅椰汁加上看似軟綿綿嘅焦糖布甸， 令人口水都流!輕輕用羹起，大大舊焦糖布甸，食落口感軟滑，唔會太甜! 椰椰汁底下係軟綿綿既果凍， 成個甜品簡直perfect match!今次我介紹我上一次既最愛-榴槤飄香椰皇子比朋友，佢都大贊!大大嚿榴槤肉在椰皇入面， 充滿著榴槤嘅香氣，椰皇表面有水晶粒粒，食落有咬口， 之後刮開椰皇肉，食落軟綿綿最後我哋試埋佢嘅新產品黑松露撻， 呢個黑松露撻好脆口，而且皮非常薄， 黑松露餡料非常豐富成個吞落口發現成咀都係黑松露香味， 令我食到唔停得口

飯後甜品已經成為我哋都市人不可缺少嘅一部分。 今日同太太食完泰國菜後，有點意猶未盡嘅感覺，所以就同太太嚟過飯後甜品!開車去到深水埗一帶， 我地無諗住去某一間特定嘅， 諗住睇啱邊間就食邊間 行下行下就發現咗呢一間叫甜入心嘅甜品舖， 門面望落都幾靚， 而餐牌嘅價錢都幾經濟實惠， 所以最終就決定揀呢一間試下甜品舖內嘅位置尚算寬敞，沒有逼澀感覺， 而且都好光猛。我幾鍾意佢牆上嘅簡約設計， Wall sticker上貼滿相片，介紹佢地一些新晉甜品師傅及甜品作品，而另一邊就擺滿新鮮水果相片呢間糖水舖令我覺得佢最特別之處，係有一個自助吧! 可以免費自助任飲英式果茶!（你冇聽錯，真係免費） 你又點估得到一間糖水舖竟然會提供免費甜點，非常大方的舉動 不過果茶只帶微微果香， 並非非常強烈哪一種，味道都唔錯既呢度嘅朱古力噴泉都係任食，仲提供埋棉花糖畀你自由玩， 如果帶埋小朋友你嘅話真係不得了太太點咗 桃寶唔係上網買嘢既淘寶! 店員介紹話桃寶其實係桃膠。 桃膠，即是桃樹膠，是由桃樹上自然分泌出來的桃樹油，係一種淺黃色透明的固體天然樹脂桃膠對美顏滋潤有極大幫助， 既可以抗皺嫩膚，又可以舒緩壓力， 成效同燕窩不