王子廚房

营业中

休息中

原本老爸話想試呢間「王子廚房」個陣 已經上openrice睇過食評 見到全部回應都好正面🤔 估唔到食落真係極高分🤩💯星期日6pm去到都係得一檯6人客 上菜前會跟人頭上蒜蓉法包 侍應都好有禮貌🙋🏻‍♀️ 我地全家4人嗌左一個pizza 一個意粉 一個意大利飯 一個串燒 同兩杯芒果奶西share飲 已經好夠飽🥴食完法包 就啱啱好上嘢飲 芒果奶西都係跟openrice食評嗌 諗住實無死🤔 點知又幾正 酸酸甜甜幾開胃 仲要每杯上面都會畫公仔😂😂Pizza🍕加$10可以雙拼 嗌左果兩隻味都咁好食 分別係兩個招牌款 兩隻都好yummy🤤 (唔記得實際個名👻)但我偏向鐘意酸忌廉個款🥰 雖然睇落俾想像細少少 但絕對份量十足 其實女仔食完個pizza都有少少飽😂意粉同意大利飯嘅份量比一般西餐廳多一倍 絕對唔會係一人一羹就無曬😆 兩碟味道不過不失 相比下pizza會驚艷啲✨豬肉串燒就最後先上 比起其他嘢食 串燒係我地等得最耐 差啲以為漏單🤭 但好在都唔差 只係媽咪略嫌有啲過鹹 但我地3個照樣清曬🤪💰埋單4個人食左$544 人均都係$136💰🌟總結🌟 呢個價錢食到西餐水準 係其他區未必搵到 但建議多啲人一齊食

今日係屯門搵到呢間王子廚房，個名幾得意，又係食多國菜，就吸引左我去食啦今次我係lunch去食既，門口menu見到既lunch set好多、好吸引。餐廳入面環境都唔錯，坐得好舒服，仲有張吧枱咁，好靚！叫完餐，估唔到有餐湯送睇漏左，結果有啲小驚喜今日餐湯係豬肉湯，少少杰，應該好足料，飲到有少少胡椒味，好正！Chicken quesadilla，四大塊，唔怕唔夠飽，入面芝士多到爆晒出黎，睇見都興奮，加埋啲sour cream係上面食一流！地中海香草烤萄國雞，老板知我同女朋友黎，突登用個心形碟上菜萄國雞煮到啲肉好影散，唔洗用刀整得開，食落好重香草味，肉質又軟身。隔離啲汁咸咸甜甜得黎又有少少辣，好好味，第一次食，唔知用左咩配料呢我地叫既椰汁菠蘿沙冰，老細都係上面畫左個心，仲要用箭串住女朋友好開心椰汁味唔太出，反而飲到菠蘿汁味多，入面粒粒碎冰，好飲今餐食得好開心，香港好耐無出現啲咁有人情味既餐廳！

#屯門特色多國菜#王子廚房#今日同一個識咗十幾年嘅朋友慶祝生日🎂於是我哋就去咗一間好有特色嘅餐廳叫‘王子餐廳’😍呢間餐廳係食多國菜㗎🤓可以滿足晒我所有願望😇一入到去餐廳😁環境都好舒服又乾淨😉而且都幾闊落😲一打開個menu 真係花多眼亂，有唔同國家嘅菜，有泰國🇹🇭西班牙🇪🇸墨西哥🇲🇽意大利🇮🇹印度🇮🇳港式等等🤘🏻總有一款咁你口味🤭店主服務態度好好😌會主動推介菜式👍我哋分別叫左3⃣️個菜式😇蝦肉墨西哥🇲🇽薄餅 （$98）入面有好多蝦肉😌多到數唔哂😋仲有好多芝士同生菜🥬非常好足料😆d芝士仲可以拉絲🤭加埋脆嘅餅非常之夾😲如果想酸酸甜甜可以配埋加醬一齊食蔬菜咖喱角（$24/2）咖喱角一向都係配肉嘅餡料😋今次試吓淨蔬菜味🥬感覺上好健康d🤣蔬菜饀料同脆卜卜嘅皮一齊食😆非常正🤭咖喱牛腩配印度薄餅個咖喱好有咖喱而且牛腩好淋加埋脆卜卜又大塊嘅印度薄餅，非常之夾🤚🏻一啖咖喱😍一啖薄餅😬食到我地好開心😚我朋友對今餐生日飯好滿足👍話下次再嚟

介紹一個在屯門不錯之平民多國餐廳。今天午餐便去了置樂附近的這間餐廳，先看看餐牌，有14款午餐， 琳瑯滿目。最後選了咖喱羊肉及非洲鷄，配上白飯和烤餅，一絕！還有餐湯及餐飲（凍飲不需加錢。讚！）送到的非洲雞有半隻，讓我肚皮滿足！咖喱羊肉也是滿滿的，不會只有兩三件，哈！鷄肉和羊肉也軟軟滑滑，容易入口，味道也不會太濃裂。已約 150元之兩人午餐，真的是一個不錯的地方。溫馨提示：此處咖喱羊肉是用酸咖喱，會帶酸，不要誤會是壞了！

聽朋友講屯門置樂有間餐廳食pizza幾出色，於是就入去試試佢。入到去都幾闊落，坐得舒服，疫情下都唔洗怕同人迫。食物嘅選擇都好豐富，睇相已經覺得吸引，似外國local風味，最後揀左莎樂美腸薄餅同墨魚汁意大利粉加2杯芒果拉西。芒果拉西 $38拉西係乳酪加水同水果同香料製成嘅印度飲品。口感有少少creamy ，甜度比想像中啱口味，個人覺得冇一般手搖咁甜，好飲。老闆仲好風趣咁畫左公仔係飲品上面，好親切。墨魚汁意粉 $115意粉口感彈牙爽口，索曬墨魚汁嚟唔會太濕。蝦仁新鮮結實，份量又夠多。蝦仁同意粉一齊擺入口，食完記得唔好依起排牙。莎樂美腸薄餅 $115重頭戲梗係pizza啦！睇menu嘅相已經想試，因為睇落同香港食到嘅有啲唔同。平時好多時食到嘅pizza餅底都好厚，而外國風味嘅餅底通常偏薄脆，食落我就覺得剛剛好，有厚度得嚟薄身咬落脆口，好正！而佢嘅配料同香料食每一啖都會充滿住口腔，縈繞係舌頭嘅味蕾上。拉絲拉到想幾高就有幾高，出色。食到最後，聽到侍應話有心太軟食，心思思想試下。嚟到一切開果然冇失望，流曬心。連埋雪糕一齊食，好邪惡啊！總結：個人認為呢間算係隱世餐廳，味道好出色都冇乜人知，值得再次翻

入開屯門，見到呢間王子廚房，佢d食物幾吸引就黎試下環境幾舒服，坐位都好闊落，就算2個人都可以坐一張大枱，唔洗同其他人迫。服務方面都好好，老闆好nice，店員都好好服務。芒果拉西呢個飲品好特別，我比教少食印度野，睇一次見，見個夠都唔知佢係咩野飲，不過見唔少人都飲就試下，佢係有乳酪，牛奶同芒果做，佢飲落有沙冰既質感，企又唔會好多冰，有乳酪既味道又唔會遮左芒果味，相比起普通芒果沙冰好飲好多甜度適中，老闆仲親自畫上圖案，又見我地2個人好好人請我地飲多杯，呢個係印度特色既飲品直得一試。莎樂美腸薄餅佢既pizza款款都好特別，好有地道特色，同出面d大牌pizza店好唔同，皮係薄皮，唔會厚到食面包咁，皮好脆，配料亦好足料，大大塊莎樂美腸片，佢有水牛芝士同意大利芝士，最驚喜係佢既芝直可以拉絲拉到好長，我都第一次食puzza可以拉到咁長芝士，做到咁既水準價錢都唔貴，比出面食既平。墨汁意粉佢既意粉分量好足，蝦亦都唔少，d蝦都唔會係細隻到蝦仁個種，size都有翻咁上下，佢有蒜香味但又唔會食到口臭，呢個意粉好抵食。心太軟佢即叫即做真係好新鮮，外面少脆入面係好流心，d朱古力漿好暖又唔太熱，夾埋雪糕一熱一冬雙重感

屯門少有心機即整pizza，店員好似尼泊爾人，但好好Service!👍🏻Pizza 好足料，勁好芝士，小朋友超鍾意！好似一百蚊鬆啲，超值墨魚汁意粉亦很出色仲有個羊膝亦好大份！再飲埋生啤，飽曬！

屯門多國菜餐廳，老闆是正宗印度人，非常親切，員工都是印度人，但擁有流利的廣東話👍🏻餐廳🍴菜式十分廣泛，意粉🍝意大利飯🇮🇹、pizza🍕印度卷物🇮🇳小食等應有盡有，一定滿足到你🤤餐前小食(免費🆓)蒜蓉包🧄表面焗至金黃色👍🏻十分脆口，很濃味墨魚汁意粉🦑食完會整個咀黑色🤣烤意粉拌大蒜🧄、紅葱頭、蝦🦐墨魚🦑紅辣椒🌶️蕃茄醬、新鮮茴香、車厘茄🍅蔥、荷蘭芹首先份量都好大份下，平時岀面最多都係俾3/4，所以如果同人嚟可以share，超值蝦🦐份量都有7-8隻，平時岀面真係俾3-4隻就收你百幾蚊，所以好抵入口很香蒜味👍🏻Mint mango milkshake 🥭 超好飲🤤落咗mint 超fresh

第一次為餐廳留下食評 呢間餐廳無論2人撐枱腳定成屋人食 佢既款式都會有適合你既 剩係佢既pizza 已經好好味 再加埋西班牙烤雞 四川炒蜆都十分好味 仲可以叫杯啤酒 嘆一嘆 疫市當下 希望為佢地加下油 ps(上餐會慢啲 廚師唔夠人手 而且佢地好努力咁學廣東話 剩係呢一點我已經好respect 記得有一次食晚市 個老闆個日見到霖檔 俾咗杯細stella我 同女友 雖然係等得耐 但唔影響質素 希望大家第一次幫襯既時侯 唔係趕時間去食 唔係一定會影響到心情 加油

第一次去到三聖食野，差啲蕩失路，不過其實輕鐵三聖站行10分鐘內就到。後尾餐廳老闆教落原來可以係附近搭港鐵接駁巴士K52返屯門西鐵站落，方便好多！餐廳裝修乾淨企理，啲位都坐得舒服。我地一坐底就比pizza 吸引左，叫左意式辣肉腸茴香薄餅拼印度烤雞薄餅($112)，佢可以雙拼咁樣揀，只係額外加多$10。pizza都算幾足料，而且芝士拉絲目測至少15cm🤣🤣 餅底厚度適中，少少脆身，食落都軟熟。印度烤雞幾重香料味，正常發揮。意式辣肉腸嗰塊就比較惹味，有兩款香腸，味道都幾豐富，但亦都唔會太鹹。另外我哋仲叫咗印度咖喱羊肉配烤包($89)。原本咖喱淨係午餐先有，但係我哋膽粗粗問夜晚可唔可以有得嗌，結果侍應走入廚房問完之後話可以特登整俾我哋😆個咖喱微辣同埋偏甜，食落唔算太油，我同朋友都唔係好食得辣，覺得味道啱啱好！成碟總共有四至五舊羊肉、兩三舊薯仔，仲有四件烤麵包跟😛羊肉食落冇乜羶味， 不過我就覺得可以再煮得腍啲。朋友仲叫咗一杯芒果拉西($38)，開頭仲驚會太甜，但係飲落甜度啱啱好，芒果味好香濃！飲完開胃唔會覺得漏，絕對係加分😁最後必須要讚下老闆十分熱情好客，會主動走埋嚟介紹餐牌嘢食，埋單之後仲教我

之前試過係度食餐晏，一直念念不忘，今日終於同屋企人黎食晚餐之前黎親都係食晏，今次入夜先留意到原來佢地啲燈都好有印度feel夜晚原來係會送蒜蓉多士，平時午餐係冇既，細細塊牛油味幾香海蝦意粉好大碟！份量好多，連蝦都有六至七隻，隻隻都大隻爽口，意粉唔會太淋，仲掛到啲汁係上面，唔係太辣但夠蒜蓉味，正🤤同埋個份量大到食完大家都七成飽至尊supreme pizza! 極度推介呢個pizza!!!個拉絲真係不得了，pizza有黑豚腸、火腿、辣肉腸、蘑菇、菠蘿、黑橄欖同蕃茄片好多料，每一啖都係啲toppings，而且唔會食食下甩哂啲料既情況出現啲料既味夾得好好，而且餅底好脆，岩哂我！拉絲🤤超得意芒果Lassi 好有愛既Lassi,上菜時老闆仲話希望我地日日都咁開心睇得出老闆好有心煮野食，佢會問客人有咩意見，而且仲預告埋下個月有新Menu,話好想介紹印度菜比香港人，希望帶多啲唔同既印度食菜式比香港人認識同欣賞，佢都幾有心，期待佢地既新菜式！

係屯市行到攰開個openrice 睇下有咩食，碌碌下見到依間多國菜幾吸引🤤雖然我地食得唔多而且佢份量都唔少，但發現佢位置都幾"穩世"，但絕對值得encore🤪✨雙併pizza(三文魚希臘+牛肉意式肉腸)前者有蕃茄，青蔥，三文魚，酸奶油，蔥，蒜，薄荷，水牛芝士。後者有意式肉腸，洋蔥，大蒜，水牛芝士，煙燻煙肉，茴香。餡料好足🤤芝士多而且可以拉絲，比平常食到既pizza唔同既係佢加左蒜，風味更特別香口，再加上蕃茄、洋蔥可以中和肉既濃味，配合得好好😋肉的話比我感覺有種中東風味，餅底方面唔會太厚太薄剛剛好，絕對夠飽而且好滿足🤩✨雞肉墨西哥薄餅美國雞胸肉，洋蔥碎，大蒜，蕃茄，車打芝士碎，意大利軟芝士，牛油果醬，莎莎醬，酸忌廉。又係餡料絕不手軟系列，薄餅偏乾身，都合理因為入面既醬汁先係主角，厚厚既雞肉加上兩種cheese，食落超juicy，加上有生菜，感覺會比pizza清新啲，而莎莎醬酸酸地，如果試完原味薄餅後建議加上食用，會有唔同既感覺😁✨stella 大杯最後當然嗌杯啤酒醒神一下，$45價錢合理👍🏻依間實在有太多菜式😂😂印度，西班牙，意大利，墨西哥，土耳其，西式乜都有🤣下次再黎食，不過要一班人黎

突然好想食kebab 所以就入左呢間餐廳食個lunch!點知比佢個咖哩驚喜到!! 所以話食印度人開既餐廳 咖哩係一定無死!!! 一定係好好味!入面好光猛 空間感好足夠 而且感覺好乾淨！ 我地一坐低佢就送上是日餐湯! 忌廉蘑茹湯! 超warm! (因為佢地中午只有lunch set) 🤤土耳其烤雞肉卷$48 皮薄餡靚🤤 入邊啲餡係超級豐富 有生菜蕃茄雞肉同埋好多醬汁好Juice🤤 份量超大！ 絕對夠飽！ 而且上嗰陣時仲係熱辣辣😍🤤西班牙燉海鮮 配飯 $55係一個以蕃茄做base 既燉海鮮 入邊有好多唔同嘅材料 包括豐富嘅海鮮例如青口 蜆 蝦 魷魚 薯仔 燈籠椒 蕃茄 紅蘿蔔等等！ D汁超級送飯！ 成碗白飯食晒🤭 味道唔會太濃 適合我哋呢啲減肥人士🤣🤤王子廚房特色羊肉咖喱 $55唔好睇佢好似平平無奇嘅咖喱！ 係絕對令你有驚喜！ 因為個咖喱好好食而且羊肉完全冇so味 仲有個羊肉燉得超級林😍 幾乎係入口即溶不過建議大家配薄餅食應該更加有風味不得了😍加錢仲叫咗兩杯特色印度特飲🤤

今日晏就黎食呢度既set lunch,首先價錢真係幾相宜，我地嗌左一個印度咖哩配烤餅同埋羊肉烤肉卷，埋單都係110蚊，仲要兩個set都咁好食印度咖哩配烤餅首先個咖哩真係好香，睇個汁可以估到用左好多香料去整成，而且唔似平時啲咖哩得個辣，係有好豐富既香味 烤餅都整得好好食羊肉烤肉卷好大份，真係好大份😂而且好足料，入面有好多羊肉，啲洋蔥同其他配料都好夾，都幾好食美中不足係嗌杯熱檸茶個份量少左啲 凍咖啡就中規中矩

📍屯門 -#王子廚房——-雞肉墨西哥薄餅-雞肉闊條麵 ——-雞肉墨西哥薄餅墨西哥薄餅配上雞胸肉,洋蔥碎,大蒜,蕃茄,車打芝士碎,軟芝士,牛油果醬,莎莎醬及酸忌廉.口感十分豐富 味道唔錯 好好味😋有拉絲效果嘅芝士真係好正🤤 佢地嘅雞肉醃製咗 咬落去啖啖肉 我比較中意配上酸忌廉一齊食 個味道會再特別少少 👍🏻 而且薄餅外皮香脆 咬落去脆卜卜 呢個薄餅啲料又足又豐富 份量都唔算細 -雞肉闊條麵  以洋蔥,蘑菇,雞肉,巴馬臣芝士.一開始望住碟闊條麵 以為佢係偏乾身無乜汁點知撈埋啲配料個陣 個底係有醬汁 整體個闊條麵夠濕潤 因為本人麻麻地乾身嘅意粉🤣好彩佢嘅醬汁好夠😋 食落一啲都唔膩 蘑菇同雞肉份量夠多 👍🏻 雞肉食得出醃製過 有少少香料味 令個意粉冇咁單調——