入到去裝修光猛，大紅花地毯非常搶眼，再加上水晶吊燈的襯托，感覺環境典雅，好適合舉辦喜慶和聚會！當晚都有半邊場地用屏風隔開擺百日宴，非常熱鬧!
1
餐牌同一般酒家一樣，有單點小菜或者海鮮，員工有特別推介海皇八寶冬瓜盅，但我地人少就索性簡簡單單叫三樣餸就夠
片皮鴨
員工首先將原隻鴨俾我地過目，望到鴨皮好有光澤，賣相不錯，然後企在旁邊即場切開
員工的刀工很好，切得好平均，左右兩邊是鴨皮連同厚身的鴨肉，皮脆肉嫩，而中間就是一片片的鴨皮，有齊兩款口感！
1
最值得一讚是麵粉皮用牛油紙格住，一來不會成堆皮黐住，二來拎上手較為方便!
我不客氣啦!!
西施柚子蝦球
鮮蝦咬落爽口，淋上酸酸甜甜的柚子醬汁，感覺好清新，加上食完片皮鴨再食呢個，可以中和番鴨皮上的油脂!
上湯浸莧菜
份量挺多，用上湯煮過依然保持幼嫰，口感腍身，但不鞋口，清清地不錯!
