琥酌 (已搬遷) 新店位置

同男朋友行街行到好攰，岩岩又考完試，諗住去開尖沙咀就食好d 。因為男朋友剛從日本回來，好掛住日本嘅美食，而我又非常鍾情日本食物，所以由中環搭天星小輪去尖沙咀，因為見到琥酌嘅食評好好，所以就決定一試。我地2個係walk in 無book 位入到餐廳，一入門口，經理就話因為我地無book 位，佢地今日其實full 哂，不過客人未黎，所以比我地食先，今用餐時間大約1個半鐘左右。1個半鐘都夠時間食，所以我地就入餐廳坐低喇。餐廳唔算大，但感覺好舒服，又無油煙味，環境舒適，似日本居酒屋。我鐘意食鰻魚，叫左個鰻魚三品茶漬飯$168用左個好別緻嘅器皿裝住熱騰騰香噴噴嘅鰻魚飯，飯粒軟硬適中，醬汁好香甜。另外可以按照個人喜好加上前菜，茶漬食又得，加湯食都得。頂級安格斯牛吉列御膳$368無論係吉列牛定係燒牛肉，都無可挑剔，重牛味，完全唔un ，唯一係希望份量可以增加😂

雖然價錢無係便 但係有佢既價值 我叫左一個牛牛套餐而朋友叫左個海鮮煲可以自己慢慢燒 一路燒一路同朋友傾下解其牛既話唔需要燒得太熟架，啲肉好彈牙同時都好多肉汁 正晚餐食完之後 仲有小小甜品食添，係窩心架❤️

每年三月、五月同九月 都係我地三個中女聚會既日子，佢地會攜眷出席，我就形單影隻😔今次呢間，原來我響太子食過！感覺上好似尖沙咀旗艦店d食物種類多好多 唔單單係吉列牛咁簡單！好似係串燒啦、煱物啦、其他日式料理等。我地叫左兩set 吉列牛set 再加免治雞肉串、炸豆腐、白酒煮蜆、炒飯、茶漬飯以及明太子玉子。兩set 吉列牛包含小量海鮮如🦐、帶子、鮑魚 另外一set 就有三款不同牛 （和牛、安格斯、牛舌）輕輕燒過既吉列牛，重有其他海鮮同蔬菜，份量係小d ，爐仔細細 如果唔叫其他嘢應該唔夠飽不過佢嘅招牌炒飯我又覺得幾好味喎好似有少少辣辣地。有兩粒鮑魚同埋帶子。其實佢個底係鰻魚炒 👍🏻另外茶漬飯都係鰻魚餸 有另一種食法。白酒煮蜆我本人就一般啦 ，啲肉細細粒食左好似冇食過咁🤪而明太子玉子燒就係因為見到個個都響OpenRice post 相 所以都試一試佢😂我指明要點嘅雞肉棒當然係最吸引我啦，有生雞旦拌住食，去親日本屋酒屋都要叫㗎👍🏻👍🏻整體食物都OK，係奇怪唔知點解星期六晚都冇乜人，我哋差不多包左半場😅心諗平日咪仲大鑊？雖然生日有人請食飯不過平心而論價錢真係有啲貴，性價比唔太高

前排有朋友介紹我到琥酌吃吉列牛， 一路都未試過所以很想食， 於是約朋友試一試。 店內裝修座位寬闊， 坐得舒適，燈光較暗，店員親切友善，非常有禮貌。 我們點了博多明太子玉子燒， 安格斯牛吉列， 一品琥酌炒飯， 辣汁牛腩蘿蔔煱，乳酸特飲。前菜～ 沙律菜配上日式芝麻醬， 味道酸酸甜甜好開胃， 海蜇爽口彈牙，沙律菜夠新鮮。安格斯牛吉列～ 主角出場喇！ 店員上菜的時候提供一個迷你鐵板爐， 再用心地教我們怎樣烹調。 首先放一塊吉列牛在鐵板上每邊燒大約12秒， 就可以食用。 吉列牛外層沾滿了麵包糠， 肉質粉色鮮嫩， 外皮香脆， 肉汁鮮軟。 配以三款不同的調味醬， 日本燒汁，岩鹽，黃芥末， 每種口味各有不同。博多明太子玉子燒～ 這一道菜味道控制得剛剛好， 明太子不會太鹹， 玉子燒的蛋味濃郁嫩滑， 還有木魚絲令到口感更加突出。辣汁蘿蔔牛腩鍋～ 鍾意食辣嘅朋友一定要試下， 這個辣汁的味道有點像辛辣味， 牛腩炆得又淋又入味， 還有蘿蔔吸曬辣汁， 相當惹味。一品琥酌炒飯～ 炒飯有鮑魚和帶子， 帶子煎得好香，鮑魚鮮甜，正！蘋果乳酸飲品～ 酸酸甜甜開胃又透心涼。第一次到琥酌，愛上了這裏的吉列牛， 味道果然唔錯！

這間位於九龍公園出口對面的琥酌是吉列牛肉專門店，餐廳在海防道商廈一帶，門面不是太起眼，店內裝潢簡單，燈光偏暗，座位寬闊，坐得舒適，而服務生也友善和禮貌。前菜(蔬菜沙律)多清新健康的沙律，沙律配上日式芝麻醬好開胃，味道酸酸甜甜，海蜇爽口、紅色車厘茄甜美，又香又開胃！博多明太子玉子燒雞蛋控必點的 「玉子燒」，玉子燒份量豐富。蛋味濃郁又嫩滑濕潤，平實的玉子燒配上百搭微辣惹味的明太子，不會過咸反而鮮味，味道更香更豐富。再配合木魚絲，令人食指大動。安格斯牛吉列：店員提供了一個外觀典雅的明火鐵板爐，再端上了一碟吉列牛，然後細心講解燒吉列牛的方法。吉列牛以切件形式上碟，外層沾上麵包糠，以高溫油炸至金黃鎖住肉汁，內層嫩紅，放於鐵板上每邊燒熱12-13秒，香氣撲鼻，入口即溶，外皮又脆，口感超好。另外配以調味盛（日本鹽燒汁、玫瑰岩鹽及黃芥末），每種味道不同就帶出不同味道，我個人比較喜歡岩鹽因可帶出牛嘅鮮味。一品琥酌炒飯：一品琥酌炒飯很豪華，這個飯配了一隻醬燒鮑魚和一粒珍寶帶子。外脆內軟帶子煎得剛好，表面好香脆；而鮑魚軟腍及新鮮，很鮮甜；鰻魚炒飯香口多汁，鰻魚汁滿滿包著飯粒，讓人齒頰生香。價錢相宜，必點之選

喜歡吉列牛的朋友一定知道這家我們點了比較經濟的安格斯吉列牛吉列外皮香脆緊緊包裏著牛肉肉質仍保持鮮紅半生的狀態在鐵板上兩邊輕烤半分鐘即可入口厚度適中肉質嫩滑有濃濃牛肉香餐廳配上鹽醬海鹽芥末三款點了一客佐賀炸豆腐作前菜外層炸衣酥香豆腐非常嫩滑月見燒雞肉棒混有雞軟骨吃起來口感爽爽脆脆的沾上蛋液入口更香更滑重頭戲是鰻魚三品茶漬飯這款吃法在名古屋甚受歡迎把茶湯倒進鰻魚飯混合食用鰻魚肉質肥厚油脂香味非常甘香絕對是香港難得一遇的質素

好耐冇出過尖沙咀，朋友介紹試呢間餐廳，初頭對樓上餐廳都冇乜特別大期望，但係食過之後估唔到價錢合理，而且食物有質素，令我非常驚喜前菜先來兩碟沙律，沙律新鮮爽脆，配埋沙律醬汁酸酸甜甜好開胃，之後我哋再叫咗一個燒茄子，本身平平無奇嘅茄子，燒過之後配埋醬汁，又健康又好味店員推介我哋叫呢個海鮮茶壺湯，之前喺日本餐廳叫過茶壺湯好貴，但係呢度價錢合理，而且湯料充足，味道仲好濃郁，冇味精超好飲牛仔骨肉質鮮嫩，咬落唔會好硬，而且唔好睇佢細細碟，一碟入邊有成五六舊，分量十足我好鍾意食串燒，燒雞肉串，點生雞蛋同埋燒汁一齊食，食唔停口。最後一碗鰻魚茶漬飯， 好大碗，大大塊鰻魚，飯淋左好好多燒汁，好香又好味，撈埋茶湯一齊食，變得味道清淡左，成個飯無咁溜，2個人share食剛剛好。今餐真係非常滿足。

今天和朋友到了尖沙咀既琥酌吃吉列牛，因為朋友未吃過，就揀左呢間，有居酒屋既感覺，全店也充滿了燒牛的香味。前菜有個海蜇沙律，酸酸地的汁。安格斯吉列牛，之前都有試過其他店的吉列牛，呢個算高質，好香牛味，每邊輕輕燒十幾秒已經夠了，韌度剛好佐賀炸豆腐，豆腐有益又好味，點了一客有4件，不算好熱氣，因為炸醬會被浸淋了，豆腐面上有木魚，都幾夾。錫紙松露牛油焗舞茸本菇，一開錫紙煙就冒起來，香噴噴松露味，不錯。明太子舞茸大江戶炒飯，明太子加黑椒炒飯，有點辣，不算好濃味，但都幾好味。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

今晚book左食呢間想試好耐既日式吉列牛專門店，為左食呢餐我特登早收工去跑步，想減完肥再好好慰勞自己!! 餐廳位於尖沙咀旺區既一間商業大廈樓上，好近地鐵站位置好易搵。首先有前菜海蜇沙律，酸酸甜甜幾開胃。我地點左一客安格斯牛吉列($368) 價錢偏貴但質素有保證。生牛肉外面包左一層吉列粉，烤大概10秒後就食得。咬落脆口而肉又嫩，口感頗特別。博多明太子玉子燒($48) 唔算太出色，蛋唔夠嫩滑多汁，但勝在明太子份量夠多夠香口。一品琥酌炒飯($148) 有一粒煎過既帶子同烤過既鮑魚。帶子煎得較乾身，鮑魚就烤得岩岩好。炒飯有香濃燒汁味，惟味道偏咸。鳥手羽燒 ($38) 串燒水準唔錯，熱辣辣即叫即燒，雞皮燒得好香脆，雞肉有肉汁，咸度適中

老公生日， 想食吉列牛， 我係 openrice 同網絡上都見到有人介紹呢間，所以決定一試。餐廳位於尖沙咀商廈入面， 樓下等lift 位好多蚊， 如果約朋友唔好係lift 口等， 我地準時止到去， 𨋢門一開就係餐廳， 店不是很大同較傳統的日式小店， 燈光都比較暗。 我點了個中價的set, 2人食 再加左個烤魚， 份量好夠了， 因為個set 有鹿兒島M5和牛salad, 串燒 同吉列牛。 全部食物我都比⭐️⭐️⭐️⭐️⭐️, 因為真係好好味， 個吉列牛看似唔多， 但一人唔會食得晒， 因為係好香牛脂 , 食得太多會膩， 2人前剛剛好。這家店可以encore👍🏻

吉列牛喺日本就食得多喇番到香港就第一次食見到好幾間都比較厚粉淨係睇圖都覺得好漏呀🤢🤢🤢最後揀左呢間 睇圖個款比較似日本個啲🇯🇵/味道就同日本無得比架喇😢無咩牛味 但口感都唔錯無得去日本個陣就當係過下癮啦ლ（╹ε╹ლ）/個飯反而有驚喜🤯味道好好 唔知係落左啲咩但成個味好夾值得一讚！👍👍👍/仲叫左個明太子蛋卷🥚暖暖地咁食 係小確幸🥰/杯乳酸飲又幾好飲！🥤最怕飲到伏嘅乳酸 好彩呢度唔係～

朋友生日，因為朋友好喜歡食牛，搵到呢間喺佢公司附近、專食吉列牛嘅日式餐廳，所以就揀左黎同佢慶祝生日。日式居酒屋呢個二人前料理套餐其實非常之吸引，不過朋友顧及我銀包😂，我哋最後無叫到，只散叫了美食：-打頭陣喺前菜沙律，沙律一人一碗，非常之夠份量，入面有海蜇、沙律菜、青瓜、蕃茄，一啲都唔慳皮！加埋千島醬味道非常之match，絕對能夠為你開胃。重點之重吉列牛見到個陣勢就好開心！侍應叔叔教我地只要放落去10秒就可以食㗎啦，唔需要太耐，睇佢個爐咁細，以為火力都唔會太強，諗住冇咁快啦！點知真係好快會見到佢由鮮紅色變做熟肉，所以我哋之後都好緊張，每一次都用計時器計10秒，務求火喉剛剛好，不會燒得太熟太老吉列牛外皮炸得剛剛好，唔會太厚粉，脆的！ 放落鍋燒牛肉，外脆內嫩，雙重口感！如果唔點醬料，淡淡牛肉味，若加了海鹽/醬油反而會將牛味更帶出明太子芝士玉子燒，因為我好鍾意食玉子所以就一定要係呢個啦，佢嘅明太子唔會令到佢好辣，但就因為加埋明太子、同蛋卷有唔同的texture，加埋一齊食居然有驚喜牛舌炒飯，味道非常之濃郁，份量都好大，我哋兩個人食唔晒添。牛舌唔會炒得太老，都係陣陣牛香、而且唔會太油！牛油粟米，

香港人鍾意食日本菜🇯🇵就不在話下， 而日本菜每每有新菜式傳入香港🇭🇰，香港人都熱烈追隨，繼忌廉烏冬之後，吉列牛就成功帶起香港人嘅熱潮。作為美食探險隊嘅先鋒👨🏻‍🚀，當然要試吓香港吉列牛嘅水準啦。今次朋友就帶我嚟尖沙咀哩間日式餐廳搵好東西食。店內既裝潢非常靚🏮，完全呈現日式居酒屋嘅味道，窗台放滿林林種種嘅日本酒瓶🍾，特別有氣氛。我哋除咗招牌嘅吉列燒牛，仲點咗明太子蛋卷、清酒煮蜆同海鮮炒飯。另外亦點左兩杯特飲，蜜桃乳酸同葡萄乳酸🍸。好快職員就放左燒爐上枱面，的的式式既燒肉爐非常得意，同時附上三種調味料。如果冇估錯，應該係海鹽🧂、柚子醋同芥末。-首先上嚟嘅沙律唔好睇佢好似簡簡單單，又幾好食喎。酸酸甜甜嘅海蜇加上配有芝麻醬嘅沙律菜🥗估唔到係咁夾。而好快明太子蛋卷都上咗枱。明太子份量唔少，唔係揸流攤，🥚厚身蛋捲加上明太子嘅鮮味真係唔錯。而蛋卷都煎得非常鬆軟又有蛋香味，最緊要係夾起上嚟唔會散秀秀。至於清酒煮蜆🍶就有啲大失所望，完全冇清酒味外，蜆肉都有啲沙洗唔乾淨，麻麻哋。主角吉列牛終於上枱🥩，放上烤爐油脂滋滋聲連聽落都覺得非常吸引。外皮雖然經過吉列，但唔算非常香脆，但少少脆口再配上香濃牛香味嘅肉質

今晚帶友人來食日本菜，呢度除左吉列牛，仲有好多串燒、小食...都好岩用黎送酒，慢慢同朋友傾計。前菜$10是必有的，沙律用日式芝麻醬，味道酸酸地，又香又開胃，蔬菜都乾淨新鮮，好爽脆。佐賀炸豆腐$38，輕輕炸過的豆腐，保持水嫩滑溜口感，豆味都食到，最正係薄薄炸衣好香，仲吸再好多上昆布醬汁，清爽唔膩。博多明太子玉子燒$48，價錢相當吸引，玉子燒大份夾抵食。蛋味濃郁又嫩滑濕潤，配埋微辣惹味的明太子，味道更香更豐富。燒舞茸茶壺海鮮湯$58，用茶壺裝海鮮湯好特別好有新鮮感。材料超多，有蝦、帆立貝、蜆、螺肉、舞茸、銀杏...所以個湯真係好鮮甜好好飲，份量亦多，令人滿足。而湯料的蝦，味道仍鮮味可口，所以都食左湯料。串燒雞肉釀菇$58，價錢偏貴味道一般，雞肉都彈牙但雞味較淡，釀菇的好處是更嫩口更多汁，所以都加返分，燒汁味幾重，令串燒更香。海之幸地獄鍋燒稻庭烏冬$178，有好豐富海鮮配料，包括青口、蝦、蜆、帆立貝等，提供辛辣味及日式芝麻味的醬汁，用來拌烏冬食。個湯已經好好飲，有昆布味的清湯，先放海鮮料，熟左放埋烏冬滾熱就食得。帆立貝鮮甜肉質細嫩，蝦肉也爽彈，青口夠肥美，最吸引係個湯，加入海鮮後，更為清香鮮

太耐無食吉烈牛啦，所以前兩日就同朋友決定豪一豪，食番餐好🙈吉烈牛吉烈牛份量一啲都唔少，而且牛肉味好濃，同油脂既比例岩岩好，食落口好香，再加上三款唔同既醬汁，包括海鹽、芥辣，同埋鹽醬，仲可以做成三款唔同既食法🤤🤤烏手羽燒雞翼燒得岩岩好，雞既皮有少少脆口，而且加上少少既鹽同檸檬作調味，味道剛好一品琥酌炒飯呢個炒飯真係極推介，除左鮑魚同帶子好鮮甜，食得出好新鮮之外，炒飯底都做得好好，鰻魚嘅香味入晒炒飯入面，而且炒飯炒嘅時間啱啱好，飯底粒粒分明而且仲好香口佐賀炸豆腐初頭以為呢個炸豆腐食落會有啲熱氣，但上枱之後就發現呢個豆腐係無想像中咁熱氣既，豆腐只係煎完之後放係啲湯汁上面，食落濕濕地所以無熱氣既感覺，再加上豆漿上面加左明太子同埋木魚，所以口感好得意好特別