瓏門冰室 (已結業)

到左勁有holiday mood的星期五好想快d放工期待已久既sammi concert終於到我地睇了放左工約埋朋友去尖沙咀食左晚飯然後行過去紅館時間岩岩好又唔會太趕我地去左金巴倫道呢間「龍門冰室」方便我地行過去紅磡6點幾餐廳唔算太多人呢間茶餐廳既款式都較多焗飯、鐵板餐、撈丁、小食....甚至All day breakfast 都有環境都幾乾淨突然好想食d唔健康既野😂好耐無食過公仔麵我就叫左傳統既百搭茶餐 $44瑞士雞翼（3隻）+ 腸仔（2條）配公仔麵飲熱檸蜜 （加$3）天氣濕濕凍凍今次就唔飲凍飲了瑞士雞翼唔錯唔會太咸雞翼同公仔麵係分開上既可保留每樣食物的味道朋友叫左：韓式泡菜鐵板珍珠飯餐西冷扒拼煙腩肉 $70龍鳳檸樂 （加$7）呢個配搭真係幾特別少少辣 好惹味 好醒胃份量超多西冷扒有兩大塊👍🏻牛扒配黑椒汁係絕配龍鳳檸樂係雙檸青檸及檸檬好飲！芝士焗西蘭花 $30出街食飯點都要叫d菜用芝士焗好香口好快就比我地食哂喇

🍴瑞士汁雞翼撈丁🐤 48 蚊我幾欣賞佢瑞士汁同撈丁分開上 甘可以自己撈汁又唔驚放得耐太乾 個汁都唔錯甜咸適中 個撈丁 個麵濕度 ok唔會乾 即係放乾左一陣就即上枱 🍜雞翼算大隻 有三隻 瑞士汁入面 煮得幾淋 骨肉分離🐥 🍴星級雜扒 105 蚊 黑椒汁薯菜🥔一上枱勁豐富 鐵板熱辣辣 🔥上面有 西冷扒 個口感幾煙靭 牛肉味都有 d 🐮 厚身有口感既雞扒 🐤 肉味偏咸同整得脆皮既英式腸 煙三文魚 同埋香脆炸帶子 黑椒汁幾香濃 放喺鐵板上 熱辣辣沙沙聲 🔥底層既薯條好多又夠香脆 點 d茄汁都唔錯🍅 🍴龍鳳檸樂 24 蚊🍋咸檸加檸檬既可樂 咸酸甜味都有 味道幾得意😄🍴奶茶紅豆冰 26 蚊個紅豆雖然唔算好淋 但甜度幾適中 加埋茶味適中既奶茶 都 ok ☕ 1.🍴3.6 特濃牛乳芝士玉子常餐 🥚2.入面有10 選一既 沙嗲鮮牛肉米線🐮 個嗲汁 唔錯 如果濃 d更好 米線比較爽 但我覺得似意粉多 d 😂 牛肉都幾多件 質感類似滑牛嗰類 幾有口感🐮3. 4 選1 黑松露雜菌芝士玉子燒🍄 個玉子燒其實都幾多蛋 入面幾香黑松露醬同幾多爽口既雜菇 而佢個蛋皮都整得厚度幾好 唔會完全熟 ok 🥚👍🏻4.

今日同男友行街，好熱，就搵下附近邊到有好西食，發現新開左間冰室，就入去坐下。其實我係俾呢個牌吸引左入去。叫左個茶餐，蕃茄牛肉通粉配黑松露玉子燒。個牛肉好淋，蕃茄湯好飲，係冇落味精既湯，唔會飲完個湯會不停飲水果種。個重點來了，就係黑松露玉子，黑松露落得好足，食落都係黑松露味。男友就叫左個芝士焗薯加雞翼，雞翼有三隻，一上黎個芝士焗薯好香，食落個薯蓉同芝士係混合左一齊，雞翼好入味，我就偷食左佢兩隻，唔錯食！男友叫左杯檸樂加冰！可樂自己加上去，唔怕冰溶得快啦，自己就叫左杯抹茶牛奶，抹茶味好夠。最後男友都話想食多個餐，一陣睇戲唔洗餓住肚，咁佢就叫左個焗羊排意粉，男友話個羊一點都唔酥，而且好香羊味，配埋個咖喱汁食一流！

趕在電影開場前，想來個快速晚餐，便來了這間位於戲院商場附近的茶餐廳解決。臨放假前兩天，即使是平日愛健康的我們，偶爾吃一吃高卡路里的食物放肆一下亦無不可。土匪雞翼土匪雞翼醃得相當入味，香料味道很有層次，而且很惹味。雞翼的外皮炸得非常脆口，內裏的雞肉保留肉汁和嫩滑，美味得讓我們忍不住一隻又一隻黃嘴裏送。咖喱牛腩撈丁這兒的咖喱牛腩炆得又腍又入味，咖喱味道香濃，咖喱汁用來撈出前一丁很美味。自選撈丁/飯餐這個自選撈丁/飯餐提供一系列的配料供選擇，而且醬汁都可以選擇。我從中選了炒蛋白和黑叉燒配以鮮茄汁。鮮茄汁調味酸甜得宜，配上黑叉燒，口味相當配合。飲品跟餐飲品我們分別選了龍鳳檸樂和3.6牛乳。龍鳳檸樂的「龍鳳」便是指鮮檸檬和鹹檸，兩者配上可樂，在大熱天飲用消暑又解喝。

尖沙咀終於有龍門冰室了這天到來吃晚餐點了一個蔥油雞扒撈丁~姐係撈公仔麵價錢都尚可食物上菜時間等待唔算快服務員質素就比較失色如果重視服務質素既食客就建議唔好抱太大期望不過雞扒無咩特別調味但都幾好食 沒有太多雪藏味又大大件皮煎得都脆撈丁醬汁是瑞士汁分開有個小瓶上碟自己再動手撈蔥油比想像中的好飲品叫左凍檸茶普普通通

是咁的睇完演唱會諗住去食下野，見到呢間餐廳款是多就入左去Try Try ! 點知原來係冰室既名，屋邨質素！我都唔識講呢個係乜湯，有d粟米，有少少咸咸地！仲之個感覺好差！最極品都係呢個，鐵板鰻魚汁大蝦球炒出前一丁，我食第一啖落口，個感覺係唔差，炒得好乾身，如果係用碟上係完全perfect！但係大家唔好唔記得，裝住佢嘅係一塊燒紅左既鐵板！越食就越feel到個燶味！又冇唔夠鰻魚汁，所以冇乜味！不過，值得嘉許嘅係，個大蝦好大隻！

前幾日同個朋友喺尖沙咀行街，見有啲肚餓，就周圍行下睇吓有乜嘢食，最後入左呢間冰室度。咁話明係冰室，好多人都唔會抱乜嘢期望，當係正正常常一間茶餐廳，但餐廳嘅環境都算舒適，坐落都幾舒服。正當我當佢係一間普通嘅茶餐廳嘅時候，一望到佢個餐牌(太大疊所以冇影到)，就覺得呢一間係與別不同嘅茶餐廳，飲品、食物種類都算多。 一坐低，就叫咗呢幾樣嘢。呢兩杯阿華田同其他嘅茶餐廳味道差唔多，但係凍華田偏淡少少。💛<黑松露薯條>一嚟到見到黑松露醬同薯條係分開對我來講都已經加咗分，因為本身唔係咁鍾意醬同其他嘢撈埋一齊。首先，薯條嘅粗幼適中，仲揸到脆卜卜，好食。其次，黑松露醬嘅份量都OK，黑松露味無論係聞落去定食落去都好重，唔會係名過於實，得個香字。💛<椒鹽雞翼>雞翼炸到好脆，咬落去唔會好乾，仲有肉汁，幾好食。配料好香，配菜亦都唔會太多而佔領咗主菜嘅地位，幾好。💛<薯蓉焗青口>本身我個人就好少食海鮮嘅，青口更加係冇食過。但係我朋友嗌完食唔哂，叫我試一啲，本身係好抗拒，但最後都係食咗。薯蓉同芝士嘅比例相當好，青口亦都好大嚿，食落去唔會有腥味，同埋有好多汁，唔錯。💛

向來都鐘意去冰室，今日食飯時候見呢度唔使點排隊，又幾多選擇就入咗嚟。如果係午飯時間就一定叫奶茶咖啡㗎啦，除此之外，飲品都幾多選擇。同朋友一人點左一杯野飲，估唔到冰室都有3.6牛乳喎。朋友叫嘅綠茶鮮奶都好好味，奶味香濃，綠茶可以重少少。跟餐嘅餐湯係忌廉粟米湯，味道比較鹹。我哋今次揀嘅比較少見嘅菜式。呢個芝士黑松露蘑菇玉子燒配意粉都幾特別。切開裏面好香黑松露味，見到啲玉子燒一層層，蛋味香濃，而且好滑，煎得好靚。雖然個意粉睇落乾乾地，配埋玉子燒食啱啱好。帶子都好新鮮，味道鮮甜。重頭戲就係至尊海鮮鐵板餐。海鮮有青口，魷魚圈，蝦球，帶子，同埋龍利柳。除咗魷魚比較少之外，其他都相當鮮味，$90來講都算唔錯。海鮮鐵板配龍蝦汁就最夾，用嚟點薯條都好好食。鐵板好夠熱，除咗另到啲薯條都煎到金黃色之外，食到最尾都保持到溫度。

收工已經十時半，又係時候找點食物補充一下，經過尖沙咀金馬倫道有間（龍門冰室) 環境光猛又整潔，一於試試！選擇十分多，飯類，粉面，鋸扒和小食，想食乜都有😅麻辣肥牛雞煲＄70套餐包括白飯，餐湯，多士和飲品！而且啖啖肉，絕不馬虎，味道只是微辣，加上有點紅椒和洋蔥，味道不會太濃烈，所以小朋友都啱食！芝士焗西蘭花，即叫即焗，而且味道剛剛好！👍🏻👍🏻四式芝士炒蝦球套餐＄70味道特別有層次，而且唔會太膩，蝦球特別爽口，而且已去殼去腸，進食好方便！👍🏻👍🏻👍🏻

今日係尖沙咀經過龍門。原來係新開無耐，好想食冰室。入到去，好闊好靓既冰室。之前食過另外一間龍門，都係同呢度一樣，咁多嘢食。叫左個鐵板牛扒炸蝦。成盤都係肉，好豐富好開心。食一口牛扒，勁多汁。炸蝦份量都多，最鍾意呢度野食份量夠豪爽。薯條炸得脆，鐵板燒到薯條好脆。牛扒質地滑，黑椒好開胃。仲有碗紅湯。好多蔬菜。健康既湯，酸酸地甜甜地，好開胃。西蘭花都唔放過，食曬所有鐵板入邊既野，包括粟米，番茄，西蘭花。飲左杯熱菜蜜。菜蜜真係會上癮。清甜又解渴，好適合夏天。叫埋個蜜糖雞翼。六隻雞翼咁多。咬左一啖。雞皮超脆，仲有甜甜地既蜜糖係上邊。好好味。食下食下，六隻雞翼好快食曬。雞翼超多汁。好好味，連番茄都食埋。食完好飽，但雞翼真係食幾多都唔夠，因為整得真係好脆又好香！呢餐真係好飽好滿足！下次再黎！

今日去完新開既日式百貨後，就係尖沙咀醫肚。行到呢條街發現開咗好多茶記，經過呢間見佢都有好多野簡就入咗去啦～六點入坐，都好旺場，差唔多坐滿，本地人同遊客都有。野食超多選擇！ 鐵板龍門三扒 三扒有豬牛雞，一次滿足咁多個願望，仲有六款汁俾你簡。😂我就要咗燒汁，塊塊扒都好大塊，抵讚！ 扒餐有餐湯，個湯係栗米湯，飲落係有心思既，因為佢唔係普通用粉增加傑度，食得出加咗薯仔。扒餐仲跟多士，外表脆脆地，唔錯。呢個扒餐都係$70，真係幾抵食！👍🏼👍🏼咖啡羊架飯咖哩汁唔算好辣，個汁同個飯分開上，唔係沉到啲飯的淋曬，個羊都幾淋下。咖哩汁有肉絲

今個晚上要喺尖沙咀返學上堂 ，上堂之前就自己一個人食個飯填下肚。喺金馬倫道經過一間新開嘅冰室 ，叫龍門冰室， 見入面裝修十分新淨 ，就本著姑且一試嘅心態入去。店員有禮貌地給我安排座位， 第一步梗係睇下個餐牌， 雖然係小小嘅一間冰室 ，但係食物款式十分多， 簡直可以用花多眼亂嚟形容。最終我選擇咗我最喜愛嘅卡邦尼意粉 ，先唔講個意粉。 第一個奉上嘅就係粟米湯 ，其實對於呢啲餐湯本身冇咩要求 ，但係呢個粟米湯竟然出奇地濃耶，而且有好多粟米粒， 我飲到一滴不淨。接下來嘅就係厚多士 ，足足有成寸幾咁厚 ，而且仲有兩塊咁多 ，點住粟米湯嚟食，正。然之後到戲肉喇， 蜜糖雞翼卡邦尼豬扒燴意粉 ，又有雞翼又有豬扒啱曬我呢個食肉獸 。意想不到嘅係竟然有三隻雞翼咁多， 而且塊豬扒亦都好大塊。 卡邦尼意粉又點少得煙肉呢， 新鮮焗出嚟熱辣辣 ，意粉沾滿了白汁 ，yummy 。總括嚟講68蚊有咁多嘢食 ，係尖沙咀市中心嚟講實在係大件夾抵食，物超所值， 有機會下次再試下其他食品先。

真心痴線，比70蚊食個所謂4式芝士炒蝦球，連芝士都見晤到條，一碟那喳式稀到爆炸既紅色嘔吐物狀既汁，睇見就晤想食，晤明點解咁都可以拎到出泥比人食。仲有杯柯華田，叫自己做冰室都可以完全晤識沖，淡到不得了，好晤開心好失望。仲未講完，d湯真係咸到爬係道！

天氣悶熱，行街購物都幾吃力，茶餐廳確係消暑舒閒嘅地方，今日和家人在尖沙咀K11購物，下午五時許有D肚餓，大家都想食吓茶記，於是去左附近嘅龍門冰廳。我先吃個瑞士雞翼出前一丁下午茶餐，瑞士汁很惹味，甜甜豉油味，雞翼肉質香滑，附上味粉麻油，讓食客自加入麵。我地很喜歡吃雞翼，土匪雞翼惹味，蜜糖雞翼蜜味，椒鹽雞翼椒香，三款雞翼均香脆肉滑，好好味。黑椒牛仔骨惹味可口，牛仔骨很入味。咖哩薯仔牛腩夠腍滑，充滿椰香奶味，呢兩款煲最啱送飯。來個凍鸳鸯，清甜味香，正宗茶記美味。

茶餐廳美食可以話係香港人生活嘅一部份，今日係尖沙咀行左一日，又熱又攰兼肚餓，行經金馬倫道有間龍門冰室，正好解決問題。餐廳清潔闊落，先吃個下午茶餐，沙爹鲜牛肉出前一丁很好味，鲜牛肉嫩滑，味粉麻油另上幾特别。多士改配占醬多，香口美味。滑蛋條裝上碟，香滑吸引，红豆冰豆香清甜。小食蜜糖雞翼香脆可口，再來黑椒牛仔骨煲晚餐，牛仔骨夠腍滑入味，黑椒好惹味，送飯一流。海鮮雜菜煲清淡可口，蝦球爽脆，西蘭花和白菜鲜甜。下午茶餐和晚餐都咁有水準，茶餐廳美食的確係值得我地支持嘅。