王子廚房

营业中

休息中

叫左個咖喱牛腩飯係下午1:30去午餐  人流較為疏落  又想坐位坐得舒服    又唔想咁多  去呢間就岩  冬天凍冰冰  最岩食d熱辣辣  這間餐廳的咖喱🍛沒有好像屯門咖喱屋一樣的辣  看來是想區分兩者之間不同之處    這間的咖喱較為杰 當中包括了小小了薯仔蓉 所以 淨係食汁 應該都飽牛腩又林 食落一疏疏 唔會攝牙 好味配菜有薯角同生菜切絲及粟米粒 顏色吸引另外 可以選擇脆餅 /薄餅 /飯本來想叫飯 但指錯左 黎左薄餅(nann)服務生很好 另外 給予一碗白飯本來以為薄餅好難咬 但原來都好易咀嚼⭐️所以 又有飯 又有薄餅...最後兩樣都食唔哂🥺咖啡☕️都好驚喜 不馬虎 雖然 不是latte 但表面上有層泡沫味道如常為整餐飯添上完美句號！

一間不錯的印度西式餐廳，餐牌裡有很多不同菜式任均選擇：有比薩、有雞卷、有西班牙焗海鮮飯、有炸薯角，有沙律……琳瑯滿目，但我個人覺得餐廳最好吃的一道菜，反而是這道咖喱羊腿飯 (Lamb Shank)。這間餐廳是少數族裔人士開的，經歷兩手老闆經營後，轉而到這位主廚及其公子接手，幸好主廚仍未離職，才得以保存Lamb Shank的味道至饗於今。坦白說，為了配合香港人的口味，這道咖喱，廚師已盡量調低其菜式的辛辣程度。讓咖喱較易入口，但最令我意想不到的是，整道菜是以整件羊腿上碟的。羊腿沒有太羶的味道，而簡單的用刀一切。羊腿就立刻分開，燜得幾好，羊肉吃下不乾身，配以咖喱汁，白飯一起吃，十分匹配。拿起整隻羊腿用口一撕，啖啖肉，吃得甚豪氣。若咖喱汁配上Nann的話，風味一定更佳。咖喱汁帶點辛辣，但十分濃郁，端上來香氣四溢，有點酸辣感覺，又有紅腰豆襯底，吃起來感到這道菜煮得巧手。接下來，呷一口生啤，苦中帶甘。這餐飯吃得很開心，如果吃豆腐火腩飯便是男人的浪漫，我幾何肯定這Lamb Shank可以說是印度版男人的浪漫。既有男人在大漠吃羊腿的粗獷形相，又有咖喱汁那份層次分明的細緻，無巧不成話，莫衷一是了。

黎開屯門呢頭做嘢，都會專登試吓唔同嘅小店~ 今日經開呢頭，見佢做緊平日lunch set 都係$50幾蚊，一於決定試下一行入去，發覺呢間餐廳提供嘅菜式真係好多元化，有川菜，有墨西哥又有土耳其野，又有pizza，不過我見啲店員全部都係印度人，應該叫返印度嘢最正宗~ 所以決定試佢個咖喱雞配烤餅~ 一上枱見到個份量真係唔話得，大件夾抵食！重點係個印度烤餅，嚟到呢度真係必試！層次分明，非常之flaky之餘，我以為會油淋淋，但重點係就算用手食都唔會食到成手油，好食得黎冇乜罪惡感，非常難得! 另外咖哩雞都煮得好香，配烤餅真係一流~ 至於跟餐嘅餐湯就係菇菌忌簾湯，但佢比西湯稀好多，感覺似中湯多啲~ 最後我叫埋個越南牛油果奶昔試吓，呢度嘅整法比較獨特，杯野係淺啡色嘅，應該係加咗少少朱古力粉落去，所以牛油果味唔算濃，反而飲到淡淡嘅朱古力味配埋牛油果奶昔嘅質感，感覺都幾特別~ 下次黎開呢頭嘅話，絕對會再食烤餅!

今日最新開通的上水至屯門單車徑，由上水火車站出發，經過河上鄉，雙魚河，南生圍，踩去元朗之後，去到屯門做終點站。說真的這條新單車徑踩平日係好舒服，因為單車比較少，但始終要踩馬路邊，要時刻注意安全。因為我哋喺屯門交車，朋友帶我去湖山邨景湖樓坐K52，去彩華花園食西餐，這間王子廚房朋友推薦的原因是坐得舒服，食物好味道之餘，夠大份，不收加一。睇完他的menu，覺得他是歐洲菜大雜燴，既有risotto pizza中東的卡巴鮮蝦香蒜醬意大利飯128，正宗意大利飯係有一點半生熟的口感，服務員送上來時，飄來陣陣意大利飯的飯香，芝士粉味道好濃烈，佢哋香草令人一試難忘。大蝦有五蚊size咁大，中間開邊蝦，把蝦腸挑出來，你食落就唔會有沙啦，更加入味一點。食嘅時候要撈一撈，你返入口嘅時候會覺得所有味道都好平均，而且他的算是帶有一點點辣，原來是炸蒜有點辣。我們當然要點個烤羊肉卷82，有個四款醬汁，bbq， 蛋黃醬，薄荷醬，香料辣醬，已經混入其中。薄荷醬好好味，如果你要真係食羊話，係要放啲薄荷醬一邊有羊肉青菜蕃茄紫洋蔥，燒羊肉肉質會比較鞋，但係因為佢又好豐富嘅醬汁，所以你食落感覺口感是ok的。咖哩蔬菜跟意大利粉

最近多咗去朋友屋企玩，今日就嚟到屯門，純粹就近揀間，估唔到都幾正。雙拼pizza ($122)Pizza有好多味揀，三心兩意如我當然要返個雙拼，就揀咗好出名嘅招牌四季薄餅同埋冇乜人叫嘅牛肉義式肉腸。 鐘意前者多D，超級足料，配料係厚厚嘅一層，雞肉粒亦都唔頹皮，味道似係狂野烤雞咁香口，食到甜辣醬真係好驚喜，如果可以成塊都搽滿醬就好喇。Chicken tikka kebab ($72)一場黎到當然要食返啲特色野，chicken tikka好滑，食到最後一啖都仲係滿滿嘅雞肉。 醬汁亦都似係自己調配，烤餅質地唔會太乾，不過一開頭食嘅時候醬汁流晒係底，感覺乾少少，食到尾嘅時候就覺得好完美，下次叫可以考慮多醬，整體口感都好豐富。越南牛油果奶昔 ($45)滿心期待係淺綠色嘅牛油果奶昔，但我懷疑越南牛油果奶昔係完全另一種做法，嚟到竟然係淺啡色，純粹地係榛子味，如果唔係插咗塊牛油果我都以為黎錯咗，不過都好飲嘅。

一場嚟到屯門搵朋友，朋友話帶我去間街坊地膽推介餐廳，由屯門站居然仲要搭幾個站巴士先嚟到，真係隱世到冇人帶路都唔識喎，不過原來都係值得嘅。印度烤雞肉卷 ($72)諗咗好耐揀咩醬，但原來chicken tikka餡係唔使揀，自動配左青醬混合沙律醬之類，酸酸甜甜好惹味。 味道同平時食到嘅差唔多，烤雞唔會太乾，入邊嘅蔬菜都好新鮮爽甜，尤其鍾意唔會加咗好多青椒、生洋蔥之類，以生菜、蕃茄等為主，都幾啱香港人口味。招牌四季薄餅 拼 牛肉意式肉腸薄餅 ($122)先試牛肉意式肉腸薄餅，完完全全就係肉醬意粉嘅味道，入邊嘅牛肉碎牛味幾濃，配蕃茄醬底嘅調味幾開胃唔會膩。食完到而家睇返先發現，招牌四季薄餅面頭原來唔係菠蘿而係薯仔，難怪入口嘅時候感覺粉粉地好特別。 老實講底下嘅菠菜味道好搶，間或食到烤雞，成件事有少少濟，但重點居然係上面嗰一點甜辣醬，完全係畫龍點睛，救活左成塊pizza。 當然佢唔係來貨老麥嘅味道，疑似係自己調配嘅甜辣醬，如果可以多醬就更加正喇。印度咖喱牛肉配烤餅 ($85)不諱言決定揀呢間嘅其中一個重點，係睇到食評嘅咖喱好吸引，點知嚟到睇咗成個Menu都見唔到咖喱，膽粗粗問吓店員，原來只係午餐

叫左西班牙海鮮飯鐵板燒牛肉卷羊肉卡巴辣海鮮意粉一個supreme pizza6杯Lassi因為限聚令4+2 個人分開座上面野食6人份 ，每人140蚊埋單唔好睇佢地野食比附近餐廳貴，份量同質素絕對對得上價錢每樣都好好食 特別係鐵板牛肉卷餅野飲一定要飲Lassi,咸同甜既版本都好特別店員都好熱心好有禮貌仲要知特地有人生日特登送左心太軟同蛋糕比我地建議多人一齊去 可以試多d唔同既野食而且每碟野都好大份 完全唔怕唔夠飽希望多d人去支持下屯門冇咩呢類型既餐廳

有時食得多茶記、cafe意粉都有d悶，行過見到有間食咖喱同墨西哥卷嘅餐廳，而且價錢都好親民，就想試吓d新野😁😁貪新忘舊都係女人本色😎😎入到店內，裝修就係印度風情，而且有d彩色玻璃燈，風味十足有多款set lunch選擇，有飯、薄餅、意粉、🐄🐑🐔🐟... ...餐湯飲品仲包埋，學生仲有特價，價錢勁抵。👍🏿👍🏿印度咖哩牛肉蘿蔔配脆餅～賣相相當有驚喜，份量大，學生哥可能都食唔晒🤗🤗,咖喱唔係平時食開港式咁，有d香料味，牛腩炆到林晒，好有牛味，帶少少牛騷味，但唔會難入口，入口即溶👍🏿👍🏿👍🏿另外脆餅係帶有甜味，平時食嗰d係面粉味，未食話帶甜嘅，但配上咖哩原來味道好夾💯💯💯土耳其烤羊肉🐑卷～材料十足，加上青醬，味道好夾，羊肉份量多，而且有好多沙律菜🥗，甜甜酸酸好開胃奶茶～唔係港式味道，帶有香草味，但又無印度奶茶咁濃香草味，但茶味有點淡，不過我覺得值得試，因為唔同國家嘅野都可試多d,有時會有好多新驚喜發現🥰🥰

屯門牛朋友帶我去食異國風味午餐😚位置在彩華花園，呢道地方整潔企理👍牆身、燈飾帶有中東異國色彩😚坐得舒服😌驚喜位~午市套餐多國款式， 土耳其、印度、地中海、意大利墨西哥……極有風味😌 總有一款啱食🤭價錢親民、合理👍土耳其烤羊肉捲🌯第一次食，輕微羊騷味， 唔係好食羊嘅朋友相信可以 handle 度，🐐肉質軟嫩、有肉汁， 還有量多新鮮爽口嘅配菜、 特製香草醬汁🤤🤤🤤🤤印度咖哩牛肉蘿蔔配脆餅🐮用心形碟上菜😚咖哩唔太辣，但好惹味👍牛腩大件軟腍入味🤤 脆餅表面真係好脆㗎😆內裏濕潤，食落微甜，同 curry 出奇地夾🤤🤤🤤🤤飲品簡簡單單熱檸水香料味嘅冰奶茶唔係咁啱飲，可能畀港式奶茶毒害太耐🤣🤣🤣

食物種類、味道、賣相都不錯，服務周到，價錢亦合理，我估係位置問題？淨係試唔同pizza都可以試好多餐😁細喜力做緊十八蚊一支買一送一，抵到嘔，係嫌少少唔夠凍，但咁平真係無投訴啦⋯⋯

屯門彩華花園地下一帶一向美食雲集，今日小妹就黎到呢間王子廚房朝聖店內裝潢充滿印度風情，中間有個酒吧位，呢度主要供應特色冰沙、紅、白酒及啤酒，外國籍店員馬上安排我地坐低，比哂menu 我地套餐價錢約$55-$85，凍熱飲同價，另外非套餐list既菜式就可以系大meun揀啦以下為小妹揀左既心算菜特色印度咖哩魚配脆餅濃郁既黃咖哩煮到起沙，重香咖哩味，唔會辣，配手抓脆餅一流配菜有炸到金黃色脆脆薯角，西蘭花就咸左少少啦雞肉墨西哥烤餅餐廳好體貼地繼烤餅一分為四👍🏻餅唔會烤得好燶，入面既材料有洋蔥🧅、蕃茄、雞絲，配上sour cream 或墨西哥辣醬，夠惹味雞肉闊條麵闊條麵忌廉芝士味出色，配上嫩滑雞肉，簡單菜色已覺得好滋味跟餐餐湯咸豬肉湯,唔錯兩個人食左咁多野埋單都唔過$270，有咁高分既食物質素加上親民服務，絕對值得入黎屯門朝聖一下

行經王子廚房睇到出面既餐牌，見到有我想食好耐既烤肉捲，於是就入去！入到去發現裝修好有外國feel, 服務員同廚師都係外國人😯👍🏻👍🏻好期待～午餐好抵食，有餐湯又有飲品我地叫左個土耳其烤肉捲（雞肉）同特色印度咖哩魚（烤餅）超級推薦土耳其烤肉捲！首先，份量非常之足夠！一咬，估唔到係咁Juicy！包得好實淨，肉同菜既味道都非常之好！😋另外，特色印度咖哩魚（烤餅），咖哩味道唔錯！烤餅都好味，質感好，唔會太乾！同咖哩一齊食都好match!! 魚有魚鮮味得黎唔會腥👍🏻最後廚師（？老闆）仲出黎問我地覺得食物點，感覺得出非常用心經營👍🏻

見親啲餐廳話係食多國菜好多野都會打個突，原因係價錢通常都好貴，又食唔飽肚。但今日要介紹呢間「王子廚房」又平又好食！今次我地食lunch，價錢同一般去茶記食一樣，但質素、份量絕對唔輸蝕！叫餐送是日餐湯，就咁睇以為無普通豬骨湯，但飲落原來加左香草，而且點到即止，第一次咁飲，但係勁match！Chicken Quesadilla：勁大份，外皮好脆，入面雞肉、洋蔥等等都足料，配上sour cream一流！不過我覺得可以再切細塊啲，因為一拎起身或者咬落去啲料就跌晒出黎，好狼狽。fish curry with paratha：鬆餅極高汁，類似手抓餅咁好鬆軟，而且牛油味好重，就算無curry就咁食都好好味。魚柳好軟身，配上甜甜地既咖喱非常match，呢道菜非常推廌！雞肉闊條面：好重cream味，雞肉亦好出色，煎到好出雞肉味，唔係講笑咁講咩雞有雞味魚有魚味，而係佢真係調味到啲雞既味道出晒黎，合埋眼都食得出，勁正！菠蘿椰子沙冰：好fresh，入面有一粒粒碎冰，椰味重但亦唔會過甜好似飲syrup咁，正呀！

有日行完山係置樂落山，搵地方食lunch聽講呢間野係屯門咖喱屋既老闆開既，唔係食一般既西餐，睇佢既Lunch餐牌，已經覺得好國際化，十幾個餐入面已經出現咗有好幾個地方名😂😂除咗印度咖喱之外，有墨西哥薄餅、土耳其烤肉卷等等好多選擇平時係隔離咖喱屋食得咖喱多，係呢到就試下其他野土耳其烤肉卷 $58第一眼見到呢個已經決定咗一定要食，呢個價錢比起其他地方既烤肉卷算便宜，羊肉都無特別貴幾蚊，切開一半包實咁上，唔會食到論論盡盡，入面既料好紮實，羊肉既比例都好多，超正！👍🏻👍🏻西班牙燉海鮮 配飯 $68呢個相比底下遜色好多，雖然個湯味道酸酸甜甜，伴飯食都唔錯既，但係海鮮份量唔多，得幾隻蜆仔、一隻青口、兩隻蝦，性價比較低🙃🙃呢到嘅Lunch包一碗湯同一杯野飲，仲有好nice、識講中文既外籍侍應，絕對可以為咗烤肉卷encore！😋😋

一早行藍地水塘在屯門完結跟住各自歸家，原本諗住搭巴士返屋企，但路經見到王子廚房餐牌上面嘅嘢係我嘅最愛之一既Pizza！有D肚餓一於食飽先再算😝老實講menu內樣樣都想食見到西班牙海鮮炒飯就留曬口水！但一條友只能食倒一份pizza !叫餐前店員仲送咗碗磨姑忌廉湯！好味😋我見加十蚊可以雙併，咁就點左沙樂美腸併瑪格麗特。Pizza 份量十足，沙樂美腸大大塊又厚仲有好多車厘茄，D芝士一路食仲拉曬絲🤪瑪格麗特皮薄又脆皮既餅底加埋蕃茄同芝士，啖啖香濃奶味芝士😋😋雖然食咗兩件都飽！但係食下食下全部比我吃清曬估唔到一個人食嘅都咁開心下次叫埋行山友食多啲款式就perfect