王子廚房

营业中

休息中

屯門都好多好野食，呢間餐廳位置都係比市中心偏遠少少，但係味道都好唔錯喎同朋友兩個人大約8點黎到，人唔算好多，都坐得幾舒服呢間都算係多國菜餐廳黎，有印度、墨西哥、土耳其等等唔同國家嘅菜式都有啲，好多款式揀。同朋友揀左兩個菜，一個係墨魚汁意粉🍝，一個就係印度烤雞肉卷🫔另外仲叫左兩杯芒果沙冰🥭墨魚汁意粉：啲蝦都好大隻，好爽好彈牙，蝦腸都挑乾淨晒，意粉唔會煮得太淋，咸咸地，非常唔錯印度烤雞肉卷：呢個烤雞卷真係好多料！雞肉又有醬，入面包左生菜、紫洋蔥、蕃茄，材料豐富，有幾重口感，比起之前食過有啲有酸瓜醬嘅好味好多，仲有少少似曾經係外國食過嘅kebab芒果沙冰：好大杯，芒果味好濃，通常去開食印度野都會叫，啲冰軟綿綿，夏天食完野飲番杯，超舒服呢到平日晚餐坐得好舒服，同朋友黎傾計食野幾好！值得encore!

到底屯門有甚麼素食選擇呢？跟我一起去找找看，今日找到這間做多國 Fusion 菜的特色餐廳，有印度、土耳其、西班牙、意大利等料理，素食選擇亦唔少，而且大件夾抵食都幾飽肚喎。王子廚房位於屯門彩華花園，那一帶也蠻多不同類型的食肆，也有咖啡小店，算是個覓食好去處，由西錢站行過去要二十多分鐘，搭小巴就比較快。餐廳入面都幾多位，有差唔多廿張四人檯，繁忙時間都唔驚要等位，亦都適合一家大細來吃飯。牆紙有少少印度風情，入面空間都幾大，坐得舒服。平日和假日都有不同特價套餐，六十蚊有湯有飲品，而且份量都幾大，大男人都食得飽。餐廳做多國 Fusion 菜，每個項目都有素食選擇，除了這個烤蔬菜卷，也有意粉、意大利飯、薄餅、西班牙飯和炒菜等等，多元化多野揀。問老闆有甚麼素食選擇原來仲有更多款式，這個是印度咖喱角。飲品除了汽水、茶和酒，還有 lassi 和特色冰沙，看起來都幾特別。Mango Lassi HK$31好久沒吃芒果Lassi，見到有就好想喝一杯，沒想到上面有畫花那麼可愛！你覺得這是愛心還是魚兒呢？這個喝起來比較重香蕉味，味道還算不俗。蔬菜咖喱角 HK$24印度菜總是有很多素食選擇，這個咖喱角就是其中，

大大話話都幫襯過有十次了，今次就寫寫食評先，唔知店主識唔識睇中文呢。其實E間店同前面咖哩店係同一老闆開，所以有d食物味道係一樣。環境一般普通西餐廳，座位都算舒服，店員服務態度好好，不過請用英語對話會好d。點解我會成日去食或買外賣，因為佢地整Pizza真係好好食，而且選擇多，你鍾意點拼都得，而且價錢平，之前疫情關係，外賣有8折，一個Pizza唔使一百蚊去邊到搵，而且好食過間連鎖大集團PizzaH, 又貴又唔好食。一坐底會送幾片印度脆片比你食，我好鍾意食😋。我地二人叫左三樣野素菜咖哩角，好多薯仔好重印度香料味，幾好食烤雞半隻配薯角，我覺薯角好食過隻雞，因為烤得太乾主菜招牌pizza 冇得輸，熱辣辣勁多芝士，餡料好足厚過d餅底，外脆內暖，正。。要多d 支持下d小店，唔好比集團式霸晒個市場。

入屯門準備去行個小山 行去藍地水塘 所以係附近食Lunch~ 見到呢間五十幾蚊就有印度嘢食 就入去試下一行三人 一坐底已經上左碗是日靚湯🤤 係粟米忌廉蘑菇湯！-土耳其烤雞肉卷 $58 超足料！ 同埋好juicy🤤 皮十分之薄 唔會好乾好硬！ 同埋好大份！ 食唔哂🤭-西班牙燉海鮮配飯$68 我以為係一齊上 點知原來個飯係onside🥺 不過都好好味！ 超多海鮮 有魚 青口 蜆 魷魚同蝦🤤-王子廚房特色羊肉咖哩配飯$68超推介！ 一致認為最好食！ 個羊肉好林 一d都唔so! 不過點錯左 應該食酥餅🤭沾住黎食 一定好好風味！ 加$18 叫左2個特飲 Cheer! Mango lasi? & kiwi milk shake ! 我中意後者多d!😍 Lunch set都有好多option!

印度fusion 西餐o既特色菜館，一款孔雀羽毛o既圖騰貫穿整間餐廳o既牆身，連同天花d 細細盞中東彩色碎玻璃燈，樸實之中不失異國風情。午餐$50 幾蚊已經好多選擇，講緊印度咖哩薄餅、土耳其羊肉卷呢d 特色o野wo，出面食個普通西餐都唔只呢個價啦……呢度一個餐送一個湯同埋冷熱飲品，仲唔使加一添！是日餐湯係牛肝菌菇濃湯，用上菇菌、豆腐同瘦肉去煲，滲出接近truffles o既香氣，亦幾重胡椒粉o既嗆口感。我貪平叫o既印度咖喱牛肉蘿蔔($52)，係成個menu 最平，而且咖哩雞同咖哩牛係同價，咁呀梗係叫牛肉啦……雖然係平，但佢無因價就貨，實物一d 都唔失禮，用上巨型o既心形碟盛載，原來仲包一份細田園沙律同薯條，嘩想講咁樣真係好抵食！d 咖哩味道濃郁，富有香料氣息再小小辣咁，而裡面o既牛腩則腍身好食，堅高質！佢呢個咖哩可以跟飯、烤餅或者脆餅，我地寫單o個陣特登問阿印度人老闆o個兩隻薄餅有咩分別，邊隻好食d 咁。我大概理解為paratha 係layered bread，係pan fried；而naan 則係plain d，係焗出o黎。我揀o左paratha，係轉轉轉一大卷o既薄餅，口感鬆化，就

平時喺香港就比較少食印度菜，朋友話屯門有間印度風嘅西餐廳，而且仲要係印度人主理所以想搵我去同佢試吓！餐廳裝修簡潔幾有印度風，乾淨企理👍🏻 食物種類很多，有Pizza 、咖喱、牛扒、海鮮飯、土耳其烤肉卷等等，應有盡有😄 好國際化😝雙拼Pizza (Salami X Prince Delight )Pizza有超多口味可以選擇，仲可以叫個雙拼口味食😍一次過試哂兩款，正！Pizza係薄底，做得幾好十分脆口😎Prince Delight，好多餡料有雞肉、火腿、香腸、菠蘿、蘑菇同埋土耳其醬汁！個土耳其醬汁幾特別又好食，味道都比較香濃👍🏻 另一款口味是 Salami口味唔似出邊食嗰啲咁鹹而且仲帶有小小茴香味，幾特吃！仲要勁多芝士🤨 配啤酒🍻真係一流🤩Calamari炸魷魚圈佢地既魷魚其實幾新鮮，係用咗牛油、檸檬、海鹽黑椒去調味輕炸！魷魚新鮮有咬口，亦都係送酒一流既小食！因為是輕炸所以外皮比較軟林，如果炸得外層脆口點相信更吸引！😝炸蝦餅呢度既炸蝦餅同平時喺出邊餐廳食到嘅唔一樣，佢哋係混入左薯仔同香菜係入面，真係第一次食！仲有個青醬可以點架😀越南牛油果奶昔呢度嘅牛油果奶昔都幾特別因為係加左朱古力入去打

前菜有卜卜脆嘅多士，仲送咗兩碗湯畀我地🥰印度烤雞卷 chicken tikka kebab🌯Kebab切開一半方便share，望落非常飽滿實在，烤餅軟熟唔硬，裏面包住嘅除咗有印度烤雞，仲有生菜絲、洋蔥、蕃茄，食起嚟爽脆、健康又清新，每樣材料都落到足👍餐牌上面寫住有4款自選醬汁，本身以為要揀其中一啲，侍應話其實係樣樣醬汁都有落，我估可能係唔食某款醬汁先要同佢講，不過強烈建議跟佢嘅配搭，因為所有sauce加埋超好食！！kebab sauce落咗mint, garlic, ketchup等等，唔會辣，咬落juicy爆汁，雖然有啲狼狽但真係好好食😋羊腱 lamb shank🍗餐牌係寫配白飯，但落單嘅時候侍應話可以揀配bread or rice, 咁我地轉咗要烤餅🫓依款咖哩加咗鷹嘴豆，香料味較濃，唔算辣，唔太食得辣嘅都可以食到～羊腱容易切開，份量夠2-3人，$118抵食😋侍應講英文，餐牌中英對照，點餐都唔太難👌PS 一開始望地圖以為餐廳喺內街，其實係對住大路嗰邊先啱

今日再嚟王子廚房食午餐，今次試食「土耳其雞肉烤肉卷」同「印度咖喱牛肉配烤餅」。因為朋友唔食羊，所以叫咗土耳其雞肉烤卷，食後始終覺得羊肉好味啲。另外印度咖喱牛肉配烤餅，咖喱對我來講辣度適中，嗜辣可能會嫌唔夠辣，咖喱汁加上烤餅，真係好惹味，如果多啲烤餅就更開心。本身一坐低就會奉上餐湯，上次較稀無乜印象，今次類似雞肉磨菇湯，反而濃滑好味。本來想試香蕉拉西，但靚女店員話今日無哂，所以又飲返芒果拉西，配咖喱啱啱好。今日得一個靚女職員，雖然得佢一個，但佢做嘢好快手，一眼關七，好醒目睇到我哋要合照，幾忙都走過嚟幫我哋影相。見到人哋食印度烤雞沙律，賣相好靚，下次要試吓。

偶而上Open Rice發現呢間「王子廚房」印度fusion食店，見人地介紹「土耳其烤肉卷」，有羊肉/雞肉/蔬菜我揀咗羊肉卷，因為我知道入邊本身勁多蔬菜⋯⋯只要你一食咗你就知道有幾好味，勁juicy、味道好豐富、餡料勁多。起初想叫多碟沙律，但靚女店員叫我不如食咗羊肉卷先，原來食咗之後真係已經好飽😂見有特飲叫Mango Lassi 芒果拉西，問問Google大神，知道係印度特飲，又試下，味道又甜又濃，充滿芒果味，正！#支持屯門fusion特式店#下次要再嚟幫襯#座位好寬闊坐得好舒適

今日行開置樂買game睇衫，就睇下附近有咩食，就見到哩間王子廚房。身為屯門牛都唔知有哩間野😩見到勁多推介☺️忍唔住試吓佢😊入到去環境都十分舒適☺️係menu掙扎咗好耐，想食咖喱同烤肉卷🤔️最後簡左土耳奇烤羊肉卷同咖哩魚烤餅😍估唔到屯門係有得食naan同kebab 🥰忌廉湯佢個lunch set超抵食，有湯、主食同飲品😍我見到個價錢真係忍唔住心入面打咗個大嘅感嘆號。會唔會咁抵食！我個咖哩魚naan😍真心個naan好好食好鬆軟，配埋咖哩汁簡直係一流☺️咖哩魚好滑，下次想試埋豬牛羊。土耳奇烤羊肉卷，包左勁多蔬菜勁正，個感覺一啲都唔漏😍真心推介佢既野食！真係好有質素，性價比非常之高！講緊個午餐百零蚊可以食到咁多野。置樂雖然唔近我但一定有下次☺️

叫左個咖喱牛腩飯係下午1:30去午餐  人流較為疏落  又想坐位坐得舒服    又唔想咁多  去呢間就岩  冬天凍冰冰  最岩食d熱辣辣  這間餐廳的咖喱🍛沒有好像屯門咖喱屋一樣的辣  看來是想區分兩者之間不同之處    這間的咖喱較為杰 當中包括了小小了薯仔蓉 所以 淨係食汁 應該都飽牛腩又林 食落一疏疏 唔會攝牙 好味配菜有薯角同生菜切絲及粟米粒 顏色吸引另外 可以選擇脆餅 /薄餅 /飯本來想叫飯 但指錯左 黎左薄餅(nann)服務生很好 另外 給予一碗白飯本來以為薄餅好難咬 但原來都好易咀嚼⭐️所以 又有飯 又有薄餅...最後兩樣都食唔哂🥺咖啡☕️都好驚喜 不馬虎 雖然 不是latte 但表面上有層泡沫味道如常為整餐飯添上完美句號！

一間不錯的印度西式餐廳，餐牌裡有很多不同菜式任均選擇：有比薩、有雞卷、有西班牙焗海鮮飯、有炸薯角，有沙律……琳瑯滿目，但我個人覺得餐廳最好吃的一道菜，反而是這道咖喱羊腿飯 (Lamb Shank)。這間餐廳是少數族裔人士開的，經歷兩手老闆經營後，轉而到這位主廚及其公子接手，幸好主廚仍未離職，才得以保存Lamb Shank的味道至饗於今。坦白說，為了配合香港人的口味，這道咖喱，廚師已盡量調低其菜式的辛辣程度。讓咖喱較易入口，但最令我意想不到的是，整道菜是以整件羊腿上碟的。羊腿沒有太羶的味道，而簡單的用刀一切。羊腿就立刻分開，燜得幾好，羊肉吃下不乾身，配以咖喱汁，白飯一起吃，十分匹配。拿起整隻羊腿用口一撕，啖啖肉，吃得甚豪氣。若咖喱汁配上Nann的話，風味一定更佳。咖喱汁帶點辛辣，但十分濃郁，端上來香氣四溢，有點酸辣感覺，又有紅腰豆襯底，吃起來感到這道菜煮得巧手。接下來，呷一口生啤，苦中帶甘。這餐飯吃得很開心，如果吃豆腐火腩飯便是男人的浪漫，我幾何肯定這Lamb Shank可以說是印度版男人的浪漫。既有男人在大漠吃羊腿的粗獷形相，又有咖喱汁那份層次分明的細緻，無巧不成話，莫衷一是了。

黎開屯門呢頭做嘢，都會專登試吓唔同嘅小店~ 今日經開呢頭，見佢做緊平日lunch set 都係$50幾蚊，一於決定試下一行入去，發覺呢間餐廳提供嘅菜式真係好多元化，有川菜，有墨西哥又有土耳其野，又有pizza，不過我見啲店員全部都係印度人，應該叫返印度嘢最正宗~ 所以決定試佢個咖喱雞配烤餅~ 一上枱見到個份量真係唔話得，大件夾抵食！重點係個印度烤餅，嚟到呢度真係必試！層次分明，非常之flaky之餘，我以為會油淋淋，但重點係就算用手食都唔會食到成手油，好食得黎冇乜罪惡感，非常難得! 另外咖哩雞都煮得好香，配烤餅真係一流~ 至於跟餐嘅餐湯就係菇菌忌簾湯，但佢比西湯稀好多，感覺似中湯多啲~ 最後我叫埋個越南牛油果奶昔試吓，呢度嘅整法比較獨特，杯野係淺啡色嘅，應該係加咗少少朱古力粉落去，所以牛油果味唔算濃，反而飲到淡淡嘅朱古力味配埋牛油果奶昔嘅質感，感覺都幾特別~ 下次黎開呢頭嘅話，絕對會再食烤餅!

今日最新開通的上水至屯門單車徑，由上水火車站出發，經過河上鄉，雙魚河，南生圍，踩去元朗之後，去到屯門做終點站。說真的這條新單車徑踩平日係好舒服，因為單車比較少，但始終要踩馬路邊，要時刻注意安全。因為我哋喺屯門交車，朋友帶我去湖山邨景湖樓坐K52，去彩華花園食西餐，這間王子廚房朋友推薦的原因是坐得舒服，食物好味道之餘，夠大份，不收加一。睇完他的menu，覺得他是歐洲菜大雜燴，既有risotto pizza中東的卡巴鮮蝦香蒜醬意大利飯128，正宗意大利飯係有一點半生熟的口感，服務員送上來時，飄來陣陣意大利飯的飯香，芝士粉味道好濃烈，佢哋香草令人一試難忘。大蝦有五蚊size咁大，中間開邊蝦，把蝦腸挑出來，你食落就唔會有沙啦，更加入味一點。食嘅時候要撈一撈，你返入口嘅時候會覺得所有味道都好平均，而且他的算是帶有一點點辣，原來是炸蒜有點辣。我們當然要點個烤羊肉卷82，有個四款醬汁，bbq， 蛋黃醬，薄荷醬，香料辣醬，已經混入其中。薄荷醬好好味，如果你要真係食羊話，係要放啲薄荷醬一邊有羊肉青菜蕃茄紫洋蔥，燒羊肉肉質會比較鞋，但係因為佢又好豐富嘅醬汁，所以你食落感覺口感是ok的。咖哩蔬菜跟意大利粉

最近多咗去朋友屋企玩，今日就嚟到屯門，純粹就近揀間，估唔到都幾正。雙拼pizza ($122)Pizza有好多味揀，三心兩意如我當然要返個雙拼，就揀咗好出名嘅招牌四季薄餅同埋冇乜人叫嘅牛肉義式肉腸。 鐘意前者多D，超級足料，配料係厚厚嘅一層，雞肉粒亦都唔頹皮，味道似係狂野烤雞咁香口，食到甜辣醬真係好驚喜，如果可以成塊都搽滿醬就好喇。Chicken tikka kebab ($72)一場黎到當然要食返啲特色野，chicken tikka好滑，食到最後一啖都仲係滿滿嘅雞肉。 醬汁亦都似係自己調配，烤餅質地唔會太乾，不過一開頭食嘅時候醬汁流晒係底，感覺乾少少，食到尾嘅時候就覺得好完美，下次叫可以考慮多醬，整體口感都好豐富。越南牛油果奶昔 ($45)滿心期待係淺綠色嘅牛油果奶昔，但我懷疑越南牛油果奶昔係完全另一種做法，嚟到竟然係淺啡色，純粹地係榛子味，如果唔係插咗塊牛油果我都以為黎錯咗，不過都好飲嘅。