甘味讚岐手打烏冬

营业中

休息中

番茄是我最喜歡的食物之一，番茄麵類更特別吸引我，所以坊間吃番茄麵類的地方我都會去不止一次，這是其中一間連鎖店中我外出吃簡單晚飯，又想健康一點時的選擇，每次再去都是因為有番茄！商場晚飯時間人流超多，有不少家庭在此醫肚，我們等了近20分鐘才有位置即使只是番茄烏冬，都有的不同組合Peachy.foodie rating: ✮✮✮✮☆(4/5)個人總是認為野菜跟蕃茄湯很夾，所以大多時都點這個，今次都不例外。讚岐手打烏冬保持水準，又粗又彈牙，明顯地比起坊間不少烏冬高質素。烏冬因此每人感覺飽足感十足，吃得我很滿足。野菜份量十足！當中以菇菇和椰菜為主，不至於很新鮮，但份量搭夠。湯底有鮮甜的蕃茄味，和後加的鮮蕃茄一起吃，幾可亂真，可以比得上真蕃茄制成的湯底。今次還另外追加了小食 Peachy.foodie rating: ✮✮✮☆☆(3/5)第一次吃這裡的茶碗蒸蛋，比想像中好，口感滑溜，只是略嫌水的成份多了少少味道鮮甜，以此價錢當然不要期望有新鮮海鮮，不過依然有為數不少的急凍日本魚片及蟹柳簡單的雞肉和香菇都令茶碗蒸生色不少，鮮味大增！不要忘記點單要自己寫紙仔

今晚約左閨蜜系hollywood plaza .晚飯，耐無見預左會坐得耐，所以問清楚間讚岐烏冬有無限時，店員答人齊入座就得，無限時食幾耐，我地就乖乖等人齊，已經要等位，好在只需等兩張擡，好快有位。點知，我地才剛吃完碗麵，已經收野問食物到齊未，我地已醒目再點多少少小食坐，諗住坐耐D，捱多半粒鐘，碟裡頭還有少少未食完，店員走過來收碟，我用手示意未食完，店員開始跟同伴竊竊私語，我閨蜜看見，我話“由得距講啦，起初我問左無限時先入來呢度食架嘛，food court裝修，离開無地方坐”。講完呢句，果位店員竟然大大聲在我們身後講“唔知點解無左food court後，D人總係坐住唔肯走嘅”你系想要做多轉生意既，就一早講明限時，我有選擇，點解甘樣單單打打，同呢d人斗氣，簡直有失大體，我地找數一毛錢都沒多給，話過以後吾再幫襯。

好耐無過荷李活食飯，多咗好多新野今日食咗個鐵鍋鰻魚炒飯，D飯炒得唔錯，味道唔會太濃又食得出有鰻魚飲品係柚子蜜，如果濃味多一點會更好追加咗一客甜品，食完有一點熱氣....我返到屋企要老婆煲涼茶俾我清熱氣....

今晚係無預算既情況下 黎左荷李活廣場黎到已經9點半 好多餐廳都無得食行行下就見到呢間 毫不猶豫下就入左黎首先要讚下其實都夜 應該都得緊收工但係侍應依然好熱情禁招呼我地入黎一坐低 即卡有人幫我地倒水 同介紹落單既方法眼見場內既侍應都係後生一族粟米沙律 無咩特別 粟米應該唔係用罐頭 好香甜黑椒雞軟骨無特別 但放低既時候女朋友細細聲講左句如果有沙律醬就好 結果我都未叫到人 已經有人拎左碟沙律醬過黎 雖然去錯檯 哈哈面鼓醬燒雞蕃茄烏冬好食 蕃茄湯底好濃好香 烏冬夠彈牙 雞扒燒得岩岩好 唔過老 仲好juicy泡菜牛舌鍋烏冬湯底唔算太辣 亦不會太嗆唯獨牛舌有點過薄飲品要左杯涼粉冰 不過甜左d啦總括非常愉快既一餐味道好 服務態度好好價錢亦非常便宜會再黎食過

下午Lunch時間想不到會是那麼多人,可能是很多放午飯吧,幸好友人一早來霸位了我們點的是午市套餐,價錢算是貴的,絕不便宜這兒著名的是烏冬,當然要試試醬油湯底尚算不錯,味道不太濃或甜,可以接受不過烏冬不算太嫩滑,有點兒硬,口感一般但可能是醬油湯味道不錯的原故,入口還可以,不過不要期望太高而且店員不會主力加水,要自己出聲,服務尚需改進

同學約左我去鑽石山荷里活廣埸食午飯,佢早到左,我叫佢揾餐廳坐底先,之後佢打電話比我話坐底左了,我問係邊間?佢話係荷里活廣埸3樓的甘味甘味讚岐手打烏冬,我話好呀都未食過!我之後15分鐘到達,我坐底點了豬軟骨二十穀米釜飯,未食睇餐牌巳被吸引了!但服務員把豬軟骨二十穀米釜飯拿到來,我覺得完全唔同餐牌相lo..豬軟骨又小,得2件仔,飯又小,豬軟骨食落,比出面食ga還要差,味道太淡,肉質鬆軟!

突然好想食烏冬，見到有間烏冬專門店就去試，手打烏冬聽落都幾特別睇menu選擇好多，最後㨂左睇落好吸引既麵豉燒雞扒蕃茄湯讚岐手打烏冬，56蚊湯底濃稠, 蕃茄味濃厚蕃茄一片片又唔會爛開新鮮得黎都幾足料雞扒微燶，皮脆肉嫩麵豉幾入味烏冬方面更加唔錯爽口彈牙 而且唔會太林佢都有壽司、軍艦等美食可以㨂，我地點多左個加州卷 $24 3件紫菜捲着青瓜蟹柳等材料米飯軟身 外層灑上蟹籽蟹籽非常脆口 令口感更豐富巧妙配上酸酸鹹鹹既醬汁開胃之選店員重好熱情向我地推介晚市優惠見抵食就點左個帆立貝壽司 $20 only帆立貝大大粒 非常新鮮加上醬汁更加滋味口感滑溜 正佢重有其他小食可以㨂添，好似蕃茄餃子等等

很小到這間分店，印象中好似只到過2次，對它並沒有什麼印象。大概只有最好和最差的才會令人留下印象吧。可是這回就真是留下相當差的印象。天皇嗰句:"今時今日，咁嘅服務態度係唔等㗎"，真的是可以形容那幾位資深員工。帶我入座嗰位侍應，黑口黑面，好似我們的到來給她帶了很大麻煩似的，從她的衣著，相信她應該是店長。想落單時，當然要找侍應啦，但是另一位侍應卻在枱而架上，抽出一張所謂落單紙，pat在枱上說:"自己寫啦！"當然係豪不客氣嗰隻啦。曾經到過其他分店，從來都不是自己寫單，請勿要求客人知道各分店獨特之處，何況服務業應否要禮貌些呢?由於對此店感覺不好，只點了2碗麵，速食，速閃。天婦羅炸蝦烏冬，麵質一般，可能由於是連鎖店關係，味道已經公式化。炸物雖然已經分開上枱，但是一點也不脆口，冧咗。鰻魚烏冬，鰻魚片薄切，很難夾起，而且味道稍濃，與烏冬唔夾。幸好店內有2位年輕店員，有禮貌，亦有跟我們說bye bye 。跟其他員工有很大分別!

暑假接近尾聲，大人小孩都作最後衝刺。即使是平日，要在荷里活廣場求一位用膳也不容易。不少店子已告滿座，惟獨甘味翻桌較快，竟然仍有位子。  店員先端上淡味的清茶，再極速遞上餐牌，只有十款午市可選。主要是雞、牛、豬、刺身，搭配烏冬、米飯、壽司。由五十多元起跳，配一杯飲品，配搭簡單，感覺健康一點。選了麵豉燒雞扒蕃茄湯讚岐手打烏冬($54)    茄湯配搭烏冬總是我的不二之選，因此更能察覺到它的退步。麵豉燒雞扒看賣相已知是烤得過焦了，裏裏外外乾澀非常，肉質死實，吃了一半已放棄了。  惟有寄望茄湯烏冬吧! 可惜湯只是微溫，粉漿似乎下得太多，湯的稠度怪怪的，喝着是人工的甜，並非蕃茄之鮮。再嚐一口烏冬，難掩的失望，當初甘味的烏冬可是煙靱有嚼頭的，現在卻是退步到跟平常稔身的烏冬無異，這烏冬我是少有的未能把它吃完。而加購的流水蛋也做得馬虎，說是流心卻幾近全熟，當然不會好吃。飲品選了凍咖啡(+$3)，一向對這一類的日式餐廳咖啡沒甚期望，這一杯咖啡尚算香濃，奶香也足，就是甜度有點過了。以前總愛以甘味烏冬作簡餐，但隨着出品的每況愈下，再回頭恐怕是太難了。

以前在官塘返工久不久都會去apm上既甘味. 以往對甘味既印象都係食烏冬, 之後搬左去鑽石山後,成日都唔明點解甘多人排隊.今日甘q又經過, 約既朋友又未到, 甘我順手又學人排埋一份.因為之前成日食烏外set, 所以今日我就散叫了炒什菜及餃子(<-唔記得影), 而友人就叫左個牛仔骨set.1. 餃子 - 出奇地好清新, 料子很多不過沒有油膩既感覺因為入面大部份都係菜. 2. 炒什菜 - 估唔到日式什菜都甘有火喉, 芽菜炒得好干身, 棷菜炒得剛剛熟, 而且沒有很多油既感覺. 再加一碗飯-甘樣就係一個素菜set.3. 牛仔骨 - 友人說有點so, 所以我也沒有去試了.如果你都係同我一樣食烏冬食到厭既話,希望黎個食評幫到你.

甘味讚岐烏冬店(鑽石山)冷傲晦氣鄉音"女知客"! 開口自暴其短不是正宗的日本店! 湯頭淡烏冬唔彈!不是日本帥傅製作!但價格超過$58????甘味讚岐烏冬/(現在的)別府拉麵/別府駅前料理/-看起來像日本料理!很久以前地獄拉麵很美味!但是當我再次回來香港，它已經改變了原來中高檔日式店，現在已成為新的中中檔流水作式快餐連鎖店! 地獄拉麵不再地獄!如果你只看他精湛的日文/英網站,即使是我，幾乎誤認為這是日本店!敗筆就在分店門前:甘味讚岐烏冬店(鑽石山)冷傲晦氣鄉音"女知客"!開口自暴其短了!這不是正宗的日本店!但是，當你嘗試他的分店來到甘味讚岐烏冬店裡。當你看到女知客! 她沒有穿制服,長長的馬尾頭髮.但她很冷傲看你.你會疑惑日本員工應該穿統一的正式制服,温和謙虛???然後她晦晦氣用不太流利廣東話發言。假惺惺地笑吓!我迷惑了?難道我去了中國餐館？這是曰本讚岐稻庭???還是中國四川雲桂香/雲南????所以，你會明白了!很簡單!這個店不是日本人開。這不是正宗的日本店!那個冷傲晦氣鄉音"女知客"講完立即掉頭走??我都想即刻走出去!!!! 算啦都坐底左睇下啲野食點!!!!

Went here before a movie so had a quick dinner.★☆★☆★☆★☆★☆★☆★☆★☆★☆★stir fried beef with twenty grain:This dish wasn't outstanding and beneath the beef you could see about three different types of rice so I wonder why it is called twenty grains!!★☆★☆★☆★☆★☆★☆★☆★☆★☆★Soup:The soup was tasteless.★☆★☆★☆★☆★☆★☆★☆★☆★☆★Other branches:◎ⓢⓤⓟⓔⓡⓢⓤⓟⓔⓡⓖⓘⓡⓛ◎The bill: $6XService: crapYummy factor: Could be betterNapkins provided: yesToilets: noPortion sizes: reasonableNoise levels: NoisyGlass of water provided: yes

呢間我經常去食，除左因為近屋企外，佢GE野食都相當有水準。我朋友非常推介這兒的烏冬佢覺得非常彈牙，而且不易斷，很有彈性，再配上蕃茄湯底，D烏冬入哂味，真係好好食。另外，我就覺得這兒的二十穀飯非常正，加上豬軟骨的肉汁同醬料，真係食完會再想食多一碗。另外，這兒的坐位都比較寬闊，坐的位置都比較舒適，非常適合一家大細去試一試。

我今日塊咗鑽石山嗰間甘味食飯，因為係星期日嘅關係，我排隊等咗好耐，差唔多有45 分鐘，一入到去，我叫咗日燒牛排蕃茄烏冬，因為係即叫即整嘅關係，我等咗半個鐘先有得食，牛排有d 硬，要浸落去蕃茄湯入面先軟少少，不過配牛排嘅汁都幾入味，酸酸甜甜，烏冬好好味，湯嘅味道完全融入烏冬入面，而且環境舒適。

今日同班朋友行完街，想食日本菜，所以去咗間相對比較便宜嘅日本菜食飯。我地叫咗個吉列豬排清湯烏冬，同雜錦壽司。清湯湯底其實唔錯，烏冬煙煙un un 好有咬口，68 蚊有八舊壽司同一個烏冬都算幾實惠，魚生都幾新鮮，唯一不足之處就係d 豬排唔太新鮮，皮太厚，但係整體價錢味道不錯，值得推介！！