玉葉甜品

营业中

休息中

民園附近既街坊都應該知，其實自大排檔話要拆，日日大排長龍，利字當頭下令民園拆後分左家！現在係玉葉既麵檔，正正就係往日民園負責處理食物既廚師！因此想食返以前既民園，雖然唔係再叫做民園，但味道勝於一切，玉葉見！

聽的時候不信，吃完後就不得不承認，以真的以前民園的味道。連天大雨的星期日，要去中環街市買香草去玩私房菜。朝早做完gym，個肚餓到咕咕聲。民園周日關門，見對面玉葉有個熟悉的面孔，原來家陣連麵都賣埋。來的時候是下著大雨，坐斜路圓檯是有一定的難度，同都幾狼狽。又要了豬手撈，見菜心青青綠綠咁，又來一碟油菜。一望豬手撈，唔知點解，有似曾相識的感覺。豬手其實是豬腳，但兩大件，雖然是皮多肉少，但炆得夠腍又入味，南乳汁味道香濃，皮厚亦豐腴，幾好味。麵是有點鹼水味，但不算嚴重，撈入了香濃的南乳汁，都美味。油菜青嫩翠綠，份量不少，吃完也是全飽。以前在民園或玉葉，也要自行過隔離買麵或糖水，但而家似乎是名正言順的兩樣一齊吃。埋單24蚊，經濟抵食。之後諗番，這個豬手撈跟以前吃到的，真的是很相似。還想吃回以前味道如我輩，又可以試下呢邊。

因為今日黎開呢頭,去完泰昌,就再特登行上黎試個綠豆沙晌d咁既地方食野真係第1次,雖然熱,但係有另一番風味!!同老公share左個凍香草綠豆沙,正呀!!!真係好足料,甜度armarm好!!唔怪得咁多人黎食啦!!其實我有興趣試埋個糖不甩咖...不過又飽飽地...下次一定要試=]

帶朋友仔去食玉葉..我之前食0左佢d糖水,不過未食過佢d麵...原來佢d麵都好食的..我食佢的豬手撈麵..個湯夠鮮味,唔太咸,至於個麵質,好爽口,冇陣"間"水味..食0左一陣,佢都未淋..係掂既..個朱手汁唔夠濃味,不過都算係好食的..個朱手應該係豬腳..冇咩肉食..又食佢個涷綠豆沙..d海帶好好食..夠大夠厚,好有咬口..亦唔腥...食入口一陣清涼既感覺..打包埋俾d同事食..

聽老頭子說這裡的豬手如何了得，明知是危險位，都要一試。卅度的天氣，下著雨粉，加上附近的鑽地聲，在這裡吃飯簡直是考驗。從前就只得甜品，是粉麵是新近加入的，叫了豬手、腩撈，叫了加青。豬手得一件，牛腩唔少，是腩汁撈，幾大碟幾膩，湯是蝦籽湯底，鹹香十足，豬手炆得起膠皮厚有咬口，最難得是皮唔散，肉嫩，尋遍港九，無幾多間做得出這個水準，惟一可惜是前蹄，肉唔夠多，不過豬手撈就係咁，睇你好唔好彩碰到足秤的位置；牛腩全是腩位，肉味十足又炆得腍，都唔錯。爽身而無鹼水味的麵，配埋腩汁在露天大口的吃著，認真夠市井，當年無吃過民園的話，可以在這裡懷勉一番，吃到七七八八，見到熟人的身影，一分回憶換一分惡果，哀。

琴晚同朋友去玉葉食糖水，各自叫左一碗紅荳沙同綠荳沙，兩碗都極甜....甜到可以溝水咁濟，最終我地都係食左半碗就算...下次真係請都唔會再黎...

D紅豆沙太甜，又見到佢用米0黎番煲~~仲要d米見到佢冇洗到就就咁倒埋落去d糖水度一齊煲~~地方又唔乾淨，話就話大排檔0者~~都唔係咁下話!

試了香草綠豆沙及糖不甩另外賣兩碗香草綠豆沙及芝麻糊香草綠豆沙相當清甜又大碗糖不甩只屬一般只是同比時食開的相比椰絲分量較花生多糯米團煙煙unun又暖暖的似乎環境較吸引因為此種格局食店真係買少見少埋單37咁既價錢食高質素食物及殷勤的服務更是買少見少

呢度芝糊同埋臭草綠豆沙雖然大碗,但比較稀,又唔覺有米味,算係好普通咁!另外,坐o係斜路食的確幾得意o架!!

特別鍾意佢既熱綠豆沙：多香草（臭草）、足料、幾大碗同可以坐o係街邊食。椰汁西米露都係極品：「爆西」- 西米露多過椰汁，仲要D 西米又大又滑，僅此一間。冬天坐o係街邊食，更見風味...唔知咁既風味可以維持幾耐？

都唔明點解你地話好食,我食左個所謂香草綠豆沙,甜到死不在話下,一d都唔好飲,大把鋪頭好食過佢,地方又勁dirty,有d大排擋都亁淨過佢啦...5點食完11點狂嘔,嘔番哂d豆同d臭草...食物中毒甘o羅...嘔到今朝6點先訓到,我會去有關部門投訴...大家如果腸胃弱d就唔建議去食lor...不知所謂

前天與友人來此食糖水。發現點解玉葉有麵食!?原來舊日在民園做的師傅，在此重操故業。二話不說，叫了碗豬手米。終可食番舊時民園的味道了!^_^

今日去左中環, 順便嚟呢道食碗芝麻糊.芝麻糊味道比較清淡，唔濃芝麻味. 個糊一d 都唔稠, 屬於稀, 都算ok 啦.一路食, 一路聞到d 臭草香味, 真係好想叫碗外賣綠豆沙. 不過都係留番下次係到食.

熱海帶綠豆沙($7) - 清甜好味, 超多海帶, 足料抵吃問過大排檔老闆, 時間應該係: 12nn-12mn

同林小B食完麵唔多夠飽順便食埋個糖水; 我要了綠黑兩溝, 好好食, 完全兩隻味都食到,唔會俾其中一隻味蓋過。林小B要了綠豆沙, 這裡綠豆沙有海帶同臭草兩種味, 當然正宗又好味係臭草。GOOD!