玉桃軒酒家 (鱷魚恤中心)

营业中

休息中

聽見好多朋友說想去觀塘茶樓飲茶不知道那一間好，今次介紹這間玉桃軒，就在APM商場旁邊的鱷魚恤中心6樓，位置很好找！這間酒樓的樓層比較高，採光比較光猛，加上環境闊落，在這裏聊聊天吃點心，十分舒適！玉桃軒的點心和小菜選擇的種類很多，當中有不少點心很有特色，價錢也很相宜！古法馬拉糕大大件，甜度適中，一上桌已經聞到很香的馬拉糕味！鮮蝦菠菜餃賣相像水晶球，外皮十分嫩滑，加上內裏豐富的餡料，這個超好吃！北菇棉花雞魚肚吸滿了雞肉的鮮味和北菇的香味，一絕紅燒BB乳鴿外脆內嫩，火候控制得恰到好處，不像外面有些地方吃到的會是乾乾的那種！芒果布甸加花奶標準小時後在酒樓能吃到的味道，加上花奶簡直就是絕配！這裏還有很多其他的點心可以一試，來開觀塘逛街的朋友也可以過來嘗嘗！

心血來潮好想食片皮鴨，上網搵左勁耐，搵到附近嘅玉桃軒酒家有得食，訂位嘅時候順便訂埋。京式片皮鴨（一隻） $258為咗食片皮鴨，我哋其實得兩個人，但係呢度一叫要叫晒全隻，所以我哋決定全晚就淨係食片皮鴨，片皮鴨一燒好之後，部長就直接拎到過嚟我哋張枱隔離切。切出黎嘅鴨肉睇落唔算好多，但係食落之後就發現兩個人其實好飽，呢度切到確保每一片肉都會黐住個皮，果皮燒到脆卜卜，底下層肥膏已經燒走晒，成為咗油香。個皮方面做得比平時食開嘅厚少少，但係又唔會太厚，反而有啲咬感，仲要上面加咗啲芝麻，令到個皮香口啲。馬拉盞通菜煲$118另外都不忘叫碟菜飲食均衡啲，個煲上到嚟熱辣辣，仲聽到治治聲，馬拉盞嘅味道一擁而上，好香口，通菜好柔嫩，火候啱啱好，食落冇喳仲好新鮮。

友人在觀塘工作，今天約了她在玉桃軒午聚。我大約十二時便已抵達，所以不難找到位。看過餐牌後，決定今天以點心作午餐，那便可嚐到多幾款了。～香煎上素腐皮卷腐皮卷煎得皮脆，饀料健康，滿是雲耳、紅蘿蔔和其他蔬菜絲。沾上喼汁吃味道甚佳。～蜜汁叉燒包叉燒包皮做得好，不會癡牙，叉燒粒饀料亦不會糊口。～海皇脆脆腸賣相吸引，腸粉皮包著酥脆網皮，內裏再包著蔬菜和蝦肉，沾上醬油來吃，口感和味道確實多層次。第一次吃這脆脆腸便愛上，絕對是推介首選。～玉桃蝦餃皇冇得輸的蝦餃皇皮薄蝦肉豐富，不愧為玉桃軒的招牌菜。～蝦籽燒賣皇燒賣皇啖啖肉，燒賣皮包著豐富的豬肉和蝦粒，絕對是食肉獸的至愛。～北菇棉花雞魚肚吸收了北菇和雞肉的精華，非常入味。～蠔皇香芋鴨腳扎腐皮下的餡料非常充實，香芋吸收了肉的味，又粉又好味。鴨腳炆得夠腍，好容易便能脫骨。～香麻芋蓉煎堆仔最喜歡煎堆仔的外皮沾滿了芝麻，內裏的芋蓉綿而微甜，吃起來，外脆內軟，煙韌的口感確實吸引。最後，又是眼濶肚窄，只好將剩餘的食物帶回家了。我倆對今天的點心午餐感到滿足。

喜歡週圍食嘢的好友最近介紹係官塘鱷魚中心樓上玉桃軒酒家的片皮鴨有優惠。好久無食過片皮鴨一於同屋企人一齊去食番餐。門面裝潢貴麗堂皇，酒家天花掛上多盞明貴大水晶燈，座位寬闊。前菜小食鎮江醋蒜蓉雲耳，爽脆醒胃又健康。主打菜式之一京式片皮鴨必吃，新鮮出爐大大隻又熱辣辣，侍應待勞細心為我們切開一片片，鴨皮和肉質鮮嫩香口。原隻花膠扣鵝掌，，口感富黏性的花膠、連骨都可𡁻埋的鵝掌和腍滑的冬茹，同樣美味！食肉獸的我也叫了炭燒原味燒鵝，醃得入味，肉嫩多汁，也是值得一讚的菜式之一。

踏進酒樓門口，已被那大大束的鮮花所吸引了，同時也散發出花香味，超濃香！再走進酒樓的大堂，數盞的水晶燈掛在大堂上，閃閃爍爍，發出光亮，寬躺的大堂，真是一個好適合擺婚宴的場地。因為最近的運動氣氛所引致，大部份的食肆，都會提早收市，市面上都有點冷清。慶幸，酒樓處於樓上鋪，臨近工廠大廈，還好。好久沒一家人出外食飯了，順便在這食返餐晚飯。懶得去看，食什麼小菜，我們要了一個四人套餐，應該是足夠的。先來一品燒味拼盆，叉燒香切雞，叉燒入味，肥瘦均勻、肉質嫩滑、入口即溶。白切雞，雞肉鮮甜有口感，一點都不會稔。淮杞嚮螺燉花膠，我的至愛，女性唔補好易老，一定要補補，吸收骨膠原，雞腳、花膠都富有膠質，是湯水不可缺少的材料，嚮螺又滋潤養生，燉出來的湯味夠香甜又濃味。上湯焗波士頓龍蝦，味道比較清淡，龍蝦的份量都大大份，蝦肉夠彈牙爽口，肉質鮮甜，啖啖肉，伊麵底，份量都不少。翡翠炒雙蚌，色香美味，已好吸睛了，西蘭花清爽脆、彩椒色香清甜、雙蚌彈牙爽口鮮味。

之前和家人去過太古的玉桃軒酒家，食物水準和印象都非常深刻，所以今天在觀塘放工也同事去了觀塘玉桃軒試一試。酒家位置連接觀塘地鐵站，交通方便，所以人流非常多。由於同行的同事非常細食，所以我們只點了兩個餸菜和白飯。秘製欖角醬燒骨，排骨選材肥瘦均勻，炸得金黃酥脆可口，不油膩，配上惹味的欖角，非常入味。值得一提的是欖角醃製得很好，外表顏色污黑油亮，味道濃郁，香而不鹹，送飯食一流。涼瓜鮮斑頭腩煲，斑頭腩味道新鮮，肉質香滑鮮美，不似其它餐廳酒樓所用的雪藏斑腩，而且份量非常多。涼瓜亦烹調得很好，毫無苦澀味，以煲仔上菜更是能持續保溫，以確保斑頭腩的鮮味。

位置觀塘B3 出口附近的鱷魚恤中心6樓，有間熟悉的中菜餐廳，佢就係玉桃軒。 晚上book左位同朋友聚餐，貪佢地址夠晒就腳，離觀塘地鐵站都只不話5分鐘路程，餐廳亦都乾淨寬敞，令人舒適自在。食物方面叫左唔係好多中菜餐廳有的片皮鴨一隻，薄薄的麵粉皮令人食幾多件都唔會覺食濟，加上厚肉大件既燒鴨，配上葱和青瓜烤醬，就係傳統片皮鴨的配搭。 鴨既份量之多，亦顯出餐廳十分均真，並冇偷工減料。另外要推薦既係脆皮炸豬手，是一款非常適合送酒的小食。炸豬手絕對唔係中菜餐廳常見的菜式，但水準亦令人眼前一亮。炸豬手重點就係皮要夠脆，內部的肉質亦不能太乾，講真中式餐廳做到這幾點，已經夠令人收貨了。

想找地方跟舊同事聚餐，地點方便之餘又可坐得較長時間，於是想起觀塘鱷魚恤中心內的玉桃軒酒家。我們上午11時多到達，點心由上午8時至上午11:59 （以入單計）均以醒晨優惠價計算，還有早晨孖寶可提供。點心種類很多，我們一口氣點了一份早晨孖寶餐，包括鳳爪排骨飯配搭海皇脆脆腸，另有潮州蒸粉果、豉汁煎釀茄子、虎皮煎釀尖椒、蝦籽燒賣皇，甜品要了薑汁糕和椰汁香芒卷，一共八款。值得稱讚的是，除了椰汁香芒卷是冷點，其餘全部是熱騰騰的， 豐富又美味，性價比極高。

難得今日放假相約媽咪到APM行街飲茶，行完街就到隔離坐鱷魚恤中心飲茶，這裏酒樓都有好幾間，但媽咪較喜歡到玉桃軒酒樓，這裏點心食物質素都比較好。蝦籽燒賣皇蝦仁和豬肉比例剛好，咬落多汁，蝦肉鮮甜爽脆。山竹牛肉球牛肉球是我最愛，不單有微微的香茜味，加上喼汁酸酸地好惹味😋蒜蓉鮮蝦春卷當中的蝦肉爽口， 配埋喼汁更好味，服務員真細心幫我們剪到細細件一啖食晒容易入口。鮮蝦菠菜餃菠菜餃，健康又美味的選擇，內裏包着鮮綠色的新鮮菠菜，餃子皮薄得呈現透明色，煙煙韌韌口感不錯👍👍👍紅燒乳鴿乳鴿外皮炸得脆卜卜，肉質鮮嫩，肉味濃厚。南翔小籠包皮薄肉厚，一咬開裏面的熱辣辣濃湯即時流出，豬肉肉質豐富，肉嫰不失咬口😋😋😋

一向唔會專登寫食評， 但實左太差。 不寫不快。 今晚一家人去慶祝中秋節，叫左十幾個餸， 上菜一碟一碟上。叫左啲白飯等到硬左都未有餸食。 個個等到呆哂， 食餐飯食左2個鐘頭，仲要催極都黎唔齊，最後要取消幾個餸先上菜。 個芝士龍蝦伊麵，又多粉將，一pat pat。☹☹呢間野， 唔係食飽你。 係等到係飽。價錢又唔係平， 服務又差。 侍應生個個都唔醒目，要多壺滾水都叫左半個鐘，同3個侍應生先有。 又專係小朋友坐個位上菜， 無野呀！😡😡咁既服務，唔會有回頭。 😡😡

上次食過灌湯餃呢次再嚟返尋味坐低就叫啦齋到玉桃炭 灌湯餃 鱷魚卹中心 玉桃軒坐低先來個 安蝦鹹水角，竹笙上素餃，陳皮叉燒酥跟住灌湯水餃四隻至愛南翔小籠包，玉桃蝦餃皇，北菇棉花雞，燒汁洋原條茄子，xo醬櫻花蝦腸。 九種味道連茶介，四人份落樓唔算貴，人均一百，抵食夾大件。竹笙上素餃 叉燒酥加啲陳皮味，鬆鬆脆脆叉燒實實淨淨，甜甜地好有味道安蝦鹹水角 內裏香脆，外薄皮軟滑， 熱辣辣保持一貫水準。灌湯餃水餃必食灌湯餃一人一隻連湯汁都飲埋，入邊啲餡，真係少啲功夫都做唔到呀!藍翔小籠包至鍾意食嘅被包餡嘅物體，正。再加醋薑，真係至佳食品。竹笙上素餃 竹笙上素加埋就好齋呀，想食齋嘅朋友就唔好錯過，味道比食一般嘅潮州粉果好好多。玉桃蝦餃皇蝦餃皇大大粒，一人一粒，就要叫兩籠， 皮薄餡靚。北菇棉花雞話就話係棉花，但係魚肚嚟㗎，不過多雞加埋成碟，幾乎跌出嚟咁，熱辣辣好好味!燒汁洋原條茄子 原條茄子好似麒麟片咁，夾住夾住啲汁醬肉碎，正到啱啱好，肉汁滲曬入啲茄子嗰度，值得再試。 xo醬櫻花蝦腸 xo醬加櫻花蝦腸粉，聽到都已經好野味，所以食過你就知道會，掛住款呀!

上次品嚐完瑤柱鮮蝦灌湯餃，覺得好底食又鮮味，大大碗有大大塊花膠鮮蝦瑤柱好豐富!今日便介紹畀姊妹試下，灌湯餃我哋班姊妹都好鍾意食，也不算貴呢！而且又近地鐵，食完仲可以行下apm商場㖭，方便又享受嘅。四姊妹就每人先來一盅瑤柱鮮蝦灌湯餃啦！四碗擺上枱真係幾有氣勢㗎！淨係睇個樣已經非常之吸引，姊妹們每人一盅品嚐的時候從面上已經感覺佢哋嗰份滿足感了，花膠可以養顏 乾瑤柱湯又清甜，女人的至愛呀。當然唔少得仲有其他點心！鹹水角 竹笙上素餃 陳皮叉燒酥 南翔小籠包 玉桃蝦餃皇 北菇棉花雞 燒汁釀原條茄子 xo醬櫻花蝦腸。全部都是姊妹們最喜歡食的點心，而且唔係間間早茶都有xo醬櫻花蝦腸和燒汁原條釀茄子食架，姊妹話冇介紹錯喎，最緊要大家食得開心呢！

前幾天跟我媽在APM瘋狂購物之後在附近找餐廳吃晚餐，於是我就帶她去了鱷魚恤找她喜歡吃的中菜，鱷魚恤有很多家酒樓，最後我媽相中了玉桃軒XD片皮鴨一出電梯就看到玉桃軒推介的片皮鴨廣告牌，光看照片就已經讓人口水直流！！雖然兩個人吃一整隻好像很誇張，但我們還是忍不住要點！！結果果然沒有讓我們失望！！超好吃的！！片皮鴨有連著厚厚的肉，肉質又非常juicy！吃著吃著就整盤吃完了，哈哈哈！石窩燒汁龍躉球上菜的時候燒汁還是一直在滾的，燒汁味非常香濃，龍躉球外層脆脆，裡面鮮嫩！吃到最後下面的菜也是一直保持溫溫的，很讚！蠔皇花菇鵝掌煲我媽超愛吃鵝掌，我就超愛吃花鵝，兩者都煮得非常入味柔軟，用來配飯真的一流！椰汁香芒卷雖然已經飽到反艇，但甜點還是逃不掉的XD這個香芒卷特別的是裡面不是芒果肉，而是芒果布甸！！雙重享受！！

坐低嗰陣個電視冇開半個鐘後突然開咗個電視好殘眼 勁近我地張檯 又曬住又反光反到頭都暈埋話俾三個部長知都冇反應🤷🏾‍♀️🤷🏾‍♀️🤷🏾‍♀️hea我地 部長a:::哦 咁呀 部長b:::下 係呀部長c:::冇得架喎🤬🤬🤬問題係個 態度 hea啲客最衰隔離幾枱都不滿佢都ignore好衰呀唔怪得冇人等位啦😑😑😑食得好唔愉快呀😡😡😡***最唔明係啲點心 大佬呀 蝦腸加條枝豆((連皮))真係創意無限可唔可以唔好用枝豆去慳粒蝦 好過份😩😩😩

第一次黎鱷魚裇呢棟大廈食飯，坐lift上去玉桃軒時先發現呢幾層有不少酒家(真是大鄉里😆) 入到去裝修光猛，大紅花地毯非常搶眼，再加上水晶吊燈的襯托，感覺環境典雅，好適合舉辦喜慶和聚會！當晚都有半邊場地用屏風隔開擺百日宴，非常熱鬧! 餐牌同一般酒家一樣，有單點小菜或者海鮮，員工有特別推介海皇八寶冬瓜盅，但我地人少就索性簡簡單單叫三樣餸就夠片皮鴨員工首先將原隻鴨俾我地過目，望到鴨皮好有光澤，賣相不錯，然後企在旁邊即場切開員工的刀工很好，切得好平均，左右兩邊是鴨皮連同厚身的鴨肉，皮脆肉嫩，而中間就是一片片的鴨皮，有齊兩款口感！最值得一讚是麵粉皮用牛油紙格住，一來不會成堆皮黐住，二來拎上手較為方便! 我不客氣啦!!西施柚子蝦球鮮蝦咬落爽口，淋上酸酸甜甜的柚子醬汁，感覺好清新，加上食完片皮鴨再食呢個，可以中和番鴨皮上的油脂! 上湯浸莧菜份量挺多，用上湯煮過依然保持幼嫰，口感腍身，但不鞋口，清清地不錯!