玖五牛肉麵 (已結業)

中午同朋友去試新野，試食新開張的牛肉麵店。覺得很一般......我點了一個‘紅燒半筋半肉牛肉麵’，麵底可選擇軟硬，我選了硬，湯底要辣。 結果牛肉和牛筋麵份量幾多而軟林林，尚算不錯。而麵底方面，我朋友選了’軟‘，但口感跟我的‘硬’身麵一樣，而且麵底不入味......最後是湯底，味精真的很重，吃過後要喝很多水......整體而言，午市$88一碗麵，食物質素普通，但不過不包飲品小食，水都沒有，服務只能說不過不失.....所以真的不值這個價錢。

何超蓮開嘅玖五牛肉麵，聽好多人講過，今日專誠嚟朝聖，位於銅鑼灣駱克道, 有幾幅畫我都覺得好有台灣風味。紅燒半筋半肉麵： 食得出淆咗好多個鐘嘅湯底,非常鮮甜牛肉味,好濃厚, 有掛湯嘅效果 , 牛肉有咬口，牛筋炆得好淋，入口即溶。( 如果食得辣,可以加麻辣汁)鹵水豬耳豬腸: 賣相已經好吸引 ,加上好香同好濃厚嘅滷水汁包圍住豬耳同豬腸, 爽脆嘅豬耳加上鹵水汁，知道原來係秘製好多年, 值得一試。餐牌上其實好多小食都想試,不過實在太飽關係,下次希望可以食到唔同嘅野。如果有四個人可以叫多一些小食share。

我有位台灣同事～於是乎帶佢黎食睇睇究竟味道如何～我地分別嗌jor三個紅燒牛肉麵一個半筋半肉、兩個全肉；而我就嗌jor番茄牛肉麵全肉。番茄既湯頭非常甜，相比紅燒牛肉麵就無出色；佢既牛筋亦非常軟；佢既麵量係剛剛好，我地四個女仔全清。但係我感覺湯頭比較淡，可以再濃味啲。佢個碗好大，會令你錯覺內容好多，非也。同時我地亦叫jor佢既滷味～滷味黎講，味道可以，但係份量太少！但台灣既豬血糕會比較好食；皆因有烤過而且會撒孜然/胡椒鹽。整體滷味黎講，就係貴而且份量少。台灣同事亦稱讚味道可以，只係價錢會令人卻步。

話說之前都聽講超蓮係香港開左間麵店終於有幸去打下卡 XD不過玖五牛肉麵是因為主人家95年出世嗎???去到都要排左陣先入到去可能是星期五晚的銅鑼灣吧反正不是等太久(還好)感覺上裝修比較偏素色配上簡單一點的掛畫作裝飾感覺頗舒服，員工服務也不錯看了一下就要了一份麻辣臭豆腐和招牌三合一拌麵麻辣臭豆腐做得不錯有點像前陣子去台灣夜市吃的味道如果有酸菜會更好自己拿了餐前的前菜配一下吃招牌三合一拌麵呢個真係出事，叫完醒唔起台灣野會有牛雜...三合一就是牛腩、牛肚、牛根諗住夾俾同行既友人先發現真係好多...唔洗咁足料呀...拌麵個汁既份量差唔多岩岩好夠拌晒，味道算不錯另外要左杯土鳳梨珍珠茶上網爬了下才知道什麼是土鳳梨原來跟菠蘿是不同的東東入口是的甜是粗糙一點，不像菠蘿的清甜但頗易入口的啊

在香港連續10幾日嘅高溫天氣，一出街已經大汗滴細汗，甘反常嘅溫度真係令人透五到氣，行到銅鑼灣附近看下有D咩新野食。好快，我地就穩到呢間玖伍牛肉麵店，行近到店鋪的街口就發現非常熟悉，原來係超蓮開的一間在台灣主打平民有特色的牛肉麵店，剛開業時經過發現大量的花牌祝賀，以及人龍都非常多。今次，可能因為平日中午，入到店內也不需要排隊，直接入座。店舖招牌較為簡約，貼近台灣餐廳風格。店內更有些畫作和書法掛在牆上，更獨具一格。紅燒牛肉麵平時比較少嘗試台式嘅牛肉麵，呢次黎到一於叫翻碗招牌嘅紅燒牛肉麵。熱騰騰的麵黎到，賣相較為台式，食上去麵條嘅質地口感都五錯，而當中精髓的牛肉食上去較為硬身，但香氣還是十足的，而牛肚就吸收湯底嘅精華，食上去都很好，唯一不足就係本身食慣重口味的朋友可能就會覺得湯底較為淡，畢竟都是主打無味精和健康的台式牛肉麵。招牌三合一拌面聽說這個拌面都幾受歡迎，女朋友就叫左呢試試，裡面包含牛肉，牛肚和牛筋，都係好經典嘅配搭，牛肉本身較為厚，但食落口都十分嫩，而牛肚亦十分爽口有，女朋友最鍾意嘅牛筋都好有咬口，啖啖都係骨膠原，十分喜歡！麵條係較為軟身，配搭上幾以上嘅食物係相當夾。值得一讚係份量是

紅燒半筋半肉牛肉麵($88)其實上枱個刻真係以為黎左個淨麵，牛肉牛筋唔多見到，唔講以為係食淨🙄不過牛肉係冧，湯底夠濃郁。值得一讚既係食完唔會好口乾，真係冇落味精，但係唔值咁貴囉🤦🏻‍♀️-牛肚拌麵($88)用牛肚作為主餸，係台灣麵舖少見，有少少台港fusion既感覺。牛肚幾爽口，麵都q彈，不過GM嗌左加辣，但係辣醬同拌麵唔多夾，應該原味會好食d🤔-麻辣臭豆腐($32)開頭以為係煎既臭豆腐，冇諗過係有汁。臭豆腐唔算話超臭，食落實淨，都算唔錯，辣度適中。-台灣腸肉燥飯($67)依個飯有驚喜！😍台灣腸食落超似豬肉乾，又夠juicy，撈飯食一流。而且肉燥加左麻油，令成碗飯更加香口，可惜略嫌肉燥份量太少，只有一督仔。-滷味3併 - 甜不辣，滷豆干，滷花干($28)普普通通既滷味，不過甜不辣就麻麻地，唔夠煙韌，可以唔嗌。--蕃茄半筋半肉麵 (小辣)($88)蕃茄味唔出，但又蓋左牛肉味，都係原始牛肉麵最好食-好味指數: 6.5/10賣相:6/10性價比: 5/10

本身中意食牛肉麵既我，見到最近宣傳，所以一心諗住去試下台灣牛肉麵，叫左推薦既紅燒招牌三合一同滷味小食。紅燒招牌三合一牛肉麵，係牛肚，牛根，牛肉配搭， 湯底完全唔夠濃郁，黎既時候又唔夠熱，牛肚唔夠入味，牛根還可以，牛肉炆得唔夠腍身，整體完全冇台灣風味。滷味小食就叫左甜不辣，百頁同豆干，唯一好味係甜不辣，其他就味道略為略為偏鹹，沒有什麼特別。總括言而，食物質素同價格不成正比。真心失望同quota,應該唔會再幫襯。

作為一個標準香港遊客，每次到台灣必定會食地道正宗的牛肉麵；始終旅遊時間有限，又想盡量品嚐其他美食，所以每次也只能去一至兩間台灣牛肉麵小店。只知道每間牛肉麵店的湯底、麵條，甚至牛肉、牛肚、牛筋的味道及質感都有所不同，通常旅遊雜誌介紹的牛肉麵店都不會差到哪裡去，但到底哪間才是最好味就真的很難說了，因為總會與個人口味有所關連。最近兩個月，台灣牛肉麵再次掀起城中熱話，全因城中名媛何家小姐「隨意地」花了二百多萬元踩入飲食界，引入台北「玖五牛肉麵」於香港開設第一間海外分店。可能已有兩年沒有去過台北吧，真的沒有聽說過「玖五」的大名，到底是否非常美味或者有什麼特色之處，所以吸引了何家小姐小試牛刀？不清楚「玖五」在台北的路線如何，但在香港經營過江龍餐廳，裝修總要有一點特色；所以，香港分店並不是最傳統地道、街坊地踎格局的老派台灣牛肉麵店，而是走乾淨企理、簡約年輕的摩登牛肉麵店裝修風格。牆壁上的裝飾就只有一組對聯（其實都幾老土，不過總算配合室內裝修色調，並不顯得突兀）、十多張牛肉麵及台灣滷水小食照片、以及幾幅蠻有風格的黑白插畫。牛肉麵有三款口味；紅燒、麻辣、拌麵；只喜歡清燉原味的話「玖五」就不是你的那杯茶了

近期大熱台灣過江龍超蓮牛肉麵💁🏿梗係唔執輸啦而且爸爸都想食台灣野🤤仲有咁啱見到老闆娘🤣 @laurinda_ho <#肉燥燙青菜 $28>賣相唔錯有粒粒肉燥喺面 亦唔會油淋淋👍🏿菠菜白灼程度剛好但份量可以多點👅<#滷豬腸豬血糕 $38>呢個反而有驚喜🤙🏿豬腸好乾淨又起晒啲肥有肉質🤤不過建議切成圈狀口感會更好😊豬血糕好香米味❤️煙煙韌韌一條條好好食❤️呢度嘅滷水唔會滷得太過火💁🏿‍♀️保留到食物嘅鮮味😻<#蕃茄招牌三合一 $95>試左香港限定嘅湯底👅藥材味帶點清淡嘅酸味好開胃💞舊紅蘿蔔先係精髓好香甜💜個人最鍾意牛筋😎超冧仲要入口即溶仲有豐富膠質❤牛肚都夠冧但略嫌切得太幼🤣牛肉肉質都唔錯好香但切片狀會比較易入口🤭揀左硬麵都唔錯不過可以彈牙啲😻呢度份量都好大碗所以價錢公道🤣🤩仲有多謝員工請左我飲新特飲😂好香士多啤梨味果醬有士多啤梨核有口感甜甜地唔錯👍🏿但我認為奶嘅份量可以多啲🤭因爲上面好淡但下面太甜 或者可以加士多啤梨果肉就冇咁甜又鮮啲💁🏿整體不過不失服務態度好 值得一試不過試過就可以了😂後記: 唔知係咪湯底煲左48個鐘太濃味食完有啲渴🤦🏿‍♀️📍#玖

今日一行6人去食好野去到門店大約等左5min左右就入到場我與眾不同地叫左牛肉拌麵呢間店好細心有得比客選擇麵質係軟，硬今次我選擇了軟牛肉的味道真係好入味拍得住台灣的牛肉而且蔥的味道提升左整個麵的味道麵質好有咬感但有一件事係店舖係需要加強麵的份量太少了🙈食完個肚有種空洞的感覺因麵的份量性價比降低了所以大家去食之前要注意呢點唔好預食得飽同事們叫的全部都係湯麵佢地話湯的味道好好感覺係冇咪味精有點像台灣的藥膳湯底

睇到openrice排行榜，台灣牛肉麵喎！好即管去試下。 4點鐘去冇人排隊非常方便， 入到去得三個客人，不過，食評讚到頂呱呱，自己都要試下架。 點咗個紅燒牛肉麵選擇麵要軟身， 再點一個， 大腸拼豬耳 。 紅燒牛肉麵個湯底就唔差， 好夠味道 。 牛肉冇乜特別， 只係其中一舊比較韌 ，食唔到 。 大腸拼豬耳 因為佢啲汁，淨係淋上大腸豬耳上，冇撈勻， 汁偏鹹 ，我雖然食得鹹，我都覺得鹹咗啲， 大腸係洗得乾淨， 好安心食。 可能地方始終都係駱克道 近馬師道嗰邊，所以人流都唔係咁多，附近都係一啲建築材料店 。 喺門口未入店舖之前，已經望下裏面見到五個員工企曬喺度， 一個食客食緊， 另外兩個食客玩緊手機， 感覺冷清， 步伐都定一定，都諗緊入唔入去試㗎！ 題外話得三個客，之後再加埋我， 正常應該唔會出錯，但係竟然食完碗牛肉麵， 大腸拼豬耳遲遲都到， 追問一下，原來係漏咗單 。 離開後勁口渴 。 食食下野突然個主管叫個同事掃地， 另一位呢喺度用毛巾 抹塵 。

有一排用P字頭果個app買外賣, 某日就做呢間餐廳的外送, 試左佢個紅燒牛肉麵望價錢; 嘩成70幾80幾, 差不多成100蚊個麵, 貴不過人一世物一世, 由其是係新公司到而家都未食過好野, 就膽粗粗試下佢個麵到外賣到了, 湯同麵係分開既, 抵讚 (某D餐廳係會撈埋驚硬麵chok親XD)份量就老實講很少, 少得可憐; 可能照顧小弟減肥需要但試佢第一淡湯, 就覺得好正; 好重蘿蔔味, 清甜得黎而唔會好似其他台灣麵咁燥, 堅正個麵都好爽滑, 唔會因外賣而凍晒或林晒 而牛肉都好有牛肉味, 肉既質感好彈牙, 好重肉味, 堅有牛肉味, 同以前食的台灣麵係冇得比真係一分錢一分貨, 唔會縮水牛肉, 同埋馬虎湯底食完後覺得唔夠喉...下次去實店試下先總結: 90分/100分 , 會翻兜

最近網上很多人介紹超蓮牛肉麵，但口啤給人感覺滿一般的，但身為台灣愛好者，上星期要親身吃吃看。餐牌食材以麵類及滷味為主，可選麵的軟硬度。每人點了一款麵，紅燒招牌三合一軟麵(小辣)、麻辣招牌三合一軟麵(中辣)和招牌三合一拌麵(中辣)，個人比較喜歡麻辣的湯頭，濃中帶一點微辣，味道不錯，3碗的牛筋和牛肉非常入味，牛筋軟軟的，牛肉肉質嫰滑，麵質硬度適中，美中不足的是麵如可以入味一點更佳。麻辣鴨血份量滿多，鴨血入口嫰滑，與辣汁味道滿配的。麻辣臭豆腐滿有台灣的風味，辣汁令豆腐十分惹味，但臭味可強一點更好。燙青菜每件食物都吃到台灣的味道，這燙菜也是，很少餐廳可以做到，非常嫰，好吃。有時真的要想一想，是仇富還是甚麼，比他差的有很多，而他的味道也很接近台灣的風味，真的值得負評嗎？個人覺得飲品可改善一下，味道偏淡。

對我來說，台灣牛肉麵是可以列入本人Top 10至愛食物之一，今天專程一試玖五這店，當然不會因是由不是飲食專家的名人投資而來，為的是道地由台灣引入這名目。點了蕃茄牛肉麵及一杯冬瓜檸檬珍珠，作今天簡單的午餐。飲品先上，冬瓜茶底清清的，滲着淡淡的檸香，配上Q度適中的白色珍珠，是一個清淡不甜的飲品之選，若能讓冰凍感更突出，更消暑。因不知為何，冰塊下得不少的了，但仍不夠冰凍。主角終於上埸，牛肉是一塊塊的，份量不算少，還有紅蘿蔔件，蕃茄蓉及半透明的洋葱，也有老薑片及大量葱花。先喝兩三口湯，清甜有牛味，也有不俗的蕃茄酸度，湯夠熱，感覺不會肥膩，心大喜，因在香港不易找到好吃的台式牛肉麵。怎料，一放牛肉入口便由天堂跌落地獄，牛肉實而不腍，令很多肉纖維也攝入了牙縫，最敗筆是無甚味道，像煲完老火湯的湯渣。再吃白色扁麵條，揀了軟身，仍有煙韌的口感，所以揀硬身的話便真的頗硬，麵的入口感覺一般，滑又不滑，掛湯度又一般，麵本身也没有味道似的，唯一可取是份量不少的。被迫評這牛肉麵不合格，皆因牛肉及麵水準算差勁，紅蘿蔔件反變成最好吃的餸料！另外，為免錯判及給自己多個希望，我臨尾再問店員，紅燒牛肉麵的牛肉是和蕃茄牛肉麵的

紅燒招牌3合1（$95)今次終於一試何家千金主理嘅台式牛肉麵店，好彩夜晚食飯時間去到都唔使等位，仲撞到四太一家人喺隔離枱食飯🤣 黎到當然要試一試個招牌三合一先，紅燒牛肉麵湯底非常之濃郁，牛骨味濃，幾惹味，唔錯👍🏻 麵質可以揀硬度，叫左硬，粗粗地既麵食落煙煙韌韌咁又幾好。而三合一嘅配料有牛肚、牛𦟌同牛筋，牛肉做得幾鬆軟，其他就普普通通。成碗麵真心又唔係出面講到咁差喎😂 我仲覺得都算幾好食👌🏻🌶🍜麻辣牛肉麵 （$78)除咗叫左招牌紅燒味之外，我哋仲叫咗麻辣牛肉麵，湯底個麻辣味都算係幾香，食落唔算唔係好辣，就算唔係好食得辣都會接受到。不過麻辣嘅味就搶咗牛肉嘅鮮味，我個人覺得麻麻地，相對之下招牌牛肉麵就出色好多。多款滷味都算幾抵食，味道就不過不失，黎到想食都可以試下。飲品方面就唔係太抵了，成30幾蚊一杯。