王子廚房

营业中

休息中

原本打算去元朗食晚飯，但搭巴士經過時發現餐廳有位！平時一直都想試呢間餐廳，終於可以一試！食完感覺是：完美！呢個係兩次晚飯合併的食評，所以食物相片比較多！兩次都係非常滿意！一坐低，老闆就送上免費的餐前小食——蒜蓉包！食落香脆可口，淨係呢個小食就可以預計到主菜都會好好味！果然冇估錯！首先係個沙律，可能係我在香港食過最好食的沙律！所有野食都係大大份，仲唔駛加一，有質量又有質素！沙律用新鮮蔬果，非常健康美味，好味到第二次幫襯時又再叫呢款沙律！值得一提是沙律入面啲蝦都超好食！有時有啲餐廳啲蝦會整到唔好食/冇味，但呢度的蝦係好入味！墨西哥卷又係大大份，而且熱辣辣，非常好味！椰子沙冰，以為像台式飲品的沙冰，有一堆碎冰咁，但原來佢係比較接近奶昔的口感，酸酸mei mei, 好開胃！個 pizza 又係好有風味，好食！意粉和飯又係好食！總括而言，100分！

每當講到王子時，少女門會想像王子是什麼模樣❓ 向你單眼既 #姜濤 ❓定係可愛心心既 #教主 ❓😍 抑或是傻氣大少 #edan ❓😍😍😍 講到呢度，相信少女門都留哂口水🤤而我今天來到屯門的 #王子廚房 ，以上的王子一一都沒有出現😭但我卻遇上。。。咖喱🥸仲要係印度個隻😂在門外觀看，怎也想像不到有印度咖喱食，因為店舖極像西餐廳格局；入到門口招呼我的，是疑似印度籍 #oppa 🤤當然由於疫情，未能一睹該靚仔的風彩，再打開餐牌觀看，OMG ,真係有印度咖喱食，當然有其他菜式例如土耳其菜，西餐等，看來這餐廳是主打 #多國菜 ，加上印度oppa座陣，使我對這樣的印度咖喱信心大增💪💪好啦，就點印度咖喱😍先來跟餐餐湯，像黑松露湯，帶半點辣，口感舒服推薦度：⭐⭐⭐⭐再來主菜，印度咖喱雞配烤餅；說實話咖喱味十足，雞也十分嫩滑；烤餅香脆可口，每我有種用右手食咖喱的感覺出返黎😋🤤推薦度：⭐⭐⭐⭐最後的，是凍奶茶；正常應該平平無奇，這奶茶是加了cream,口感略帶甜😍如果不太愛甜的，會有點失望推薦度：⭐⭐⭐總結，正 ⭐⭐⭐⭐⭐#王子廚房 #彩華花園 #屯門美食 #hkfoodie #openrice #mirro

嚟到彩華花園，地下舖位差不多都係食肆。望到落地玻璃嘅裝修，加上餐牌都幾吸引，就喺呢度食返個lunch。 打開menu，選擇勁多，唔只係食物選擇多咁簡單，係包羅萬有嘅特色地方菜，例如印度咖哩、西班牙海鮮焗飯、意大利Risotto、泰式串燒、墨西哥Nachos、土耳其Kebab……😄一餐飯，幾乎環遊世界。 🦐香辣海蝦意粉 $118意粉非常爽口，蝦雖然細細隻，但非常彈牙。味道只係微辣，惹味但唔會搶喉，再加上香草、茄膏、蒜蓉等調味，會不知不覺間食到停唔到口。 🥝🥥奇異果椰子沙冰 $38上枱時，真心笑出嚟，飲品面層竟然畫了一個笑臉，望真d，睇落有少少似toy story 嘅Forky，十分可愛。味道微甜，易入口。 落完單先發覺原來呢度嘅午餐都幾抵食，幾拾蚊一樣可以試到世界不同地方菜，約多幾個朋友嚟食，真係幾拾蚊嘆世界😁

🤎王子廚房 (屯門)🧸屯門青山公路351號彩華花園地下32號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️以前舖頭喺置樂嘅時候已經成日喺附近食嘢㗎啦，不過又真係未試過呢間餐廳！通常都係比屯門咖喱屋吸引咗🤣今日同朋友行過佢突然之間話想試吓呢間餐廳因為都見有幾多人喺入邊食緊飯！咁我哋就一於試吓佢啦！一坐埋去店員已經好熱情咁樣招呼我哋，仲要已經拎好咗啱啱焗好嘅蒜蓉包出嚟俾我哋做前菜小食😆-菠菜茴香雞肉意大利飯 $118有邊個會估到菠菜都會拎來做意大利飯？初頭我都係覺得好得意所以就叫咗啦諗住可能會好伏啦！點不知竟然咁好食！我冇誇張呀真係好好味㗎🤤！除咗有啲忌廉汁之外仲有少量芝士粉喺意大利飯嘅當中！菠菜切碎晒好香好好食😋而雞肉份量都唔少㗎 ！我覺得平平哋大家可以試吓，初頭睇認為個碟好大兜啲飯好少，變不知原來好大兜😍啱晒飯桶嘅我！-烤特嫩豬肋骨 半份 $125呢份豬頭骨已經配有少量沙律菜同埋薯條，我覺得佢啲薯條🍟炸得好香好脆🤭而佢嘅豬肋骨選用左BBQ醬汁！啲肉唔會好鞋同埋骨肉分離好容易就切開左！最啱我啦唔使揸住支骨喺度啜😝-特色咖啡 $25特色咖啡仲要賣相咁吸引真係唔似普通嘅咖啡啊！抵佢$25

王子廚房今日開返晚市，特登去遠啲，係置樂附近揾野食。上網揾先發現原來果邊有間多國菜聽廳食印度野同kebab好似唔錯，咁今晚就去會一會佢！餐廳唔算好大，當日都唔算多人，所以坐得都好舒服。而且餐廳入面有個吧枱位置，可以比大家飲杯酒嘆下。打開餐牌發現呢到真係有好多選擇，除咗印度菜同kebab之外，仲有西餐，pasta，pizza等等。咁我地今次就試咗佢既kebab同埋Lamb Shank配naan bread. 今次我地試咗雞肉Kebab，配料有沙律菜，洋蔥，加埋薄荷醬汁。雞肉烤得啱啱好，唔會柴口，醬汁同雞肉味道好夾。調味好平衡，唔會咸得濟，而份量都好大份，非常抵食。而lamb shank更加有驚喜。羊腱肉非常大隻，而且煮得好冧滑，唔洗用刀，就咁用匙羹同叉就可以輕易將佢啲肉撕落黎。醬汁香料味好足，非常濃味。而呢個菜係可以配飯或naan bread。配naan bread 可以點晒所有汁。而佢既nan bread外皮脆口，入面好軟身，又有空氣感，唔會死實，同醬汁好搭，非常好食。餐廳仲特製咗杯香蕉乳酪特飲，香蕉味極濃，酸酸甜甜，唔錯。依間餐廳真係好有心，每道菜式都好努力煮，而且仲好好味，服務態度

今日中午專誠去試下，order咗特色印度咖哩魚配脆餅，墨西哥蝦肉薄餅， 土耳其烤肉卷，芒果拉西，凍咖啡，全部都好好味，服務又好好，特別係老闆好nice，一定會成為我既長期飯堂。

🫔🌯想食中東野唔一定要要到尖沙咀，今次去到屯門依然搵到想食左好耐既卡巴卷😋。想黎既朋友就要記得佢3-6點都係落場嫁！不過老闆見到我企係門口都好熱情咁招呼我🥰同佢傾咗一陣先知原來佢係Indian，一直係香港做廚師👨🏾‍🍳之前仲係航膳中心做過野，依家就自己開左呢間Fusion中東餐廳🙌又係一個努力打拼既故事💪🏽。🐒土耳其烤肉卷(羊)連飲品(菠蘿椰子沙冰 )💰$58+$18本身諗住切開俾大家睇，但係實在太足料😂一切就爆哂餡🐑啲羊食落有羊味得黎一啲都唔騷，菜好爽口，餅皮夾埋啲香草醬一啖食🥰依家諗翻都滿足🍍菠蘿椰子沙冰原價要$38，但跟餐$18就飲到😍必加！雖然份量大概300ml左右，但真係好爽，乳酪加椰子打成smoothie仲飲到一絲絲菠蘿，酸酸may may好清涼❄️搞到我好快chur哂連相都無影。🐒印度咖喱雞(配烤餅Naan)💰$52咖哩唔辣，食落好重香料味，同港式日式咖哩完全係兩碼子既事，雞粗略估計有5/6件雞件，件件厚肉又滑，入面仲有幾舊好淋既薯仔🥔跟餐仲可以揀蔥油餅/飯，我今次就揀左烤餅🧇一份入面有3塊咁多，份量岩岩好可以用盡啲咖喱汁🍛。我定必會再去支持呢間舖頭，雖然老闆唔識廣東話，但

置樂除咗咖喱屋，仲有其他印度菜，王子餐廳就係其中一員，只睇名真係估唔到食咩菜。英文取名為Quality kitchen，食物真係有quality。平時naan就見得多，食都食過幾次，呢度有埋paratha選擇。Naan 同paratha不分，於是問下老闆。老闆解析Paratha牛油味較重，之後上網睇資料，Paratha 是把酥油層層疊疊折起以達到酥皮與勁道效果。個人鐘意Paratha多過Naan。食落paratha雖然牛油味重，有酥皮脆邊嘅口感，但唔會油膩，烤及煎到幾乾身。由於本身重牛油味，單獨食都好出眾，唔點咖喱食更好。印度咖哩牛肉香料味好濃，小辣程度，好惹味，如果配飯會一流。牛肉分量十足，多達8舊，牛肉多過薯仔幾倍。另一主菜點烤特嫩豬肋骨配薯角。果然係特嫩，肉質一啲都唔嚡，用叉用少少力都可以做到骨肉分離。BBQ 醬濃，肉質好入味，翻叮時候，香氣充斥住office，同事都好奇係咩黎。Mango lassi係一杯令人心情轉好嘅飲品。原來除咗咖啡可以拉花，印度飲品都可以，mango lassi上係草莓醬。心情比呢個笑哈哈所感染，好彩趕唔切堂食飲一杯。因為攞到返屋企就個笑哈哈被我衝擊到消失

《王子廚房》屯門青山公路351號彩華花園地下32號舖又到開心既星期五啦！今晚想食西餐，就叫左呢間王子廚房既外賣做晚餐🥣。大約一個小時，送到了，開餐！🥳份量都幾大，塞到個外賣盒滿一滿，仲要到頂😮。雜錦海鮮意式蕃茄醬闊條麵：有兩只青口，一些魚肉、魷魚、蝦，蕃茄醬幾濃味。雞肉闊條麵：香濃芝士汁，有雞肉同菇，好味。食完好飽，好滿足。外送速遞埋單要$240（未計運費），有啲貴，但真係幾好食😋 有機會試埋Pizza先^ ^

今天在置樂這邊有工作，特意問了友人附近有什麼餐廳推薦，王子廚房是其中一間。未點菜，老闆先呈上一碗羅宋湯，嗜辣的朋友應該會很喜歡，這碗湯比平常的辣和重黑椒味，挺開胃。➀ 王子廚房特色羊肉咖喱 \ $68 /好抵食的午巿套餐，本來以為只有薄餅、咖喱和蔬菜，原來還有即叫即炸的薯條，碳水爆燈。印度薄餅煙韌，羊肉很大塊，大約有六塊，煮得很稔，夾在薄餅裏，味道一流。唯一可以挑剔的是蔬菜有點鹹。➁ Mango Lassi \ +$18 / 雖然看到其他顧客點的飲料都好吸引，譬如擠滿忌廉的咖啡，但想着要吃重口味的咖喱，應該配一杯清新的果汁，就點了這個，不會過甜，也不是人工的芒果味道，不錯不錯。➂ 蔬菜咖喱角 \ $24 /和在外面吃到的不同，除了薯仔以外，王子廚房的咖喱角還有青豆、粟米、紅蘿蔔等等，口感更豐富。有兩個醬可以沾著吃，分別是Mint Sauce和Tamarind Sauce，個人較喜歡前者，薄荷的味道為咖喱角增加了層次。題外話，老闆十分敏銳，經常很快就察覺到我的需要，譬如用手吃咖喱後，在自己的袋拿紙巾時，他比我更快一步呈上。而且他也十分友善，毫不吝嗇地告訴我每道菜的烹調方法，也因此得知原來

聽朋友介紹過置樂的一間印度餐廳，是日出開屯門特意過黎試試。睇睇餐牌，選擇頗多加上價錢不貴，午餐送餐湯又包飲品，直頭係抵食添啦。有幾款午餐都想叫，最後決定點一份咖哩餐，再加了印式咖哩角，好期待啊～跟餐的餐湯先到，好重肉味同胡椒味，湯裏滿滿都是肉碎，看起來像豬肉碎，但仔細想想，印度人不吃豬肉的，問一下店長，原來是雞肉，好少食免治雞肉，呢個挺有驚喜呀。飲完湯，個Veggie Samosa就到了，一份有兩大隻，也配上了印式的萬用醬，紅色的羅望子醬酸酸甜甜，綠色的青醬香口清新，兩者都好好味。講返隻咖哩角，size很大很飽滿，裏面是咖哩薯蓉、粟米、青豆等，炸得外脆內軟，配上醬汁真係勁好味。之後個午餐都到啦，點左呢個王子廚房特色羊肉咖哩配烤餅，心形碟上賣相幾靚，仲有薯條同雜菜伴碟添呀。咖哩香口濃郁，羊肉煮得軟腍，仲有好多塊添，香料味重但唔辣，配烤餅食真心正。烤餅有四大片，軟綿煙韌口感一流。薯條也炸得酥脆可口，而伴碟的椰菜則略鹹了一點，係今餐唯一挑剔的地方吧。最後就係餐飲，轉了做特飲的Lassi，印式的芒果奶昔很香甜，十分杰身，芒果味濃且不過甜，好好飲，仲有店家的可愛塗鴉，哈哈～好飽好飽，呢餐真係大滿

屯門熱情印度店舖，老闆着重食客意見，見佢同每一位顧客亦有交流，促使他能夠改進食物的不足，提升食物的質素，所以食物質素並不差☺️一開始以為佢主打印度菜，因為見老闆和店員亦是外地人，原來店舖有多國菜，款式亦多意粉🍝、pizza🍕、咖喱🍛薄餅等點餐後，店員上蒜蓉包蒜蓉包外表金黃，咬落去亦很脆口😆但我認為如果烘熱佢會更好😂墨魚汁意粉🍝蝦仁亦很多，大約有8個，而且意粉份量偏多，女仔一人食可能太多，我覺得真係幾抵食😆而且味道亦不錯👍🏻表面加入炸蒜和芝士粉，令味道更惹味🤗但小心食到成口都係黑色😛食完記得抹咀💋手工pizza，即叫即整，所以需要等耐少少可以雙併，加$10個人推薦招牌招牌愉快pizza雞肉、火腿、意大利腸、蘑菇、菠蘿、最重要係佢個醬汁係土耳其風味🤗☺️

屯門彩華花園 置樂一帶開咗唔少餐廳喺青善遊樂場附近有間王子廚房 門面整得幾靚 望入去整齊企理👀😋裡面既裝修格調都幾有feel 枱櫈主要以實木為主坐得舒服 多數都係四人枱 卡位就冇啦 睇個餐牌好多嘢食 Pizza土耳其🇹🇷菜 印度🇮🇳菜 尼泊爾🇳🇵菜食都有 睇佢餐牌就講到明用橄欖油煮食健康為主 呢點幾好✨✨✨✨✨✨✨✨✨我叫咗個土耳其燒雞卷 😆✨醬汁連埋BBQ雞一齊食好好味😋🥔🥖🧈🍠🥐🥯🥨🥞🥘🥗🥙🍞🍳🥯🍲呢個特色印度魚烤餅有驚喜 個curry delicious 同埋好惹味個烤餅熱辣辣又唔會好油🤪口感非常好😝芒果汁整體來講幾好食同老闆吹左兩句水知道佢叫DK但係分唔出佢係邊個國家嘅人😹冇問到單人就好Nice好有禮貌👍🏻

食物味道很好味，食第4次了，暫時未有食物中伏。冇時間限制、任坐唔嬲有時朋友遲到或傾耐左都唔擔心。之所以會寫食評係因為今次和朋友慶生，叫甜品時老闆貼心幫忙加字，還播放生日歌。感覺良好就寫一編4個人食左$478，每平均$120星期四晚冇乜人傾足成晚，感覺良好。

以前成日食咖哩屋，原來向前行多兩步就有間王子餐廳，食特色菜式，有土耳其卷餅，薄餅，意粉等等。入到去裝修都好有中東風味，有張bar枱，仲坐得好闊落好舒服，店員服務都好好，笑容好燦爛🤣🤣我地揀左側邊位置坐，有街景睇下呢到上菜有啲慢，可以悠閑地同朋友傾耐啲計先😂三文魚希臘mix招牌至尊薄餅 $125+10熱辣辣上菜，好多料好吸引！！兩隻味都好好食，餅底唔厚又好juicy，每啖都有芝士拉絲，真係好出色！下次會再試其他味！羊腱配印度薄餅 $138羊唔羶，又好淋，重點係好大隻，份量多，好抵食 咖哩好香，不過我會想要多啲汁🤤食物正，服務好，坐得舒服，必定有下次！