影片
更多
2022-05-17
43 浏览
愛食辣嘅我之前有睇Dee 哥辣王傳, 當時見到已經覺得好吸引想試. 而呢度嘅咖哩上年2021年仲有攞過獎(2021年度咖哩), 連Error 識食嘅肥仔都鍾意食終於的起心肝約埋細佬去重慶大廈食咖哩, 其實都係我第一次入去食野. 呢間餐廳係1樓, 入去直接上一層樓梯入去就係. 環境乾淨闊落, 點餐每枱都會送上免費胡椒脆餅, 好香脆, 好似大塊薯片咁, 一邊配有mint sauce 幾好食咖喱角 $52vegetable samosa見到有人極度推薦就試下. 有3大隻咖喱角, 即炸起熱辣辣超級脆好香口而又唔會好油膩, 入面係咖哩薯仔蓉、青豆等等. 一邊配有黑色微酸sauce, 有點喼汁感覺😆乳酪脆米球 $75Dahi Poori 超級推薦~ 其實第一次食Poori, 好似個波咁薄而香脆米球, 底部好似有極少量薯蓉. 而呢款再擠入左印度酸奶, 好似平時食嘅yogurt 咁酸酸甜甜勁fresh, 仲多左層香脆口感, 佢亦有加少量香料但個味道好夾. 一向好鐘意食yogurt 嘅我表示大愛呢碟, 做appetizers 岩岩好, 而且份量超多🤣食完可能見我哋清得好乾淨, 老闆/店員攞多左4粒佢個f
終於的起心肝約埋細佬去重慶大廈食咖哩, 其實都係我第一次入去食野.
呢間餐廳係1樓, 入去直接上一層樓梯入去就係. 環境乾淨闊落, 點餐每枱都會送上免費胡椒脆餅, 好香脆, 好似大塊薯片咁, 一邊配有mint sauce 幾好食
咖喱角 $52
vegetable samosa
見到有人極度推薦就試下. 有3大隻咖喱角, 即炸起熱辣辣超級脆好香口而又唔會好油膩, 入面係咖哩薯仔蓉、青豆等等. 一邊配有黑色微酸sauce, 有點喼汁感覺😆
乳酪脆米球 $75
Dahi Poori
超級推薦~ 其實第一次食Poori, 好似個波咁薄而香脆米球, 底部好似有極少量薯蓉. 而呢款再擠入左印度酸奶, 好似平時食嘅yogurt 咁酸酸甜甜勁fresh, 仲多左層香脆口感, 佢亦有加少量香料但個味道好夾. 一向好鐘意食yogurt 嘅我表示大愛呢碟, 做appetizers 岩岩好, 而且份量超多🤣
食完可能見我哋清得好乾淨, 老闆/店員攞多左4粒佢個fds, 印度脆米球俾我哋試. 同樣嘅脆波波, 不過係自己倒入mint lime sauce, 都係酸甜清爽嘅味道. 不過我都係更喜歡乳酪版
南印度薄餅餅 $75
Masala Dolsa
上枱時超長😆 巨型size. 剛煎好會香脆, 帶豆蓉香味, 中間好似crêpe 咁包住薯仔蓉、洋蔥. 一邊有2款sauce, 應該係Sambar辣醬汁同Coconut Chutney椰子醬, 前者濃味d, 後者有點豆同少許椰香. 配一小碗Rasam soup (傳統南印度辣湯)應該係, 清清地嘅味道.
今次無食到普通curry/Masala. 反而挑戰左辣王傳嘅勁辣咖哩Vindaloo. 每款curry 可以再選羊雞蝦喜歡嘅配料.
Chicken Vindaloo $118
點菜時店員有再提醒, this is very spicy lol 食落又真係幾辣. 我覺得ok 不過細佬覺得太辣頂唔住🤣 如果用簡單易明d 嘅譚仔spiciness scale 黎講, 大約係中至大辣？雞肉份量不少, 雖然唔算好嫩滑但都唔鞋身
Lamb Bhuna $128
洋蔥、香料、紅燒咖哩. 呢款咖哩個名都較少見, 有兩片蕃茄, 唔知係咪食完Vindaloo 關係覺得呢款完全唔辣. 不過我哋都比較鐘意呢款香料味, 幾惹味🌶所以最後我係mix 2款咖哩一齊食.羊肉份量好多, 不過就無咩羊味🤣 純粹肉質再腍身d.
乾果果仁蓉烤餅 $38
Prahawari Naan
Nann 4大塊, 呢款口味又係較少見特別嘅. 雖然叫乾果果仁, 不過覺得中間夾左類似椰絲d fds, 又幾香, 仲好似有點點甜味. 就咁食都好食. 而且烤餅乾身攞上手都唔覺油膩
牛油鬆餅 $30
Lachha Paratha
呢款無咁特別, 可能熱即食會香d. 佢餅之間會多一點層次.
Overall 幾滿足晚餐, 而且staff 超nice. 聽完我讚賞個脆米球店員/店長仲特別search 段片我哋知原來呢款小食係印度好出名, 好多女士都喜歡食因為mint 個d 對腸胃好🤣🤣
张贴
