玉桃軒酒家 (康怡廣場) (已結業)

 去到午餐時間 當然要輕輕鬆鬆啦，平時茶就飲得多，這幾天天氣又轉冷，最好就可以飲返碗湯，所以就來一個＂午市點心靚湯餐＂有服務員幫忙＂畢＂湯，她都好清楚我地相機食先，俾時間我地影相，因為有位朋友遲來，服務員都待到他到才上最後一碗，以保持熱力。先上一個　＂水雲發菜海皇羹＂，味道清甜，稀稠度適中，不如有＂張＂口的感覺，粒粒蝦肉爽口，份量都好足夠，一共分出六大碗，冬天一碗暖入心＂黑椒金錢肚＂黑椒味很濃，而金錢肚都不會過靭，食落爽嫩。＂南翔鮮肉小籠包＂小籠包皮厚薄適中，肉汁鮮美，一讚的是封口處不會過厚，所以唔會成口粉既情況出現。＂菜苗野菌餃＂素食健康之選，入口不油膩，更有一陣菌香，咬入野菌很爽脆。＂燒腩仔＂肥瘦分明，皮脆肉嫩＂菜遠牛肉炒河＂牛肉細嫩，不會太靭，河粉都沒有＂痴＂做一舊，夾起來都很容易，菜心就剛好四條，味道不過不失＂薑汁芥蘭炒牛肉＂牛肉軟身好味，芥蘭翠綠油潤，應該是薑汁之作用，呢味菜煮得好都好睇師傅功力。＂雪花沙翁球＂即使食完套餐，都忍不住叫一個沙翁，畢竟很少在外面見到的懷舊小食，咬落鬆鬆軟軟，外面灑上糖粉，入口甜絲絲的

這個冬天遲遲也不凍，雖然不算是最佳時候，但還是心思思想吃羊腩煲。 剛巧今天經過太古城的玉桃軒，看見他們巳開始推出了冬季滋補佳品－羊腩煲，便與朋友入內試試。雙冬扣羊腩煲 $228熱騰騰的羊腩煲上枱後賣相不錯，採用了傳統配料有吸湯作用的炸支竹、花菇和冬筍。醬香綿軟的羊腩當然是主角，肉質軟腍不會太羶味。用其濃郁的精華來烚菜，非常不錯。薑蔥焗日本珍蠔煲 $128決定今晚來個雙煲，坊間大多用美國桶蠔來造這個菜，但這𥚃採用的是日本蠔，日本蠔雖然沒有桶蠔那麼大隻，但是鮮味十足，與足料份量的薑蔥配搭，無懈可擊。

很久沒和朋友一起吃飯，難得今晚齊人，就約左康怡玉桃軒一聚。由於菜單選擇眾多，朋友們又掛住吹水，所以叫左個家鄉套餐。套餐有湯但並沒有包白飯，故此我們另外叫了5個白飯。 是日例湯是菜乾湯，侍應把湯料拿起另上，湯料一大碟份量十足，湯喝起來自然也味道濃郁。 套餐的兩個小菜也炒得好惹味，用黎配白飯一流，燒腩仔也食得出是即日整，層皮脆卜卜。 最後上的是石斑，看起來也很大條，幸好朋友大食，剛好食得晒，魚肉吃起來也嫩滑新鮮。 實在是令人滿足的一餐，將來有機會一定會和朋友再來。

是日於太古工作，收工後相約家人在附近吃飯，想坐得舒服一點，就選了玉桃軒。 由於之前未黎過，看到有4人家鄉套餐就點了套餐包4個餸和一個湯，我們選了即日例湯，蒸石斑，燒腩仔和兩個小菜。 先上的是金銀菜煲豬展湯，湯料很足，亦飲到無咩味精。 然後是餸菜逐一送上，石斑新鮮熱辣很鮮味，燒腩仔皮很脆。兩個小菜水準也不錯，涼瓜用豉汁炒很惹味，花姿片炒西芹和彩椒也很配合。最後是沙薑雞，雖然是特價，但份量很足。 想不到隨意點的菜式卻有意外驚喜，值得推介。

晨早去咗康怡，諗住去飲茶，依間玉桃軒d点心都幾好。坐低咗諗住叫茶，個d伙記就已經喝住哂，話唔坐得個張枱，話我人少，但係張張5/6人枱都係坐1個人。好，你話要坐等二張，左点右点，呼呼喝喝，豪無禮貌可言，張枱差不多出門口咁滯，对d生客咁，唔怪得早市都唔多客，以後一定唔再去依間野。xxxxxxxxxxxxxxxxxxxxxxxxxxxxxx😡😡😡😡😡😡😡😡😡😡😡😡😡😡😡😡

而家AEON重新裝修之后, 成個格調升晒LEVEL, WINDOW SHOPPING 成個鐘之後, 過左對面玉桃軒食左個抵食晚餐菠蘿生炒骨, 真係色、香、味俱全，加青椒和紅椒去炒, 不但顔色好看，而且美味可口, 甜酸排骨仲加入菠蘿一齊炒，不但能增加整道菜的酸味及果香味，而且也能中和排骨既油膩感再食個北菇紅燒 豆腐, 豆腐表面煎到焦香酥脆，豆腐燒得入味，食起來外皮略帶嚼勁，咬口還是豆腐水嫩的口感, 再加埋小唐菜同北菇, 令食物增加層次感, 無咁單調

今早氣温下降, 我們喜愛吃蛇羹和羊腩煲 (寒冬兩宝) 的一班朋友, 立即一齊約了去太古站的玉桃軒酒家晚飯, 齊齊先吃禦寒食品, 暖暖胃.中式酒家的環境較光猛, 裝修整齊, 座位闊落, 始終給客人多些舒適感, 我們四個人都是大胃王, 先点激抵晚膳三寶 ($298) 和我們至愛吃的蛇羹和羊腩煲.侍應很快給我們座位及開茶.  只等十分鐘, 第一道菜上枱:脆皮燒雞半隻     (激抵晚膳三寶......的第一宝) 半隻雞的份量很足,  配了甜豉油, 雞皮炸得好香脆, 肉質嫩, 擺碟賣相不錯,蒜味也好香, 好入味.黑椒西芹腰果牛柳粒     (激抵晚膳三寶......的第二宝) 牛柳粒數量不少, 肉質軟彈煙韌,  有肉味,  配菜是爽口西芹,  鮮甜,  腰果炸得脆口, 加入黑椒熱炒, 夠鑊氣更惹味.雙冬扣 鮮羊腩煲. $228-有熱窩上枱, 並配一碟生菜, 和腐乳醬.  很齊備.  羊腩炆得很稔甜, 肉質佳, 不肥也不太瘦. 份量不少.  有老薑齊炆.  無羊騷味,  生菜新鮮爽口。我們吃完一塊又一塊. 加 D腐乳醬, 味道真不錯.鮑魚絲燴五蛇羹 $198大大窩, 材料好足, 內有鮑魚絲, 蛇

食得阿媽既清淡住家飯多, 都想出街食下家常小菜, REFRESH下味蕾選擇左去玉桃軒, 裝修都吾錯, 又有卡位, 坐得幾梳乎點左3味好野, 我最鍾意食魚肚羹, 幾多都吾嫌, 粟米魚肚羹,魚肚有咬口, 個湯羹都幾足料, 結果我食左三碗, 因為幾好食清蒸石斑,魚夠新鮮, 肉質幼滑甜美，淋上蒸魚豉油同加埋蔥，份外滋味, 清蒸食得更健康, 又保持到魚既鮮味蜜汁叉燒, 夠味，夠香，夠多汁，有少少焦香, 叉燒紅潤的顏色，和香甜的味道所吸引, 肉嫩多汁又彈牙, 好食

今日去太古城買聖誕禮物, 剛好在廣場內遇見朋友, 一行四人找個地方 吃晚飯, 聚聚舊.朋友提議去 玉桃軒酒家, 我也是此店常客, 多去銅鑼灣及官塘店, 所以一定贊成. 此酒家保持一貫水準, 門面裝修大方得体.門外不乏特選菜式和推介.  龍蝦, 酒席等菜式很吸引.幸好今天是星期四, 不須等位, 侍應很快便安排我們入座. 座位寬敞, 水滾茶靚, 很滿意.細看餐牌, 加添不少特式菜.  有小菜, 也有套餐多款.   我們習慣吃飯付款是 AA制, 所以既要好食也要經濟.  因冬至快來臨, 大家先來兩個禦寒的美食法寶, 及点了激抵晚膳三寶.  夠实際. 大約 15 分鐘, 開始上菜了.  先送來:鮑魚絲燴五蛇羹 $198-有砂鍋及氣爐上枱, 並有薄脆, 香葉和菊花, 蛇羹內, 可見蛇絲, 鮑魚絲, 木耳, 食材 OK,  味道好, 每人吃了一碗, 砂鍋仍餘下每人可再加一碗, 份量真足夠.      雙冬扣鮮羊腩煲 $228-有砂鍋及氣爐上枱可保熱, 大家可以慢慢食, 天冷時吃羊腩煲最窩心, 有新鮮生菜及腐乳醬齊上.     羊腩份量不少, 大大件, 燜得夠腍, 肉質不錯.  配菜不少:  有冬菇

人老了(真的有感自己老了)，就是喜歡吃中餐，還發現兩個人都可以到酒家食中餐，價錢比西餐更划算又飽肚。每人一碗 原煲足料老火湯 ($40位)是晚靚湯是螺頭湯雞，發現湯不油，夠清而味濃。見到湯渣就知湯料十足，螺頭、半肥瘦豬肉、蘋果、龍利葉，螺頭伙煲得實登登，螺味大多滲入湯裡。經理推介羊腩煲，但朋友不吃羊，就試試也挺吸引的沙巴大龍躉二食($188)。先來陳皮蒸斑頭腩，每件都是有骨頭的部位，但就大量骨膠原，喜歡吐骨頭的人士會極喜歡，討厭吐骨頭的...你明我意思啦。翡翠炒斑球的斑片啖啖肉無骨，炒西芹清淡爽脆。唯一的真是燒鵝了片皮鴨在做優惠，見服務員全晚來回不斷的拿出片皮鴨在大家見前切片，看得心思思又擔心很大隻吃不完。只好吃燒鵝(例牌)過一下口癮，可惜,, 真的有失望，皮不脆，咬不斷的韌度，可能太專注在做好片皮鴨吧。叫了白飯一碗及2位茶芥(每位$13)，茶芥方面感覺有點貴，埋單$457，跟西餐價錢相比較價宜，而且飽肚的感覺好實在。下次再來一定要試下羊腩煲和片皮鴨。

友人下班時間很晚，要約她一起晚膳，已經是晚上九時以後的事。因為時間已經不早，就簡單地選擇了附近的玉桃軒酒家。到達的時候，大部份的客人已經離開，工作人員也抱着快要下班的心情。當他們知道我們打算入座進食晚餐，也欣然接受，但是提醒我們要盡快下單。上湯蒜子浸時蔬，一般會選擇菠菜或者莧菜，但是這兩種菜比較寒涼，我們就改選了比較正氣的菜心。菜心比想像中鮮嫩，上湯浸後也很鮮甜。原隻波士頓龍蝦 (配伊麵底)，份量也不少，加上伊麵底，兩個人吃非常飽足。龍蝦肉經過泡油，變得鬆軟，更加容易入口。上湯把龍蝦肉的清甜味大大提升。平常在家中，豬豬會以欖菜炒四季豆，簡單的加上肉碎，就已經非常惹味了。想不到加入了龍利球的欖菜四季豆，又是另一翻風味。簡單好味又飽肚的晚餐，在不阻礙員工下班的情況下，順利完成。下一次，我們會盡量早點光顧。

終於等到放假可以同屋企人再次坐係度食飯，爸爸媽媽總係想念玉桃軒的片皮鴨，喺度嘅片皮鴨係有專人係你面前將鴨皮切開感覺非常高級包住片皮鴨熱辣辣奉上你前面睇住師父慢慢切開，每1片大細都好平均片皮嘅脂肪比例適中，皮夠脆，肉夠嫩，難怪多年盡得我媽媽歡心我哋仲叫咗一窩擔擔麵，份量足夠8人份量，濃濃嘅花生醬，麵質夠彈牙，正呀仲有呢一度有晚市三寶298就食到 半隻一品雞+清蒸海斑+小菜任選特別想介紹就係呢度嘅海斑一啲都唔野少，成隻前手臂咁長，清蒸嘅時間拿捏得恰到好處啱啱好肉骨分離，好滑菠蘿雞肉炒蝦球蝦肉晶瑩剔透又爽口，個汁酸酸甜甜好開胃

晚飯的時間，我和朋友路過這間酒家，看見店內環境清潔衛生而且十分寬敞，富有空間感，令我感到十分舒服，店內佈置高貴大方，餐牌上的選擇很多，價錢又合理，便決定入去試一試京式片皮鴨 ($138)用煙靱的鴨餅夾著爽口微彈的瓜，蔥，片皮鴨皮脆肉嫩，十分恰到好處，十分有膩滯感，賣相很整齊兩個椰汁百合炖雪蛤 ($56)有很香的椰汁的味道，白茫茫的百合，晶瑩剔透爽口微彈的雪蛤，味道偏甜激抵晚膳三寶 ($298)雞皮十分脆肉嫩，雞的份量很多，賣相十分整齊清蒸海石斑，魚的肉質爽彈鮮美黑椒西芹腰果牛柳粒，西芹清鮮爽口微彈，腰果彈牙，牛柳粒軟彈煙韌，味道微甜整體來說，食物的質素很高，份量足夠多，價錢相對合理，店員有良好服務態度和有禮貌，所以我認為這間餐廳值得再去惠顧

是晚到了太古食晚飯，計起可能有10年無去過太古XDDDD朋友之前介紹過，今晚一於試下!酒樓應該新裝修無耐，環境幾靚，坐得又舒服! 如果要招待客人，也不失禮是晚我地叫左D推介既優惠款波士頓龍蝦芝士伊麵:好抵食! 只需118另加40蚊就有埋芝士伊麵，當然會加啦..XDDD 原隻龍蝦，龍蝦肉結實，份量足! 耐上芝士伊麵，更加正! 如果芝士可以多一點，會更滿足!個人是芝士控燒鵝例:本來是想吃片皮鴨的，但優惠款只能選其一 (龍蝦面/鴨)，於是，我地就叫左個燒鵝例果然無叫錯，脂肪比例足夠，雖然有點油，但很滋味，一塊一塊，好快清哂石鍋野菌雲耳牛仔肉：依家酒樓連石鍋都有得食很有心思既一道菜首先熱辣辣，不是很hea地整暖佢就算的！牛肉仲有微粉色，靠石鍋既熱把它整熟味道偏濃，所以雲耳同菇這些本身不易調味的菜，都很惹味下次可以試佢呢個三寶！298有雞、有魚、仲有小炒兩個人食呢個價錢尚算合理畢竟有龍蝦、有燒鵝、仲有牛肉值得推介既餐廳！下次會再黎

今晚同屋企人食晚飯，去左間中式酒樓，叫玉桃軒酒家，向太古康怡廣場。裝修光猛新淨。我地叫左個老火湯，二個菜。叫左個老黃瓜赤小豆扁豆栗米煲豬蹄湯(HKD$118)個湯幾足料，飲落都幾清幾滋潤，足夠二人飲,不過有點貴,兩碗湯加埋一要$HKD130 到。之後叫左個薑蔥焗日本珍珠蠔煲(HKD$128)個煲上桌還有煙，吱吱聲，都幾夠地熱。D蠔都幾多，有成8,9隻。味道像金蠔，濃味乾身。香口惹味，不俗。另外叫多個"XO醬爆茄子蝦條"(HKD$88)其實都幾夠鑊氣同幾香口，係酒樓和大排檔的水準。不過食到最尾碟底油淋淋，如果少D油會好好多囉。侍應很多都愛理不理，有D做到黑口黑面，服務有待改善。