甜入心 (已結業)

同女朋友喺深水埗買元寶在下列個街之後又未到食夜晚時間就有啲口痕所以就食咗個甜品估唔到原來都唔錯一入到去見佢有少少暗不過店員已經好熱情咁招呼。係一個叫咗芒果小丸椰皇子，面頭嘅芒果肉份量正常而且都幾鮮甜多汁，而下面係椰汁加魚膠粉凝聚而成嘅椰汁水，飲落去就好似飲緊椰汁咁好清新，加埋小丸子有得咬下更加好。食完之後仲可以食埋椰子肉，一雞兩味。唔錯。另一個就叫咗黑松露吐司粒粒山，上面係一個黑松露嘅雪糕球感覺好得意同都幾大個，因為未食過黑松露味嘅雪糕食過每一啖都有好濃嘅黑松露味而且仲會見到一粒粒係入面配埋烤完的面包都幾夾，而且免頭臨上少少蜜糖同煉奶甜甜地更加好食整體上呢個配搭唔錯兩個人share啱啱好食完唔會太膩。由於係餐的關係，食完仲有一個薄荷咁橘特飲，幾清新唔算好甜，同夠曬抵。最後覺得呢間甜品質素唔錯，可以有下次。