玉桃軒酒家 (康怡廣場) (已結業)

這兩個月，家裏生日人特別多，都唔知要食幾多餐？當然，生命中這兩位是一定要同他們慶祝的，不論西、中餐都要食，而我個人，就比較喜歡食中餐。這間酒樓，我已第二次，幫襯了，看到片皮鴨食，當然唔放過，生日晚餐就選了在此開飯，有鴨、雞、魚、蝦的晚餐非常豐富。必食之選：老京城片皮鴨，鴨皮燒烤得好脆皮，用䁔的薄餅包裹著鴨片、青瓜、京蔥，醬汁，一口咬入口中，鴨皮超脆，肉汁、鴨皮油同時流出，口裡夾雜了青瓜、京蔥、醬汁，中和了鴨皮的油膩，多左清爽口感，停不了的食。兩食片皮鴨，生菜包鴨崧，爆炒鴨崧，香氣撲鼻，包上生菜，清爽味濃，佐飯一流。家人喜歡食香口食物，叫左三寶套餐。一品蒜香雞，皮脆嫰滑，多肉汁，雞肉結質，啖啖肉，只是淡了些。清蒸海石班，剛熟，骨肉分離，魚肉嫰滑，不嚡，份量都唔細條。黑椒西芹腰果牛柳粒：牛柳粒爽口結質，不韌，西芹清香爽口、腰果脆口，都掛上好香的黑椒碎，增添了香氣及微辣，色相。甜酸蝦球炒彩椒，色香美味，蝦球大隻，啖啖肉，超爽口，配上甜酸。彩椒青甜爽口，口感一流。

今日,我同朋友約左去太古去食飯。之前一日就打電話去玉桃軒book檯。入到餐廳地方好乾淨；地方很寬敞。侍應就問我幾多位，然後就帶位：然後就問咩茶，我就叫左香片，佢之後就好快俾左一壺香片同一壺滾水，佢仲俾我一隻大碗俾我洗D杯碟；我就梗係二話不說咁沖下D杯同碗。之後就決定叫左個湯：赤小豆鯪魚煲豬踭湯、砵酒焗日本珍珠蠔煲、鯪魚崧炒芥蘭。先講下個湯佢把湯渣同湯分開：令我飲得安心,因為我好怕飲魚湯；一來怕腥、二來怕有骨。但呢個湯唔腥之餘仲有一種甜添。之後食左D湯渣，個湯渣有豬踭肉、赤小豆同粉葛。粉葛唔太硬，赤小豆有少少淋但唔係保到散哂。鯪魚崧炒芥蘭個芥蘭好翠綠，食落去好爽口無苦味。芥蘭的菜好新鮮而且唔係老。份量都幾大份。最後就到砵酒焗日本珍珠蠔煲，上菜的時侯好熱,初時以為珍珠蠔係會好細隻。但現實係隻隻好大隻，而且係砂煲上菜。咁樣上菜可以keep 到個菜的熱度。味道方面,蠔本身0既肉好淋；好鮮味而且仲有洋蔥味。醬汁方面都幾甜。個蠔煲除左蠔之後仲有金菇。呢個煲送飯一流。

今日去完太古城陪爸爸搵完朋友, 跟手食埋飯先返去啦呢個套餐好抵食, 不過我地2個人一定食唔曬, 媽咪又有野做, 冇得黎一齊食我地就叫左呢個優惠,只可以五選一,所以我地都心大心細最後揀左芝士龍蝦配煎米粉底 $118加$ 40幾大隻龍蝦! D肉質好彈牙, 好新鮮 已經斬開曬唔洗擔心食到好倫盡冇估到百零蚊會有咁既質素不嬲我都好鐘意食煎米粉底, 煎到好脆唔會LUM PAT PAT我覺得唔錯呀! 我地好快就清左碟冇菜食, 所以叫左個涼瓜牛肉加多個白飯SHARE熱辣辣既家常小菜, 送白飯真係正不過食完煎米粉, 一個白飯SHARE都夠了坐得幾舒服, 一D都唔嘈又唔迫不次叫爸爸朋友人多D再食過先

今日同朋友去完califronia 做gym，向住太古城方向行，睇下有咩食，最近的有pizza express, 但我早2日先係呢間食完，唔想咁快又食多次，仲有pacific coffee, 但而家天氣涼，唔想只係食沙律三文治，見到pizza express 樓上係玉桃苑，就決定去呢間食啦，唔想再四圍睇食咩我地睇左餐牌一陣，決定左叫柚子杏片煎雞脯好香柚子味，味道其實有d似香檸雞，幾開胃的，不過旁邊既雞塊煎得有d乾同硬，中間的會比較好些，但雞塊有欠雞味燒腩仔係我食親中菜都必叫的食物，塊皮燒得好脆，而且肥瘦比例岩岩好好快就已經清哂啦乾隆生菜包，呢個好好食，炒得好香，連同切左粒既西芹，肉碎及蝦炒埋一齊，好入味，連埋生菜一齊食，由入味既感覺瞬間變得fresh 左，仲好有咬口添唔錯唔錯，不過如果單獨食就會比較鹹，所以一定要撈飯或者夾生菜之後想叫埋湯飲，但服務員話我地2個一定飲唔哂，唔建議我地叫，都岩的，唔應該浪費，所以我地轉移叫甜品Btw, 個服務員真係好有良心呀抵讚奶皇千層糕，都幾甜下，有d膩腐竹薏米露，好多薏米呀，似薏米粥多d, 鍾意食薏米既人可試下，不錯的，而且唔係咁甜岩岩先做完gym,

忙完一輪已經一點多了，和同事一起去抖抖嘆茶去。間中都會同同事去玉桃軒飲茶，喜歡這裡的點心新鮮，款式多。肚餓既關係，一坐低即刻叫嘢食。不知不覺間叫左好多！鳳梨叉燒酥上枱時可能係剛出爐，入口鬆化、餡料中菠蘿粒鮮甜爽脆、同叉燒配合好夾。下次一定會再食！秘製麻辣雞肉質鮮嫩、皮脆肉滑，適合香港人既麻辣，嗜辣的朋友感覺唔够辣。椒鹽豆腐粒買相已不討好，炸得有點過火。鮮蝦菠菜餃一直以來我都覺得菠菜會有一種澀味，今次第一次食，想唔到有驚喜！菠菜好嫩無澀味，鮮蝦爽脆。蟹籽蒸燒賣皇同事每次必點，肉質爽彈。高湯鮮肉小籠包肉質鮮美，肉汁豐富。上湯魚腐浸娃娃菜上湯濃郁鮮味，娃娃菜淋甜，但魚腐有點實，欠缺一點爽滑，有點失望。宮廷薑汁糕夠薑味、唔太甜。

京式片皮鴨 $138呢個極之抵食 原因係有待應即場係你面前片隻鴨靚唔靚 一睇就知 無得呃皮脆肉滑又多汁 而麼麼唔會黐埋一舊 高質晚膳三寶 $298指定兩項係雞同魚 剩低可以自己揀一品蒜香雞(半隻)皮炸得好脆 而且好入味清蒸海石斑條班夠大條 又新鮮 條鰭彈起好生猛原煲足料老火靚湯 $118海底椰木瓜煲鰂魚湯酒樓每日都有不同款式靚湯仲要係原盅燉成 味道清而熬岀鮮味而且仲會將湯渣即場拎岀黎絶無欺場 而且可以食埋 唔浪費砵酒焗日本珍珠蠔煲 $108成煲入面有成七至八粒隻隻都有匙羹咁大粒另外蠔用砵酒煮過後份外香又唔腥 而且甜甜地適合唔多食蠔嘅人試 包一試上癮

喺康怡睇完戲見仲有時間想自己一個嘆個下午茶，平日去得太多咖啡室今日想嘆番杯中國茶，經過呢間酒樓做緊推介蛇羹就入去試一試。蛇羹味道還可以但如果可以多啲蛇就好，因為真係太小。另外碟溫室豆苗就唔錯嘅，幾新鮮爽口。環境唔錯服務員態度良好。

近排聚會唔係食西餐就係食日本野，真係幾好食都想轉下口味食其他野😞所以閨蜜就話不如食下中菜啦！於是係康怡廣場兜左幾個圈就揀左間叫玉桃軒既酒家試下。閨蜜話觀塘個間分店都幾出名，應該唔會中伏掛🙈入到去，啲員工都好好態度，即刻比menu，又介紹下今日有咩推薦......最後我地叫左原煲西洋菜陳腎煲生斑魚湯同沙巴大龍躉兩食。煲湯真係份量超多，我同閨蜜都超鍾意飲老火湯，每人飲左3碗都係清唔哂煲湯🙈個部長真係沒介紹錯！啲湯完全沒油花係面漂下漂下，飲落去完全沒味精味，係「真」足料老火湯呀😭😭唔係茶餐廳個種例湯😍完全大滿足👍🏼👍🏼👍🏼👍🏼不過不失既小菜 。雖然係炒菜，但食落去唔會有種油膩既感覺👍🏼千祈唔好比佢外表呃到！！碟野雖然唔係好靚仔，但佢係好有內涵😏魚食落去有滿滿骨膠源感覺，而且帶少少陳皮香味😍而且魚肉質感鮮嫩，完全沒雪藏味或者腥味！可見原材料選購有作把關👍🏼最後，港女當然要點兩個甜品做ending啦😂呢兩條魚仔又係窩心之作♥️因為佢將呂宋芒打成蓉再做成布甸，芒果蓉比例極高，所以食落芒果味極濃😋呢個千層糕係用蓮蓉加碎咸蛋黃整成！食落一啲都唔濟，而且甜度適中。重點係即叫即蒸（雖然因為咁等左十五分鐘🙈）

老媽突然話很掛住我, 要來我家見下我, 順便幫我執整下, 真是要唱返句 “世上只有媽媽好, 有媽的孩子像塊寶……”。拖着疲累的身軀回到家看見她還正為我打理床舖, 既感動亦慚愧。大家都忙了一天, 當然不會再有力氣煮飯, 而且我家的雪櫃是長期空空的, 難道要老媽陪我泡杯麵? 還是要她吃得豐富些。 問她想吃什麼, 早知會是例牌答案 “無所謂, 你拿主意”, 老人家還是喜歡吃中菜, 還記得早前帶過她和老爸去玉桃軒銅鑼灣分店嘆茶, 他們都吃得幾滿意, 一於去近近地的太古分店吃晚巿吧!沿電梯上到一樓已看開放式的門口, 門前擺放了多塊大餐牌, 內裏環境光猛, 整齊企理, 感覺舒適, 以灰白色為主調, 雖鑲上大水晶吊燈, 但並不俗氣, 反而高貴典雅。大廳設有多張四人圓枱, 亦有十多人的大圓枱, 再走入一點則設有一排馬蹄型的四至五人卡座,  枱與枱之間有一定的空間, 令人坐得舒服。馬上細閱枱上的餐簿, 內有五款優惠重點推介、生猛海鮮、石鍋系列、時令推介、四至八位的套餐、廚師推介和精選甜品。另外還有多張的餐牌, 包括鮑翅套餐、老火湯、炖湯、廚師本月推介和激抵晚膳三寶, 選擇相當多, 真是需要較多時間慢慢選

媽咪生日都未同佢慶祝，今日襯有時間就約埋婆婆出黎一齊食飯。 同媽咪婆婆食飯緊係揀返中菜，而且地點要就腳，所以今次揀左太古既玉桃軒。 入面長方形，都幾大幾多座位。 望下Menu，都好多餸菜可以揀，晚膳三寶仲好抵食添，不過媽咪話想食4人套餐，所以由佢話事。 化皮乳豬 $168除左套餐之外，我另外再叫左乳豬黎試下。乳豬皮好脆，皮肉脂肪比例均勻，唔算好油膩，不過價錢就較貴。 家鄉自選套餐 $498套餐有好多個配搭，可以自己隨意配搭，連個菜都可以改為其他菜，自由度都幾高，而我當然又係俾返媽咪揀啦。 粟米魚肚羹一大鍋湯四個人分，每人都飲到兩至三碗，粟米羹香甜又多粟米粒，魚肚唔腥入口好嫩，湯內的魚膠粉不重唔會好杰，都幾好飲，我飲咗幾碗。 脆皮燒腩仔同乳豬一樣燒得皮脆肉嫩，腩肉亦啖啖肉，入口脆卜卜好惹味。 鳳梨生炒骨每次去酒樓必點的一道菜，因為好適合送飯，生炒骨炒得甘香，細細粒份量都幾多，炸粉不太厚，酸酸甜甜令人好開胃。 椒絲腐乳通菜腐乳味道香濃，通菜炒得夠爽口，翠綠色唔會好韌。 清蒸游水海石班石斑絕不細條，不過婆婆話唔鍾意食養魚，鍾意食海魚，所以成碟魚我食晒咁滯，魚肉都幾滑，再配上豉油都不錯。

好友要結婚了, 身為閨蜜之一的我們, 當然是要當姐妹團吧~ 要商議接新娘等遊戲項目, 當然是去酒樓較為方便~~而因銅鑼灣較近大家, 所以選圵利苑的玉桃軒~ 玉桃軒也不是第一次幫襯, 不要以為它走高級格調, 收費會很貴, 其實不會呢～ 經我這格價專員查探，它的小菜、套餐和燉湯都不貴, 甚至與我家附近的普通酒樓差不多, 而這裡的服務一向很好, 服務員有禮勤快, 給我感覺很好~ 這次到來一樣是點抵食套餐- 家鄉自選套餐 四位用都只是HKD 498, 己包湯品, 海石班一條/大花蝦四隻, 另外可選燒鵝或雙式拼盤 亦包小菜二碟, 感覺豐富抵食, 不過它是不包白飯, 要另外再點, 白飯大約HKD 13碗, 那如果只吃套餐, 計落每人只需百來元, 以晚飯來說不貴喲~ 我們點了例湯~~ 是清熱的冬瓜廋肉湯~~ 湯品入口清甜, 不會水"楊楊"~ 每人大約可分得二湯碗份量, 相當充足~ 另外它亦有湯渣送上, 可以沾些醬汁佐飯呢~ 接着點了燒鵝~ 燒鵝碟頭不少, 一大隻原隻斬件上, 份量足夠四人用呢~ 皮脆肉脆, 肉質不會過咸過老, 而且脂肪位不多, 女生表示不肥~ 西芹百合花枝~

超水準抵食之選玉桃軒 親戚一齊食飯既最佳地點~~ 星期一至五夜晚特級優惠 老京城片皮鴨 $138 燒鴨皮脆肉嫩又多汁 熱辣辣係你面前即刻切 可以選擇一食或者加錢兩食 例如用涼瓜炆或者做生菜包 以呢個價錢享受到咁既美食真係超值 砵酒焗日本珍珠蠔煲 $108 超鮮甜肥美既珍珠蠔 以砵酒煮到香噴噴 仲有一份甜味好惹味 份量亦都好足 抵食 另外點左個激抵晚膳三寶 $298 有半隻一品蒜香雞 皮脆肉嫩！雞肉滑到不得了 而且好好肉蒜味亦都好香好入味 原條清蒸海石班 份量十足絕對冇欺場而且火喉拿捏得好好 肉質鮮嫩 之後仲可以揀一款小菜 亦都係調味得宜 太正了 ~~咁既價錢同食物質素真係一絕地址:太古康山道1-2號康怡廣場北座M樓M1號舖

雖然同事已離職了, 但我又怎會忘記她的生日呢? 於是到了一間酒樓, 吃幾道小菜, 作為簡單的生日晚飯.散點了幾個小菜: 法式焗釀鮮響螺, 芝士波士頓龍蝦伊麵, 上湯雲耳浸勝瓜及士多啤李骨.法式焗釀鮮響螺率先送來, 焗得熱辣辣的. 我第一次吃焗釀響螺是在去年朋友的婚宴上, 今次能有緣再吃的確太好了. 無疑, 海螺的殼頗大, 可是, 裡面鑲入了大量蘑菇粒, 洋蔥粒, 芝士及薯蓉的混合物, 質地綿滑卻不失香口惹味, 爽口的洋蔥碎粒亦增強了口感, 大家也吃得滿足. 記著, 吃的時候, 小心燙咀哦!這碟特價的芝士波士頓龍蝦伊麵, 絕沒有將貨就價. 開邊的原隻龍蝦不單止大隻兼肉厚, 且肉質緊緻彈牙. 芝士汁雖然未算十分濃郁, 但當伊麵索滿芝士汁後, 亦沒有變得軟扒扒. 這碟龍蝦配了伊麵底, 也只售$158而已. 抵吃之選.很喜歡這碟上湯雲耳浸勝瓜. 上湯, 雲耳及勝瓜皆是清淡之物. 上湯既不過份的鹹, 也不太油膩, 雲耳超爽口, 而切片的勝瓜清清甜甜的, 滿有瓜汁, 份量也很多, 很抵吃.士多啤李骨是令我有點失望的菜式. 排骨雖然已吸收了士多啤李的甜酸味, 但它不似炸過, 欠缺鬆脆, 也沒有什麼肉

雖然生日已經過左，但生日飯絕對唔會走數，四個人近近地去左太古一間酒家食小菜。晚上都幾多人係度食飯，睇睇餐牌，既有套餐，又可單點小菜，都幾多選擇。化皮乳豬 $168難得有人生日，叫左化皮乳豬賀下佢。乳豬皮夠晒脆，而皮下有薄薄既肥膏同埋肉，好滿足既感覺。家鄉自選套餐 $498粟米魚肚羹大大窩既粟米魚肚羹，每人飲到兩碗有多，入口啖啖粟米粒，味道唔會咸過頭，又唔會食到魚腥味。脆皮燒腩仔燒腩仔皮薄而脆，肉同脂肪比例幾好，食落口感豐富。鳳梨生炒骨酸酸甜甜，醬汁充足，色彩亦豐富，餸飯一流。美中不足係骨位比較多。椒絲腐乳通菜本身係配唐生菜，但大家都食想通菜，餐廳都好好可以比我地咁樣轉。通菜都炒得幾入味，而且食落唔辣。清蒸游水海石班都幾大條魚，而且好多肉。石班蒸出嚟岩岩好，唔會過左龍，同時個芡打得幾好，連埋石班一齊食十分開胃。紫米露 $10糖水揀左紫米露，甜度適中，紫米唔會痴埋一舊。有時生日未必需要咁豪既一餐，特別對象係上左年紀既人，簡簡單單既一餐小菜佢地已經好滿足。

難得放假所以同屋企人去左飲個茶一黎到叫左個豆苗，好耐冇食過豆苗，呢個豆苗好清，而且好有大自然嘅味道食完菜即刻食左油炸野，呢個係九肚魚個皮炸到好脆，入面啲魚肉好滑，一啲都唔腥而且冇骨個灌湯餃入面好多料，不過就散左小小。佢個皮好薄一夾就好易爛所以要好小心咁食蝦餃燒賣必叫嫁啦！燒賣啲豬肉好新鮮，而蝦餃啲蝦就好爽。除左呢兩樣，仲叫左菜苗餃，呢隻菜苗餃唔止得豆苗咁簡單，佢仲有好多菜響入面嫁！