甘牌燒鵝

营业中

休息中

黃昏時楂車經過甘牌燒鵝見好多人係出面等候, 適逢晚飯時候已到, 於是買了半只燒鵝回家食. 回家后仍有餘温, 賣相一般, 一食落去, D肉好鞋好韌, 皮唔脆, 最算係脾位的肉都鞋. 仲有斬功唔得, 好多碎骨. 完全唔值咁貴, 坊間的連鎖燒味茶餐廳仲好食過佢.咁的價錢, 咁的質素, 本人唔會再光顧.

鹵水鵝肝鵝味好濃入口溶好滑會不停翻食有少少乾真係好好味鹵水乳鴿勁好味有d咸肉有啲乾但daddy食得好滋味啱老人家食Service was fantastic!!!

今日係附近考試。。。男友話想試就試下啦本身以為米之連一定好貴。但又接受到wo....$70幾蚊一個雙拼飯+一個小食+一杯野飲叫左個燒鵝油雞飯（招牌燒鵝一定正啦，食落口感又唔油，但無諗過連油雞都好食）小食叫左薑皮蛋（一向鐘意食，所以都係正野，推介）杯咖啡就無咩特別but坐位就迫左d

雖然明知米芝蓮只是一個指標，有時候也不一定是好的，不過只要見到這個光環，還是忍不住走去試試。今次已經是第二次來這兒，第一次時剛公佈米芝蓮名單，本來想趁熱鬧，結果18:00未夠燒鵝已經全數售罄，而且等位要等很久，那次唯有作罷。今次我們先確認燒鵝仍在，才進去幫襯的。店內有着快餐連鎖的格局，打開餐牌，看見甘牌燒鵝飯($44)有店方推介字樣，但甘牌燒鵝髀飯($88)則沒有。不管了，點了後者。端來的一碟鵝髀在視覺上挺震撼，鵝的皮下脂肪很少，鵝皮部份沒有特別香口。肉質感覺比一般幼嫩，個人覺得撈了鵝汁的白飯更為出色。在餐牌上，眼睛被「肥燶叉燒」這四個字吸引着，心裡幻想着半肥瘦的美好口感。到真正上場，只見晶瑩油潤的一條(例牌$140)，形態令我立即聯想起臘肉來。夾起一塊叉燒，肥瘦非常分明，當中超過三分二均是肥膏，餘下的瘦肉部份相當結實。燒製出來的叉燒其實沒有燶位，所以感覺不到有焦香，只能說這個跟我所想像平均分佈的肥瘦肉有很大的落差，個人不懂欣賞，似乎叫一碟普通的蜜汁叉燒飯($39)會更為盡興哦。無論如何，總算叫做如願以償，看來四月的wish list餐廳又可刪去一項了。

同fd係附近自修室温完書 見多人排隊就被吸引過去 等左一陣就有位 坐低望下份menu 選擇都幾豐富 我諗左一陣就決定叫個燒鵝瀨粉賣相不錯 燒鵝好有口感 油而不膩 瀨粉都好爽口 但美中不足嘅係d燒鵝應該分開上 唔係嘅會被d湯搞到淡左 凍檸水就仲有好大嘅改善空間

Order燒鵝叉燒飯, 隻燒鵝個皮無左啲啲，太廋仲要無光澤，啲肉又靭！去投訴完又多多借口,啲又廋又靭嘅燒鵝擺多一陣就好快凍曬！啲叉燒都仲話好啲 肥廋比例都叫平衡！不過都唔知點解會值一星囉！我建議大家唔好唔好咁高期望，期望越大失望越大！

燒鵝燒到有一粒星梗係要試。由於店鋪坐位少， 我們等了很久。另外留意番佢地關9:30pm我地3個男仔叫了半隻燒鵝， 一隻乳鴿， 油菜同飯， 埋計$460.講番主角燒鵝， 確實幾好食， 好香而且唔會好似一般燒鵝咁鹹， 肉質都好滑。不過我覺得london文興好食d 乳鴿都相當唔錯， 岩岩熟所以好滑。整體而言， 這是一間有質素的燒味店， 至於值唔值米芝蓮一星我就有保留。

月前某晚八時左右，特意尋訪，卻遇上「燒鵝沽清」，緣慳一面。今次無心插柳，於接近六時途經門口，在晚飯人潮未攻陷之前入座，坐得比爆棚時舒適得多。即點了燒鵝撈麵[$53] 和三併飯(燒鵝丶叉燒丶腩仔)[$60]。去片：撈麵略鹹，以為可用隨付的清湯將麵沖淡，怎知湯亦略鹹。跟麵的燒鵝賣相美觀得很，份量亦比下文的三併都多。而燒鵝味道當然沒有令人失望， 既香嫩又juicy，而且還是暖暖的。三併飯也不錯，但始終以燒鵝最吸引；叉燒亦弄得好；燒腩有80%是脂肪，對已經半肥瘦的我來說太肥膩了。飯底合格，份量大概有一碗半。埋單：$113總結：兩款都有燒鵝，可能是來此店點菜的反射動作。燒鵝無容置疑是佳作，叉燒亦高班。座位和通道擠逼相信不會改變。愛慢活慢吃的朋友要挑非繁忙時間來幫襯，否則難免會被人山人海的環境影響食慾。 

午後，路經甘牌燒鵝，往店內一探，再與朋友交換了一個喜悅眼神後，立即步入店內，坐下點餐。由於我們尚未吃午餐，故分別點了燒鵝、叉燒例牌各一客及太子撈麵，前菜就來一客溏心皮蛋酸薑，蛋黃半凝欲滴，蘸上砂糖，夾著酸薑，送入口中，溫潤美味，水準之作。叉燒，顏色較淺，肉質偏硬及較為乾身，帶有淡淡的麥芽甜味，味道合格，但如果肉質能鬆軟一點，更為吸引。燒鵝，香氣四溢，肥瘦適中，皮脆有光澤，肉味濃厚帶點柔韌 ，囗感不錯。再來，太子撈麵， 即是鵝油撈麵，麵質彈牙爽囗，鵝油裹著麵條，甘香美味。甘牌燒鵝食物水準不錯，但座位與座位之空間非常陜窄，坐著實在感覺有點不自在，如能寛敞一點，相信胃口應該會好一點。

慕名而來，明明已經十二點一、二去到，唔知點解都有十幾人等緊。約十幾分鐘入座。要雙拼飯餐燒鵝加腩仔，我同靚女C加鵝肝膶腸、滷水鵝肝分享。燒鵝皮脆肉質鬆富鵝香冇乜脂肪，腩仔皮脆唔夠鬆化，肥瘦相間但唔係入水即溶略爽身。鵝肝膶腸半條只有不到手指公長，雖然濃郁鵝肝味又軟腍，但$18一條太貴。滷水鵝肝拖低哂所有嘢食嘅質素，外表硬唔軟熟，明顯滷完又滷。個燒味汁係半透明有油脂半“瓊”，唔似平時嘅有豉油色，似係個鵝裝流出嚟嘅液體，要咗都唔敢加落飯，好似好肥咁。小食子薑皮蛋，皮蛋個黃都化冇澀味，但塊子薑太厚影響整體咬落質感。不過$72一碟雙拼有嘢飲有小食，唔使排隊嘅話，又想食燒味，可以再去。

知它的名氣，於是一試。义燒燒鵝雙拼飯($55):對我來說，我真的不好彩，我盒义燒屬肥义，約六件，肉質不算太嫩，味道一般，最好是沒什麼燒焦的地方；至於燒鵝，有二小件幾乎全是肥肉，另外三件終於有肉，至於另外一件骨多過肉，外皮一看便感覺脆口，賣相不錯，肉質不嚡，味道沒什麼特別好。於鵝下的飯充滿鵝油香味；至於义燒下的飯則帶有荷葉的香味，這帶有荷葉的香味飯是全盒最好味的食物，吃完後飯盒冷卻，看見盒底現出白色的動物脂肪，這是我預料中事。

慕名而至，下午4時左右到達，人仍然多，燒鵝頗為入味，但肉質比較硬及堅韌，要頗費力咬及嚼食，而且不甚juicy，及有陣騷味，非常失望。招呼也不佳，不要求也不會奉茶，只顧著閒聊！

中午12點正到, 坐滿人, 苦等30分鐘, 有位了!!地方有點迫, 都無法... 出名就一定人多~ 試點地方細唔方便都一定, 無所謂, 反正食完走人點左個油雞鵝飯配皮旦 $75 蚊, 心想有名氣有價點都一定有quality.皮旦~ 正! 流心的! 主角!! 第一眼見到, 唔係嗎?d 油雞... 我都唔識講, 出面食都未見過會比e d 位...燒鵝呢~ 口感, 味道都講唔出佢既好, 因為唔覺同出面個D有咩分別...食完有一個問號, $75 同$45 既分別係邊? 就係貴囉?!?

叫咗兩碗燒鵝肶瀨粉，每碗$91,幾失望。隻鹅肶係浸係D濑粉上枱，唔係用碟分開上,肉係凍凍地，皮當然係淋，完全無食燒鹅嘅感覺。唔覺佢比美心或大家樂嗰D好，而且地方又细，坐又唔舒服，碗粉點值$91!?

《鏞記》分家後，分別開了位於天后的《甘飯館》同位於灣仔的《甘牌燒鵝》。《甘飯館》，格局就是一間中菜館，做出了要上《鏞記》二、三樓才能夠品味到的經典菜式。而比《甘飯館》更早出場同大家見面的《甘牌燒鵝》，就是以《鏞記》地下的燒臘飯堂形式經營的。開業多時了，我卻沒有去為大家作第一手的報導，原因主要是我並不是一個愛排隊的人，亦不喜歡搶先報導，大叫 "XXXXX強勢登陸香港....."，這並不是我的性格。所以，通常我都是等熱潮冷卻少少之後才去品味。而當我來品味《甘牌燒鵝》時，已經在米芝蓮的榜上有名了。《甘牌燒鵝》的格局，比起《鏞記》地下更加之簡單，其經營的手法同感覺，就是一間不折不扣的燒臘飯店，說好一點就是同《太興》的服務及格局睇齊，整體的感覺就是務求大家，快食快走。再說一說店內的周圍，細細心地欣賞，其實依然是有《鏞記》味道的，不過牆畫同字畫，已再沒有提及《鏞記》二字，甘氏一家人食飯食鵝，來的是《甘牌燒鵝》。我一個人來，當然只是簡單地吃碟頭飯，但旁座的三位老太太，很豪氣地點上了原隻燒鵝，而且亦很豪氣地分給旁座的我及另外兩位大叔分享，一人一年，又任我們拍照，可見得《甘牌》的燒鵝是會令人開心的。看起