玉桃軒酒家 (鱷魚恤中心)

营业中

休息中

平日帶長輩來觀塘食飯，地點便利係要點之一，而且又想試下新野，所以就book依間酒樓試下。雖然係平日，但係都幾旺場，都幾多人食。 今次我請家人食，所以由佢地拍辦。見到有片皮鴨有諗過叫，但驚食唔哂，所以都係點小菜。 總共叫左五樣野。 胡椒咸菜豬肚煲 幾重胡椒味，成個湯唔會太咸，好好飲，而且豬肚煲得幾腍。 燕窩芙蓉花膠湯 滋陰養顏之選 燒腩仔燒到個皮幾脆，而且燒肉肥瘦適中。唔會太肥搞到你食到成口油，又唔會太瘦，令你咬落去好韌。 滑蛋炒蝦球真係炒出黎係滑蛋，D 蛋好滑，蝦球爽口彈牙。 帶子賽螃蟹蛋白又係好滑，帶子爽口。 整體黎講，小菜唔錯，環境乾淨，侍應態度幾好，食完一樣餸會主動過黎幫手執野，而且地點方便，下次同長輩既話可以再黎。

這天放工後，我約了朋友在觀塘吃晚飯和打羽毛球，經過網上的介紹，發現人們對這間餐廳的評價很不錯，證明食物的質素有一定的保證，我們便決定來到這間酒樓試一試，店內環境給我的感覺十分高貴，非常寬敞和清潔衛生前菜涼拌雲耳軟彈煙韌的雲耳，對身體非常有益處，非常健康，凍食非常適合這炎炎的夏日食用片皮鴨2食($316)用生菜包包住爽口的馬蹄，新鮮爽口的西芹，白茫的洋蔥，軟綿綿的鴨肉，爽彈鮮美的冬菇粒，皮脆肉嫩的片皮鴨，熟能生巧的經理在客人面前即場片，非常迅速地完成，功架十足， 用陳餅夾著爽脆的蔥，爽口微彈的瓜和鴨，這樣的食法減少鴨油膩的感覺，份量非常非常多，非常豐富，非常飽滯，非常抵食蒜蓉炒通菜($82)蒜蓉味恰到好處，不會太濃，通菜非常新鮮和爽口微彈，份量很多，價錢可以接受整體來說，食物的選擇非常多，食物的用料非常新鮮，食物的質素非常高，食物的份量非常非常多，食物都是即叫即製的，誠意十足，相對非常抵食，店員有良好的服務態度和有禮貌，所以我認為這間餐廳值得再去惠顧

服務態度極差一家人食生日飯, 一坐底就食到成肚火, 個侍應態度極差，去到咩餸都話冇哂, 對客人呼呼喝喝, 就算酒樓最大果個態度都係勁差, 係吱吱隻隻, 可能太多生意唔自在我地一圍半圍, 真係火都黎😡😡😡🤬🤬🤬

和長輩用膳，選擇到觀塘鱷魚恤大廈的>>>玉桃軒酒家<<<，皆因其地利之便，正正在觀塘地鐵站旁邊，無需穿梭於工廈之間，無需長輩太過勞累。已經預先訂座，免卻長輩等候。大概當晚是平日，其實也沒有輪候入座的情況喲。 這夜就只數人用膳，沒有點圍餐，散叫了以下幾款菜式。 首先是翡翠花姿珊瑚蚌(HKD118)。珊瑚蚌非常新鮮，口感爽脆；花枝片有夠透薄，軟滑彈牙。配合紅椒、黃椒及西蘭花，三款顏色挺搶眼，也夠營養，惟西蘭花略嫌未夠軟腍。 然後有瑤柱粟米石斑塊(HKD168)。以新鮮石斑塊製成，炸漿透薄，火喉恰到好處，外脆內軟，魚味十足，絲絲魚肉才是精粹所在。瑤柱粟米羹另上，不會影響石斑塊的香脆，羹的份量亦可按個人口味調節。 最後為薑蔥廣島蠔煲(HKD128)。蠔身雖然相對較為細小，然而蠔味一流，與薑蔥配合得天衣無縫，突出了蠔的鮮香。

星期二的晚上，有人來接放工，觀塘好多嘢食但係想食嘢嘅時候又唔知去邊度食😂。今晚想食中餐😊兩個人食中餐又唔食得多，但貴精唔貴多，比我發現左呢間，係門口間到”北京片皮鴨”,已經決定左定為今晚的主菜🤤內部好大裝潢乾淨企理，當時大概7:30,未太多人，坐得幾舒服。主菜來了🤗🤗🤗眼看脆皮燒到金黃色佢哋由部長親自落刀切片，切好終於可以食啦影返張靚相肉質非常之有鮮甜肉味，唔係一般嘅冰鮮肉味👍🏻👍🏻加上貴洒家師傅自製嘅麵皮，好有口感，有麥味，未食過一張皮咁好食！好細心一啲都唔吝嗇為咗保持個質素每一張皮都夾一張隔油紙，為左確保唔會將麺皮被黐埋👍🏻皮薄得來係有口感！韌度好一定唔會穿皮？最後仲叫咗一個菜加沙律蝦球，呢一個呢就爭小小，嚟到嗰陣已經外脆嘅效果變得唔脆，有點軟身，呢個有待改善💪🏻下次再來，帶家人來🤤，兩個人都食得晒一隻片皮鴨真係誇張但係係有道理嘅🤗👍🏻但係為免令自己個胃難受都係叫多啲人一齊食分享更+好😂

之前都黎過好多次, 但今次先寫食評~~鱷魚恤中心有好多荼樓, 玉桃軒算是一間OK 荼樓~~ 食品價錢都十分OK~~特別推薦的係馬拉糕, 好鬆軟好香, 又唔係好甜~另外係珍珠雞, 黑淑蜜糖雞翼都好OK, 雞翼唔會外面有味裡面冇味~會搵日試下食晚餐!!!

今晚約左家人兩位老寶貝去觀塘食飯，佢地最愛食中菜，我就早早訂左玉桃軒酒樓，同佢地食個晚餐。餐廳晚上人客非常多，我地好彩有訂位所以好快可以入座。餐牌選擇好多，我地叫左5個菜，每款都可以試到味。翡翠花姿珊瑚蚌，屋企人鐘意食海鮮，又鐘意食爽口的口感，珊瑚蚌就最岩，爽口爽嫩的珊瑚蚌，味道清甜咸香，加上翠綠蔬菜非常咸香得宜，賣相好靚好翠綠。黑松露菌皇炒蝦球，黑松露香濃菌味重，而且松露份量好重好香，味道好滋味，蝦球爽口彈牙，而且加上松露炒香，味道清甜濃香，爽口蝦球唔係下等貨色，口感爽口彈牙。薑蔥廣島蠔煲，隻隻都好大隻的廣島蠔，入口爽甜有濃濃蠔香，入口蠔味重蠔香滿溢，加上薑蔥爆香，味道極濃郁極滋味。南瓜鮮菌炒帶子，南瓜爽嫩軟腍，入口瓜香清甜，入口綿綿的，帶子無雪藏味，入口厚身爽口。涼瓜鮮班頭腩煲，涼瓜苦澀味唔重，加上醬汁爆香，魚頭腩的確係我心頭好，魚肉香嫩香滑，魚肉入口咸香豐富。我地一人一個白飯，非常飽足。

今日同屋企人去左觀塘食飯，佢地特別鐘意中菜館，早早就去左玉桃軒訂定位，一家人去食個晚餐。我地叫左五個菜，酒樓有鑊氣的確好味。翡翠花姿珊瑚蚌，海鮮蚌煩食物我敏感，唔食得，屋企人大讚爽口鮮甜。黑松露菌皇炒蝦球，黑松露味道濃香濃郁，入口菌味極重，蝦球爽口彈牙，唔會有腥味，而且炒得乾身好滋味。薑蔥廣島蠔煲，屋企人是個蠔痴，蠔肉大大隻極爽甜，而且醬汁咸香得宜，一人分到一隻蠔份量都好多啊。南瓜鮮菌炒帶子，南瓜煮至剛熟入口軟軟的非常香甜，帶子爽口清甜，入口啖啖肉，加上南瓜清香，完全不覺油膩飽濟。最後叫多左一個涼瓜鮮班頭腩煲，魚肉大大件，魚肉非常滑溜，涼瓜入口香甜苦味唔重，的確好岩配白飯。

今日約了家人飲茶，星期六，都幾多人，下下都要排隊。本來只有細枱仔，由於有茶客離開，所以安排了我們坐正常圓枱。中午時段無特價，如果早少少，就有優惠孖寶供應。香芋流沙包都係第一次食，流心香芋，香噴噴好正。XO醬櫻花蝦腸粉都係第一次食，感覺好滑，又唔會好鹹wo。鳳爪好腍好入味，但又唔會梅。整體都幾好。最開心是有個超大屏幕可以睇電視，很適合一邊飲茶，一邊傾計，一邊做電視迷。不知不覺時間過得好快，下午茶人流特多。

暑假已放了差不多半個月，自已都是在這幾天有放假，難得平日放假，就叫同小朋友去開心飲茶，聚天倫。平日假期，我真的好少上茶樓，嘆上一盅兩件，都是怪自己懶床，好多時都是自已隨便食上湯粉麵，又是一餐了。大家提早約訂在假期上茶樓，開懷大嘆一餐，餐後，小朋友陪我到花墟，逛街買花及盆栽，為陽台增添數盆花卉，增添綠化。走進酒樓中央，已被大大我螢幕吸引過去，一邊嘆茶、一邊食點心，正播放重做的劇作，又可重溫一下。嘆茶，除左食點心外，餐點來小食麻辣口水雞，喜歡香麻的味道，雞肉嫩滑，啖啖肉，入口香濃。安蝦咸水角，每次上茶樓，這款點心，是不可缺少的，真是我家三代的至愛，想唔到連小朋友都愛上了。即點即炸，外皮糯脆，內軟綿綿，饀料有蝦米，菜圃，爽口又鮮香，美味。鮮蝦菜苗餃，晶瑩剔透的餃皮，富有彈性爽口，饀料菜苗清甜翠綠，蝦肉彈牙爽口，鮮甜美多汁。北菇棉花雞，魚肚夠厚，軟綿綿、吸收了雞肉、香菇的味道，一口咬落，湯汁已流出，雞肉鮮甜又稔滑，必食的點心。

帶阿爸阿媽出街食飯，老人家當然是鍾意食中菜，所以同佢哋去咗鱷魚恤中心嘅玉桃軒開餐。呢度開餐有個好處：地鐵站一出，唔使上上落落，亦都唔需要日曬雨淋，就可以直接去到鱷魚恤中心嘅電梯大堂，再搭𨋢就可以直達酒樓。夜晚有散叫，亦都有圍餐。今晚一家幾口食飯，嗌唔到一圍，所以都係散叫。本月優惠特區嘅京式片皮鴨好吸引，見到餐牌寫住提前預訂，即管碰運氣問一問侍應。原來當晚未買完，都仲有供應！所以二話不說就叫咗一隻。另加98蚊，就可以一鴨二食： 鴨崧生菜包、涼瓜炆鴨件、薑蔥炆鴨片、豆腐菜苗滾鴨湯。最後老人家揀咗薑蔥炆鴨片。等咗一陣，原隻片皮鴨已經送到去我哋面前。片皮呢個功夫，當然會響客人面前完成。原隻片出來份量都幾多，除咗片皮亦都片咗唔少鴨肉。雖然老人家覺得唔夠正宗，但勝在食落更加有咬口同埋飽肚。包住片皮鴨嘅一塊塊薄餅，喺處理上都有啲心思：每塊薄餅之間都夾咗一塊圓形嘅墊底紙，方便拎起，又方便擺上手包起片皮鴨嚟食。京蔥同埋醬料嘅份量都足夠。等多一陣，薑蔥炆鴨件，終於都上菜，薑蔥味好濃，都炆得幾林，最緊要老人家食得開心。呢個二食幾抵，真係好彩撞啱當日仲有片皮鴨；最穩陣當然係提早訂定。另外要留意嘅係逢星期五、六

今日和媽媽來玉桃軒嘆茶。玉桃蝦餃一輪有四隻蝦餃,每隻蝦餃都飽滿,晶瑩剔透。蝦餃裡面塞了滿滿的蝦肉。味道一流。 香煎蓮藕餅蓮藕餅不是太厚身, 有點薄, 不過味道很好, 有咬感。蓮藕粒甜甜的，和肉餅一起煎, 油膩感大減。如果配上白飯來吃, 一定是很好的餸菜。 翠綠鮮蝦腸粉腸粉的皮不會過厚. 厚度適宜, 我最怕得舊粉的腸粉。腸粉夠滑, 而且蝦亦好大隻。這個是這間酒樓必叫的一個點心。 拍薑糖酒炒芥蘭芥蘭加上薑茸、糖、和酒來炒。芥蘭翠綠, 熟而青脆。鹹度亦恰到好處。 椰汁百合燉雪蛤椰汁百合燉雪蛤很清甜,潤喉, 又是滋陰養顏。值得一叫。

通常跟舊同學食生日飯，因為十一、二人一家大細有bb，都會選擇中菜圍餐，今晚就揀左玉桃軒，貪佢就腳同風評唔錯。揀左個圍餐食物先唔講，意外地好多野飲跟，先有1支紅酒，再來12罐啤酒或汽水，最後仲有2渣橙汁！食物方面每道菜都唔錯，其中最喜歡山珍扒雙蔬，個汁混有少量海蔘，味道夠濃及鮮味。免費魚翅轉蟹皇羹亦一讚，保育之餘味道鮮甜。最後壽包慶生為生日飯畫上完美句號。另外一提，職員們服務一流，有禮貌之餘非常幽默好傾，令是晚氣氛輕鬆愉快。

同一班同事一齊去咗觀塘飲茶，見附近玉桃軒係open rice 評價最高嘅酒樓，所以就揀咗哩間。12:15 pm 打去book 12:30 pm 11位食都book 位，去到等咗5分鐘左右就可以入座。食物價錢喺同區泥講唔算貴。成餐飯每人平均$100左右(計咗加一及茶錢）叫咗咁多樣食物，以下幾樣印象較為深刻：1）蝦餃皇一籠有4隻，外皮乾身，皮薄。同平時食開嘅蝦餃唔同，哩到嘅蝦餃入面有少少湯汁。2）脆脆腸一碟有6件，腸粉嘅外表包住脆脆。外軟內脆係好有口感嘅，不過脆脆好油膩，食落口好強烈嘅油溢味，要點好多鼓油先可以cover 到。(但腸粉皮係好食的，叫普通腸粉就好食。) 3）七味黃金炸口腐好食！外面嘅炸粉略厚粉咗少少，但入面嘅豆腐維持到好軟滑，加上沾喺面頭有少少七味粉，味道不太濃，剛剛好。4）流心香芋包一籠有3個紫色嘅香芋包，一咬開就好驚訝：唔係流心唔流，而係入面嘅流心餡係灰色，望落好唔吸引。但食落就有驚喜，係好甜嘅芋泥味！5）籠仔炸菜斑塊飯（孖寶特區入面）炒飯底，但飯好濕好咸（可能係太多炸菜嘅關係）6）節瓜斑腩（孖寶特區入面）節瓜刨晒皮好有誠意，但班腩嘅魚皮上仲有好多魚鱗7）燒味雙併（孖寶特

今日嚟到觀塘，同媽咪食餐家常便飯，黎到玉桃軒食飯，聽聞佢嘅片皮鴨好聞名於是就嚟到呢度食飯。熱辣辣嘅片皮鴨，喺廚房推出嚟係你面前，睇住部長一刀一刀咁片啲鴨皮出嚟，真係流晒口水我已經急不及待想放入個口啦，用嚟包住片皮鴨嘅嗰啲粉皮，熱辣辣新鮮蒸起而且好煙銀又唔會好厚。配上青瓜同甜醬，包住個片皮鴨真係好好味呀！上湯波士頓龍蝦伊面，雖然波士頓龍蝦唔係好多肉，但係佢嘅上湯做得好入味又鮮味令到伊面增色不少。片皮鴨方面我哋揀咗二食，另一道菜就係炆涼瓜，涼瓜炆得好入味而且唔會好淋身，但係好可惜碟頭太細啦，而且可能留咗單我追左三次先喺廚房出嚟，有少少失望😞。