玉桃軒酒家 (康怡廣場) (已結業)

夜晚收工去左太古睇戲,食完野先去睇,又想食片皮鴨所以就去左玉桃軒食。可能太早去食,仲有好多位,但到我地食飽走果陣都差唔多坐滿晒人。片皮鴨只得成隻叫,我地又只系得3個人食唔晒,最後叫左4樣菜, 瑤柱蛋白炒飯,鎮江醋排骨,紅燒BB鴿,三色蛋泡時菜。野食都唔錯,上得又快,全部都新鮮滾熱辣,香噴噴。系紅燒BB鴿太細隻,無咩肉,不過燒得好香同個皮都脆。個鎮江醋排骨好正,酸酸甜甜,又多肉,啖啖肉,D汁撈飯一流。炒飯份量好大,一人食三碗都得,炒得好香同幾乾身,真系有好多瑤柱無呃人。