玉葉甜品

营业中

休息中

放棄了蓮香的糖水後,便原班人馬來到這裡。很久沒來過,叫咗:1)綠豆沙X 5-大致是純香草(即臭草)或两溝(即香草+海帶)-友人說海帶都不錯-我說臭草味不夠-1致認為太甜2)芝麻糊-試了友人1"gun",香芝麻味,不過甜咗3)糖不甩-1碟6小粒,剛好1人1粒-友人讚花生芝麻香,不過亦是很甜-今次要坐路中心的斜路枱,1路食都有向前傾的感覺-幸好今晚幾好風

食完港大校友會, 再食麥奀記, 重有buffer, 行去玉葉. 兩人叫左糖不甩及紅豆沙其實我是第一次食糖不甩, 這裡的是熱的, 好得意喎! 又好好味喎! 又又好平喎!熱紅豆沙–好香, 又唔太甜, 正!不過大熱天時, 要你坐響果到食, 都唔係禁多人頂得住.

尋晚係仔仔學校嘅家長面談日，大約8.30pm見完班主任之後，就揸車黎呢度食仔仔最鍾意嘅香草綠豆喇。(1)豬手豉油撈粗- 雖然呢度嘅豉油撈粗唔及筲箕灣安利咁出色，但也相當不錯，尤其係佢地嘅南乳豬手，老公話呢度整得好入味，肉又夠爽，唔會"淋"哂冇咬頭，係佢至愛之一；順便一提，平時老公通常食豬手河(一般情況每碗兩舊豬手)，尋晚佢心血來潮，諗住叫撈麵會多一舊豬手(通常有三舊)，點知都係得兩舊，老公有D失望；(2)牛腩豉油撈粗- 我同老公一樣，都係叫撈粗，牛腩一般啦，不過舊舊都係我鍾意食嘅偏瘦牛腩；(3)雲吞麵- 仔仔點嘅，最後佢淨係食左D麵，一粒雲吞都冇食到，佢話D麵好食喎，要留番個肚食凍香草綠豆沙。雲吞同湯底味夠傳統；(4)凍熱香草綠豆沙各一- 除左偏甜之外(因為味道較傳統，所以都係偏甜)，一個字講哂"正"，食左咁多年，以咁嘅價錢，真係物有所值，所以仔仔細細個已經帶佢黎食，估唔到佢又唔怕熱，肯流住汗食佢嘅至愛；其實，除左綠豆沙之外，佢嘅芝麻糊都好好味架，不過今次太飽，所以下次先再食。最後埋單合共$68.5，抵﹗

食左海帶綠豆, 都好多綠豆, 唔會好甜, 好凍好味道。同學食左西米露, 話好唔抵真係淨係得西米。d糖不甩好chewy勁正呀!!! 不過好斜真係幾驚碗糖水會slide走!!

聽聞呢度有「舊民園風味」麵食, 今日同朋友唔理太陽幾猛, 走0左0黎試.先0黎一碗凍香草綠豆沙, 真係別有一番風味... 好冰凍, 好香, 不過個人覺得太甜喇.牛腩撈好大碟, 腩汁份量適中, 麵條都幾彈牙, 鹼水味係有不過好彩唔strong. 牛腩好入味, 而且我比較好彩, 坑腩/爽腩/牛筋乜都有d, 口感一流XD朋友個伊麵底牛腩撈就差得遠- 唔知係咪d 菜太多, 成碟0野好watery, d 腩汁多/稀得似湯一樣; 試0左一啖伊麵, 腍bad bad 的, 又無味... 如果食開九記0既腩伊, 0黎呢度千祈唔好order 伊麵, 唔係會好失望! 佢0個幾件牛腩賣相無我0個d 咁靚, 不過朋友話味道ok 喎.第一次坐0係斜路食糖水/撈麵, 認真驚心@_@" 雖然0係條街度, 但環境感覺上無勝香園咁污糟(可能因為我0地唔係坐近坑渠0卦). 阿姐招呼無乜點, 不過見佢成個檔得3 個人(2 個阿姐+ 1 個煮麵阿叔) 打理, 都幾犀利.下次要0黎試豬手撈!

到玉葉叫了一碗外賣熱芝麻糊和熱綠豆沙和糖不甩，１．熱芝麻糊：好稀，但好甜，似用粉開的，難吃２．熱綠豆沙：幾好，杰ｄ，但都係好甜３．糖不甩：夠煙ｕｎ，好味～(挽回小小分數)唔知玉葉的麵食會不會好ｄ呢，糖水就一般啦．．．．

食完九記牛腩, 格兩條街黎到依道食甜品~~芝麻糊(7): 有杏仁味, 好正糖不甩(7): 好味道其實我覺得最特別係, 坐係街邊和斜路果種感覺. 好有舊式香港既feel.間中有d車經過係你身邊不到20cm的距離, 都幾驚險.

試過多款後只認為綠豆沙好味

一直對數間在中環的食肆很有興趣, 奈何種種原因甚少出沒此地, 趁今天一早做好要做的事, "一條冷"到中環搵野食。由ifc下車, 徒步邁向第一選擇--科記的無敵豬扒飯。途中熱得頂唔順, 見玉葉有臭草綠豆沙, 決定整返碗至繼續上路。在斜路上搭檯, 吃著冰凍香草綠豆沙。臭草大大棵在綠豆中, 吃起上來不太方便, 摘細棵d會好好多。綠豆沙質感是稀杰適中, 濃淡得宜, 感覺很實在, 不花巧, 是現今難得一見的。見到同檯公仔先生所吃的海帶綠豆沙, 海帶大大塊, 他吃得雪雪聲, 幾正咁。吃畢此綠豆沙, 感覺猶如裝左部冷氣上身, 成個人都涼快起來。夏天來了。

今晚幫師兄做義工，了解中環呢個社區o既特式同服務多o左~特別係接觸社區中好多要面臨重建o既舊樓區民~對佢o地認識多o左好多~對佢o地o既感受，想法理解o左好多~事後發現自己未食o野，就請教師兄附近有咩好味o野食~佢帶o左我o黎玉葉~1)叫o左個牛腩麵，好濃o既腩汁~好腍o既腩~~好好味~2)斜路中o既大排檔，好有特式同風味~3)一面食，一邊同師兄討論社區重建o既政策，聽佢講中環o既歷史，玉葉o既過去...彷彿去o左一個旅行，好唔真實，但好滿足~呢個旅程，只係花費17蚊，但我得到心靈o既富足~

N個月冇黎過，星期一放假，特登重來，今次試左牛丸麵，甜品依舊是臭草。牛丸味道有點怪，不太好吃，但這不是賣麵為主的店子，麵食只是附屬品，算。但臭草確是差了，雖然味道依然，但沒有了以往的香味，有點美中不足。

又是補寫的, 07年1月食完民園食佢!吃了海帶緑豆沙及芝麻糊, 偏太甜, 好在夠熱, 芝麻糊普通香啦! 海帶綠豆不錯! 但不會好想再食, 但比起什麼大良XX等連鎖店, 佢都算好食及有特色啦! 又平啦!

星期六晚飲完第一場, 朋友想食D野先再轉去第二間, 玉葉絕對係一個好既選擇.魚蛋麵- 魚蛋彈牙, 魚片就普通, 麵唔算爽口, 但無鹼水味就唔錯.綠豆沙- 朋友話唔錯

綠葉斜落我心寂寞時,獨自前來吃糖水.一向唔多愛熱食,這個名為香草,實則臭草的綠豆沙,也是比多五毛錢來降溫的.質感不算濃凋,臭草味不算霸道,只是有點似溝上兩錢水喉水.或者凍食味道如此,熱食未必會吃得出這種光怪陸離的味道.當然,老香港情意結之下,仍然值得一來再來.但願不要臨老入花叢,淪為人間廢葉.

在附近晚飯後想吃甜品，想起這一帶有一家很有名的，著友人帶路，便來了玉葉。這兒其實是個名符其實的路邊攤──而且是斜坡。那斜坡真的斜得要命，坐下有點暈眩的感覺，倒是糖水放在桌上又不會溢出，奇怪。小店一間，選擇不多，基本上只供應數款傳統糖水。我點了紅豆沙，朋友點了西米露。我的紅豆沙看上去滿濃稠，吃下去並沒有很多「沙」的感覺，果皮味亦不重，十分普通的糖水。朋友的西米露有很多西米，但除此之外，便什麼配料也沒有了，略嫌單調。兩碗糖水都有過甜的情況（我是個愛吃甜食的人），加上份量有如粥碗般大，只吃了一點便吃不下去了……如果碰巧在附近又想吃甜又別無他選的話，也不妨一試，因為實在是便宜──熱吃$7，冷吃$7.5。