瓏門冰室 (已結業)

今日同阿媽出尖沙咀，發現金馬倫道多左好多茶餐廳，見呢間選擇幾多，特別是阿媽俾個鮑魚麵吸引，所以就揀呢間黎食。鮑魚麵餐份量都大多，我阿媽眼闊肚窄，最後都食唔哂。佢話鮑魚麵有五隻鮑魚仔，超抵食，我地轉左蕃茄湯，有好多薯仔，所以阿媽食唔哂d麵。厚多士轉左脆豬，原來脆豬有兩件，超厚超大件，本來同佢講好飽肚會食唔哂，佢又要轉，最後食左兩啖就太飽食唔到了。真係大食之人先好揀脆豬。另外，呢間餐廳真係好多唔同選擇，炒蛋可以轉炒蛋白，都炒得幾滑。我點左個傳統英式早餐，入面種類好多，份量好大。有羅宋湯、粟米沙律、厚多士、雙蛋、腸、煙三文魚、大啡菇、薯餅和茄汁豆。厚多士幾鬆脆，大啡菇好香口，阿媽都讚不絕口，其他都好新鮮熱辣，雖然份量大，但可能大肚婆食量大，我全部都食哂😂間餐廳好多侍應都係後生仔，但服務又幾好，有求必應。我點左個綠茶鮮奶，黎到先知係咖啡底，我唔飲咖啡，佢就幫我換左杯鮮奶，服務一流👍🏻

今晚約左好朋友去睇演唱會，睇之前緊係要先醫肚啦。沿金馬倫道一直向尖東方向行，沿途都有好多餐廳，有高級的亦有經濟的。我地㨂左經濟的，平的都有好質素既，而且時間唔多，茶餐廳（而家流行叫冰室）係個好選擇龍門冰室，經過就被門口的餐牌吸引住了！目測好多人叫左常餐，配上厚厚的多士但由於晚餐時間，我地唔想食常餐，所以就睇下，對於一間冰室黎講，選擇算多吧！韓式鐵鍋珍珠飯，配豬頸肉炸帶子再配上咖哩汁 $70鐵板沙沙聲上枱 (這個是鐵板燒必要的, 聽到都大流口水)，4粒帶子+好多的豬頸肉, 帶子彈牙是即炸的, 而豬頸肉味道就岩岩好. 整個組合出奇的配.秘製咖哩海鮮飯 $66咖哩味濃郁, 就系個汁就足以送成碗飯了.  而海鮮有5款, 大滿足呢黑松露炸薯條 $40黑松露系以醬汁形式, 味道不算濃凍Cappuccino 跟餐每杯+$3

係尖沙咀食個lunch都唔平，不過呢間餐廳既茶餐價錢經濟，多款式之餘又超飽肚！3.6特濃牛乳芝士玉子常餐見到茶餐廳有幾款芝士玉子燒已經好吸引，玉子燒跟餐配埋多士，仲可以係10款湯粉麵或麥皮揀其中一款。我揀左鹹牛肉芝士玉子燒，份量好足好多鹹牛肉。朋友揀左黑松露玉子燒，菇既份量都好多而且黑松露味都好濃。多士夠厚同烘得香脆～鮮茄濃湯牛肉通粉有好多番茄薯仔同牛肉，而且好大碗。雜菇菌米線🍜野飲唔做加錢升級都可以轉Latte 鮮奶咖啡同Cappuccino 意大利泡沫咖啡，抵！本身怕唔夠食叫多左份瑞士雞翼和油菜西蘭花西蘭花真心抵食$18大大碟，仲可以做到走油走鹽！有營！

今日在尖沙咀逛街，又到晚飯時間，行經龍門冰室，覺得經濟又啱食，便入座了。我們被安排坐卡位，坐位寬敞舒適。我們點了兩個晚飯套餐，有三種類別，價錢會因類別而有所不同。每款套餐都配有餐湯，多士，小菜，白飯和餐飲，都只係七十元，真心覺得佢抵食。餐湯很大碗呀，濃稠度適中，不是普通忌廉湯，有粟米粒和蜆。烘厚多士呀，竟然是這麼大份。很惹味，調味恰到好處，最怕一味得個咸字，而且牛仔骨軟腍不嚡口，師傅還加上三色椒作點綴食肉當然要有菜啦，叫一煲什菜煲就啱曬了。很大煲呀，蔬菜新鮮翠綠，味道清甜。有很多蜆肉，使上湯更鮮甜。雞翼炸至金黃，外脆內嫩，外層有蜜糖汁，去一去油膩感我們就連小食都係菜新鮮熱辣焗起，很翠綠爽脆芝士如果再多啲會更吸引。再加上一杯熱鮮奶和椰汁紅豆冰，真係很飽，我們其中一個餐更要走飯呢

黎尖沙咀唔洗次次都去高級餐廳既 今晚去左間平民價錢既冰室鋸個扒 估唔到質素都唔錯睇一睇個menu先 因為menu太多選擇啦 有差唔多6-7頁 都影唔曬 咁就只可以影影叫左餐既果頁同野飲比大家睇睇先咁首先我地就叫左2個扒 第一個係鮮茄汁雞扒意粉（$65）呢個超真係超抵食 先65$ 但係有兩大塊雞扒 食完已經飽飽地 大件夾抵食 煎得又岩岩好 唔會太燶 又香口 值得推介 同埋main set鋸扒都會送返個足料餐湯跟住第2個餐就係鐵板黑淑汁牛仔骨拼炸帶子薯菜 （$95） 薯條好大份仲有炸蝦同埋帶子 炸得好脆 係新鮮炸出黎 另外個牛仔骨唔會overcook 左 咬落去都軟身 唔會咬極都唔爛 值得一讚 2個人加埋都係200$ 唔洗夜晚鋸到個扒 想平價鋸個扒既人值得試一試 仲有野飲同餐湯送

龍門冰室在港都有好幾家分店，最近較尖沙咀都有了！店主喜歡marvel系列，總會看到蹤跡。他們的餐牌選擇超多，我和男友單是想要吃甚麼都考慮了超過五分鐘，最後才能決定要鋸扒和吃芝士玉子！鐵板扒餐會送火紅雜菜湯，味道夠酸夠醒胃，茄味濃，蔬菜都煲得軟身。我最期待的芝士玉子燒伴以即烘花生醬多士，十分香脆，醬又幼滑。至於玉子燒，如圖可見是十分大條的！中心的黑松露醬要爆出來了。一刀切下去，香氣四溢的黑松露醬就湧了出來，還有大片多汁菇菇吃！加上奶滑鬆軟的玉子，口感味道均perfect茶餐附的茄牛通都頗大碗，茄味不夠菜湯濃，但勝在牛肉量足又大片，咬下去軟軟的。忍不住叫多個蜜糖雞翼作小食，甜甜的又香脆，肉質嫩滑。這是男友點的爵士牛扒配香草腸及薯菜，外脆口內軟的腸大大條又充滿香草。牛扒也是一大件。選了特別的龍蝦汁，真的有像龍蝦湯那種濃縮精華的感覺，味道鹹鮮。牛扒煮得軟身，易切又易咬，相當滿足。喝了奶茶和好立克，作為港式晚餐的總結。吃了那麼多，每人不到100元，經濟又實惠。

今日天氣熱辣辣係街上行左一陣 頂唔順入左呢間餐廳休息 一打開餐牌發現款式選擇好多 而且價錢親民 係旺區黎講算是非常實惠 平均$30-$40已經有主食+飲品我同朋友點了一個瑞士汁雞脾出前一丁&紅燒汁鮑魚出前一丁 飲品：鹹寧七喜+菠蘿蜜瑞士汁雞脾出前一丁 醬汁是另外裝 可按個人喜好隨意加 雞脾份量是偏大一點的 咬一啖肉質鮮嫩多汁 配瑞士汁的麵條真的非常搭！紅燒汁鮑魚出前一丁是配3.6牛乳炒蛋和多士 但我個人喜好還是轉吃太陽蛋+脆豬一送上黎非常吸引眼球 有5隻鮑魚放在麵條上

當晚來到尖沙咀逛激安，附近餐廳都坐滿，於是來到龍門冰室餐廳裝修企理，而餐牌價格又很吸引，不敢相信是尖沙咀的餐廳首先來的是跟餐餐湯及多士，多士既香又軟，湯亦算是足料主菜的咖哩薯仔牛腩煲，雖咖哩汁加多了水，但亦不失香濃，且牛腩亦不少而星級雜扒餐簡直是驚喜，雞牛豬扒均十分大件，配以煙三文魚、炸的香脆帶子及非常多汁的豬肉腸更可配不同醬汁，本人選了龍蝦汁，推荐最後加點了芝士肉醬焗薯條，真的一試回味，芝士極厚且濃，薯條一直食也是熱且香脆，非常出色

推薦自家製雪菜😋😋即烘鬆脆奶醬厚多士冰室有流心玉子，味道不俗，以價錢來說，性價比高！侍應有禮貌，更會推介食物餐點，十分適合有選擇困難症嘅朋友🤣難得尖沙咀會搵到有平民價格嘅高質餐廳😆

行過幾次都想一試，今日時間尚早，餐廳人不多，就可以慢慢坐一下除了一般茶記常見食物，還有幾款升級的食物及套餐，意外之喜見到這個玉子燒，即刻見獵心喜餐廳內的marvels 系列手版 👍天氣太熱，幸好餐廳選擇靈活不吃湯麵可以轉吃撈麵，加上即炸帶子，沒有特別期望下，反而覺得帶子炸得有水準裏面保持濕潤黑松露蘑菇玉子燒，分量很大，原先以為是碎片，卻全部是一片片大菇片，有口感最喜歡這個紅豆冰奶茶，紅豆煲得軟綿，茶味濃，好好味道，

糧尾約friend食飯，冰室絕對係一個好選擇，平民價得黎，又吾洗食連鎖快餐咁悶。金馬倫道有好幾間冰室，見呢間龍門冰室門新開無耐，門面幾搶眼，於是決定一試。見到入面有早排大熱既Marvel掛畫，頓時覺得環境好新潮。是日餐湯係蘿宋湯，有不少切到細細片既蘿蔔洋蔥蕃茄，酸酸辣辣，有少少辣，開胃有特色。奶茶紅豆冰d紅豆煲得幾錦，茶底吾錯，吾會比紅豆既甜品蓋過。呢個餐由3樣野食組合成，感覺好豐富。我地揀左吉列蝦、吞拿魚蛋卷同埋撈公司麵。吞拿蛋券切開真係有少少流心，蛋吾會過老，夾埋d吞拿魚食，好滿足丫!雞翼煎到外皮脆脆，size夠大隻，有肉感。冰室必有既常餐係用3.6特濃芝士玉子做主打，朋友讚個蛋仲滑過蒸蛋，牛乳同芝士增加左味道既層次感，值得一試!好多餐都係70蚊有找，我地叫埋小食share，每人都係90蚊左右，以尖沙咀地段黎講，絕對抵食!

一班同事知道尖沙咀開左一間大型商店，諗住放工一齊去行下，點知人多到入吾到，我們唯有在附近找地方食晚餐，見到龍門冰室，我說之前食過佢地的分店，抵食又好味，同事也想試試，大家就入座了！芝士汁豬扒焗飯：芝士汁蓋滿整碟飯，焗至金黃的芝士又香又惹味，豬扒肉質軟嫩，飯用蛋炒過，特別香口。紐西蘭羊架拼香草腸，配黑椒汁：餐湯羅宋湯，味道濃郁帶酸味，羊架羶味不太重，肉質鮮嫩，香草腸皮脆，有香草清香味，黑椒汁濃郁帶少許辣味。吞拿魚芝士玉子燒配炸蝦：外層是滑嫩的蛋，中間芝士和吞拿魚做成流心，有口感又滑嫩，炸蝦酥脆香口，配埋醬汁伴意粉，十分美味。咖哩汁炸雞脾撈丁：大大隻雞脾配咖哩汁，味香雞肉嫩滑，撈了 丁彈牙。飲品跟套有優惠，咸檸檬七喜味甜中帶鹹，消暑一流，紅豆冰和奶茶紅豆冰，紅豆林甜，冰涷好飲！

金馬倫道又新開左一間冰室—— 龍門冰室。新開張期間大排長龍，今日同同事都貪新鮮黎試下餐牌好多選擇，除左一本好厚嘅menu之外，仲有幾個特餐menu可以揀。幾經掙扎之後決定食佢嘅3.6特濃牛乳芝士玉子常餐常餐包一碗湯麵，一份玉子燒+多士，另配餐飲。先黎餐飲熱奶茶，茶味香濃，奶嘅比例恰到好處黑松露蘑菇芝士玉子+牛油多士落單好快就已經上菜，略嫌牛油多士唔夠脆。一介開蛋皮就有好多黑松露蘑菇餡擁出嚟，好豐富，估唔到餡嘅份量會多過蛋黑松露好有鹹香，蘑菇冇我平時好討厭嘅草青味，夾埋多士食就岩岩好無咁咸，不過就唔係好覺玉子入邊有芝士啦。牛肉蕃茄湯通粉番茄湯較清，面頭舖滿鮮甜嘅蕃茄粒同牛肉片，味道唔錯。另外要讚下佢嘅通粉好彈牙，好有口感整體黎講，上菜速度快，價錢合理，食物又多樣化，以後食lunch又多一個選擇喇

夜媽媽同朋友兩個係尖沙咀食嘢 見到間新開冰室😂 我哋兩個都想食常餐 就入咗去🤣咁岩就係係門口見到佢個常餐都好吸引 好多選擇 尤其個十選一湯麵 揀完又再揀玉子燒 仲有勁多配料揀 真係考起我呢個選擇困難症人士😅♥️鮮茄濃湯牛肉通粉牛肉份量好多 茄湯唔會好假 而且成碗份量都好大 ♥️蜜汁叉燒湯意粉叉燒份量多 個湯唔太好咸或者好重味精 意粉硬度唔錯😂 唔會太淋♥️玉子燒試咗香辣肉醬芝士玉子燒同埋鹹牛肉芝士玉子燒🤤 香辣肉醬個汁偏酸 所以食落唔會好膩 👍🏻 鹹牛肉就重口味啲♥️雞脾加咗$16要多隻雞脾 估唔到個雞髀會咁大隻 而且咁大隻都算入味 好易甩骨所以食落都唔會好柴♥️魚柳又係大大塊 炸得好脆好脆 夜晚食勁邪惡🍴間冰室有好多Marvel嘢 都幾特別🤣

突然好想食茶餐廳，所以就入左黎了。其實都無咩特別期望啦，點知又真係幾好食😂。因為朋友係魚素食，所以就只係會食海鮮同齋。我地一齊叫左個紅燒汁鮑魚仔茶餐同埋一個至尊海鮮鐵板。我地仲心諗，邊會真係有鮑魚，點知真係有，仲幾大隻，仲要有五隻！同埋，又軟身又入味！個公仔麵啲湯可能因為有啲鮑魚汁，變得好鮮味，我唔小心連湯都飲埋。麵係較熟，我覺得岩岩好！仲有個蛋，因為我比較鐘意較熟嘅蛋，所以佢個炒蛋岩晒我！仲有個湯好似真係用金寶湯煲出黎嘅，咁成半咪好貴？個至尊海鮮鐵板好足料，3隻青口、4粒帶子仔、4舊大蝦仲有魚。黑椒汁好傳統，我好耐無食過港式黑椒汁突然食返又覺得好好味。鐵板夠熱，係渣渣聲嘅。伊間餐廳加3蚊可以飲到Arabica 豆嘅latte，咁就一試啦。味道又唔差喎，偏nutty，同埋加3蚊好平。我地另外叫多個芝士焗西蘭花，西蘭花有汆燙過再焗，幾腍，所以覺得幾好食。值得一提，有個高高瘦瘦嘅哥仔好好服務。我想要杯溫水，佢突登向杯熱水入面加左三粒冰俾我，又真係整到室溫，個人笑得好誠懇！總結：強推鮑魚公仔麵。真係無違反商品說明條例😂。好抵。