玉桃軒酒家 (鱷魚恤中心)

营业中

休息中

好耐無同屋企人出黎食飯啦，今次黎觀塘食呢間酒樓😋羊腩煲真係好正，炆到超好食，唔會話好硬，完全咬唔開個隻！同埋d羊既份量都好多，大大舊🤣用黎送飯真係一流，我就特別鍾意d湯汁，夠曬濃味！😍😍😍蠔就不得了，炸到好脆！同埋d蠔都係大大粒，完全無縮水！d蠔都係新鮮既👍👍👍牛柳粒都好惹味，同埋d牛柳都好嫩！呢度既服務都不錯，地方好大，坐既位都好鬆動，舒適既🤣🤣🤣有機會會試下呢間既片皮鴨😍

見今日假期就約埋屋企人一齊去飲午茶，今次我地就一齊去玉桃軒，上到去都好多人，好快就可以入去坐。好肚餓關係我地一坐低就拎起點心紙點心種類都唔少我自己好鍾意食咸水角，去飲茶一定會第1個叫佢炸春卷都係我既開胃菜之一，自己鍾意再點醬汁然後叫左蒸鳳瓜，醬汁好入味，而且口感不錯蒸蝦餃都會係必點之選蝦肉都大隻，真係好鍾意食蝦餃之外，我最愛既燒賣都一定要食口感好札實再叫左一份鴨腳札好入味自己1個人食一件都夠飽蒜香蒸排骨，屋企人好鍾意食，味道好香好夠味香煎蓮藕餅，真係推介，煎得好香，我地都忍唔住叫多一碟

舊同事今日來觀塘和我食午餐，於是便和她去飲茶之前吃過玉桃軒酒樓都不錯，所以便再去吃吧！兩人點了五個點心。薑蔥牛柏葉炒過的香薑蔥配料再把牛柏葉一起蒸，牛柏葉吸收了薑蔥味道，吃下去很惹味！奶皇流沙包熱辣辣的流沙包，香噴噴的金黃流沙奶黃，非常好味甜美。陳皮叉燒酥面層一層層酥皮包住陳皮和叉燒酥粒焗出來的叉燒酥，口感鬆軟。香煎上素腐皮卷腐皮卷煎得皮簿鬆脆，饀料都很健康有雲耳、紅蘿蔔和其他蔬菜絲。再沾上喼汁一起吃味道甚佳。XO醬櫻花蝦腸腸粉蒸得皮簿滑溜，再加上豉油汁，美味。

又到咗同阿媽飲早茶既日子，今次決定去成棟樓都係酒家既鱷魚恤中心飲茶。阿媽揀咗玉桃軒，因為有次係果度食晚市都覺得唔錯。鮑汁花生雞腳，呢個係阿媽至愛，叫咗兩次，雞腳配上鮑汁忟得好入味，甜甜地而且d花生都好香口，食剩既鮑汁仲可以畢黎送飯。玉桃蝦餃皇，叫得做蝦餃皇當然有返咁上下，每一隻蝦餃都有差不多兩隻蝦入面，食得出蛟肉好彈牙，而且d皮蒸得好薄，即叫即蒸，咬落去勁熱要小心食唔好燙親嘴。蒜香蒸排骨好大一份，d排骨都比得幾多下，同埋蒜味都好濃。

今晚同家人食飯，因為長者同行，選中菜一定穏陣。更可況我早前曾光顧過，對於他們的出品都頗有信心。西施柚子蝦球 $148朋友推介，今日一場來到當然要點一客，蝦球大大隻，肉質彈牙，炸醬不太厚，簡簡單單配上柚子汁、西蘭花一齊炒，酸酸甜甜、口味清新。石窩燒汁龍躉球 $168晚飯當天正值寒冬，特別點了一款石窩菜式，餸菜在火熱的石窩中保持著熱辣辣的狀態，香味撲鼻而來，大大片厚身的龍躉球入口非常嫩滑，淋上香濃的燒汁，份外惹味。用來配白飯一齊食簡直一流。蠔皇花菇扣遼參 $138遼參本身其實無味, 不過一經上湯及蠔油烹調即成為上品，遼參肉壁肥厚，口感爽滑彈牙，據聞有補腎、養血、抗衰老等功效，真是美味又養生，就連老人家都啱食。上湯浸豆苗 $108好大碟，用上湯煮爽口嫩綠的豆苗，簡單又美味。今晩可謂貴精不貴多，每一度菜式都很合家人胃口，份量雖然大，不過味道不俗 ，所有餸菜都給我們吃清光。

相約了在附近上班的舊同事在這飲茶, 這裏的環境寬闊, 樓底很高, 能容納到不少的桌子, 給人一種很舒服又熱鬧的感覺二人共點了兩個點心和一個炒飯, 畢竟人數少的時候吃不到太多的東西先來一客香煎蘿蔔糕, 沒想過蘿蔔糕會如此香口, 不油膩, 煎到剛剛好, 大大塊很厚實, 沒想到平凡的外表, 卻如此美味, 這個點心真的人喜出望外蝦籽燒賣皇: 這是即叫即蒸的傳統蝦籽燒賣, 內有豬肉和冬菇, 新鮮熱辣辣, 也不錯砂鍋鮑魚雞粒炒飯: 用上了砂鍋承載的炒飯, 鮑魚粒和雞粒很多, 炒飯粒粒分明, 是用心製作的出品, 不禁令人吃完一碗又一碗順帶一提, 侍應們的服務態度亦值得嘉許, 對客戶亦照顧周到, 如此用心出品的食物配上高質素服務難怪座無虛席

心血來潮想食吓中式點心，就選擇咗嚟玉桃軒食lunch。呢度環境都幾開揚寬敞，坐位幾闊落，一D都唔迫。而且無乜柱位，婚宴擺酒一流，仲有個超级大電視，可以一邊嘆茶，一邊嘆電視，真係夠晒爽。由於我地今次人數唔多，只有3個人，所以只係叫咗點心，無叫任何炒粉麵飯。我地叫咗蝦餃、牛柏葉、鮮蝦菠菜餃、蜜汁叉燒包、香煎韮菜腐皮卷、煎蘿蔔糕、鹵水豬仔腳、 椒鹽魷魚鬚、同埋乳鴿。整體來說，屬高水準，全部食物都熱辣辣上枱，而且外觀整齊企理，唔會甩甩爛爛。值得encore。

第一次寫食評就要寫差評！同屋企人黎食晚飯，由四眼部長落菜，態度已經唔係咁好。😞嗌左杯啤酒，部長仲幫手斟酒，但係就斟左成2/3泡出黎，真係寧願佢唔斟好過。1）酥炸生蠔好普通2）片皮鴨半肉半皮，夾住食都ok，而且包住既皮都會有張蒸紙隔住，唔會痴實晒好難拎！3）羊腩煲都係一般，用gas爐係隔離慶左陣就上台，唔係好熱😑侍應方面大部分態度都好差，除左一位著黑色西裝片片皮鴨的侍應係態度好d。途中四眼部長仲係度同侍應們講住粗口話個食客，覺得服務行業就算唔鐘意個客都唔好係其他客面前講🤔唔會有下次！完

朋友準備在下年擺酒，正四出尋覓結婚場地，今晚來到觀塘區選址，去了在觀塘地鐵站旁的玉桃軒酒家試菜門口佈置富麗榮華，有多盞巨型水晶燈，氣派十足。人手十分充足，一舉手已有多位侍應和應。當晚有部份位置包場，應該是公司聚會，氣氛熱烈，各人情緒高漲！而其他侍應亦悉心照顧其他食客。我們點了幾道招牌菜：脆皮炸豬手、花膠北菇雞煲、瑤柱金菇扒豆苗。不得不提到脆皮炸豬手，豬手皮脆肉嫩，不會炸到太乾身，配上酒樓特製的甜酸醬，簡直是味覺上的享受雖然友人未決定會否在此地擺婚宴，但以晚飯計，質素已是上上之選🙆🏻‍♂️

聽人講話呢間酒樓OK，又有片皮鴨食，環境又ok，就同屋企人一齊黎食，點知去到發現片皮鴨冇曬啦，要預訂先肯定會有，想食既人都記得要留意～雖然片皮鴨賣曬，但發現有羊腩煲！依家開始冬天啦，食羊腩煲就最正啦羊腩燜到好腍，好正，一d騷味都冇，平時唔食羊因為怕騷既人可以試下～加埋配既腐乳醬入面羊腩煲唔止羊腩大大舊，d花菇都好大舊好好食～芥蘭燒汁牛柳粒芥蘭好翠綠，新鮮，一d都唔老～牛柳粒都炒得好嫩，呢味餸好健康～有菜又有肉酥炸廣島蠔，廣島蠔幾大粒，炸得真係幾酥脆，重點新鮮炸出黎夠熱一碟我一個人都食得曬🥰

今日嚟到鱷魚恤，諗緊食咩，突然醒起有間酒樓都幾好食，就黎左呢間玉桃軒，次次黎皮皮鴨都賣晒，今次一問，竟然仲有，邊間酒樓d片皮鴨真係冇得彈，職員即場切，片皮鴨脆d,,包既皮薄啲，又唔算太肥，剛剛好，佢嘅粟米石斑都好好食，但價錢略為貴，

石鍋燒汁龍躉球，每件都啖啖肉。外層揸得鬆脆，即叫即做。裏面嘅龍躉球有魚香而且好嫩滑。用石過保持餸菜嘅溫度所以熱辣辣。花膠北菇雞煲，花膠雖然細細舊，但係都膠口十分滋補。雞件夠嬾滑入味味濃。配飯食一流，所以朋友都叫咗碗飯一齊食。金薯黑醋骨，用咗日本番薯仔咬落去香甜，而且沒有根。番薯仔炸過，黑醋骨酸酸甜甜食落去好開胃。真係食過返尋味。餐廳環境十分之大，服務嘅質素幾高。店員快手快腳為我地送餐而且亦都有禮貌。

環境寬敞感覺舒適樓頂放了水晶燈 感覺華麗父親大人一坐底更大讚水滾茶靚金薯黑醋骨黑醋汁酸酸甜甜金薯即係酥炸番薯外皮炸得鬆化既內裏入口更軟綿綿黑醋排骨 骨肉比例剛剛好佐飯一流瑤柱金菇扒豆苗瑤柱金菇鮮味香濃配上上湯一齊食非常健康美味豆苗新鮮嫩滑蒜蓉芥蘭芥蘭好新鮮而且非常爽脆清甜係出面好難食到石鍋燒汁龍躉球用上石鍋完全可保持餸菜嘅溫度因為食魚最緊要趁熱食先好味見到龍躉嘅份量都幾多下而且食落啖啖肉仲食到魚嘅鮮味一家人簡簡單單一起食個晚餐已經好幸福

很久沒有來玉桃軒，這裡位於觀塘市中心，位置都很方便。晚餐時段，有不少小菜作選擇。我們兩個人叫了三道菜。黃金七味豆腐$108豆腐經油炸，外面的炸粉咸咸的，加上七味粉，份量足夠。蜜糖薯仔牛柳粒$138牛柳粒調味不錯，炒香了的牛柳味道很好。加了蜜糖薯仔，薯仔先經油炸，再加了蜜糖。蒜蓉菜心$88蒜蓉炒香的菜心十分入味，蔬菜也可以有健康的煮法。白飯$15酸菜另外加$16，茶錢$15一位，總結來說都算抵食的，環境又好。

今日星期六和媽媽來玉桃軒嘆茶。Lunch時段座無虛席。午市有優惠點心推介。選了幾款優惠點心香煎蓮藕餅,鮮蝦菠菜餃,南翔小籠包。香煎蓮藕餅蓮藕餅煎得焦香。食到一粒粒的蓮藕。口感豐富, 有咬口。鮮蝦菠菜餃鮮蝦菠菜餃晶瑩剔透,見到塞滿菠菜和蝦肉。味道是美味的!南翔小籠包食前當然先沾點醋, 小籠包皮薄肉鮮嫩滑,湯汁多。鮮蝦腸粉鮮蝦腸粉滑溜,Q彈, 好好吃!陳皮紅豆沙陳皮紅豆沙是經典的中式湯水,紅豆軟腍,湯水帶陳皮香。估不到在玉桃軒都可以吃到這正宗的陳皮紅豆沙。