玉桃軒酒家 (鱷魚恤中心)

营业中

休息中

久聞這裏的义燒味美，我等麻甩佬對啖啖肉的燒味總有解不開的情意結，遂相約兩名家庭成員同往一嚐他們的招牌名物。去的是利舞臺店，晚間食客不多，入座率只有四成，生意好像不太興隆，不過這也算是商業區食肆的常態。酒樓裝修佈局走中上檔次市場路線，並且設有獨立婚宴禮堂。甫坐下，已看到侍應在切片皮鴨，鴨子被吹得鼓脹，外皮乾脆，未看菜牌已決定要點一隻。以下是對當晚所點的各項菜品評價：片皮鴨-售價HK$246兩食，是一個相當貼地的親民售價，皮香脆，肉甘香，不帶腥羶異味。用作包裹鴨肉的外皮也是好貨色，有嚼勁帶麥香。薑蔥炆鴨件- 鴨件炸得乾身但不是肉汁，蔥薑香撲鼻，滲透鴨件，色香味俱全。义燒 - 外層外脆，肉汁頗多亦焾身，帶有少量燶邊，甜味恰到好處。冬林頂鼎湖上素 - 以上湯蠔油燴製冬瓜及幾種菇菌，這道菜要做得美味無他，只要上湯鮮味，冬瓜菇菌夠焾身便已足夠，當晚一道完全做到，惟此素菜以竹笙入饌的話，便更為錦上添花。椰汁紅荳糕 - 夠滑、夠挺身、椰香，紅荳則偏向硬身，帶嚼勁。總結: 食物性價比高，是晚買單連加一及茶介三位只需HK$585，每位計不用HK$200。

打jor 兩次電話book.booking 都可以搞錯.人數寫少一半.全部人姓賴.去到當無野.sorry 都無聲.無人有意欲幫手跟進.覺得你一定會幫趁.未開席已經受氣.生意的確唔錯.但態度囂張.唔覺得自己落錯booking有問題.呢樣先令人失望.如果你話當場幫你搞店都無咁興.但無論講咩都話幫你唔到.問題是你落漏一半人. 果張台點坐得落呢？d經理，部長全部廢.因為無人出過一聲.由頭到尾只係果mark 位小姐係度.最經典係，個小姐話：你個booking唔係我落，我咩都唔知.真係想講粗口當時.

今天朋友帶我去觀塘玉桃軒飲茶，我是第一次來，在港鐵觀塘站一出就到，好方便。入座後我們叫了鐵觀音，侍應效率高，好快就沖好茶。喜歡枱與枱之間寬敞，一點都不擠迫，感覺舒服，啱曬我們傾計。早晨有優惠點心，優惠點心款式有20款以上。我覺得咸水角有驚喜，價錢$14.8，雖然便宜但水準好高，我好喜歡食咸水角，這裏炸得好脆，三件都有好多餡，整隻咸水角都填滿一條條完整肉絲，好足料。翡翠鮮蝦腸上枱還熱騰騰，腸粉好軟滑，我問傳菜姐姐可否給多點鼓油，傳菜姐姐説當然沒問題。很有禮貌香煎蓮藕餅，煎得表層好脆，咬落去魚肉好滑，蓮藕粒爽口。蝦餃有四粒和兩粒選擇，我們叫了一籠兩粒，皮薄，蝦夠大隻燒賣我一個人食了三粒，哈哈早上十時半後有小菜 ，我倆準備早餐和午餐一次過，就叫了黑椒牛仔骨和燒肉飯。牛仔骨用洋蔥一齊炒，所以好惹味，黑椒味都重，食完一塊又一塊，足足有八大塊，未免太足料吧。燒肉飯的燒肉半肥瘦，個皮好脆。食物碟碟夠熱，食得出用心制作，下次會再來

去完觀塘工廠區shopping，醫下肚先今晚有四個人，可以叫多兩個餸京式片皮鴨原隻向我面前切片有好多塊，齊備薄皮、京葱、醬料......配料我都包得唔錯份量比例剛好，最好一啖過食哂一舊一鴨兩食「豆腐菜苗滾鴨湯」，加幾卄蚊有埋湯飲翡翠花姿珊瑚蚌，西芹爽口，珊瑚蚌唔腥帶子賽螃蟹🦀️，蛋白煮得幾㓜滑，還有帶子、蟹籽椒鹽鮮尤，配上炸粉，有大排檔風味有前菜可以先食下店舖環境寛濶，可以慢食俾門口隻燒鵝吸引左

呢間玉桃軒已經唔係第一次黎，皆因阿媽對呢間既燒鵝情有獨鍾，加上坐得舒適，環境餐具又乾淨衛生，水準穩定；所以久唔久都會黎下價錢不是最平最抵，但吃到的是質素今晚燒鵝賣曬，所以試一下其他菜式即使是前菜亦絕不媽虎，味道甜甜辣辣，十分惹味！燒腩仔$118香脆可口，肉質非常嫩滑，入口充滿肉汁肥瘦適中，唔會有過多肥肉，吃多幾件都唔會覺得膩！褔建炒飯$158份量大用料足，對得起這個價錢！蝦仁、元貝仔、瑤柱絲很多，每一啖都很多料😍飯質亦很好一粒粒的，汁又不會過多令飯太濕🎈蒜香雞半隻$138雞肉結實、嫩滑、無雪味，入口有肉汁不乾身，皮又薄又脆，沾上附上的蒜汁味道一流👍👍👍水準令人滿意

今晚係觀塘同幾位長輩要食晚飯，所以揀咗喺酒樓樓食中菜！酒樓位置非常方便，喺APM隔離既鱷魚恤中心....酒樓環境地方好大，枱與枱之間都有一段距離...令人唔會覺得好侷促...京式片皮鴨..唔係好多地方有...今晚有機會可以食都幾好呀，同埋我喜歡呢度既片皮鴨會有帶少少肉..唔會淨係得塊皮！另加$98 會有二食...揀在豆腐菜苗滾鴨湯...清清地..岩晒平少湯水既自己..帶子賽螃蟹...雖然味道清清地..但係用黎送飯就一流...！翡翠花枝珊瑚蚌...小炒夠鑊氣，味道亦算好食..！汁燒牛肋骨...味道非常惹味、牛肋骨有濃濃牛肉香味..最後有椒鹽鮮魷作為晚飯小食....我地一行5人....都食到飽飽離開..！

每次同家人來飲茶都會來官塘鱷魚恤中心6樓「玉桃軒酒家」這裡是飲茶好地方，因為點心價錢合理，每人平均消費唔使 $90。除了叉燒包外我就是喜歡「陳皮叉燒酥」叉燒酥鬆脆香口，叉燒餡料滿滿，略帶陳皮香味，酥而不膩，水準不俗！鮮蝦菜苗餃 $29.5 菜苗幼嫩, 口感爽脆, 配以爽口鮮蝦，味道清新,不油膩。 飲茶會食得肉多,有時也會挑一些清淡的點心吃「高山野菌餃」$28.8 晶瑩剔透的外皮包裹著富有獨特芳香野菌，味道清新，口感豐富，好岩夏天吃。 飲茶必定會選腸粉, 一見到新品「櫻花蝦XO醬腸粉」就想試試。  近來興起以櫻花蝦入饌，櫻花蝦無蝦米咁香但比較索汁，口感較薄脆配白腸粉無得輸。 腸粉有尚有米香但略為黏口, 而且豉油可以咸小小更好。 每次來玉桃軒酒家也必吃的點心還有「叉燒包」、「馬蹄牛肉腸」。不愛奶黃包的我， 甜包選了「招牌壽桃包」$20第二次吃這個壽桃包于同樣令我愛不惜手，拎上手已感到有手感、有重量、熨手非常、白蓮蓉又香又滑、大半個流心蛋黃, 高水準, 它已經成為我必食的甜點。 茶錢 $10/位  

今晚到顴塘食飯，兩大一BB, 想食酒樓方便照顧BB. 在鱷魚恤大廈上7樓，門口帶位同距講話有個BB想靜少少，個帶位安排我去大電視底下，我同佢講個電視好殘眼會影響BB，有冇其他枱。佢個回應就係別BB車背住電視買唔晒囉，其實間酒樓又唔多人，有好多其他枱冇人座位。🈚️言⋯都唔使講其他嘢啦即刻走，今時今日有咁嘅服務真係好差，甘無心做飲食，執咗佢啦，你見過帶位安排BB喺大電視下邊座嗎？之後上咗同一棟大廈9樓迦拿，門口帶位話你有BB我安排個靜小小有魚缸睇嘅位俾你啦，BB可以睇魚，高低立見。

放大假跟友好過一個悠閒假日實在令人心情放鬆，這一天找個友好來來到玉桃軒吃吃點心輕輕鬆鬆歎茶~兩點多午市差不多完結店內十分清靜，得兩三枱客兩人坐張六人大圓枱叫了壺鐵觀音水滾茶靚,檯上放了點心紙，選擇不算很多...大路的款式大致也有供應...叉燒腸粉，叉燒饀倒是不錯，可是皮厚了一點，口感亦不太滑。加上size比一般的小說明是食點心，蒸點就是不容錯過的食品，而燒賣更是一個必點的食物這個燒賣只可以說是普通，是一般酒樓的質素而蝦餃真的好貴，下午茶點心頂點一籠四隻$39.8 外皮吾夠煙韌香軟也是一般的酒樓點心質素粉果只是以花生粒，冬菇粒同沙葛做餡！餃皮比起蝦餃更加之晶瑩剔透！但是味道一般！羗蔥脆皮牛肉餃樣子非常之似過節的煎堆角。只是羗蔥絲在面。可能外皮太厚關係牛肉味就好像唔覺煎釀茄子，這一個釀茄子，同坊間一般的煎釀三寶的做法差不多茄子厚身, 鯪魚肉只薄薄一層, 加上鼔汁惹味又熱辣辣幾香口嘅！鴨腳趾。鴨腳扎份量夠大，鴨掌亦非常之入味，包起來，除美味的原隻鴨掌外，附帶的肉及芋片也是厚厚的！味道好而份量也十足。豉椒排骨煎米粉。米粉煎成餅狀，香口是對的！不過米粉吸油。令我感覺這一個東西很是油膩！豉汁味道雖

觀塘玉桃軒其實一直都想去幫襯，但見到每次樓下都有好多人等電梯上去，就放棄左。今日撞正媽咪約我去觀塘工廈購買蔘茸海味，順道去飲茶，就決定一試。入到去地方很大，樓底很，高感覺好舒服，仲有個大電視，可以一邊傾計一邊睇電視。有優惠套餐推介，點心即叫即蒸，亦都有小食及炒粉麵飯。安蝦咸水角，熱辣辣炸得脆卜卜，好香口👍南翔小籠包小籠包雖然好多酒樓都有，但做到皮簿就好小有。一咬開皮薄多汁，肉質新鮮。👍👍👍瑤柱鮮蝦灌湯餃，皮薄餡料豐富，加埋紅醋，一啖一啖簡直食個吾停。燒汁釀茄子，這樣做法都係第一次食，茄子加了蔥，蒜頭同花生碎加上特別醬汁好入味，肉軟綿綿，推介必食！蜜汁叉燒腸粉，厚度適中，叉燒半肥瘦，味道香甜

今日放假，小朋友又未開學，知道APM有個小型書展，就出發去觀塘，順便去飲茶，正正隔離有座鱷魚恤中心有好多酒樓，就選擇左玉桃軒。一上到去打開電梯門，酒樓裝修好華麗。地方大，所以枱與枱之間空間不會太近，坐得好舒服😌點心款色多，價錢合理點了一個瑤柱海參炆伊麵，味道適中，不會過咸或太淡，切碎了海參撈埋伊麵芽菜入口，好爽脆入味。👍👍👍玉桃蝦餃皇呢個真係必點點心，皮薄鮮蝦又彈牙😋煎釀虎皮椒，吾會太辣，煎得好香。古法馬拉糕，呢個係我最愛，熱辣辣，入口軟綿綿😋蝦籽焼賣皇，脹卜卜賣相巳經好吸引，大蝦好新鮮又彈牙。蠔皇香芋鴨腳扎，每次為左個芋頭先點，芋頭吸入好濃醬汁，質地軟綿綿，超超超好食又惹味。😋😋😋

整座鱷魚中心每層都有食肆，玉桃軒位處六樓。店內有超大電視，電視迷及婚宴賓客應不會失望。枱與枱之間相隔距離充足，令客人坐得舒適。從餐單所見，早市及午市所提供的食品頗為充足，而十二時前落單更可享用特價點心。高湯鮮竹卷咬口頗佳，有高湯伴隨，使鮮竹卷更濕潤可口。鳳爪排骨蒸飯質量尚可，排骨稔熟無渣，鳳爪亦中規中矩，飯的軟硬度亦算適中。薑汁糕賣相吸引，製作認真，入口頓感薑味甚濃，糕亦彈牙夠黏，甜度調較亦恰到好處。豉油皇炒麵咸度適中，麵質爽口，份量亦足。九制陳皮叉燒酥屬虚有其名，因食落完全感覺不到有陳皮存在，幸好叉燒酥亦算有水準，咬落微溫可口。叉燒腸腸皮厚薄適中，叉燒具鮮味。馬拉糕賣相及味道都名符其實，甚有懷舊氣息。潮州粉果皮薄且晶瑩通透，內裏饀料充足，尤其花生更覺鬆脆可口。山竹牛肉具一般水平，燒賣皇上覆蓋蟹籽，賣相可人，質感甚濃，味道亦佳。總括而言，該酒樓出品的點心雖未見很特出，但已屬平均水平之上，加上其座位及環境亦頗舒適，屬知己良朋共敘的理想地方。

難得今日早收工，同屋企人一齊出黎食晚飯，咁就近近地揀反一間酒樓食，因為老媽子同老爸都係鍾意食中菜 本身想叫片皮鴨，但原來數量有限，黎到先知可以book位時預番，惟有下次先叫啦。之後見到其他枱都有問，同樣失望而回，睇黎依度片皮鴨真係好出名。 最後叫反家常小菜食下 第一個既係燕窩芙蓉花膠𡙡，女仔梗係鍾意燕窩啦，而且又有花膠，再加上蛋白做芙蓉，成個𡙡味道好清甜。仲有叫燒腩仔，外脆內嫩，肉質肥瘦岩岩好，老爸食到讚不絕口。滑蛋炒蝦球，蛋唔會炒到太老身，夠滑，蝦球好味。 最後仲有帶子賽螃蟹，成碟菜幾鮮味，帶子細細粒但有咬口。老爸鍾意飲啤酒，叫左兩罐，又叫左兩碗白飯，埋單一個人二百幾，唔錯的一餐。不過美中不足既係食唔到片皮鴨，下次一定要book定位食！

黎開觀塘行街，突然想食小菜，同朋友決定黎玉桃軒食晚飯。呢到夜晚都有好多選擇，唔同既特色小菜，海鮮，肉類，選擇多到令人難以選擇。 坐低既時候D staff 就推介可以叫隻京式扁皮鴨$238，我地係食一味食法，包住皮食。黎到既時候staff 即場切鴨，將d 皮同少量肉放上碟。D 皮蒸得幾熱，口感唔錯。仲可以加青瓜，甜醬同蔥絲，一咬落去既口感非常好。 紅燒北菇豆腐煲$108 之後仲叫左多個豆腐煲，豆腐預先炸了，加埋冬菇加菜心，都十分入味吸汁呢。

好耐冇同朋友黎呢到食飯，玉桃軒呢到既選擇都十分之多，夜晚既menu 乜都有, 岩晒我地既口味。我地人少少叫左三個送，但已經夠飽了。花之片珊瑚蚌$118炒西芹加上花之片，珊瑚蚌既口感唔錯。蜜椒薯仔牛柳粒$128賣相十分吸引，呢個配搭夠晒飽肚，薯仔炸香了加埋蜜糖，仲有青椒，牛柳粒炒香了。帶子賽螃蟹$138炒蛋白加左調味，滑滑地口感好好，帶粉少咸，帶子好彈牙，加埋西蘭花就更健康。叫個白飯都係$15，更加飽肚呢。