瓏門冰室 (已結業)

夜晚經開呢頭，想食個宵夜，又唔想太多太heavy，就求其揀左呢條街其中一間冰室食嘢。呢條街沿路有好多間冰室，個Menu睇落都唔係差好遠，有選擇困難症的話就會好麻煩。Menu見到呢個3.6特濃牛乳芝士玉子常餐，就係我哋平日食嗰啲常餐差唔多，但個蛋入面加咗芝士同其他餡料。我哋揀咗鮮茄濃湯牛肉米粉  + 吞拿魚芝士玉子燒 ，鮮茄濃湯牛肉米粉個湯非常濃厚，食得耐啲米粉索左啲湯，成碗粉就會有少少太乾。吞拿魚芝士玉子好足料，而且個蛋整得非常之滑，值得推介！

等足份下午茶半個鍾，嚟到卡拜尼意粉係水浸，做到湯意粉咁！開到d冷氣超大，坐到邊都吹到頭頂應一應，十分鍾內將熱啡吹到變凍啡，此舉只係唔想d人坐咁耐！到個餐嚟我已經吹到流鼻水！d餐具又污漕，把刀仲有大量油漬殘留！🤮🤮

尖沙咀紅磡開左不少冰室茶餐廳。今日路過尖沙咀，見呢間餐廳入邊很寬敞，而且都好乾淨，唔會好似一般茶餐廳咁又逼又邋遢，就決定拉埋個死黨舊同事試下啦。黑松露芝士焗雜菌西蘭花，50蚊，面層鋪滿芝士，又帶點黑松露既香味，西蘭花無雪藏味，啱晒我哋呢啲扮健康既芝士控啊。芝士煙肉薯皮，45蚊，分量十足，煙肉同薯皮味道好配合，好味又滿足，絕對係最佳的餐前小食。忌廉汁帶子意大利飯，75蚊，除左帶子，仲有d雜菌同煙肉，更能帶出味道，飯的軟硬適中，口感吾錯，幾岩香港人口味。最後飲返杯泡沫咖啡，面層舖滿奶泡，濃郁咖啡味，滑滑既質地，但人為之醒神，如果大杯d會更加好。整體黎講，食物水準吾錯，種類夠多，環境夠舒適，價錢合理。

一間好local既冰室，但野食又有啲創新野。貓貓今日係呢個冰室食左個滿足的晚餐。冰室好多marvel既公仔。尤其係ironman。好靓。播住廣東歌，香港味道濃。貓貓好肚餓，坐低就order左個all day breakfast。第一次見到冰室有英式早餐。呢個大啡菇真係不得了。上邊有塊牛油慢慢融化，蘑菇吸晒牛油汁。貓貓食一啖，蘑菇既香味滲透貓貓既口腔，貓貓濕左個嘴。貓貓鍾意食呢個英式早餐。因為炒蛋炒得好滑。仲可以夾麵包一齊食。炒蛋真係香又滑。啱啱炸既薯餅，好脆又粒粒薯仔味，正呀喵。仲有沙律。生果沙律，清甜好好味，貓貓覺得真係好fresh。仲有靓靓既煙三文魚玫瑰花，無諗過呢間冰室野食整得咁靓。鹹牛肉芝士玉子燒餐。玉子切開，芝士拉絲真係吸引死貓貓啦！好滑既玉子。入邊有留心既芝士鹹牛肉。真係好滋味。呢個餐有埋傳統經典冰室一定要食既撈丁。仲可以配埋餐肉。好創新又復古。貓貓好鍾意呢個餐。玉子入邊好滑，仲好香。係冰室飲凍檸蜜，感覺好舒服。貓貓真心覺得好正，同埋好飽好飽！

我係平日放工之後，去左尖沙咀約左啲朋友食飯，行過見到呢間龍門冰室，睇完門口啲餐牌好似好多野食選擇，所以就揀左🤩一入到去 同我想像既冰室好唔同，除左裝修好別緻，店主應該仲係個marvel迷！好多搶眼既figure，好正呀🤩必須一讚係呢度有好多好多野食選擇，我並無影晒，但仲有鐵板、韓式同西式意粉都有，岩晒一大班又諗唔到食咩既人我地心思思 樣樣都想食 所以都叫左幾多野🤪首先 我地叫左呢個鐵板海鮮配薯菜，有好多海鮮，性價比好高，青口超肥美，唔似其他餐廳細細隻又縮水，另外魷魚同蝦都好出色呢個係羊架配黑椒腸，羊架好lum，而且‘葉’得好入味，黑椒腸就岩晒鍾意食濃味既人另一個叫左牛扒配炸蝦，一樣地分量超足，炸蝦足足有3-4隻，而且炸得好爽，牛肉唔會好硬/un我自己就揀左呢個忌廉汁帶子意大利飯，個飯唔會好溜，仲辣辣好重黑椒味，帶子亦都好多粒，成個飯好香好惹味，估唔到冰室都有咁好質素既西餐我地都叫左啲小食share，分別有蜜糖雞翼同咸牛肉玉子燒，玉子燒有好多味可以揀，呢個配搭都好新穎，又幾好食喎🤣大家不坊試下呢間餐廳真心係尖沙咀黎講好抵食又多選擇，味道都有保證，大家去開不坊一試！

今日喺尖沙咀附近shopping， shopping完梗係去食好嘢。之前就聽其他黎旅遊嘅朋友提過尖沙咀有一間茶餐廳叫做龍門冰室，好食又抵食。今日即刻嚟試吓。我地2個人叫左鐵板餐嘅星級雜扒(黑椒汁)薯菜同至尊海鮮(龍蝦汁)意粉，飲涷柑橘蜜同涷利賓納。再加土匪雞翼。個鐵板餐有跟埋羅宋湯。偏辣。大家要留意翻。雞翼煎得唔錯，不過啲土匪味好似被劫走左。海鮮先到，睇落足料喎。跟住雜扒到，一樣大份。煙三文魚好長！唔洗加一！！綜合黎講，唔算貴，份量足，味道ok，店內算乾淨，小二反應可改善，上菜都快。可以一試。

就幾個朋友既翻工地方，所以就約咗係食野好貴既尖咀，咁我梗係要揀翻啲平價啲既餐廳啦。一開始以為冰室得三文治、公仔麵、碟頭小飯，無諗過都有啲高質野食。我叫咗個鐵板餐，係至尊海鮮配黑椒汁，個餐包咗餐湯同餐飲。其他人朋友都主要係叫咗鐵板餐，我地都夾咗2個小食。餐湯係忌廉薯仔湯，口感都好特別因爲有薯仔蓉。個鐵板真係好足料，一嚟到真係嚇親呀。有一塊煎咗既龍利柳，3隻青口，三隻蝦頭，3粒帶子同埋幾舊魷魚圈。個帶子真係好滑，青口就好大隻，都幾肥美。比咗一隻蝦朋友食，佢都話好彈牙。黑椒汁真係好濃，陪落啲海鮮同薯條都幾夾。黑椒香蒜牛扒配炸蝦，個炸蝦幾脆，見到仲有四五隻，好足料。紐西蘭羊架配香草腸忌廉汁帶了意大利飯蜜糖雞翼，好重蜜糖味，真係見到啲蜜糖搽咗係雞翼既表面架，入面仲好入味添。咸牛肉芝士玉子燒，岩晒鐘意玉子燒既我，有啲咸牛肉係入面夾住，真係好夾。

朋友從國外來香, 想吃點地道美食, 除了大排檔外, 冰室一定是大熱, 滿滿本土菜式和情懷, 今日行程比較怱忙, 就選冰室吃個快飯吧。今天的心情想喝杯熱朱古力, 這一杯應該已加了糖, 味道適中, 朱古力夠濃郁。鮮茄焗豬扒飯, 是快餐店的大熱, 這個茄汁真有鮮味的, 當中更夾有芝士醬汁, 更添滋味, 豬扒有一塊大的, 頗嫩口多汁, 飯看上去不是炒飯底, 但也夾有一些炒蛋, 算是有誠意。另一款黑松露芝士焗雜菌西蘭花, 也是焗的東西, 家裡沒焗爐, 出來吃這些就對了, 西蘭花配上芝士汁, 味道好夾, 加上了黑松露, 加添了高級的菇菌香味, 雜菌份量也頗多, 抵食。一個飯, 一個菜, 才一百元左右, 怪不得冰室在香港這麼受歡迎了。店內播著一些耳熟能詳的歌曲, 聽著聽著, 心情也輕快。

今天在尖沙咀上完課後和同事一起想簡簡單單吃餐晚飯剛好在上課地點附近新開了這一間 — 龍門冰室 的分店於是就直接走入去醫一醫肚冰室以黑白為主調 別具風格芝士焗西蘭花白汁西蘭花好味道面上有一層焗芝士 更芝味薯蓉焗青口一碟都有六、七隻大大隻的青口加入了軟軟薯蓉一起焗 挺特別的配搭黑椒香蒜牛扒拼炸蝦多款醬汁可選 我們選了黑椒汁 香口惹味亦可配薯菜、飯或意粉選了薯菜 有滿滿粗炸薯條和蕃茄西蘭花還配了餐湯 羅宋湯 一貫風味3.6特濃牛乳芝士玉子燒多款口味可以選擇我今選了香辣肉醬芝士玉子燒肉醬惹味 芝士玉子燒嫩滑 濃濃蛋味配上多士 選了煉奶口味 香滑奶茶去冰室當然要點一杯奶茶奶茶香滑 不錯不錯

近年的地道餐廳多以冰室命名，大概是因為冰室很有懷舊的感覺，在享受美食的同時也能感受一種曆久不衰的情懷。今天在尖沙咀下班就光顧了這間冰室，但它的感覺卻很新潮和現代呢。店內並沒有港產片裡那些冰室的舊式擺設，反而是燈火通明，有新穎和舒適的座椅及佈置。還有很受歡迎的英雄電影模型及壁畫。乾淨整齊的餐具和又大又厚的餐牌，包羅萬有，除了傳統的茶餐廳食物，還有新穎的菜式如黑松露意大利飯。筆者記得第一次在香港吃茶餐廳就是鋸扒，因此有感而發叫了一份鐵板海鮮雜扒餐配冰室靈魂的紅豆冰紅豆冰先到，有椰香奶味，紅豆大粒，份量十足。餐湯也很快到，即使是例湯也很足料，可以吃到大大舊番茄。主菜來到，來張全家福，有餐飲和醬汁比較可以見到鐵板真的超大份。醬汁是咖喱汁，倒完後可以見到有一粒粒的材料。可見不是一些頹咖喱汁那種生粉水一般的物體，聞到也很香。海鮮雜扒有令人眼花繚亂的種類，有帶子、魷魚、青口、龍利柳和蝦球，每種都有2-4件，早知約朋友來開心Share啦。海鮮的好處是就咁吃也很鮮味，而配醬汁吃又有另一種滋味，味覺非常滿足。特別一提蝦球爽口彈牙有蝦尾還清除了背脊的黑腸。埋單107蚊，但一個大男人都感到非常的飽，和朋友來一

龍門冰室在落尖沙咀金馬倫道地鐵B1出口直行5分鐘就到，地點非常方便。地方不大也不細，都好多座位。餐廳裝修十分簡潔走新派時尚路線，以黑白色為主調，黑色天花黑色牆面，白色檯黑色椅，簡簡單單又不失時尚感，同一般冰室截然不同。龍門冰室餐牌種類繁多，但朋友極力推薦食常餐因為3.6特濃牛乳炒蛋超級無敵好味。因此我們決定了分別叫了沙嗲牛肉公仔麵和雪菜肉絲米粉。價格又比出面餐廳平，實在是好抵食！炒蛋及厚多士，炒蛋香滑朋友沒有介紹錯但我較為欣賞多士香脆沙嗲牛肉鹹了少少但超入味菜密夥計重了手甜了點

依家呢間冰室真係變左我既私家飯堂啊，佢好多地方都有分店，去到邊都可以食到好味既茶記野食！今日，我黎左尖沙嘴既龍門冰室食晚餐，雖然係食晚餐，但我揀左傳統英式早餐，呢個早餐係全日供應，滿足到我呢個全日早餐既fans! 我覺得呢間分店既全日早餐整得好味過其他分店，唔知係咪我特別肚餓呢！😂佢既滑蛋份量夠大，而且好嫩滑！多士亦都烘到好脆，蘑菇亦都值得一讚，大大個既蘑菇烤到好香同juicy,入面仲放左牛油，正！早餐仲跟餐湯同沙律，好豐富啊！飲品方面，我就揀左凍既抹茶牛奶，可以飲到普通茶餐廳無既特飲。朋友就叫左至尊海鮮鐵板餐，裡面有青口、魷魚圈、蝦球、帶子同埋龍利柳。我地仲叫左蜜糖雞翼。好飽既一餐啊，滿足！

放工約朋友係尖沙咀行下街，朋友突然間話好想食出前一丁🤣 之後就搵左依間龍門冰室醫肚🌝睇咗餐牌一陣，原來呢度出名玉子燒，仲可以配撈出前一丁😬😬 完全合我哋心意，梗係叫一碟試吓🤣依款係玉子燒+鹹牛肉，的確係唔錯嘅配搭😋 跟餐可配一款小食，我就揀咗炸蝦，好日式😄由於我哋都有啲肚餓，叫多一個扒餐：爵士西冷扒拼香草腸🤡 wow依個係二人份量😂 朋友係食肉獸，雖然牛扒係幾好味，但最後都食唔晒😹我哋唔知份量會咁多，所以我其實叫多左個小食～薯蓉焗青口😄 表面有啲芝士，整體感覺好惹味😋😋 依然係大大碟🤣有餐湯、又可配餐飲，成餐晚餐好滿足🙆🏼‍♀️ 如果想喺尖沙咀區搵一間平啲嘅餐廳，呢度會係其中一個好選擇！

昨晚放工去試試，點了一份扒飯，黑椒汁味道略不喜歡，土匪雞翅40元竟然有8隻，黑松露薯條就是茶餐廳那種薯條，我還挺喜歡，外脆內軟，炒蛋多士，無功無過，飲料還行，有檸檬同埋鹹檸檬，喜歡

龍門冰室尖沙咀金馬倫道福僑大廈地鋪茶餐A 瑞士汁雞翼湯麵，公仔麵轉辛辣麵，厚多士改花生醬厚多士，炒蛋改為太陽蛋。辛辣麵的配菜包和調味包保留給我自己放入湯麵中，自己調節份量。加了花生醬的厚多士更香口，配上太陽蛋黃汁，十分滋味。百搭下午茶 流心芝腿西多士（半份）配滷水雞脾（1隻）加香煎雞扒。火腿多士以法式西多士製法煮成，西多炸至金黃色，十分吸睛，加上大片牛油，熱騰騰的西多士讓牛油慢慢溶化，滲入多士內，入口香脆可口。配上滷水雞腿，滷水味濃，雞腿大大件，滿足口胃。香煎雞扒是大大件，炸至香脆，十分可口。欣賞餐廳提供超多百搭選擇，總有一款合適。