甜入心 (已結業)

我同朋友都係榴槤控，逢親有榴槤的食物都必定會試。今日同朋友喺深水埗食完飯之後，就去咗食甜品。打開Menu,見到有榴槤甜品即刻心心眼，而且選擇仲有幾款添，忍唔住同佢一人叫一款share來吃。榴蓮飄香椰皇子$49知道甜入心最出名就係椰皇子，咁就當然要叫返個啦！榴槤香味滲出，鮮甜美味，配埋清新的椰皇果凍，清新又好吃！食完仲可以食埋椰肉，真係好解渴啊！天荒地老-榴蓮摩天輪$42之後點了一個非常吸引的甜品，配合榴蓮、水晶珠、榴蓮冰冰涼夠凍，散發出陣陣榴蓮香味，足料又夠味。店內服務非常好，店員會主動送上幾杯果茶給我們，吃甜品最好有杯果茶消消濟，真好！

位於深水埗嘅甜入心，甜品款式創新特別多選擇，係街坊至愛!夜晚時分過來，在南昌街街口，很容易搵到一個粉紅色嘅甜入心招牌。 menu有多士、窩夫，甜品可以當正餐。 叫了一個小蘋美顏日子，原隻蘋果，下面竟然有蠟燭慶住，很意外! 而最特別係個兜，是紙來的 焦糖布甸撻， 將布甸嘅嫩滑同撻的脆脆放埋一齊， 而且一口大小， 做到到甜而不留嘅效果分子啡出浴椰皇子， 原來都好有層次，頂層布甸，中間是啫喱，最底是椰皇。仲可以叫暖暖哋， 啱曬啲唔係好食凍嘅朋友。甜入心係臥虎藏龍， 不枉特登過嚟幫襯。三樣甜品加埋一百蚊也不用， 好食又特別， 如果唔係宵夜時分肯定要等位。

最近天氣轉凍, 除左著多D衫外, 食野亦係保暖方法之一。和同事去深水埗睇完貨辦, 時間都差不多5點。同事想搵地方坐下食野。附近雖然茶餐廳很多, 我地又唔想食得太過量。最後揀左 。 係糖水店, 有糖水, 小食, 飲品。餐廳位於深水埗, 由港鐵站行去大約9分鐘。之前食過一次所以地點唔難搵。小店除左有糖水食, 最特別係免費果茶飲, 好貼心。小店好光猛, 牆壁上貼了不同員工相片, 好親切。亦有小小佈置比你影相用。我地唔係好肚餓, 只係ORDER左以下新產品 :芝士焦糖布甸燒 $32碗仔翅 + 長洲大魚蛋 (套餐價)$28芝士焦糖布甸燒焦糖味重, 布甸夠蛋味。底層有蛋糕, 蛋糕很軟綿綿。整個不錯。碗仔翅 + 長洲大魚蛋 長洲大魚蛋同長洲大魚蛋一樣SIZE, 魚蛋夠彈有味。加上咖喱汁，唔會好辣。碗仔翅而家唔多地方有香港式的碗仔翅, 呢碗碗仔翅材料及份量真係好多, 包括 : 黑木耳絲, 粉絲, 冬菇絲, 腐皮絲。味道咸淡適宜, 食晒都好飽肚。甜品店夠清淨又清潔, 與同事邊食邊傾都唔會催促你, 而且仲可以飲下果茶。甜入心真係一間唔錯的甜品店, 難怪係淘大分店晚晚都咁多人。

在寒冷天氣底下，最適合甜到入心，暖到入身的甜品！深水埔、沙田也有分店而今天我們到深水埔地鐵站D 出口的福榮街步行5分鍾的《甜入心》。旁邊有很多椰子殻畫的圖案可拍照，畫的很可愛，可為甜品點綴。座位寬敞，以裝潢以粉紅色為主假日經過有很多人前來排隊首先點了新推出的邊燒邊食的紫薯入心 HKD32分別有紫薯球，三色芋圓，小丸子，湯丸，紫薯汁 材料，底下有個小蠟燭點著火。煙煙韌韌的有咬口，薯球很甜，湯丸是芝麻味芒果心連心窩夫 HKD39 很吸精！ 一層一層心型窩夫疊在一起形成一個心連心的效果，最頂還有一球芒果，伴碟也有果肉，好甜！ 窩夫很脆很脆又暖暖的，很窩心啊！ 峰之戀 HKD 28 用了巨峰提子佢主打，味道是淡淡的，剛好中和一下。

深水埗太多甜品店，花多眼亂，但講到想食椰皇系列，呢到都算係最多款式又好食...原個椰皇上，好新鮮，入面仲有好多椰肉可以慢慢刮黎食，燉奶不會太甜，夠滑燕窩份量意想不到的多，好正，啖啖燕窩桃寶份量都好多，味道香口，加埋咁多燕窩，成個甜品養顏值超標椰皇一樣咁新鮮...自家制既椰子味雪糕，椰子味十足，好香，食落口好清新感覺有點像海底椰，味道濃郁，入口有點像啫哩般，和頭先熱食的椰皇一樣，可以刮椰肉出黎慢慢食，正！免費任添飲的水果茶，好清新，應該是桃味...

作為深水埗No.1嘅甜品舖，當然要去試試佢啦。「甜入心」嘅座位好寬闊，適合一班人聚會後去食宵夜。呢間甜品舖有鹹嘅食物，包括各類吐司（當日冇吐司，試唔到）、鹹味芝士窩夫、碗仔翅、長洲大魚蛋等等，啱曬唔食甜嘢嘅朋友。碗仔翅+魚蛋套餐 ($28，可散叫)好少甜品舖有長洲大魚蛋食，既然甜入心有，就梗係要order啦！魚蛋配好濃、好惹味嘅辣咖喱汁，冇得揀其他汁，大大粒魚蛋好彈牙，辣得好過癮碗仔翅嘅味道就正常，多啲翅會好啲。黑松露撻 (2件$24)黑松露味極濃，配合蘑菇真係超好食！玄綠是你 ($24)心太軟做到流心效果，流出嚟嘅綠茶漿味道好濃，share嚟食就唔會太漏，雪糕嘅綠茶味就反而比較淡。芒果心連心窩夫 $39份量超大，熱辣辣嘅窩夫好鬆軟，芒果雪糕好香滑，芒果醬甜。做飯後甜品有啲heavy😂芝士焦糖布丁燒 ($32)呢個係店員推介嘅甜品，底層係芝士蛋糕，上面嘅布丁滑溜溜。焦糖味就唔係太出。戀上椰王 ($48)唔記得咗佢嘅全名，只記得佢係新系列嚟。裡面啲料好豐富，有三色芋圓、芝麻湯圓，個底係好嫩嘅燉奶。以為食完燉奶就完？少年你太年輕了~最尾仲可以刮返曬啲椰肉出嚟食佢個椰子係細size，一個人都

一個好差嘅經歷，落咗單30分鐘先知原冇入單，仲要我地發現好耐未有嘢嚟問服務生，佢地先發現冇入單，首先如果一台客好耐都唔佢地食嘢，唔係應該留意下佢地究竟係未落單定係嘢食未到嘅咩，要客人問佢地先留意到，我地見住隔離枱食完走咗再到有客坐而佢地又已經開始食.......中間又發生比錯單，作為第一次光顧確實係一個好差嘅印象，就算最後比9折，不如比一個認真嘅道歉好D...就算再好食下一次都未必會再去唔想再一次等...

天氣涼涼地，和朋友食完晚飯就係時候食番個糖水，跟著係深水埗街頭行左陣，發現了原來深水埗都有"甜入心", 之前係另一間分店食過，已覺得好好食，所以一於再食多次。餐廳環境舒適，甜品種類好多選擇，中式西式都有，近日天氣乾燥，所以我選擇了椰皇系列，食完可以滋潤下，我揀左個櫻紅小丸子，朋友就要桃寶燕窩椰皇燉奶，另外再要左職員推介的芝士焦糖布甸燒，同埋長洲大魚蛋。櫻紅小丸子，入面除左小丸子，仲有紅豆，燉奶熱辣辣，加上有椰香，食完即刻暖入心朋友叫的桃寶燕窩椰皇燉奶，後來朋友話我知桃寶原來係一種叫桃膠，坊間封為「平民燕窩」，食完真係特別滋補。職員推介的布甸，布甸底下有件芝士蛋糕，軟滑的布甸加上芝士蛋糕，味道相當夾。長洲大魚蛋，又大粒又彈牙，加上咖哩汁辣味啱啱好，不太辣沒有搶走魚蛋的味道，果然無介紹錯。

每次出席朋友嘅晚飯聚會過後, 總會去食埋個糖水先至散 band, 而今次都唔例外｡ 原本我地係去近黃金嗰頭嘅甜品店, 但已經見到有好多人等, 所以朋友就提議行遠少少食｡ 估唔到行遠 D 就真係有 Surprise, 店面雖然唔大, 但個裝修都幾靚｡ 打開 Menu 第一頁已經令我心心眼  , 因為有我最鐘意食嘅椰皇系列, 所以我好快就已經決定到食咩喇 !!焦糖布甸椰皇子估唔到呢款可以揀熱食, 宜家天氣咁凍, 我緊係揀熱食啦｡ 個椰皇熱辣辣送到上黎, 見到個布甸喺個椰皇入面震震下, 真係忍唔住即刻食一啖｡ 布甸好有蛋味, 口感好滑, 但焦糖味就唔係好夠｡布甸下面係椰汁果凍, 可能係熱食嘅關係, 個果凍嘅椰汁味特別濃, 超級好味｡ 如果布甸、果凍 & 椰汁一齊食, 就會感受到多重口感｡總括黎講, 同行朋友都話佢地所點嘅甜品好好味, 所以下次我地都寧願行遠D再幫襯｡

每次口痕想食飯飯後甜品, 都會諗起去深水埗, 因為呢區甜品店較多, 但我就大多數都唔會揀近黃金果頭嘅甜品店, 怕街上人流太多, 所以寧願行遠少少幫襯 “甜入心”｡ 一如以往, 雖然店舖不大, 但座位坐得比較舒服, 唔洗坐到咁逼夾, 而且睇得出有花心思去搞店內嘅裝飾｡餐牌嘅底用木板承托住, 而每頁MENU都過晒膠, 感覺好整潔, 某D甜品仲有長者及學生優惠價添｡ 太太係甜品控, 好多款都想試, 所以今次叫左4款甜品小食｡ 免費自助區 - 熱情果茶有淡淡嘅熱情果香味, 清清地幾好, 食完甜品飲番啖清一清喉嚨都唔錯｡焦糖布甸椰皇子(熱) $39係必食嘅椰皇系列之一, 原個椰皇上俾你, 最上層係焦糖布甸, 下面有椰汁果凍｡ 個焦糖布甸口感好滑, 蛋香味重, 而底下個椰汁果凍同樣出色, 有超濃郁嘅椰汁味｡ 最後仲可以挖清椰殼入面果D椰肉食添｡芝士焦糖布甸燒 $32店員推介嘅新產品, 上層係焦糖布甸, 下層係芝士蛋糕, 呢個配搭都幾新鮮, 可以一啖就品嚐到焦糖布甸加芝士蛋糕嘅味道, 而且亦一時間試到焦糖布甸滑嘟嘟及芝士蛋糕較軟身嘅口感｡玄綠是你(熱) $42喜歡食心太軟但又怕朱古力味太甜太”漏”,

在深水埗晚飯過後，總是欠缺甜品，於是在網上找找資料。來到店前，記得曾在此吃過甜品，可是此店的裝飾又有別另一分店，不知可否再回味一番。此店的裝飾並不是女孩之夢，卻是別緻一點，卻有紀念館的感覺。還有拍照道具，別出心裁，想客人留下美好的開心時刻。同樣地有著自助花茶，卻普通了一點。花茶的味道及顏色，比較淡及色澤較淺。餐牌卻很精美，以木板作主，每頁也有「過膠」工序，非常的精心。看到新產品的餐牌上有紫薯，於是先要一份紫許有你，即是芋圓丸。中間的紫薯蓉入口散開，紫薯味香，軟綿綿口感，非常不錯。當中還有椰汁、豆腐花、小丸子、紫薯丸、南瓜丸等，每種都非常有咬感，配合著椰汁的香，令人難忘。吃過紫許有你後，還想再吃一點，於是再要一份侯爵特濃72心太軟。這個心版的心太軟，卻是以一個小杯送上，流心留在在杯內，則不會浪費，這點個人卻非常喜歡。心太軟的外皮稍脆，很有咬感，朱古力非常香濃。將外皮打開，感覺就有如火山爆發一樣，入口朱古力甜味重，更為香濃。香草雪糕同樣甜，入口滑滑，香草氣味很香濃特別。一口氣吃下兩個甜品，真的很滿足。甜品的滋味，真的很為人吸引，這種甜入心的味道，令人難以忘記。

次次去親深水埗想食甜品都係去康瑞，有一次喺附近食完飯，我地想食甜品，但比較近呢間甜入心，於是一行四人一齊試試。平日夜晚都差唔多十點幾，都仲有唔少客人喺度，唔洗等位，環境方面就唔係太多位，人多嘅時間都會有啲逼，因為枱櫈有點密麻。餐牌都幾多款式，以簡單嘅港式糖水為主，最有名(?)應該係椰皇系列，仲有韓式冰、芭菲、芒果甜品、中式糖水、小食、窩夫、心太軟、飲品等。呢度嘅甜品價錢唔貴，睇落都係三、四十蚊有交易。椰子味雪糕椰皇子用椰殼上嘅甜品，面頭係一球自家製嘅椰子雪糕，下面椰子、椰子汁製成嘅布丁，椰味都清甜，唔會好假嘅糖水味。雪糕椰味都一樣清香，質地有少少似雪葩，自家製黎計都幾滑，而且幾大球。45蚊可以接受。焦糖布甸椰皇子呢份同上面果份類似，只係將雪糕換成焦糖布甸，布甸焦糖味唔算好重，但蛋香幾濃郁，甜度適中，而且質地好滑溜。難怪在場好多人都點龍顏青筋露甜品嘅名唔知想點lol，呢份其實係龍眼、水晶珠、龍眼冰黎，講到龍眼冰，我自己就好鐘意聰少/聰嫂嘅，因為真係真材實料。以差唔多價錢黎計，呢份當然比較遜色，龍眼冰嘅味道都幾真，冰感重，但就唔會好似食聰嫂龍眼冰咁覺得放左好多粒龍眼肉入口咁滿足。水晶珠增添

晚飯後想食甜品，黎到甜入心天荒地老榴槤摩天輪 $42朋友話幾好食鮮果出浴椰皇子 $36好清甜，入口好清新，估唔到咁好食自家鮮磨小幸運(仁) $18夠滑心太軟(新版) $39新版即係個朱古力蛋糕係裝在杯裏面心太軟好流心，唔錯

Black truffle ice-cream in the coconut!!! 黑松露雪糕椰皇子 ($45)椰皇入面🍨係自家製的黑松露雪糕啊😯😯 味道濃好creamy真係啖啖都要黑松露味, 而且和椰皇汁很匹配互相提升香滑口感上面的玫瑰花瓣, 賞心悅目令女生心動之餘, 還令雪糕帶上一點花香榴下心意 ($42)榴槤椰汁西米露配可可片和玉米片好像回到小學時代天天伴奶加可可玉米片呢榴槤味出色, 配西米花奶的確唔會輸, 西米也很爽口彈牙喜歡脆脆與纏綿口感的朋友不容錯過

近排天氣愈來愈乾燥，就是想要一點甜。於是與朋友仔試了這家位於深水埗的甜品小店。餐牌款式多，令人眼花撩亂，店員姐姐推介椰皇系列，於是點了凍食的《榴蓮飄香椰皇子$49》及熱食的《桃膠燕窩椰皇燉奶$55》。另外，亦點了《芒果心連心窩夫$39》及鹹食《黑松露撻$24》。*榴蓮飄香椰皇子絕對是榴蓮控必點之選，榴蓮肉配上椰皇布甸，味道與口感都不錯呢。熱食的*桃膠燕窩椰皇燉奶 屬滋補之選，桃膠是近年大熱養生食品，爽口的質感配上暖暖的燉奶，女生之選。*芒果心連心窩夫絕對是開心share的甜品，窩夫外脆內軟，配上酸甜的芒果醬、果肉及雪糕，令人不可停手，太邪惡鳥。店內亦提供鹹食，喜歡黑松露的我，點了*黑松露撻，撻底是以春卷皮脆炸而成，撻餡是黑松露配上菌菇，淡淡松露菌菇香氣加上撻底脆脆口感，胃口如果仍有空間，值得一試。餐牌鹹食其實還有黑松露多士，可惜是晚多士售罄，唯有下次吧。