玉葉甜品

营业中

休息中

熱海帶綠豆沙($7) - 清甜好味, 超多海帶, 足料抵吃, 合我心意熱芝麻糊($7) - 杏仁味令味道有d怪糖不甩($6.5) - QQ彈牙, 的確過癮

上次提到見到對面哥仔的芝麻糊買相及腍度不俗，今次專誠過來一會。芝麻糊的芝麻味比起預算的來得清淡，而可能與粘米同磨，故食到米香，但有點失分的是有粒粒透明生粉粒仍在芝麻糊內，應該是想利用生粉水增加芝麻糊腍度但在處理中又沒有細心處理，失分是無可避免的！希望下次再試其他甜品後有較滿意的食評，則否除了臭草綠豆沙外，其他的甜品可以名過於大而矣！

試碗海帶綠豆沙加芝麻糊，綠豆沙唔係話特別好，豆亦唔太多，芝麻糊有硬塊。朋友個碗加湯丸，湯丸亦似舊粉。我都係覺得我阿媽煲個D好味好多。阿媽仲話加米綠豆沙唔會特別好味，只不過係慳成本。阿媽仲話要香同綿梗係要落多D豆，諗落都係。阿媽應該去開糖水鋪。

食完勝香園厚多士後, 第二站就黎到玉葉甜品食緑豆沙. 個緑豆沙真係好好味呀! 不過我又唔識講點樣好食法播. 總之就係甜得黎唔係死甜, 食完後個口留有臭草味, 好正呀! ^_^

今日見又得閒，所以又想試吓這裡的凍海帶綠豆沙是否咁好食。一見到碗嘢就知又衰咗了，成碗只見薏米多過綠豆，重要似水多過似沙。綠豆得少少，海帶是多，但就硬塊多，還有些好似生百合咁的又軟又淋的物體。成碗嘢似大雜會多些，應該改名叫玉葉特色糖水好了。真的如上次有位食家講，食又不是，不食又不是咁。最後好辛苦咁食完，這間店雖然好出名，不過不是我杯茶，一定再冇下次。

再經開中區，順道一會玉葉。綠豆沙用正宗的臭草果皮，清香中亦發揮到綠豆沙清熱解毒之效。對面位哥哥仔碗芝麻糊的粘度相當，而芝麻香味四溢，應該不差，下次可試！

糖不甩- 值得推介...味道好, 不太甜又不太寡,糯米又好味芝麻糊就麻麻啦...雖然的確係真正芝麻磨成...用料無馬虎, 但有陣味...可能係正如大家所說杏仁味...令到d味有d怪$7碗...好大碗, 抵食!專揀斜路坐...感覺好得意...但要小心倒瀉呀!!!

在蘭桂坊吃完晚飯後，散步來吃斜路上的糖水，味道沒多大分別，還跟往時一樣，但今次綠豆沙偏甜，惟香草味極濃郁，吃落分外醒神，另外芝麻糊也不錯，現在只能期望這糖水店能維持下去，不要被收回牌照便好了。

2005年11月19日下午本想去泰昌買隻蛋撻試看有多好吃，誰知在行人天橋望見一條長長的人龍，x2認為不值得為一件蛋撻排半小時，我們行行下居然摸到來玉葉。凍香草綠豆沙($7.5) - 夠凍，豆多又起沙，有香草味但不會過甜，好！此檔在一條斜路上，要坐穩呀，同檯的女士的椅子扇一扇差點跌倒呢。

真的好吃.. 好多豆, 綠豆最好食.. 涷的好涷.. 臭草味好香.. d綠豆沙是加了米, 好似粥.. 很懷舊..

11-11-2005今日突然想吃綠豆，就想到這裏，在民園吃過豬手後來這「繼續微笑」的店子吃(是那店子自稱的)。但不知是否退步了，今日眼見的海帶綠豆沙是水多過料，為何呢? 是否煲熔了?? 材料方面只得意米與綠豆蓉，其中海帶是最足的，味道就很甜! 我整碗吃掉而同事吃又不吃就不要了。

我最鐘意食o既芝麻糊, 唔夠細滑, 仲有好多一粒粒, 但係味道啱啱好, 唔係太甜, 好味道.男朋友食咗熱紅豆沙, 佢哋加咗米落去煮, 味道有d唔同, 質感都有d唔同, 但係都好好味.

凍紅豆沙真係好杰!! 好好好多豆, 好似食緊粥o甘! 凍都ok 夠o既~ 其實$7 都仲係好抵食~

每種食物也加了0.5，熱糖水$7，凍糖水$7.5，但也很物超所值的。經過多次到訪後，本人推介其糖不甩，有口感又有薑味，其次是香草綠豆，起沙及有很有香草，至於芝麻糊也不俗，真的以芝麻磨成，非一般開水貨式，好吃過八記很多，但小妹估計其是因與杏仁同磨的關係，故有杏仁糊的味道，因此如不喜歡杏仁糊的朋友便不要叫啦!

有朋自遠方來, 先到過鏞記晚餐,然後再"散步"到蘇豪區一帶。想起附近的玉葉十分有香港特色，所以便帶朋友來這個沒冷氣的路邊糖水舖來了。(其實我也是第一次去的!)朋友要了凍的椰汁西米露，我叫了芝麻糊，and then share　個糖不甩。芝麻糊其實是很香的，但那種香味似乎比較像是屬於杏仁豆腐的!入口幸好有芝麻味，而且還能吃到搗碎了的芝麻，口感不錯!但個人比較喜歡"杰撻撻"的芝麻糊,加上有假扮杏仁豆腐之嫌，所以我只覺得一般。幸好糖不甩一如其他人所形容的，軟綿綿，煙煙韌韌，連平常不喜歡吃椰絲和糯米糍的我也連吃了三粒!或者你會覺得我很跟風或者superficial,但我俾笑面是真的因為它是一間"大排檔"。這是香港的一種食的文化，也是一種歷史見證，應該好好保存呀!