玉葉甜品

营业中

休息中

記得數個月之前~食完勝香園之後經過見到~老公話呢度d綠豆沙好味~下次一定要試~之後八卦完就走了~ 今次星期日~諗住如果佢撞正今日休~就落蘭芳園~點知又有開~又勁多人等位~好好彩又比我即刻搵到位...咪坐低試下囉~叫左一個香草綠豆沙~糖不甩同埋豬手撈~呀姐ge service真係好唔掂~聽到都唔會應你~但轉頭又會拎你叫個碗野黎~個個一話叫糖水..佢就叫大聲叫人等陣先啦糖水..未得~~~~~佢話老闆娘唔得閒'不'.....之後老闆娘無野做出黎洗碗~~但原來有好多人等糖水~就罵個呀姐~~~''乜order我都無接過~我見無野做先出黎洗碗~~你做野醒d得唔得ar~~快d拎野比你啦~凍晒都唔拎~~係度都唔知做乜''~~~~~好明顯d人叫糖水而個呀姐唔理....已經係一個反射動作~ 雖然黎之前已經知道呢間野係個d''等唔到咪唔好等囉'' ge鋪頭~但我眼見有最少6,7輪人係因為佢地service態度~唔理佢地~走晒~~~~~通常慕名而黎都唔會咁輕易走ga ma~仲要好多一家大細~~但依家係慕名而黎都走.....呢種趕客方法真係一絕! 好不容易~我個3樣都到齊了..

黎到最後一站，ｙｅａｈ～～ｓｈａｒｅ香草綠豆沙、芝麻糊、糖不甩。各＄７，ｓｉｚｅ不大，算抵食。綠豆沙同糖不甩都好食但又唔係勁好食果ｄ。芝麻糊有杏仁味架，我勁憎杏仁，所以食左少少就無食ｌｕ．．．芝麻糊本身滑得黎有ｄ芝麻粒粒，其實很棒的。又一間綠色鐵皮檔，很喜歡坐在街邊的感覺，很"香港"，任何新式餐廳都不能代替的。

三星期內去左呢度食野兩次，食左兩次後結論係芝麻糊及糖不甩係最好食o既。而綠豆沙方面我建議食香草綠豆沙，如果第一次去食就食海帶綠豆沙的話，我怕會令你唔會再去..問題係佢海帶太多片片都好大片，意米比綠豆還要多嚴格黎講佢唔算係綠豆沙(我覺得) 可能最傳統o既海帶綠豆沙做法係咁啦，但我接受唔到。講番芝麻糊，非常香滑味道適中，食完唔會覺得"漏"。糖不甩上會灑上椰絲同芝麻；上台立即食熱辣辣非常滋味，凍左食的話分別好大切記熱食

由三十多年前,港英政府開始取締大排檔,不再發新牌後,同時持牌人,不得世襲.只能轉去配偶身上.等同自然流失,大排檔被取締的原因,其中一個就係衛生問題.幾十年前制水潮,來來去去用一筒水去洗碗,有無食死過人?三十多年後的今天,執一間少一間,有些舖頭入地舖,已經失去原有的風味.伊利近街的民園,係其中之一,昔日同伴玉葉,比她更長命,仍然在街尾斜路之下,在綠色鐵皮屋內,同時間搏鬥.友人未放工,於是在此斜路腳坐下,綠豆沙吃得太多,反而麵食就一向未試過.見到撈麵都係賣$17,在中環那有可能平得如此發笑?豬手撈麵,兩大件舖在麵上.沒有再斬多兩野,大大件用手"拿",感覺粗豪.豬皮很爽,膠質豐富.麵條有點點鹼水味,比豬手的南乳汁中和,無傷大雅,嗒一口簡而清的湯,拿拿臨埋單上路.再過多十年後路過此地,相信綠色鐵皮屋已經消失,玉葉這個名字,或已成流傳百世,成為不朽的民間傳奇.....

曾試過這裡的香草綠豆沙. 覺得頗滿意. 今天拉大隊要幾個同事一起來試個海帶綠豆沙. 全是負面評價, 就是我自己的評價也如是, 多不好意思!海帶綠豆沙跟香草綠豆沙完全是兩回事! 稀得離譄. 全碗甜品很難才見到一粒綠豆, 大部份都是薏米. 海帶多是多, 但又厚又硬又大片, 很難吃.見到很多食家的食評都讚這裡的海帶, 自己吃過後卻覺得他們讚的都是我覺得這碗甜品的失敗之處. 或許是大家的口味不同吧.

遊電車河遊夜左,就順便在中環食埋先返屋企...本來想食麥奀或民園,但麥奀唔飽,民園休息,見到對面玉葉有開,就去玉葉食了...玉葉而家有麵食,叫左個牛腩麵同凍綠豆沙...牛腩夠淋,夠唔'un',好食...麵都冇乜鹼水味,可惜被湯浸淋左,不過充滿腩汁味,整體都算唔錯...食完牛腩麵,綠豆沙仍然夠凍,唔算太甜,重臭草味,綠豆都夠咬口,作飯後甜品,夠大碗,飽肚...從來未試過自己一個夜晚晚去食大牌檔,坐在斜路,望住有種舊式,平民化,特別的感覺...多年後,會否失去感受這種感受的機會呢?

吃了個熱的香草綠豆沙.座满, 要了外賣.一打開蓋便嗅到濃郁的草味. 不太稀, 但多料得來很多是薏米, 有點失望, 但口感又好像不錯. 我吃得很甜, 所以不覺這裡的糖水太甜.下次會試試堂坐及要個海帶綠豆沙.

今日天氣又轉熱，但係又陰陰暗暗，睇左咁多篇食評，決定是日挑戰斜路上玉葉。因為驚落雨都行快兩步，上到去已經1點半，食飯時間過左一半，人唔算太多，最少唔洗等位，一坐低便叫一個凍紅豆沙。雖然人人讚的是綠豆沙，但係小妹只係食紅豆沙(第一次食紅豆沙係幫襯車品品的舊鋪，之後便一試難忘並上癮)。紅豆沙杰身，食落去有啖啖紅豆，雖然唔太起沙，但係食落去勁有咬口，佢加埋米去煮，仲可以見到有d爆米，除此之外，仲有好香既陳皮味，個碗紅豆沙仲有幾塊陳皮係度，真係好正。甜度又唔係太甜wo，熱個時食碗畚冰冰涼涼既紅豆沙真係一絕，不過天氣太熱要行上黎都好辛苦。間鋪先得3個人，煮麵既得一位師傅，另外2位阿姐就幫手拎麵拎糖水同收錢，都幾忙下，不過2位阿姐都幾nice呀，下次再黎試下佢d麵食先。

很久沒有到過玉葉，但給我印象唔錯，那臭草的綠豆沙很香，而且晚間坐在街邊有種時光倒流的感覺。因此有時即使食完晚飯都會在這兒消滅一碗糖水至走，有時會看到丈夫拿著電飯煲到這兒找正在工作的妻子一起食晚飯，真是很温馨呢，可能就是這些令小店有多一種人情味，使人懷念。

24.09.06父親主動說來探望我...真不好意思...要他老人家出動...走了一趟IFC, 老父興趣不大....都是行一行中上環..文武廟..父親第一次吃這裡的甜品..我當然是吃了多次..由$5.5 到現在的$7父親也是第一次吃黑色的東西..(他不愛吃黑色食物..因為好似不潔)....芝麻胡....今次吃到的跟以往不同...少了杏仁粉的味道...我愛以往的多d..也叫了糖不甩...好香椰子味...父親請...共$21..多謝哂!!!

食過呢度既臭草x次，味道非常好，散發著一種其他地方嗅不到的香味！至於牛腩麵，難頂到…硬死人，下面D牛腩好好多

我想你弄錯了一點~~玉葉的那位並不是調教味道，他只是把另一位師傅把調教好分量的調味料放進去而矣。另外，糖水牌跟熟食牌是兩個完全不同種類的牌來的。你認為大良八記可以賣粥麵嗎？熟食牌是大牌的一種，他所受到的規限是比糖水牌多很多的。不過站於食客立場，這些牌也是沒舍意思。但我曾看到一碗綠荳沙上浮著一陣陣的油...想到便感到讓人不適....

玉葉中那一個並不是學師，而民園中的亦不是大師傳！他們都曾經係舊民園檔中煮麵，他們的關係在此不多詳述。我並沒有說現在的民園是假的、同以前沒有關係的，只可以講，真正調教味道的是玉葉的那一位，因此有網友在玉葉食出舊民園的味道。那一篇食評只希望各食家、網友想再嘗民園時有多一個選擇。至於糖水同麵都是熟食，相信大排檔有食物牌照就可以一齊賣。

三個「聲稱」不餓的女孩，其實有2/3 仍是感肚餓的，那1/3 人帶了她們登山食糖水。竟然有2/3 人沒到過公利，沒到過民園，沒到過玉葉這三個「孖公仔」，令1/3 人覺得很吃驚。那2/3 人坐在那1/3 挑的那個位子上，覺得很得意- 她們從未試過斜坐著吃大排檔（言下之意，連水記也沒有）。她們又未見識過爆西米露的西米露、爆香草的綠豆沙，1/3 人告訴她們，其實西米露和綠豆沙的料子少了，但仍是最好的。驟耳聽，以為是一老二少行...但是，那三人是同齡，而「一老」又是最小的。

樓下果位好以搞錯左喎~~以前民園負責煮麵、整水餃、雲吞既唔係佢黎架~而家走左過去玉葉果個人一直以黎只係民園既學師黎架~真正大師傅入左鋪啦~~同埋糖水牌幾時可以賣埋麵既呢？不過食環署一向都係少做少錯架啦...等有人食物中毒投訴啦...如果唔係佢應該可以繼續偷雞賣麵~~