班蘭葉印尼餐廳

营业中

休息中

之前同食過一次，覺得真係好好食，所以今次朋友話想係銅鑼灣食好食嘢，我就揀左食印尼野。上次食左個印尼炒飯真係好好食，但今次又好想食班蘭飯，因為好特別，所以就好想食，個係佢地真係花多眼亂，好多食物揀，上次食左炸魚好正，好好味，我最後揀左炸魚飯轉班蘭飯，我朋友就揀左印尼花膠湯配班蘭雞，同樣都係轉班蘭飯，飲品就揀左印尼咖啡涼粉品和蝶豆花特飲。坐左一陣，飲品好快到，蝶豆花特飲唔算是太甜，椰汁味ok，但我最鍾意係蝶豆花做的啫喱，煙煙韌韌咁，都幾好味，而且又令到杯飲品顏色好靚，除左珍多冰多令一選擇。至少我朋友的咖啡涼粉，味道去幾特別，因為佢除左有一杯咖啡的味道外，因為加左涼粉，所以就會溝埋左平食涼粉的個啲涼粉水味，所以令到咖啡變左令一個層次，唔止係咖啡咁簡單。小食方面，柚子蜜雞翼都幾正，48蚊，但有6集，大大隻的雞翼，雞翼本身醃味唔會太濃，加埋啲葱係面，增加了一種小清新的感覺，加上塗左啲柚子蜜係面，甜甜地，帶少少柚子的酸，特別開胃。我朋友的花膠湯配班蘭雞飯，我都試左少少湯同雞，個蟲草花杞子花膠湯就比較似煲很久的老火湯，比較濃味，如果鍾意濃味朋友會很喜歡，至於班蘭雞，都好滑嫩，有少少像海南雞。至於個個

同朋友經過，見到口間餐廳好多人排隊，直覺覺得有好野食😋🐥燒雞花膠湯粉皮 HK$88花膠湯貨真價實, 有塊大大塊嘅花膠係面, 滑嘟嘟。湯底好濃花膠味，而且真係有啲膠質嘅感覺🥰印尼粉皮好得，好有咬口，🤪同湯一齊食十分夾。燒雞有半隻咁多，啲皮卜卜脆， 而且啲醬汁好惹味。🐠雜菜燒魚飯 HK$88原條燒魚擺上台，大大條，燒到卜卜趣好香口。😋而且魚肉都仲係Juice唔係燒到乾爭爭💓🐂牛肉沙嗲三串 HK$56沙嗲醬係分開上的，好有添風味😋🍸龍眼冰 HK$30大大杯，粒粒龍眼，仲要好多粒，正呀。🍹珍多冰 HK#28佢D 飲品好大杯，物超所值。

同女朋友👫🏻去左銅鑼灣呢間印尼餐廳食飯（有朋友推介我黎😂）我朋友話個花膠湯好飲酒樓或者個啲大酒店，咁我就同女朋友叫左兩個試試啦。第一啖就比個花膠湯征服左😋😋真係好濃花膠雞湯味🥰同埋老闆係勁好人，又好服務態度，好禮貌咁同我地介紹有咩好食有咩好飲咁樣👏🏻👏🏻👏🏻好推介大家黎試試，裝潢環境都好好👍🏻👍🏻👍🏻最重要係個價錢相當抵食，每人一百蚊內落到樓，而且一定夠飽😋😋😋

呢度舖仔細細，坐滿印尼🇮🇩姐姐，出品必定有保證！😃.📌黃薑炸原條魚雜錦飯 $118 ～ 久別重逢，原條炸魚🐟依舊大大條，脆卜卜，咸香冶味🤤雜錦有炸豆腐、茄子🍆、秋葵、肥嘟嘟芽菜。椰漿飯（+$15）除咗椰香，仲🈶️超勁香茅味。自家製辣醬辣度啱啱好，用嚟點餸、撈飯都好正👍📌燒雞花膠湯粉皮 $88 ～ 真材實料，花膠湯漿口濃稠，湯底仲有幾舊花膠、杞子，粉皮滑到自己sir咗入喉嚨，飲完當堂靚晒🥰燒雞🐔味濃肉厚，但此情此景頓時成為配角😛

之前已經好想食 見到糖街都有多過一間印尼菜但呢間門口好似好多款小食 同有人排 好吸引 就去呢間試試第一次食印尼菜 無咩idea有咩好食雖然店內都好多人 但老板都好熱情有禮介紹一下有咩熱門-印尼四大天王飯$78 轉班蘭飯+$15有4款送 我最愛就係巴東牛 好林好入味蕃茄沙甸魚辣辣地 好過引雞就普通d 不過都ok一次有哂4款 好抵 轉班蘭飯+$15 都幾得意 有一陣淡淡的清香-原條魚花膠湯粉皮$78一上台真係呆左 以為上錯 因為係超.超.超大條之前老板推介雖然係炸 但唔會乾都係半信半疑 原來係真gad魚炸得好好 入面仲係好嫩有汁 無林過可以咁有驚喜粉皮好滑 加埋d沙湯好有雞味 絕對唔係味精味真係飲到一滴都無得剩 超好味呀!!-雞汁沙嗲串燒得好嫩滑 外面又脆脆地沙嗲串好濃厚 一流的串燒!!-叫左杯碟豆花特飲$28好特別 佢係將碟豆花整成類似珍多冰幾得意唔會太甜-價錢唔貴 服務又唔錯 食物質素高一定會再來食 

比較少食印尼菜，原來銅鑼灣呢個位有間印尼菜，平時經過都唔覺。晚上八點左右都見唔少人等緊位，餐廳做緊特價抗疫套餐$50左右，非常抵食！我哋叫咗斑斕雞半隻，雞嘅賣相好靚，面上有杞子，雞皮黃色有光澤，而且雞肉幾滑。雞味唔算好重，但係點左斑斕醬汁及甜豉油，味道就立即提升。另外叫咗個炸雞碎撈麵，以為真係肚碎。點知原來係炸雞，炸雞炸得非常香脆，有印尼風味！我覺得做得好出色！印尼撈麵彈牙，醬汁剛剛好！如果唔夠辣仲有一兜辣椒俾你撈落去。串燒叫咗白鱔串3串，肉質幾滑，而且冇骨配有沙嗲醬汁。飲品叫咗桂皮煎葉果蜜，桂皮係肉桂嘅意思；所以我鍾意肉桂覺得好香，而且又夠滋潤。另外叫咗香茅椰糖薑蜜，飲落去有啲似庶水，幾清甜又有薑味。呢間印尼菜嘅食物質素真係唔錯，怪唔得咁多人等位食！

茶包成日去銅鑼灣某車仔麵食飯都會路經呢間餐廳。前晚終於解鎖成功，已列入銅鑼灣飯堂啦💕　🧐但面對餐牌多個選項，茶包嘅困難症病症浮現晒上嚟！店員推薦有養顏護膚功效嘅花膠雞湯配雞皮粉，茶包仲嗌咗幾款特色餐點👩🏼‍🍳巴東牛肉飯﹑沙嗲串燒﹑燒魷魚。⠀⠀=ll 💖印尼花膠湯雞皮粉（配斑蘭雞）HK$78 ll=茶包真心推薦 印尼花膠湯雞皮粉💕一句講晒：湯鮮．香．濃！茶包上網查找此店昔日嘅傳媒報導，🗒內文提及店主採用大量🇮🇩印尼花膠仔熬煮高湯。所以相比其他連所湯品店，味道更濃，湯頭更鮮🍲🤩極鮮湯底再配上造型近似腸粉嘅雞皮粉，入口真係「sir」一聲就滑入喉嚨嚕。下次訪店，茶包肯定會再翻兜呢碗湯粉💖⠀⠀=ll 🐂巴東牛肉飯 HK$58🍛 ll=店家以大量香料煮製而成，牛肉口感軟嫩，一啖就覺得巴東好正宗，因為香料嘅味道洽到好處，唔會話太辛辣而令你食唔到，亦唔會因為要就香港人口味而減輕辣度。=ll 🐥🐂串燒烤雞HK$48/3串 ll=烤雞串同嗰串燒汁真喺絕配！雞肉以多種香料去醃製（黃姜、黑果⋯⋯），雞肉嫩滑😙再蘸上秘製汁真喺不得了！💛秘製沙嗲超級惹味！醬香帶有濃厚花生🥜、香茅、南薑、參巴醬⋯⋯的味道，蘸上串燒

當日和朋友食午餐，朋友提意試試呢間餐廳。我食牛仔骨花膠粉皮，花膠粉皮味道很咸，份量很少，不夠飽。牛仔骨味道可以，但肥膏和肉的比例是8比2！！很過份....三舊都是8比2😡😡😡根本就無肉食。我朋友飲個杯龍眼特飲超超超超超超甜。成杯好似飲緊糖漿甘。我朋友成杯都飲唔到。初初是看了食評見很多好評而去試試。真的中伏了。環境亦很惡劣，有很多蚊支飛黎飛去。餐廳食客全部係印尼姐姐，沒有本港人...我一定不會再光顧😖😖😖

好耐冇出去食飯啦, 今日就食呢間班蘭美食啦! 裝修就好有風格, 野食就好多選擇的, 價錢又平~ 我地就食燒雞班蘭飯($98). 燒雞唔會干, 肉仲好juicy! 飯就轉左做黃薑飯, 食落係好夾的! 另外就仲叫左個印尼四大天王($78). 四大天王真係好豐富, 有D沙丁魚, 巴東牛肉, 雞同雜菜. 牛肉好入味又夠淋! 再加埋D沙丁魚&雜菜撈埋食係好惹味好好撈飯的! 叫左Es Jeruk Campur特飲, 飲落好似柚子蜜, 又唔會太甜! 仲叫左印尼咖啡涼粉冰!! 涼粉好正都幾夾咖啡, 咖啡味就唔太出.

說來話長，其實都有成半年 乜點樣出過街，難得而家個可以出下街抖下。同埋都聽到電視新聞話啲食肆開始有返生意，噉我相信我哋呢班最鍾意食同最愛食嘢嘅人開始受惠了，系時候應該出動喇，二話不說，去返一間好懷念好想去嘅印尼餐廳先。門口有特色嘅小食同糧油雜貨擺喺度。令大家好註意到這間店。但係有時如果你唔覺嘅可能以為呢一家係一家士多。入到去所有職員都同你打個招呼又親切嘅笑容。正正係好懷念我上一次食嘢嘅體驗。到而家都知道真係好無微不至。睇一睇佢哋嘅裝修格局略為修整個。多咗好多帳篷。而家會講究衛生嘅餐廳真係唔多，而家餐廳會做足呢個措施。去分隔兩張枱之間嘅食客同距離。相信衛生一定好好，亦都好尊重返香港嘅環境。佢係一個加分嘅表現抵我再返頭的。坐低後親善嘅職員過嚟介紹佢哋嘅主要食品佢哋匿埋餐牌過嚟逐一介紹，煮菜小食同埋佢哋特色嘅招牌套飯。職員介紹我哋可以食雞髀椰漿飯啲飯係撈咗椰漿。但係會有小小Spicy。另外會有一隻大大雞比好得意好美味都好有印尼風味嘅配料。生菜青瓜番茄呢啲唔少得嘅印尼地道配菜。另外椰漿飯上面仲配左小小薑嘅成分，仲有個類似係芋頭花生糕仲有豆腐一尊。用一個籃仔上菜賣相非常之有特色食落去格外有風味。

印尼四大天王飯 $78（轉班蘭飯 +$15）成個餐單都好吸引，令我選擇困難症，最後就叫咗四大天王飯，可以一次過試勻店鋪皇牌白切雞丶巴東牛肉丶沙甸魚丶同加多加多沙律。個白切雞真係好滑嫩，難怪係皇牌食物，番茄沙甸魚有少少辣，夠晒印尼風味。班蘭飯有少少斑蘭香氣，帶鹹味，單食都好好味。四樣配菜都好足料，個飯又大份，絕對對得住價錢。燒牛仔骨花膠湯粉皮 $88本來覺得花膠湯比較中式，貪得意叫下，估唔到個湯底咁出色，濃郁的雞湯，食到蟲草花的味道，絕對唔係味精湯。湯裡面真係有大大塊花膠，真材實料。燒牛仔骨醬汁微甜，肉質軟嫩，好juicy。羊肉沙爹 $58見到串燒點可以唔order，我同友人最鍾意騷騷的羊肉，串燒表面有一層醬汁，入口軟嫩，先食到沙爹醬的花生味，食到後面羊肉騷味先慢慢出黎，好有層次。印尼咖啡涼粉冰 $30 & 綠豆冰 $28兩杯飲品都可以選擇少甜，好貼心。印尼咖啡涼粉冰咖啡味濃，陪上滑溜溜的涼粉，好過癮。紅豆冰飲得多，原來綠豆冰都好正！

最近食得越菜泰菜多有點悶，朋友帶我去食印尼野。印象中印尼菜污污黑黑比較油膩唔多啱食，今次一試確係對它完全改觀，印尼菜絕對可媲美越菜泰菜。小店細細勁多食客等位，更有不少印尼人幫襯，感覺十分地道正宗。環境一般尚算乾淨，座位空間有限，枱仔細細放三碟野差唔多無位，難得待應收碟勤快一眼關七，欣賞店長用心推介美食。美食質素高，價值經濟貼地，CP值高，一定忍唔住再來番兜。班蘭雞尖塔飯 $68綠色尖塔飯好吸睛下，飯粒粒分明充滿班蘭獨特清香。雞肉嫩滑冇骨啖啖肉有雞味，旁邊有堆韭菜炒麵醬汁味濃，炒得非常好食。印尼秘製汁燒魷魚 $128原條大魷魚望見開心，口感軟彈，醮埋醬汁更加美味，一款青檸少辣甜美，另一款似冬蔭功酸辣刺激，各有特式。沙爹串燒拼盤 $188串燒雞、牛、羊、白鱔各兩串，串燒入味就咁都好好食，醮埋沙爹醬汁更加惹味。牛肉和雞肉都好嫩多汁，羊肉軟嫩無羶味，白鱔肥美爽口大大串啖啖肉感好滿足。珍多冰 $28大大杯好多珍多，啖啖椰香椰糖適量甜度適中，作為消暑飲品，正呀。印尼咖啡涼粉冰 $30涼粉切得好幼條，用飲管輕易啜到非常方便，口感爽爽，咖啡味香濃甘甜好飲。

🔸羊肉沙嗲三串 $58🔸燒雞花膠湯粉皮 $88🔸三重芝士炸碎雞撈麵 $78🔸柑桔青瓜冰 $28.原來喺銅鑼灣H&M附近有條小小印尼街，朋友介紹話俾我知有好多特色食店，當然要去尋覓美食啦！今次見依間餐廳鋪位細細但長期爆滿，仲要拎飛排隊，一定冇死啦！沙嗲羊肉串燒調味好惹味，以蜜糖燒烤醬汁搽面烤至小小焦配埋沙嗲醬好香口。三重芝士撈麵係懷念嘅味道，係讀書果陣成日食嘅營多，配以黑椒調味過嘅炸雞，同韓式嘅炸雞好唔同。最推介嘅係花膠湯！店員都叫我哋要飲晒啲湯，因為係落足料煲十幾個鐘頭，啖湯飲落真係好滋補好濃郁！最後飲咗好有趣嘅柑桔青瓜冰，好清新好啱夏天飲呢！

自從上次食過班蘭葉印尼美食，一直念念不忘佢既原條魚花膠湯粉皮。今晚再約好友一同飯聚，好彩預先BOOK左枱，去到既時候門口已經有唔少人等緊位。一坐底老闆就好熱情又細心地介紹菜式，支持小店!抵食又好味，店員又NICE!黃薑炸原條魚雜錦飯嘩!一上枱勁吸晴，超大碟又多配料~原條魚炸至金黃香脆，內裡肉質嫩滑又多汁，配料有炸茄子、炸豆腐等等，濃香可口。印尼花膠湯班蘭雞粉皮花膠湯底濃而不膩，啖啖鮮甜，仲有一大塊嫩滑花膠，配以爽滑彈牙既粉皮。班蘭雞啖啖肉嫩滑無比。石栗馬拉盞炒通菜通菜新鮮爽嫩，辣度低，炒得鮮美，好有鑊氣勁惹味!牛油果沙冰 大大杯沙冰夠哂消暑~加以朱古力漿調味，口感幼滑豐厚，牛油果味濃郁，飲完透心涼，牛油果控必點!香茅椰糖薑蜜滋補身體之選，甜而不膩，岩哂女士們~

上星期銅鑼灣下班後和同事沒有住家飯吃，來到了這一間之前已經食過，性價比高的印尼餐廳和同事一人點了一杯飲品，椰汁冰份量非常多，而且充滿椰子香氣，在這陣子炎熱的天氣帶來透心涼的感覺，朋友就點了班蘭箭葉果蜜，嘗試了一口，班蘭味道濃郁，配合果蜜的香甜，入口非常舒適燒牛仔骨飯，牛仔骨份量不少，足夠一啖飯一啖肉，而且他們的燒汁偏甜，再加上他們自家製的印尼醬汁，味道非常豐滿點了一客炸蝦餅和同事分享，有別於泰式炸蝦餅，長條型的形狀方便一口一件，外皮香脆，蝦肉彈牙香口，十分值得推薦晚飯過後額外點了一客班蘭蛋糕，$15一件性價比非常吸引，而且充滿濃郁的班蘭香氣，蛋香，絕對不只這個價錢