玖五牛肉麵 (已結業)

紅燒招牌3合1（$95)今次終於一試何家千金主理嘅台式牛肉麵店，好彩夜晚食飯時間去到都唔使等位，仲撞到四太一家人喺隔離枱食飯🤣 黎到當然要試一試個招牌三合一先，紅燒牛肉麵湯底非常之濃郁，牛骨味濃，幾惹味，唔錯👍🏻 麵質可以揀硬度，叫左硬，粗粗地既麵食落煙煙韌韌咁又幾好。而三合一嘅配料有牛肚、牛𦟌同牛筋，牛肉做得幾鬆軟，其他就普普通通。成碗麵真心又唔係出面講到咁差喎😂 我仲覺得都算幾好食👌🏻🌶🍜麻辣牛肉麵 （$78)除咗叫左招牌紅燒味之外，我哋仲叫咗麻辣牛肉麵，湯底個麻辣味都算係幾香，食落唔算唔係好辣，就算唔係好食得辣都會接受到。不過麻辣嘅味就搶咗牛肉嘅鮮味，我個人覺得麻麻地，相對之下招牌牛肉麵就出色好多。多款滷味都算幾抵食，味道就不過不失，黎到想食都可以試下。飲品方面就唔係太抵了，成30幾蚊一杯。