王子廚房

营业中

休息中

今日約咗個老朋友食飯，因為佢住喺屯門所以都要入嚟搵一搵佢不過好彩我都係住大西北所以唔緊要，其實地理嚟講都OK，由屯門市中心搭幾個站就到。餐廳設計方面簡簡單單，隔離有個好靚靚嘅酒吧區，感覺到夜晚就會變身。最緊要地方夠寬敞有位吹水吖嘛。一開始整一堆多士過嚟俾我哋開開胃確實唔錯。菠菜茴香雞肉意大利飯（$116）一睇賣相首先份量相當十足，食落去表面滲咗少少芝士，所以味道幾香，啲飯有菠菜同埋茴香，所以幾香同埋惹味，再加埋啲雞肉淡淡肉，口感亦都十足。招牌精選薄餅（$118）份量很大份，而且睇吓芝士拉到幾長，味道認真唔錯，好重調味配料👍🏻而且薄餅的口感也不錯微微脆。重點係咩啊重點係平呀嗎$234搞掂，雖然過嚟屯門搵我個friend就真係有啲不爽，但價錢上確實係比市區平至少一半，所以都係返曬到啦，而且味道確實唔錯廚師確實有啲料到，絕對會再覆桌。