玉葉甜品

营业中

休息中

前言之前倒數完之後,好想同女朋友去食糖水,以前好耐之前自己同朋友去過,呢度嘅芝麻糊有獨特的味道.由皇后像廣場行過去,沿途影下相,有對父婦好好,幫我地影相之餘,仲幫我地攞住好多袋野揸機.thanks a lot.講番正題先,行左好耐,過左鏞記之後,唔係好記得跟住點行,女朋友想放棄之際,俾我諗起喇.終於到左.女朋友叫左芝麻糊,我自己叫左個雲吞撈麵,1. 芝麻糊有杏仁味,好滑,只有在呢度食過咁樣味的芝麻糊.2. 雲吞麵,麵好有彈性,味道一流.3. 再叫左個糖不甩,呢個真係無得彈,好煙韌.(最慘掉壞了相機,未能影相)後記,其實服務都不是咁差,同個阿叔同埋有兩個阿姐都講到野呀. 我地坐正檔口旁,睇住佢地點整,見到佢地"but"糖不甩時,好得意架.值得再去,同以前一樣咁好食.

尋日行完6個鐘頭山,餓與唔餓之間,好想食d唔太飽肚既嘢,粉麵正合我心意,玉葉粉麵不嬲係我中環區數一數二之選,原來仲比我發現一個唔太多人(老客除外)知既秘密添~ 其實民園搬入鋪,仲話只此一家,由對面搬嚟,我覺得佢哋咁講非常過份囉,我唔知箇中原因,但男友住中環由細食到大,都認得邊個係大廚,再加上未有新鋪前,我都幫襯過鐵皮屋好幾次都認得而家玉葉粉麵既大廚正是前民園既大廚,而家新鋪咁樣誤導人實太過份,唔知既人都會幫襯新鋪,而知內情既人都會幫襯返鐵皮屋,清者自清,玉葉我會繼續撐您架!

上星期日路過這間擺在斜路的大牌檔, 很有地道中西區食店的特色, 故此光顧。要了牛腩河、糖不甩及芝麻糊, 全部都很好吃。牛腩的味很濃而且炆得'林';糖不甩跟外面吃的不同, 不是淋上糖膠而是用了椰蓉和白沙糖;芝麻糊有杏仁味, 我本來不吃杏仁的, 但也很能接受他的芝麻糊, 而且他的芝麻糊很滑。

老板娘正在近執拾面。奴隸獸：『唔該，一碗香草綠豆沙，糖不甩。』但是老板娘無反應喎。於是奴隸獸對主人說：『唔知佢聽唔聽到我叫呢？』此時老板娘即時有反應（頗激烈呢！）：『你講得咁大聲，當然聽見啦！個個嘟應，咁咪好氣囉。』奴隸獸終於明白，原來無反應亦是一種反應的溝通哲理，好高深呀！1. 香草綠豆沙（HK$7.0）：臭草味濃，綠豆夠腍，起沙而不『鞋』口。不太甜，正。2. 糖不甩（HK$7.0）：暖暖地，煙韌但不黏牙，配著晶瑩的砂糖、椰絲及白芝麻。好味。玉葉仍然可以保持以往的水準呢！

一向欣賞港式傳統美食, 昨日特意從屯門到中環幫襯玉葉,同行更有2個外國朋友, 打算順道推廣香港的飲食文化...怎料士頭婆極燥底,態度極惡劣,令外國朋友極之側目!!!本來甚有特式的街邊檔, 頓時成為受氣之地!!星期六4時許的玉葉人並不算多,約有10個客人. 在檔口附近坐下後叫了3碗糖水,糖水未到,想加糖不甩,特意走去檔口落單,點知連叫兩次無人應. 返到位剛好兩個阿姐送糖水到,同其中一個阿姐講,無反應, 以為阿姐沒有聽到, 只好再說多一次, 阿姐指著在旁的阿姐冷冷的說: 同佢講!並不理解伙計間是否有分工接order, 只好再說一次, 同樣伙計沒反應, 轉身走了... 無奈的我看著伙計的背影再說了一次: 麻煩阿姐,多要一份糖不甩......阿姐終於回應了!她連珠炮似的回應了兩分鐘, 實則是向我發脾氣!!阿姐:聽到喇! 嘈嘈嘈, 使唔使講咁多次呀!我: 阿姐,我....見你無應我...以為...你聽唔到.... 阿姐:我地從來唔應人o家, 我地講實際, 聽到咪得啦. 邊得閒應你呀!嘈嘈嘈!聽到使應你o家?!!唔應你唔代表聽唔到喎! 以上是我在玉葉光顧時得到的經驗...後來與朋友說起, 全都指出

由於不熟路, 找了很久才找到民園, 但內裡不見有人, 逐馬上轉換地方, 幫襯路口的大排檔- 玉葉。大排檔逐漸被食肆取替, 趁還未消失前要試多幾次。坐街邊夠風味, 叫了水餃粗麵加海帶綠豆沙。麵夠彈牙, 水餃正常, 沒有特別。綠豆沙味道不太甜, 但太多海帶和不夠沙。中環較難找到傳統的中式甜品, 所以食到算做不錯。

本來諗住食民園, 到了之後見到玉葉, 好耐無坐係街邊食野, 又係斜路, 就來一餐懷舊排檔餐.食左豬手撈麵, 麵夠彈牙, 豬手係啖啖南乳味, 好耐無食過呢種傳統味道. 之後食埋芝麻糊, 覺得唔夠杰, 不過唔會好甜. 都幾好.

午飯後，在中上環閒逛，不經不覺來到了玉葉的檔口。貨真價實越來越罕有，知道在玉葉可以找到雖然簡單但不是巧立名目的糖水，既然來到，就來碗紅豆沙罷，一來充當飯後甜品，二來甜的東西向來能讓人覺得舒服和溫暖一點。等了數分鐘，新鮮熱辣的糖水便端到面前。紅豆煲得綿綿爛爛，糖水不會太甜，也不會太稠，還帶點果皮的香味。喝完了一整碗，心情也跟着愉快起來！

食完飯後，同男朋友黎左呢度食甜品。試左芝麻糊同糖不甩。芝麻糊：個味怪怪地，杏仁味搶左芝麻味，好似食緊黑色既杏仁糊。我食左幾啖唔想食，交由男朋友善後，唔好杏仁既就唔好試喇。糖不甩：呢樣好好食，椰絲夠甜夠多，湯丸有咬口，連埋一齊食好香口。夜晚附近既舖頭都差唔多關晒，顯得呢度既白光管好外眼。

中環真是一個特別的地區,有d人著得靚靚,去d高級餐廳,坐得舒舒服服,偏偏又會有好多人去枱放在斜路,坐在街邊的大排檔,最高級,最平民的食店都集中在中環,感覺好特別熱紅豆沙:夠熱,唔會太甜,唔會太杰,有陳皮香味熱香草綠豆沙:夠熱,好清甜,唔會太杰,好香臭草味,(出面有好多糖水鋪,煮綠豆沙都唔落臭草或落得少)

玉葉的糖水是傳統一類, 沒有任何花巧, 但仍是很多人的至愛.每次都食它的芝麻糊, 因愛它有杏仁的香味, 很好!老公就支持它的綠豆沙, 因愛它加入了很多臭草, 又不太甜, 好掂喎!

食完dinner，bring個朋友去我由細食到大常去的街邊糖水店～2個人叫左糖不甩、芝麻糊同西米露糖不甩~~有少少薑味，熱辣辣、加上椰絲就更香口，好味!朋有話太淋禾…芝麻糊~~有杏仁味,唔係太甜，我朋友就話一般貨色禾~~西米露~ 我就覺得無咩問題，無咩椰汁味甘啦，唔係好食囉，不過又未去到好食~我朋友就話十分難食囉~話有陣怪味~朋友就好唔nike呢間野~比佢\踩到一文不值，又話地方好dirty，又話d野食好唔得，我就覺得佢\d野係物超所值~有大碗又抵食~仲有好難食再起香港食到咁有風味的大排檔糖水~不過我自己好驚蟑螂，所以冬天先敢坐底食~夏天就一定buy番家食~

紅豆沙~~夠凍、甜度啱啱好、果皮味道啱啱好,唔會搶晒味! 正!糖不甩~~夠熱、椰絲好脆口,好好味!芝麻糊~~有好香杏仁味,好好味!(這個是朋友吃的,她叫我下次一定要吃,她說好味的,一定是很好味的這次消費共$21.5 好底食

幾趟過來都沒有時間幫襯這裡，是日在QR100號的手尾早點攪掂，就去了新景記後迅步過來。什麼豬手麵牛腩麵不是自已杯茶，由前幾趟幫襯過的甜品當中仍是覺得這裡的綠豆沙是不可多得，故像探老朋友一樣，每趟過來都想念她，今次亦不例外。仍是一貫的清甜，加上是主角更加是靈魂的臭草，無怪為什麼想念她呢！

在蘇豪吃完飯，心思思想吃甜品，發現原來聞名的玉葉就在路旁，點了一碗熱海帶綠豆沙和一碗芝麻糊，嘩，十分大碗。海帶綠豆沙好充料，多豆多海帶，味道不錯。芝麻糊不夠滑，而且不知為何有杏仁味，跟源記是不能比的了。不過每碗７元，真的好抵，加上天氣涼了，坐在路旁也很舒服。