甘牌燒鵝

营业中

休息中

有關甘牌燒鵝的故事, 相信大家在報章上也閱讀過不少. 當然, 店子在短短的時間就得到米芝蓮一星, 怎也是不簡單的成績. 是日就拉著文迪來試試這家一星店, 究竟是否實至名歸.這天是假期, 來到的時候已經接近下午三時, 心想找這個時段來, 應該沒有那麼旺場吧, 怎知道店子還是全場爆滿, 輪候的號碼超過三十張, 認真誇張. 唯有取了票, 再在附近兜了一圈回來才能入座. 這裡的環境是相當擠逼, 畢竟店子小, 地方也小, 實是沒有辦法的, 但帶著小吉的我們就有點狼狽了.看看四周, 大部份的客人也是操流利普通話, 似乎不少遊客也是被這一粒星吸引住. 看看餐牌, 這裡沒有午市餐牌, 只有單點, 那就在當中揀選最招牌的心水吧.皮蛋酸薑 $12: 8分, 先來一客皮蛋酸薑, 每客只有半隻, 當作餐前小吃吧. 賣相不俗, 皮蛋跟酸薑也是靚的來貨, 當然是有水準的.甘牌燒鵝瀨粉 $51: 7分, 其實之前已經吃了午餐, 根本不能吃得太多, 吃不下半隻燒鵝, 那來一客甘牌燒鵝瀨粉吧. 賣相是令人滿意的, 而這裡的燒鵝瀨, 跟老店一樣, 皮是不脆的, 好此道者要留意. 肉質方面, 就是幾嫩滑的兼肉味濃, 但好像

Order半隻燒鵝，上枱個樣嚇親，半隻燒鵝個皮冇左一半，又肥又唔金黃，肉靱！隔離枱呀姐叫三拼飯嗰幾件燒鵝仲靚過我地。同經理投訴，藉口多多，勉強加左幾件背脊肉，都係又肥又靱又淋灑皮嘅！隔離枱呀姐話三寶飯嘅燒肉肥，燒鵝靱，以後都唔離！都唔知點解仲有人話好！本人建議大家唔好幫襯，否則後悔莫及！

話說上星期有人外賣咗隻甘牌燒鵝返屋企，屋企十幾人唔夠5分鐘已經K.O咗隻鵝，你諗下幾好味。跟住今日午飯時間經過，又咁好彩唔洗排隊，就入去回味一下。 首先要讚下個環境，食燒味黎講都算幾企理乾淨，服務都算有禮貌，落單幾分鐘後就有得食。我叫咗個餐，係燒鵝拼一個燒味+湯瀨粉+一個小食+一杯飲品或例湯（$74）。燒鵝係佢嘅招牌菜，皮脆，重點係唔太肥，唔會食到成口油。不過，今次嘅驚喜係燒腩仔！個皮係勁脆，脂肪極少，好瘦但唔乾，我個人認為燒腩仔仲好食過燒鵝！另外個小食我揀咗滷水豆腐，食到好香滷水同麻油味，唔太咸。雖然七十幾蚊食個燒味套餐係有d貴，不過間唔中食一次都ok啦

今日下午到甘牌燒鵝吃午飯，一試其馳名燒鵝的水準。因餐廳地方不大，需要在門外輪候一番始能入座。餐牌上全是燒味燒臘美食，一客叉燒燒鵝飯索價$72，盡管連小食及飲/湯品，仍然算貴。追加多一條臘腸又要多$24，更有點不合理。叉鵝飯送上，賣相有點凌亂，燒鵝皮已變硬，不脆。鵝肉份量合理，鵝味都算濃郁，但口感略韌。叉燒肉香一般，同樣唔夠腍，好吃過這兒的選擇實在多的是。臘腸標明是瘦款式，出品如預期般肥肉很少，可取是口感仍較預期腍身，食味OK。小食滷水豆腐，豆腐幾滑幾入味，不俗。熱咖啡無乜特別。

米芝蓮推介餐廳，口碑好壞參半。老字號的燒鵝質素多年前已令在下很失望；第一次坐在這間第三代經營的燒鵝店，懷着忐忑心情試一碗燒鵝瀨粉。燒鵝肥瘦適中，皮脆，肉軟；雖然浸泡在瀬粉湯中，但仍能感覺醃得惹味。摘星後第三日晚七時三十分，我買了全店最後一個下裝回家；二十分鐘車程後燒鵝皮仍然香口，質素沒跟堂食有大變化。現在每次經過，無論什麼時間，也看到門口聚集着一群期待鵝香的擁躉。希望繼續維持水準。

今晚約5:30去到，全場滿座，店外有6-7人，可能有部份人係等外賣啦。立即攞張籌，只等咗5分鐘就入得。我地一行四人坐底已經覺得坐位好窄，我地唔係好肥，只係冬天大家都著咗厚褸，但我相信就算係夏天時候男士都會坐得辛苦………食物我地點咗兩碗鵝瀨(每碗$51)、一碟鵝飯($48)、一碟海蜇燻蹄飯($45)、滷水豆腐($16)、香醋黑木耳($33)及手拍青瓜($23)。無加一無茶芥。既然『話』係米芝蓮一星食府，價錢就預咗係貴啲架啦，所以我想集中講啲食物…1) 鵝瀨 ｰ 鵝嘅份量合理，瀨粉就唔算好多。鵝肉都的確係好味，但我個碗有啲鵝背，失望…2) 海蜇燻蹄飯 ｰ 其實無乜特別，無嘢好講。3) 滷水豆腐 ｰ 都幾滑，但唔平，因分量少只得五、六片，唔夠喉…4) 香醋黑木耳 ｰ 醋味可以再重啲5) 手拍青瓜 ｰ 都好味，但又係只得六、七片，份量又係太少…最後，如果老闆甘生睇到呢段食評，希望你教下你位紅衫長髮女職員(請睇相)唔好咁Cher啲客啦! 我地坐底連餐牌都未睇，女侍應就一輪咀狂sale我地應該要order半隻鵝，另加飯粉麵之類。我地話睇睇先，女侍應就好似錄音機咁replay同一段對白，我再講多次

經常見到好多人排隊，今日終於有機會去試下 。大約等左20分鐘，好彩有個梳化位，因為我同友人都拎住好多野。舖面唔算大，但地方總算寬敞同乾淨，好怕去到一d燒味飯店，地下油膩。我地兩個叫左半隻燒鵝，一碗白飯 。初初都驚半隻燒鵝會食唔晒，好彩都食到。比起深井既燒鵝店，呢度既燒鵝一d肥膏都冇，雖然外皮不夠脆，但肉質鮮甜，味道不錯 。除左燒味，仲有鹵水，但由於得兩個人，所以未試到，下次可以同多d朋友一齊去試下。店內服務員的態度很好，笑容都好好，現時好少餐廳，能夠以食物同服務睇齊。

從未如此失望過！！！這是我試過甘牌後的第一個反應也是朋友們問我甘牌如何的唯一回覆！！！可能要求過高(未夠一年就攞星噃)失望越大. 何解？？？話說那下午二時半後路經(不是專程因為最討厭排隊)甘牌見到沒有長龍便與愛妻進內試試這麼＂所謂馳名＂的燒味店. 裝修倒不錯及很潔淨（可能新的原因），座位不多而且比較”逼”一點(香港地寸金尺土可理解/接受). 開頭招呼很好. 坐下送上餐牌, 我告知是想試試你們的出品. 她便來個推介: 我們的燒鵝很出名, 先要半隻吧？我們才兩個人加上是近三時，怎可能？跟著推介＂例牌＂，我告訴她我們想多試幾欵，她就如＂四川神技＂－變臉． 最後我們點了燒鵝义燒瀨粉, 燒鵝腩仔麵, 韭菜花鵝紅及油菜.燒鵝义燒瀨粉有＂特肥” 燒鵝三件(不可能吃的)，其餘兩件細得可憐(有圖為證), 义燒還可以．燒鵝腩仔麵: 只有一件是肥(不可能吃的那一種)，腩仔無過無失. 韭菜花鵝紅只有四五條韭菜花(真的那麼貴？？？)，鵝紅是凍的，湯是暖的(有圖為證). 油菜又能錯得到那兒？？？總括而言：出品失敗，客人失望。。。還會再去嗎？？？等著看！！！！

第一次黎呢度食, 以為米芝蓮一星應該好掂, 點知大失所望叫左個$72餐, 包一碟燒鵝飯, 一款小食, 湯/熱飲講講個燒鵝飯碟飯有九件鵝, 得四件有肉, 剩低五件得皮+骨+連1cm厚都唔知有冇o既肉d燒鵝亦唔係話特別好味反而個鵝汁唔錯, 有好香o既花生味但以$72黎計真係唔抵食應該唔會有下次

家姊張C9回英在即，專程和她過海品嘗甘牌燒鵝。等位等了大概15分鐘吧.主角甘牌燒鵝出場:加碗瀨粉做燒鵝瀨，話咁快掃哂:鏞記燒鵝享負盛名，甘牌燒鵝是其後人，不難闖出名堂吧!外賣叉燒接孖寶放學:叉燒略嫌偏瘦。秋風起，食臘味，買番盒鵝肝腸回家蒸飯:鵝肝腸蒸飯夠哂香!

星期日,原本想去再興食义燒飯,怎知再興星期日休息。於是去對面甘牌燒鵝。到達時已經差不多下午三時,而門外仍有多人輪侯入座,買外賣的人更多。入位後我點了燒鵝飯,美麗的太太點了燒肉飯。燒鵝皮脆,可惜肉較硬,味道側非常好。特別驚喜是燒鵝汁的飯,非常軟綿及有一種特別香味。另外酸梅醬清新香甜,只是微酸十分出色。燒肉皮脆肉香,肥瘦適中。燒味芥末,濃淡適中,配燒肉真是一絕。只花數十元就能享受一級美食,所以環境及服務我也不會強求。總括以言,最欣賞的是燒鵝汁的飯,酸梅醬,燒味芥末。

J先生話帶我去試燒鵝, 獲得米芝蓮2015一星餐廳 - 甘牌燒鵝兩點到來...也要等位; 幸好等了十分鐘便有位了甘牌燒鵝飯套餐 $72拼小吃一碟 (滷水豆腐), 老火靚湯!另加一條鵝肝腸 (+$18)燒鵝皮還好是少許脆的, 可惜燒鵝肉不夠熱(其實凍了)幸好鵝肝腸, 味道香濃!豆腐, 只有少許滷水味...飲到些瘦肉湯之類味道!燒鵝燒腩生麵套餐 $74拼小吃一碟 (皮蛋酸薑), 凍檸檬茶 (+$3)燒鵝皮不脆而肉凍的 燒腩皮脆而肉有咸香味生麵份量偏少!夠酸又帶少少薑辣配上流心皮蛋J先生食完, 感覺像沒有吃過的! 還吃了我的半碟燒鵝飯!餐廳主要食燒鵝, 令我與J先生非常失望的凍燒鵝甘牌燒鵝 總結: 可以不試!

剛剛經過此店聽聞此店燒鵝好好食咪打算外賣回家和家人分享滿心歡喜地等了又等, 結果等咗35分鐘以上都仲未有(我喺137號外賣)終於叫136號,下張單就到我點知佢地突然跳過我號碼叫138號,我上前問佢地佢地回覆喺得2個師父斬! 但同跳過我號碼有關係咩?!好啦, 算! 再等....佢地又跳過我叫151號??????搞笑...咩工作程序?!已經一肚氣了, 還有心情食嗎?退錢走吧!點好食都好, 我未至於要貼錢買難受吧?

甘牌燒鵝被宣傳得咁好食, 而我對燒鵝是有情意結的, 自小生日, 沒有蛋糕, 但有鵝脾食, 所以有好食的燒鵝一定要去食。今日有事出灣仔, 正好中午, 食餐鵝飯!!攞位要等十幾位, 不過半小時, 打吓机, 講吓電話, 都好快過了。坐低, 餐牌有点刻意唔講可以淨叫$45的飯, 而不須一定叫$72的餐。都算啦, 叫咗餐先發現不必買無謂的小吃和餐飲。$72 可選燒味雙併, 但我尊程耒食鵝, 當然只要鵝啦, 我刻意唔叫要$100的鵝脾, 因為想知這家知名的良店會如何待客, 、點知真係現形記!!最令我期待但極失望既碟鵝飯, 可以話只有一件一吋x1/4吋大小的, 上有約1cm厚的肉, 其餘的都係鵝背, 即係表皮一件, 令我細賞慢嚼, 吃得「好滋味」, 若非如此, 真唔知揾セ送鈑!!如果砌鵝的會唔知点分配一隻鵝, 我唔信, 不過咁樣趕客, 我就留番俾佢的熟客去好啦!咁我的食評是, 我俾咗錢, 都無食到應有的「鵝肉」, 点評呢?  可以咁講, 只靠1/4丁吋, 我唔知点評先公平, D鵝皮, 有D肥, 好味嗎? 一般啦!

星期日去過聖堂，便來到中午時份，人在灣仔也相約了親愛的女友，在未逛街以前，先醫五臟廟。在灣仔區其實都有好幾間餐廳想去的。甘牌燒鵝近期的故事，在下不提也會有很多人知道。然而在下作為一個食客，有些事情知道後便算了，不再作詳談。入到餐廳，只是有著鵝的畫作和一對對聯，環境也頗具有中式模樣。既然打正名號，以燒鵝作招來，故此在餐牌中也有攞列，尚有其他燒味，然而除了燒鵝外，在下還想一試其叉燒。叉鵝飯。以瘦叉為主，肉質軟腍有點鬆化，蜜味，燒鵝多肉無乜骨頭，皮都算脆，但未是最脆。皮下脂肪不算很多。雖然餐廳地方小小，但店員都有禮而殷勤，可是個別店員卻有點愛理不理的態度，令在下有點不滿。